Տիգրան Սարգսյան

Վիքիպեդիայից՝ ազատ հանրագիտարանից
1rightarrow blue.svg Անվան այլ գործածումների համար տես՝ Տիգրան Սարգսյան (այլ կիրառումներ)
Տիգրան Սուրենի Սարգսյան
Tigran Sargsyan.jpg
Տիգրան Սարգսյանը
Ծնվել է հունվարի 29, 1960
Ծննդավայր Կիրովական, ՀՍՍՀ
Քաղաքացիություն Հայաստանի Հանրապետություն
Ազգություն հայ
Կրոն քրիստոնեություն
Աշխատանք ԱՄՆ-ում ՀՀ արտակարգ և լիազոր դեսպան
(2014թ. հունիսի 26-ից)
Պարգևներ և
մրցանակներ՝
«Հայրենիքին մատուցած
ծառայությունների համար»

1-ին աստիճանի Անանիա Շիրակացու մեդալ

Տիգրան Սուրենի Սարգսյան (ծնվել է 1960թ. հունվարի 29, Կիրովական, այժմ՝ Վանաձոր), հայ քաղաքական և պետական գործիչ, ԱՄՆ-ում ՀՀ արտակարգ և լիազոր դեսպան։ Հայաստանի նախկին վարչապետ (2008 թ. ապրիլի 9-ից մինչև 2014թ. Ապրիլի 3-ը)։ ՀՀ կենտրոնական բանկի նախագահ 1998թ. մարտի 3-ից (վերանշանակվել է 2005թ. մարտի 2-ին) մինչև 2008թ. ապրիլի 9[1])։ Մասնագիտությամբ՝ տնտեսագետ, տնտեսագիտական գիտությունների թեկնածու։

Կրթությունը[խմբագրել]

1977-1978 թթ.՝ Երևան, տեխնիկական թիվ 14 ուսումնարան

1978-1980 թթ.՝ Երևան, Ժողովրդական տնտեսության ինստիտուտ, Պլանավորման և տնտեսության ֆակուլտետ

1980-1983 թթ.՝ Լենինգրադ, Ռուսաստան, Ն. Ա. Վոզնեսենսկու անվան ֆինանսա-տնտեսական ինստիտուտ, գերազանցության դիպլոմ

1983-1987 թթ.՝ Ն. Ա. Վոզնեսենսկու անվան ֆինանսա-տնտեսական ինստիտուտի ասպիրանտուրա «Տարածաշրջանային սոցիալ-տնտեսական զարգացման պլանավորումը Հայաստանի օրինակով» թեմայով թեզ, տնտեսագիտական գիտությունների թեկնածու

1994 թ.՝ Վաշինգտոն, ԱՄՆ, «Օրինաստեղծ գործունեություն», Իրավունքի միջազգային ինստիտուտ

1996-1997 թթ.՝ Վաշինգտոն, ԱՄՆ, Համաշխարհային բանկ, «Բանկերի արդյունավետ կառավարում», Տնտեսական զարգացման ինստիտուտ։

Աշխատանքային գործունեություն[խմբագրել]

1987-1990 թթ.՝ Տնտեսության և պլանավորման գիտահետազոտական ինստիտուտ, ավագ գիտաշխատող, միջազգային տնտեսական կապերի խմբի ղեկավար

1988-1993 թթ.՝ Երիտասարդ մասնագետների և գիտնականների հանրապետական խորհրդի նախագահ

1990-1991 թթ.՝ տնտեսական բարեփոխումների հիմնախնդիրների վերաբերյալ բանկիրների համար կազմակերպվող մշտական սեմինարների կոորդինատոր

1990-1995 թթ.՝ ՀՀ Գերագույն խորհրդի պատգամավոր, ՀՀ Գերագույն խորհրդի ֆինանսավարկային և բյուջետային հարցերի մշտական հանձնաժողովի նախագահ, ԳԽ նախագահության անդամ

1993-1994 թթ.՝ Երևանի պետական համալսարան՝ բանկային գործի դասավանդում

1995-1998 թթ.՝ Հայաստանի բանկերի ասոցիացիայի նախագահ

1995-2008 թթ.՝ Անցումային հասարակության հետազոտության ինստիտուտի տնօրեն

1998-2005 թթ.՝ ՀՀ կենտրոնական բանկի նախագահ

2005-2008 թթ.՝ ՀՀ կենտրոնական բանկի նախագահ (վերանշանակում)

2005-2007 թթ.՝ Միջպետական բանկի խորհրդի նախագահ

2008-2014 թթ.՝ ՀՀ վարչապետ:

2014թ. հունիսի 26-ին ՀՀ Նախագահի հրամանագրով նշանակվել է ԱՄՆ-ում ՀՀ արտակարգ և լիազոր դեսպան:

2011 թ. ընտրվել է Խաչատուր Աբովյանի անվան հայկական պետական մանկավարժական համալսարանի խորհրդի նախագահ

Այլ տվյալներ[խմբագրել]

  • Ունի արտակարգ և լիազոր դեսպանի դիվանագիտական աստիճան:
  • Ունի պահեստի սպայի զինվորական կոչում
  • Ավելի քան 20 գիտական հոդվածների հեղինակ է
  • Տնտեսագիտական համալսարանի պատվավոր դոկտոր է
  • Ամուսնացած է, ունի մեկ դուստր և երկու որդի

Հրաժարական[խմբագրել]

