Մարտունի (Գեղարքունիքի մարզ)

Վիքիպեդիայից՝ ազատ հանրագիտարանից
Քաղաք
Մարտունի
Martuni Armenia2.jpg
Մարտունին երեկոյան
40°08′24″ հս. լ. 45°18′23″ ավ. ե. / 40.14° հս. լ. 45.306389° աե. ե.
Երկիր Հայաստան Հայաստան
Մարզ Գեղարքունիքի մարզ
Քաղաքապետ Բագրատ Հարությունյան
Խոսվող լեզուներ Հայերեն
Բնակչություն 11 987 մարդ (2009)
Ազգային կազմ Հայեր
Կրոնական կազմ Հայ Առաքելական եկեղեցի
Ժամային գոտի UTC+4
Հեռախոսային կոդ +374 (262)
Փոստային ինդեքսներ 1401, 1402
##Մարտունի (Գեղարքունիքի մարզ) (Հայաստան)
Red pog.png
##Մարտունի (Գեղարքունիքի մարզ) (Գեղարքունիքի մարզ)
Red pog.png

Մարտունի, քաղաք Հայաստանի Հանրապետության Գեղարքունիքի մարզում։ Գտնվում է ծովի մակարդակից 1950 մ բարձրության վրա։ Իր անունն ստացել է հայ մեծ հեղափոխական Ալեքսանդր Մյասնիկյանի պատվին, ում ծածկանունը Մարտունի էր։ [1]

Աշխարհագրություն[խմբագրել]

Քաղաքը գտնվում է Սևանա լիճ հարավ-արևմուտքում՝ Երևանից 126 կմ հեռավորության վրա։ Հյուսիսում՝ լճի և քաղաքի միջև տարածվում է սոսիների, ուռենիների և եղևնիների անտառը։ Հարավում՝ Սելիմի լեռնանցքի ուղղությամբ, գտնվում է Վարդենիսի լեռնաշղթան։ Ամառվա երեք ամիսներն արևոտ են, գարունն ու աշունը՝ մեղմ։ [1]

Պատմություն[խմբագրել]

Ըստ ավանդության՝ Մարտունու տեղում աղբյուր է եղել, և բնակիչները շատ խնայողաբար են օգտագործել ջուրը։ Մի անգամ Ծովինար անունով մի նորահարս պատահաբար բաց է թողնում ջրի ծորակը, և մինչև լույս աղբյուրի ջուրը հոսելով՝ լիճ է դառնում։ Առավոտյան աղբյուր այցելող առաջին կինը տեսնում է լիճը, անիծում ջուրը բացողին, և հարսը քարե արձան է դառնում։ Այդպես ստեղծվում են լիճը և փոքրիկ գյուղը լճի ափին։ [1]

Մշակույթ[խմբագրել]

Մարտունու պատկերասրահ[խմբագրել]

Մարտունու պատկերասրահը ՀՀ ազգային պատկերասրահի մասնաճյուղն է, որտեղ ներկայացված են սոցռեալիզմին վերաբերող կտավներ, ինչպես նաև տեղի նկարիչների աշխատանքներ։ Այս պատկերասրահում կարելի է տեսնել մի ծառի կոճղի՝ խաչքարով, որը գտել են ծառի մեջից։ Տեղի բնակիչների պնդմամբ՝ այդտեղից դուրս հորդող էներգիայի շնորհիվ խաչքարը կարող է երազանքներ իրականացնել։ [1]

Ծանոթագրություններ[խմբագրել]

  1. 1,0 1,1 1,2 1,3 Գեղարքունիքի մարզի ուղեցույց, 2012թ