Հրանտ Բագրատյան
- Վիքիպեդիայում կան հոդվածներ Բագրատյան ազգանունով այլ մարդկանց մասին։
| Հրանտ Բագրատյան | |||
| |||
| |||
|---|---|---|---|
| 1993 թվականի փետրվարի 12 - 1996 թվական | |||
| Նախորդող | Խոսրով Հարությունյան | ||
| Հաջորդող | Արմեն Սարգսյան | ||
| Կուսակցություն՝ | ՀՀՇ | ||
| Կրթություն՝ | Հայաստանի պետական տնտեսագիտական համալսարան | ||
| Գիտական աստիճան՝ | տնտեսագիտության դոկտոր | ||
| Մասնագիտություն՝ | քաղաքական գործիչ և տնտեսագետ | ||
| Ծննդյան օր | հոկտեմբերի 18, 1958[1] (65 տարեկան) | ||
| Ծննդավայր | Երևան, Հայկական ԽՍՀ, ԽՍՀՄ[1] | ||
| Քաղաքացիություն |  ԽՍՀՄ և  Հայաստան
| ||
Հրանտ Արարատի Բագրատյան (հոկտեմբերի 18, 1958[1], Երևան, Հայկական ԽՍՀ, ԽՍՀՄ[1]), ՀՀ վարչապետ՝ 1993 թվականից 1996 թվականներին։ ՀՀ ԱԺ 5-րդ գումարման պատգամավոր, հայ տնտեսագետ, տնտեսագիտության, փիլիսոփայության դոկտոր, Ռուսաստանի հումանիտար ակադեմիայի ակադեմիկոս, 1995 թվականին Ամերիկյան կենսագրական ինստիտուտի կողմից ճանաչվել է տարվա մարդ, 1998 թվականին ՄԱԿ-ի և Քեմբրիջի կենսագրական կենտրոնի կողմից ճանաչվել է հազարամյակի մարդ, 2005 թվականին «Երևանի պետական տնտեսագիտական ինստիտուտի կողմից շնորհվել է Երևանի պետական տնտեսագիտական ինստիտուտի պատվավոր դոկտորի» կոչում, 2006 թվականին ՀՀ լրագրողների կողմից ճանաչվել է «ՀՀ անկախության ձեռքբերման և կայացման գործում ամենամեծ ներդրումն ունեցող տնտեսական գործիչ», «Ազատություն» կուսակցության նախագահ, ՀԱԿ հիմնադիր անդամ։ Համաշխարհային բանկը ճանաչել է իր ձեռնարկած շուկայական տրանսֆորմացիոն բարեփոխումները լավագույնը հետխորհրդային տարածքում[2]։
Կրթություն[խմբագրել | խմբագրել կոդը]
- 1965-1975 թվականներին սովորել է Երևանի թիվ 49 միջնակարգ դպրոցում,
- 1975-1979 թվականներին սովորել է Երևանի ժողտնտեսության ինստիտուտում,
- 1982-1985 թվականներին՝ ԳԱ տնտեսագիտության ինստիտուտի ասպիրանտուրա,
Աշխատանքային գործունեություն[խմբագրել | խմբագրել կոդը]
- 1979-1981 թվականներին ծառայել է խորհրդային բանակում,
- 1981-1982 թթ. աշխատել է «Քիմռեակտիվ» ՀՄ տնօրենի տեղակալ։
- 1986-1990 թթ.՝ ՀԽՍՀ ԳԱ տնտեսագիտության ինստիտուտի գիտաշխատող, բաժնի վարիչ։
- 1990-1993 թվականներին՝ ՀՀ կառավարության նախագահի առաջին տեղակալ, էկոնոմիկայի նախարար,
- 1991 թվականի սեպտեմբեր-նոյեմբեր՝ ՀՀ կառավարության նախագահի պաշտոնակատար,
- 1993-1995 թվականներին՝ ՀՀ վարչապետ,
- 1995 թվականի հուլիսին Հայաստանի Սահմանադրության ընդունումից հետո վերանշանակվել է ՀՀ վարչապետ, պաշտոնավարել է մինչև 1996 թվականը,
- 1996-1997 թվականներին՝ Արժույթի միջազգային հիմնադրամում (ԱՄՀ) խորհրդական,
- 1998-2006 թվականներին՝ Երևանի կոնյակի գործարանում փոխնախագահ և մարդկային ռեսուրսների և խաղողի գնումների գծով տնօրեն,