2014թ. ապրիլի 3-ին ՀՀԿ գործադիր մարմնի նիստում Տիգրան Սարգսյանը ներկայացնում է հրաժարականի դիմում, որը ՀՀ նախագահ Սերժ Սարգսյանը ընդունում է։ 2014թ. ապրիլի 3-ից 13-ը ՀՀ վարչապետի պաշտոնակատարն էր։

Օֆշորային սկանդալ[խմբագրել]

2013 թ. մայիսի 29-ին «Հետք» հետաքննող լրագրողներ» կայքում հայտնվեց տեղեկություն «WLISPERA HOLDINGS LIMITED» անունով կազմակերպության մասին, որը գրանցված է Կիպրոսում, ու որի բաժնետոմսերը բաշխված են երեք անձանց միջև՝ Աշոտ Սուքիասյան, Տիգրան Սարգսյան ու Սամվել Կճոյան, որոնցից վերջին երկուսը, ըստ թերթի եզրահանգումների, այդ օրերին գործող ՀՀ վարչապետ Տիգրան Սարգսյանն է ու Արարատյան Հայրապետական Թեմի առաջնորդ Նավասարդ Կճոյանը (աշխարհիկ անունը՝ Սամվել Կճոյան)։ Ընկերության բաժնետոմսմերից 334-ը պատկանում էին Սուքիասյանին, իսկ Տիգրան Սարգսյան ու Սամվել Կճոյան անունով անձանց պատկանում էր 333-ական բաժնետոմս։ Նշված ընկերությանը Աշոտ Սուքիասյանի կողմից փոխանցվել է 350 հազար դոլար՝ Ամերիաբանկից ստացած 10 միլիոն 700 հազար ԱՄՆ դոլար վարկից։ Աշոտ Սուքիասյանը նշված վարկը ստացել էր Հայաստանում ադամանդագործության զարգացման ծրագիր իրականացնելու համար [2]։

Տիգրան Սարգսյանը հայտարարել է, որ ինքը կապ չունի Կիպրոսում գրանցված ընկերության հետ և դիմել է ՀՀ գլխավոր դատախազություն՝ պարզելու, թե ով և ինչպես է գրանցել ընկերությունը [3]։ Նավասարդ Կճոյանը նույնպես հայտարարել է, որ ինքը կապ չունի օֆշորում գրանցված այդ ընկերության հետ [4]։ Ոստիկանությունը Աշոտ Սուքիասյանի նկատմամբ հայտարարել է հետախուզում [5]։ Հունիսի 18-ին Աշոտ Սուքիասյանը ՀՀ գլխավոր դատախազի անունով իր նամակում հայտարարեց, որ որպես «WLISPERA HOLDINGS LIMITED» ընկերության հիմնադիր բաժնեմասեր է գրել Տիգրան Սարգսյանի և Նավասարդ Կճոյանի անուններով՝ «առանց նրանց գիտության և առանց նրանց համաձայնության»՝ դա անելով նրա համար, որպեսզի իր բիզնեսը զերծ պահի «տարբեր ոտնձգություններից»[6]։

Oֆշորային սկանդալի հիման վրա հարուցված քրեական գործը քննում է ոստիկանության Քննչական գլխավոր վարչության ՀԿԳ քննության վարչությունը: Աշոտ Սուքիասյանին մեղադրանք է առաջադրվել առանձնապես խոշոր չափերի խարդախության (Քր. օր. 178-րդ հոդվածի 3-րդ մասի 1-ին կետ), խաբեության կամ վստահությունը չարաշահելու եղանակով առանձնապես խոշոր չափերի գույքային վնաս պատճառելու (184-րդ հոդ. 2-րդ մասի 1-ին կետ) և հանցավոր ճանապարհով ստացված առանձնապես խոշոր չափերի եկամուտներ օրինականացնելու (190-րդ հոդ. 3-րդ մասի 1-ին կետ) համար [7]:

2013թ. հուլիսի 1-ին Կիպրոսի դատախազ Պետրոս Կլերիդեսը «Ազատություն» ռադիոկայանի հետ զրույցում նշեց, որ իր երկրում անհնար է օֆշորային ընկերության բաժնետեր գրանցել առանց տվյալ անձի թույլտվության [8]։ Սակայն Երկիր Մեդիա լրատվականը գրում է 2013 թվականին Կիպրոսում գրանցված մեկ այլ՝ «Մկների ժողով լիմիթեդ» ընկերության մասին, որի գրանցման ընթացքում օգտագործվել են կեղծ անձանց անուններ ու բնակության հասցեներ, ինչը փաստորեն հակասում է Կլերիդիսի խոսքերին [9]։

Ծանոթագրություններ[խմբագրել]

Աղբյուր[խմբագրել]

Արտաքին հղումներ[խմբագրել]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են
Նախորդող
Թաթուլ Մարգարյան
ԱՄՆ-ում ՀՀ արտակարգ և լիազոր դեսպան
Տիգրան Սարգսյան

26 հունիսի 2014թ. -
Հաջորդող
ներկայումս պաշտոնավարում է
Նախորդող
Սերժ Սարգսյան
Հայաստանի Հանրապետության վարչապետ
Տիգրան Սարգսյան

2008 թ. ապրիլի 9- 3 ապրիլի 2014թ.
Հաջորդող
Հովիկ Աբրահամյան
Նախորդող
Բագրատ Ասատրյան
ՀՀ Կենտրոնական բանկի նախագահ
Տիգրան Սարգսյան

1998 - 2008 թ. ապրիլի 9-ից
Հաջորդող
Արթուր Ջավադյան