Սերժ Սարգսյան

Վիքիպեդիայից՝ ազատ հանրագիտարանից
Սերժ Ազատի Սարգսյան
Սերժ Ազատի Սարգսյան
Դրոշ
(3-րդ) Հայաստանի Հանրապետության նախագահ
Դրոշ
 ապրիլի 9, 2008
Նախորդող Ռոբերտ Քոչարյան
Դրոշ
(11-րդ) ՀՀ վարչապետ[1]
ապրիլի 4, 2007 - ապրիլի 9, 2008
Նախորդող Անդրանիկ Մարգարյան
Հաջորդող Տիգրան Սարգսյան
Դրոշ
(7-րդ) ՀՀ պաշտպանության նախարար
2000 - 2007
Նախորդող Վաղարշակ Հարությունյան
Հաջորդող Միքայել Հարությունյան
Դրոշ
(4-րդ) ՀՀ Ներքին գործերի նախարար
1996 - 1999
Նախորդող Վանո Սիրադեղյան
Հաջորդող Սուրեն Ջ. Աբրահամյան
Դրոշ
(5-րդ) ՀՀ Ազգային անվտանգության նախարար
1995 - 1996
Նախորդող Դավիթ Շահնազարյան
Հաջորդող Կառլոս Պետրոսյան
Դրոշ
(3-րդ) ՀՀ պաշտպանության նախարար
1993 - 1995
Նախորդող Վազգեն Մանուկյան
Հաջորդող Վազգեն Սարգսյան
 
Կուսակցություն՝ Հանրապետական
Կրթություն՝ Երևանի պետական համալսարան
Մասնագիտություն՝ բանասեր
Ազգություն հայ
Դավանանք Հայ Առաքելական եկեղեցի Հայ Առաքելական եկեղեցի
Ծննդյան օր հունիսի 30, 1954 (1954-06-30) (60 տարեկան)
Ծննդավայր Ստեփանակերտ, Արցախ
Հայր Ազատ Սարգսյան
Մայր տիկին Նորա
Ամուսին Ռիտա Սարգսյան
Զավակներ Երկու դուստր՝ Անուշ և Սաթենիկ
 
Ինքնագիր Ինքնագիր
 
Պարգևներ

I աստիճանի «Մարտական խաչ» շքանշան Տիգրան Մեծի շքանշան

Պատվավոր Լեգեոնի շքանշանի մեծ խաչի ասպետ «Վաստակի համար» շքանշանի մեծ խաչի ասպետ (Ֆրանսիա) Ոսկե գեղմի շքանշան (Վրաստան) I աստիճանի Իշխան Յարոսլավ Իմաստունի շքանշան (Ուկրաինա) Պատվո շքանշանի ասպետ (Վրաստան) Սերբիայի Հանրապետության ժապավեն

Մեդալ «Աստանայի 10 ամյակ» «Կալինինգրադի մարզին  մատուցած ծառայությունների համար» շքանշան

Արցախի Հանրապետության Ազգային հերոս («Ոսկե արծիվ» շքանշան)

Սերժ Ազատի Սարգսյան (ծնվ. 1954, հունիսի 30, Ստեփանակերտ), Հայաստանի Հանրապետության նախագահ (2008-2013 թթ., 2013թ.- ներկա), ՀՀԿ նախագահ (2007 թվականից), Երևանի պետական համալսարանի կառավարման խորհրդի և Հայաստանի շախմատի ֆեդերացիայի նախագահ։

Կենսագրությունը[խմբագրել]

Կրթությունը[խմբագրել]

Սերժ Սարգսյանը ավարտել է Ստեփանակերտի միջնակարգ դպրոցը։ 1971 թվականին ընդունվել է Երևանի պետական համալսարան։ 1979 թվականին ավարտել է ԵՊՀ բանասիրական ֆակուլտետը։

Աշխատանքային գործունեությունը[խմբագրել]

Ծառայել է խորհրդային բանակում։ Աշխատանքային գործունեությունը սկսել է 1975 թվականին Երևանի էլեկտրատեխնիկական գործարանում՝ որպես խառատ, աշխատել է մինչև 1979 թվականը։ 1979-88-ին ԼԿԵՄ Ստեփանակերտի քաղկոմի բաժնի վարիչ, ապա՝ երկրորդ քարտուղար, առաջին քարտուղար, կոմկուսի Ստեփանակերտի քաղկոմի պրոպագանդայի և ագիտացիայի բաժնի վարիչ, ԼՂ մարզկոմի առաջին քարտուղարի օգնական,

Արցախյան շարժումն ու պատերազմը[խմբագրել]

1989-93-ին ղեկավարել է ԼՂՀ ինքնապաշտպանության ուժերի կոմիտեն։ Սերժ Սարգսյանին է պատկանում Արցախյան պատերազմի ժամանակ տարածված «Մենք այս պատերազմում կհաղթենք, եթե մեզանից յուրաքանչյուրը պատերազմը համարի իրենը՝ որպէս համազգային ու ամեն ինչ վճռող գոյապայքար» հայտնի կարգախոսը[2]։

