Բերդ (քաղաք)

Վիքիպեդիայից՝ ազատ հանրագիտարանից
Nuvola single chevron right.svg Անվան այլ գործածումների համար տես՝ Բերդ (այլ կիրառումներ)
Բերդ
Berd landscape.jpg
Բերդի համայնապատկերը
40°52′51″ հս. լ. 45°23′30″ ավ. ե. / 40.880833° հս. լ. 45.391667° աե. ե.
Երկիր Հայաստան Հայաստան
Մարզ Տավուշի մարզ
Այլ անվանումներ Ոլորութ, Բերդագյուղ, Բերդգյուղ
Մակերես 31.535[1] կմ²
Բնակչություն 8 561[2] մարդ (2008)
Ազգային կազմ Հայեր
Կրոնական կազմ Հայ Առաքելական եկեղեցի
Ժամային գոտի UTC+4
Հեռախոսային կոդ +374 (267)
Փոստային ինդեքս 4201
Ավտոմոբիլային կոդ 5
##Բերդ (քաղաք) (Հայաստան)
Red pog.png
##Բերդ (քաղաք) (Տավուշի մարզ)
Red pog.png
Մաշտոցի պողոտան

Բերդ, քաղաք է Հայաստանի Հանրապետության Տավուշի մարզում։

Աշխարհագրություն[խմբագրել]

Գտնվում է Տավուշ գետի ձախ ափին, հեռավորությունը Երևանից 202 կմ է[2]։ Շրջապատված է ոչ բարձր սարերով։ Բերդի շրջանում գտնվում են Նավուր, Չինչին, իծաքար, Տավուշ և Վերին Կարմիրաղբյուր, Ներքին Կարմիրաղբյուր, Այգեպար, Մովսեսգյուղ, Այգեձոր, Նորաշեն, Չորաթան, Չինարի, Արծվաբերդ, Ծաղկավան, Վարագավան, Պառավաքար գյուղերը։

Քաղաքի մոտ գտնվում են X դարի հայկական Տավուշ ամրոցի ավերակները, Նոր Վարագավանք և Խորանաշատ (XII-րդ դար) վանքերը, կիկլոպյան ամրոց (մ. թ. ա. I հազարամյակ) և Բերդի թանգարանը։

Տարեգրության էջեր[խմբագրել]

Մատենագրության մեջ Բերդը հիշատակվում է նաև Բերդագյուղ, Բերդգյուղ, Թավուզղալա, Թուզկալա, Թաուզքենդ, Թովուզկալա, Թոուս, Թոուս ղալե, Ղալաքյանդ, Շլորուտ, Ոլորուտ անուններով։ Քաղաքատիպ անվան, նախկին Շամշադինի վարչական շրջանի կենտրոնն է, գտնվում է Կուրի աջակողմյան վտակ Տավուշ գետի ձախ ափին՝ շրջապատված է ոչ բարձր լեռներով, որոնց լանջերին տեղ-տեղ կան թփուտներ։ Անունը ստացել է Տավուշ բերդի անունից։ Տեղանքը ընդարձակ է, կաթսայաձև իջվածք, որի միայն արևելյան կողմը երիզում է Խնձրուտի լեռնաշղթան, իսկ մյուս կողմերը օղակված են Տավուշ լեռնաշղթայի ճյուղերով։ Բնակավայրի կենտրոնական հատվածը ծովի մակարդակից 909 մ վրա է գտնվում, իսկ բնակավայրը կիսող առուն ձախից Տավուշ գետն է թքփվում 877 մ բարձրության վրա։ Բնակավայրը մոտիկից երիզող Կարմիր քարը, Սորան և Տավուշ բերդի վերջին հատվածը ծովի մատարդակից 1100-1200 մ բարձրություն ունեն, իսկ ավելի հեռվից օղակող լեռների գագաթները՝ Արջաքարը, Արամա և Թեղուտ սարերը, հատում են 1500 մ և ավելի բարձր մակարդակները։ Բնիկները նախկինում տեղահանվել, գերեվարվել ու ոչնչացվել են։ Ներկա բնակչությունը սերվում է այլ վայրերից՝ Ղարաբաղից, Վրաստանից, Երևանի նահանգներից եկած ընտանիքներից։ Վերաբնակվածները, նրանց սերունդները կապ են հաստատել այլ վայրերի մարդկանց հետ, որտեղից տեղափոխվել են իրենց նախնիները։

Անվանում[խմբագրել]

Բերդը իր անունը ստացել է տեղական ամրոցից։

Հայտնի անձինք[խմբագրել]

  • Ժիրայր Անանյան - հայ դրամատուրգ, ԽՍՀՄ գրողների միության անդամ
  • Գնել Մեջլումյան - հայ ըմբիշ, Երիտասարդների աշխարհի և Եվրոպայի չեմպիոն, մեծահասակների Եվրոպայի չեմպիոն

Տես նաև[խմբագրել]

Արտաքին հղումներ[խմբագրել]

Արտաքին հղումներ[խմբագրել]