Մարալիկ

Քաղաք Մարալիկ 40.572222, 43.86694440°34′20″ հս. լ. 43°52′01″ ավ. ե.40.572222° հս. լ. 43.866944° աե. ե. Երկիր ՀայաստանՀայաստան Մարզ ՇիրակիՇիրակի մարզ|Շիրակի Քաղաքապետ Արտակ Գևորգյան Առաջին հիշատակում 5-րդ դար Այլ անվանումներ Միկոյան Բարձրություն ծովի մակարդակից 1 920 մ Պաշտոնական լեզու Հայերեն Ազգային կազմ Հայեր Կրոնական կազմ Հայ Առաքելական եկեղեցի Տեղաբնականուն մարալիկցի Ժամային գոտի UTC+4, ամառը UTC+5 Հեռախոսային կոդ +374 (242) Փոստային ինդեքս 2901

Մարալիկը փոքր քաղաք է Հայաստանի Շիրակի մարզում. բնակչությունը` 7700.0, մակերեսը` 4.06 քառ. կմ: Պարսկական և թուրքական բռնակալական տերությունների դարավոր լծից Արևելյան Հայաստանի վերջնական ազատագրումից (1826-28թթ) հետո Մարալիկում (այն ժամանակ` Մոլլա-Գյուկչա), ըստ ծխական հաշվառման, բնակություն հաստատեցին Արևմտյան Հայաստանի Մուշ, Տարոն, Խնուս, Վերին Բասեն, Ալաշկերտ, Էրզրում բնակավայրերից տեղափոխված 59 ընտանիք՝ 371 մարդ:

1927թ. հոկտեմբերի 28-ին ՀԽՍՀ Կենտգործկոմի որոշմամբ Մոլլա-Գյոկչան վերանվանվեց Կապուտան: 1929թ. Կապուտանն ընդգրկվում է Լենինականի գավառի կազմում: 1935թ. հուլիսի 26-ին ՀԽՍՀ Կենտգործկոմի որոշմամբ Կապուտանը վերանվանվեց Մարալիկ:

1962թ. Մարալիկն ստանում է քաղաքատիպ ավանի կարգավիճակ: 1991թ.սեպտեմբերի 21-ից Մարալիկը անկախ Հայաստանի Հարապետության Անիի շրջանային կենտրոնն էր: 1996թ. ընդգրկվում է Շիրակի մարզի կազմում:

Քաղաքի վարչատարածքում կա 1800 հա վարելահող, որից 240 հա ոռոգելի:

Մարալիկի Սուրբ Ամենափրկիչ եկեղեցին կառուցվել է 1903 թվականին։ Մարալիկը հայտնի է վարչատարածքում եղած վաղ և ուշ միջնադարյան խաչքարներով։

Մարալիկի ամենախոշոր արդյունաբերական ձեռնարկությունը բամբակամանվածքային ֆաբրիկան է (ունեցել է մոտ 2000 աշխատող), որն այժմ մասամբ է գործում: Ամենահինը Լուսատեխնիկական էլէկտրասարքավորումների գործարանն է (1962թ.), որն ունեցել է 600 աշխատող, այժմ չի գործում: Ներկայումս չեն գործում նաև շինանյութերի և շինիրերի կոմբինատը, երեք շինարարական կազմակերպությունները, պանրագործարանը, ավտոտրանսպորտային ձեռնարկությունը, երկաթուղային կայարանը, կինոթատրոնը, կենցաղային սպասարկման կոմբինատը: Գործում են կապի և փոստային ծառայությունները, երկու դպրոցները, ուսումնարանը, մշակույթի տունը, շրջանային գրադարանը, հյուրանոցը, երկու նախադպրոցական հիմնարկ, հանրային սննդի օբյեկտներ և այլն:

Քաղաքը գտնվում է ծովի մակարդակից 1920 մ բարձրության վրա։ Այստեղով անցնում են Գյումրի-Թալին-Երևան մայրուղին և Մարալիկ-Արթիկ-Գյումրի երկաթգիծը։

Մարալիկից դուրս գտնվող ռեստորանային համալիր, որի դիմաց գտնվում է Նոր գերեզմանատունը

Արտաքին հղումներ

• World-Gazetteer.com