Վարդենիս

Քաղաք Վարդենիս Վարդենիսի թաղամասերից մեկը 40.18, 45.7240°10′48″ հս. լ. 45°43′12″ ավ. ե.40.18° հս. լ. 45.72° աե. ե. Երկիր ՀայաստանՀայաստան Մարզ ԳեղարքունիքիԳեղարքունիքի մարզ|Գեղարքունիքի Այլ անվանումներ Վասակաշեն Բարձրություն ծովի մակարդակից 1940—2000 մ Խոսվող լեզուներ Հայերեն Բնակչություն 12 753 մարդ (2001) Ազգային կազմ Հայեր Կրոնական կազմ Հայ Առաքելական եկեղեցի Տեղաբնականուն վարդենիսցի Ժամային գոտի UTC+4, ամառը UTC+5 Հեռախոսային կոդ +374 (269) Փոստային ինդեքսներ 1601—1603 Նյութեր Վիքիպահեստում

Վարդենիսը քաղաք Հայաստանի Գեղարքունիքի մարզում, Սևանա լճից մոտ 5 կմ հարավ-արևելք՝ Մեծ Հայքի Սյունիք նահանգի Սոդք գավառում։ Բնակչությունը 12753 մարդ (2001 թ. մարդահամարով)։ Գտնվում է ծովի մակարդակից 1940-2000 մ. բարձրության վրա։ Ըստ ավանդության բնակավայրը հիմնել է Հայկ նահապետի թոռ Գեղամը և կոչել Գեղամաբակ։ Այդ մասին անուղղակի կարող են վկայել բնակավայրի տարածքում պահպանված մ. թ. ա 3-1 հազարամյակների դամբարանները։

Մ. թ. 9-րդ դարում Սյունյաց Գաբուռն Վասակ իշխանը նորոգել է գյուղը և վերանվանել Վասակաշեն։ Սյունյաց իշխանի կառուցած եկեղեցու տեղում 20-րդ դարի սկզբին կառուցվել է նոր եկեղեցի՝ Սուրբ Աստվածածին։ 16-18-րդ դարերում բնակավայրն անվանել են Ոսկեշեն։ 19-րդ դարի սկզբին բնակչությունը գաղթել է Վրաստան։ 1829-30 թվականներին բնակավայրում բնակություն են հաստատել Արևմտյան Հայաստանի Դիադին (հնում՝ Տատեոն) գյուղաքաղաքից գաղթած հայրեը։ Բնակավայրը մինչև 1969 թ. կոչվել է Բասարգեչար, այնուհետև՝ Վարդենիս։ Բնակավայրի տարածքում պահպանվել են նաև միջնադարյան խաչքարեր (15-18-րդ դարեր)։ Սուրբ Աստվածածին վանքում ստեղծագործել է Հովհաննես Ծարեցին։ Վարդենիսում է ծնվել ակադեմիկոս Համազասպ Համբարձումյանը՝ Վիկտոր Համբարձումյանի հայրը։ Վարդենիսում է գտնվում վերջինիս տուն-թանգարանը և կիսանդրին։ Քաղաքի երբեմնի զարգացած արդյունաբերական ձեռնարկություններից մնացել և գործում են միայն սննդի (կաթնամթերք, հացամթերք) ձեռնարկությունները։ Բնակչությունն հիմնականում զբաղվում է գյուղատնտեսությամբ և սպասարկմամբ։