Վերին Ծաղկավան

Վիքիպեդիայից՝ ազատ հանրագիտարանից
Nuvola single chevron right.svg Անվան այլ գործածումների համար տես՝ Ծաղկավան (այլ կիրառումներ)
Գյուղ
Վերին Ծաղկավան '
40°56′31″ հս. լ. 45°19′52″ ավ. ե. / 40.941944° հս. լ. 45.331111° աե. ե.
Երկիր Հայաստան Հայաստան
Մարզ Տավուշի մարզ
Կլիմայի տեսակ մերձարևադարձային
Բնակչություն 958[1] մարդ (2008)
Ժամային գոտի UTC+4
##Վերին Ծաղկավան (Հայաստան)
Red pog.png
##Վերին Ծաղկավան (Տավուշի մարզ)
Red pog.png

Վերին Ծաղկավան, գյուղ Հայաստանի Հանրապետության Տավուշի մարզում, բերդի տարածաշրջանում, Վարագաջուր գետի ափին, մարզկենտրոնից 41 կմ հյուսիս-արևելք։ Բնակավայրը գտնվում է ծովի մակերևույթից 750 մ բարձրության վրա։ 1922թ. ուներ 501, 1926-ին՝ 650, 1939-ին՝ 1105, 1959-ին՝ 1011, 1970-ին՝ 1233, 1979-ին՝ 1100, 1989-ին՝ 914, 2001-ին՝ 996, 2004-ին՝ 1034 բնակիչ, որոնց նախնիները 1920թ. այստեղ են տեղափոխվել հարևան Վարագավան գյուղից։ Բնակչությունը զբաղվում է անասնապահությամբ, ծխախոտագործությամբ, այգեգործությամբ, հացահատիկի և կարտոֆիլի մշակությամբ։

Գյուղից 6 կմ հարավ-արևմուտք, ձորալանջին, անտառի մեջ է գտնվում Շխմուրադի Սուրբ Աստվածածին վանական համալիրը (12-13 դար)՝ կազմված եկեղեցուց, մատուռից և երկու գավթից։ Եկեղեցին (1181թ) կառուցված է սպիտակագույն ֆելզիտից, լավ է պահպանված և ունի գմբեթավոր դահլիճի հորինվածք՝ մեկ զույգ որմնամույթով։ Ուղղանկյուն ավանդատների մուտքը բեմից է։ Արևելյան ճակատը մշակված է զույգ խորշերով։ Համալիրի հարավ-արևելքում կիսավեր, միանավ մատուռն է։ Վանքի գավիթները եկեղեցու հարավային և արևմտյան կողմերում են։ Արևմտյան գավիթը քառակուսի հատակագծով դահլիճ է, մեկ զույգ ութանիստ մույթով, որոնցից դեպի եկեղեցու ճակատի որմնամույթերը ձգվող կամարների վրա բարձրանում է երդիկով ավարտվող կենտրոնական հատվածը։

Գյուղի շրջակայքում պահպանվել են մ.թ.ա. 1-ին հազարամյակին «Պախրախաչ», մ.թ.ա. 6-րդ-5-րդ դարերում «Բերդաքար» և մ.թ.ա. 1-ին հազարամյակում «Կալքար» ամրոցները; 13-17 դարերում «Քարագլուխ», «Հախսու» և «Ճաքած գյուղ» գյուղատեղիները։ [2]

Ծանոթագրություններ[խմբագրել]