Կարտոֆիլ

Կարտոֆիլ
Կարտոֆիլի պալարներ
Գիտական դասակարգում
Թագավորություն Բույսեր
Լատիներեն անվանում
Cercis
Դասակարգումը Վիքիցեղերում Պատկերներ Վիքիպահեստում ITIS 505272 NCBI 4113

Կարտոֆիլը (լատ.` Solánum tuberósum ) օսլա պարունակող պալարապտղավոր մշակաբույս է: «Կարտոֆիլ» բառը նկարագրում է բուն կարտոֆիլ բուսատեսակը, սակայն առավել հաճախ մարդիկ «կարտոֆիլ» ասելով հասկանում են ուտելի պալարները: Գյուղատնտեսության ասպարեզում կարտոֆիլը մշակվում է պարենային, կերային և տեխնիկական նպատակների համար: Կարտոֆիլը մարդու կողմից տասնյակ կերակրատեսակների ձևով օգտագործվում է ամբողջ տարվա ընթացքում, ինչի համար այն հաճախ անվանվում է «երկրորդ հաց»:

Կարտոֆիլի պալարը պարունակում է մինչև 75% ջուր, 25% չոր նյութեր, որից օսլա` 17-22%, սպիտակուցային նյութեր` 2%: Այն պարունակում է C, B1, B2, B6, PP և A վիտամինները: 300գ եփած կարտոֆիլը պարունակում է 21մգ ասկորբինաթթու, որը 30-50%-ի չափով բավարարում է մարդու օրական C վիտամինի պահանջը:

Ծագումը

Կարտոֆիլի հայրենիքը Հարավային Ամերիկան է (Չիլի, Պերու, Բոլիվիա), որտեղ դրա մշակությունը բնիկներին հայտնի է եղել դեռ մեր թվարկությունից առաջ: Եվրոպական երկրներում կարտոֆիլի մշակությունը սկսվել է 16-րդ դարի վերջերին:

Կարտոֆիլից պատրաստված տարբեր ուտեստներ

Կարտոֆիլի համաշխարհային ցանքատարածությունները

Արտաքին հղումներ

• GLKS Կարտոֆիլի բազա
• Centro Internacional de la Papa
• Կարտոֆիլի համաշխարհային կոնգրես
• Կարտոֆիլի բրիտանական խորհուրդ

Հետաքրքիր փաստեր

• Գինեսի գրքում գրանցված ամենամեծ կարտոֆիլի քաշը կազմել է ավելի քան 8կգ.