Քաղաքական գործունեությունը[խմբագրել]

1990-ին Հայաստանի Գերագույն խորհրդի պատգամավոր, 1993-95-ին՝ ՀՀ պաշտպանության նախարար, 1995-96-ին՝ ՀՀ պետական անվտանգության վարչության պետ, ապա՝ ազգային անվտանգության նախարար, 1996-99-ին՝ ՀՀ ներքին գործերի և ազգային անվտանգության նախարար, 1999-2000-ին՝ ՀՀ նախագահի աշխատակազմի ղեկավար, 1999-2007-ին՝ ՀՀ նախագահին առընթեր ազգային անվտանգության խորհրդի քարտուղար, 2000-2007-ին՝ ՀՀ պաշտպանության նախարար, 2007-2008-ին՝ ՀՀ վարչապետ, 2008 թ. ապրիլի 9-ից՝ ՀՀ նախագահ։[3]

2008թ.-ի նախագահական ընտրություններ[խմբագրել]

ՀՀ վարչապետ Սերժ Սարգսյանը առաջադրեց իր թեկնածությունը 2008թ.–ի փետրվարի 19-ին նշանակված Հայաստանի Հանրապետության 5-րդ նախագահական ընտրություններին[4]։ Փետրվարի 19–ին տեղի ունեցած ընտրություններում ՀՀ Կենտրոնական ընտրական հանձնաժողովը հայտարարեց, որ ընտրություններին մասնակցել է 1671027 մարդ, որից Սերժ Սարգսյանի օգտին՝ 862369, այսինքն՝ 52.82%, իսկ Լևոն Տեր–Պետրոսյանի օգտին՝ 351222, այսինքն՝ 21.5%։[5] Այսպիսով Ս․Սարգսյանը ընտրվում է ՀՀ երրորդ նախագահ։[6] Հաջորդ օրը նախագահի նախկին թեկնածու Տեր–Պետրոսյանը և նրա ղեկավարած քաղաքական ուժը համապետական հանրահավաք են անցկացնում՝ մերժելով ՀՀ ԿԸՀ–ի հրապարակած տվյալները։ Երևանի ազատության հրապարակում սկսվում են անընդմեջ բողոքի ակցիաներ (տես՝ Բողոքի ակցիաներ Երևանում 2008 թ.Մարտի 1–ի լույս 2–ի գիշերը ժամը 6։20–ին ոստիկանական ստորաբաժանումները մահակների և արդյունքաբեր գազի կիրառմամբ մտան Ազատության հրապարակ՝[7] այնտեղից հեռացնելով քնած ցուցարարներին։ Կեսօրից հետո լոկալ ընդհարումները վերափոխվում են զանգվածային ընդհարումների ՀՀ Ներքին զորքերի և ժողովրդի միջև Երևանի քաղաքապետարանի շենքի դիմացի հրապարակում և հարակից փողոցներում։ Արդեն երեկոյան նախագահ Ռոբերտ Քոչարյանը ցույցերը ճնշելու նպատակով հայտարարեց արտակարգ դրություն և ՀՀ Զինված ուժերի ստորաբաժանումները մտցրեց մայրաքաղաք[8]։

Այս իրադարձությունները խորը ճգնաժամ ստեղծեցին հասարակական–քաղաքական դաշտում[9]։

2013թ․–ի նախագահական ընտրություններ[խմբագրել]

    1rightarrow.png Հիմնական հոդված՝ ՀՀ նախագահի ընտրություններ 2013


Ընտանիքը[խմբագրել]

Ամուսնացել է 1983 թվականին։ Կինը՝ Ռիտա Սարգսյանը, ծնվել է Ստեփանակերտում՝ զինվորականի ընտանիքում։ Մասնագիտությամբ երաժշտության ուսուցչուհի է[10]։ Ունի երկու դուստր՝ Անուշն ու Սաթենիկը[11], և չորս թոռնիկ՝ Մարիամը, Արան, Սերժը և Ռիտան։

Սերժ Սարգսյանը ունի երկու եղբայր՝ Ալեքսանդր և Լևոն Սարգսյանները։

Սերժ Սարգսյանի ծնողների տունը գտնվում է Ստեփանակերտի Տեղեցոնց կոչվող թաղամասում (այստեղ ժամանակին բնակություն են հաստատել Գորիսի Տեղ գյուղի բնակիչները): Հայրը՝ Ազատ Ավետիսի Սարգսյանը, մահացել է 2013 թվականի դեկտեմբերի 16-ին[12]:

Կոչումներ և Պարգևներ[խմբագրել]

Աղբյուրներ[խմբագրել]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են
Վիքիդարանը
Վիքիդարանը ունի բնօրինակ գործեր, որոնց հեղինակն է՝

Արտաքին հղումներ[խմբագրել]

Commons-logo.svg