- 1998 թվականից «Ազատություն» կուսակցության առաջնորդ
- 2007-2010 թվականներին՝ Կիև, Ուկրաինայի Ազգային բանկ, Բանկային գործի համալսարան, Պրոֆեսոր։ Համարվում է շուկայական տնտեսությանն անցնելու հայկական բարեփոխումների հայրը։ Համաշխարհային Բանկի գնահատմամբ XX դարի 90-ական թվականների առաջին կեսին նրա առաջնորդությամբ իրականացված առաջին սերնդի տնտեսական բարեփոխումները լավագույնն են ոչ միայն ԱՊՀ-ում, այլ նաև նախկին ԽՍՀՄ տարածքում (ներառյալ բալթյան հանրապետությունները)։
- 2012 թվականի մայիսի 6-ին ընտրվել է ՀՀ ԱԺ պատգամավոր ՀԱԿ համամասնական ընտրացուցակով։ Պատգամավոր է եղել մինչև 2017 թ․ ընտրությունները։
- 2013 թվականին առաջադրվել է ՀՀ Նախագահի ընտրություններին։
Հրապարակումներ[խմբագրել | խմբագրել կոդը]
- Общество и государство. Перевод с армянского В Аветисяна М.:Изограф, 2000.- 320 с.
- Հայաստանը դարերի սահմանագծին/ Հ. Բագրատյան; Խմբ.՝ Ա. Մարտիրոսյան։ Երևան.,: Նաիրի, 2003։ 240 էջ
- Мегаэкономика и глобальные экономические проблемы: Учебно-методическое пособие. - Ер.: Издательство РАУ, 2013 - 252 с.
- Megaeconomics and global macroeconomic problems /Hrant Bagratyan, Iryna Kravchenko. - K.: UB NBU, 2013. - 247 p.
- Земельная реформа: вопросы теории и практики. - Ер.: Наири. 2003 - 476 стр.
- Введение в мегаэкономику: теория, методология, практика: монография/ Грант Багратян, Ирина Кравченко. - К.: УБД, НБУ, 2012. - 158 с.
Մեգաէկոնոմիկայի տեսություն[խմբագրել | խմբագրել կոդը]
Հրանտ Բագրատյանը 61 գիտական հոդվածների և 9 մենագրությունների հեղինակ է[3]։ Նա հանդիսանում է իր պնդմամբ երրորդ տնտեսագիտության՝ մեգաէկոնոմիկայի տեսության հիմնադիրը, ինչը համարում է իր ամենամեծ գիտական նվաճումը[2]։ Առևտրի համաշխարհային կազմակերպության հիմնադրման արդյունքում ստեղծվել է միասնական համաշխարհային շուկա, երբ 154 երկրներ ունեն նույն ցածր մաքսատուրքերը և հարկային դրույքները և տալիս են համաշխարհային ՀՆԱ-ի 97%-ը։ Մինչդեռ քեյնսականության հիմքում ընկած էր ոչ թե համաշխարհային, այլ միասնական ազգային շուկան։ Ըստ այդմ, նա պնդում է, որ միկրոէկոնոմիկայից և մակրոէկոնոմիկայից բացի կա նաև մեգաէկոնոմիկա, որտեղ պետության նպատակները փոխվում են։
Կոչումներ, մրցանակներ[խմբագրել | խմբագրել կոդը]
- 1987 թվականին շնորհվել է տնտեսական գիտությունների թեկնածուի կոչում,
- 1995 թվականին Ամերիկյան կենսագրական ինստիտուտի կողմից ճանաչվել է տարվա մարդ,
- 1997 թվականին Արժույթի միջազգային ֆոնդի կողմից շնորհվել է պատվավոր դոկտորի կոչում,
- 1998 թվականին ՄԱԿ-ի և Քեմբրիջի կենսագրական կենտրոնի կողմից ճանաչվել է հազարամյակի մարդ,
- 2005 թվականին ՌԴ Բարձրագույն որակավորման հանձնաժողովի կողմից շնորհվել է տնտեսական գիտությունների դոկտորի կոչում,
- 2005 թվականին ՀՀ Բարձրագույն որակավորման հանձնաժողովի կողմից շնորհվել է տնտեսական գիտությունների դոկտորի կոչում,
- 2010 թվականին Ուկրաինայի Բարձրագույն որակավորման հանձնաժողովի կողմից շնորհվել է տնտեսական գիտությունների դոկտորի կոչում։
- 2018 թվականին Արցախի Հանրապետության Նախագահ Բակո Սահակյանի կողմից պարգևատրվել է սուրբ Մեսրոպ Մաշտոց շքանշանով
Երաժշտական գործունեություն[խմբագրել | խմբագրել կոդը]
Մինչև Հայաստանի կառավարությունում կարիերայի սկիզբը Հրանտ Բագրատյանը աշխատել է Պարոնյանի անվան թատրոնի նվագախմբում՝ նվագելով բլյուզ ակուստիկ կիթառ։ Չունենալով հանդերձ երաժշտական կրթություն, Հրանտ Բագրատյանն ունի հեղինակած շուրջ 15 գործեր և մտադիր է ալբոմ թողարկել[2]։ Նրա համոզմամբ, մարդու կյանքը բավական է գոնե երկու գործում պրոֆեսիոնալ լինելու համար։
Հոբբիներ[խմբագրել | խմբագրել կոդը]
Հրանտ Բագրատյանը հավաքում է ալկոհոլային խմիչքներ։ Ըստ նրա, ժամանակին ուներ շուրջ 5000 փոքր շիշ, որոնց մեծամասնությունը, սակայն, նվիրել է և հիմա մնացել են ընդամենը 300-ը։ Սիրում է բիլիարդ և շախմատ։ Հրանտ Բագրատյանը նաև լողորդ է մեծ տարածությունների վրա՝ սթայեր[2]։
| Նախորդող պաշտոնը հիմնադրվել է |
Հայաստանի Հանրապետության փոխվարչապետ (կառավարության նախագահի առաջին տեղակալ) Հրանտ Բագրատյան 22 նոյեմբերի 1991—12 փետրվարի 1993 |
Հաջորդող |
| Նախորդող պաշտոնը հիմնադրվել է |
Հայաստանի Հանրապետության էկոնոմիկայի նախարար Հրանտ Բագրատյան 05 դեկտեմբերի 1991—12 փետրվարի 1993 |
Հաջորդող Արմեն Եղիազարյան |
| Նախորդող Խոսրով Հարությունյան |
ՀՀ Վարչապետ Հրանտ Բագրատյան 12 փետրվարի 1993—1996 |
Հաջորդող Արմեն Սարգսյան |
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Deutsche Nationalbibliothek Record #1028641524 // Gemeinsame Normdatei (գերմ.) — 2012—2016.
- ↑ 2,0 2,1 2,2 2,3 Հրանտ Բագրատյանի հարցազրույցը Մեդիամաքս լրատվական գործակալությանը
- ↑ «Հովիկ Չարխչյանի «Տասներկու վարչապետ» հոդվածը «Ազգային գաղափար» ամսագրում». Արխիվացված է օրիգինալից 2010 թ․ սեպտեմբերի 18-ին. Վերցված է 2010 թ․ նոյեմբերի 6-ին.
.svg)
 | Վիքիքաղվածքն ունի նյութեր, որոնք վերաբերում են «Հրանտ Բագրատյան» հոդվածին։ |
 | Վիքիպահեստն ունի նյութեր, որոնք վերաբերում են «Հրանտ Բագրատյան» հոդվածին։ |
| ||||||
- ՀՀՇ անդամներ
- ՀՊՏՀ շրջանավարտներ
- Հոկտեմբերի 18 ծնունդներ
- 1958 ծնունդներ
- Ապրող անձինք
- Երևան քաղաքում ծնվածներ
- Անձինք այբբենական կարգով
- Հայաստանի վարչապետներ
- «Ազատություն» կուսակցության անդամներ
- ՀՀ ԱԺ 5-րդ գումարման պատգամավորներ
- ՀՀ Նախագահի թեկնածուներ
- Հայ տնտեսագետներ
- Հայ քաղաքական գործիչներ
- Տնտեսագիտական գիտությունների դոկտորներ