Անդրանիկ Մարգարյան
Անդրանիկ Մարգարյան (հունիսի 12, 1951 - մարտի 25, 2007, Երևան) — հայ հասարակական-քաղաքական գործիչ, ՀՀ վարչապետ (2000-2007), ՀՀԿ նախագահ։
Բովանդակություն |
[խմբագրել] Կրթությունը
1967-72-ին սովորել է Երևանի պոլիտեխնիկական ինստիտուտի տեխնիկական կիբեռնետիկայի ֆակուլտետում, ստացել հաշվիչ մեքենաների ինժեների որակավորում։
[խմբագրել] Աշխատանքային գործունեությունը
1972-74-ին աշխատել է Գազի արդյունաբերության համամիութենական գիտահետազոտական ինստիտուտի Երևանի մասնաճյուղում որպես գիտաշխատող, ավագ ինժեներ, 1977-78-ին՝ Հայաստանի էներգետիկայի գիտահետազոտական ինստիտուտում որպես գլխավոր ճարտարագետ, 1978-79-ին` Էլեկտրատեխնիկականգործարանի էլեկտրոնային հաշվիչ մեքենաների բաժնի պետ, 1979-90-ին` Առևտրի նախարարության հանրապետական ինֆորմացիոն հաշվողական կենտրոնի էլեկտրոնիկայի բաժնի վարիչ, 1990-94-ին` Հատուկ ծրագրերի պետական վարչության ինֆորմացիոն բաժնի ղեկավար, 1994-95-ին` Հայաստանի պետական ճարտարագիտական համալսարանի կրտսեր գիտաշխատող, 1995-99-ին` ՀՀ ԱԺ առաջին գումարման պատգամավոր, 1999-ին դարձյալ ընտրվել է ԱԺ պատգամավոր, եղել է մեծամասնություն կազմած «Միասնություն» խմբակցության ղեկավարը, 2000-2007-ին` ՀՀ վարչապետ։
2003-ին ԱԺ ընտրություններից հետո վարչապետ Ա. Մարգարյանը շարունակել է պաշտոնավարել` ղեկավարելով ընտրությունների արդյունքում ձևավորած կոալիցիոն կառավարությունը։
[խմբագրել] Քաղաքական գործունեությունը
Հայկական քաղաքական կյանքի մեջ է ընդգրկվել դեռ 1965-ից։ 1968-ից եղել է խորհրդային տարիներին ընդհատակյա գործող Ազգային միացյալ կուսակցության անդամ, 1973-ից` ԱՄԿ խորհրդի անդամ։ 1974-ին ձերբակալվել է և դատապարտվել երկամյա բանտարկության` խորհրդային վարչակարգի դեմ պայքարելու մեղադրանքով։ 1992թ. անկախ Հայաստանում դառնում է երկրի առաջին գրանցված կուսակցության անդամ, որի խորհրդի նախագահն է 1993-ից մինչև իր մահը։ 1993-1997 և 1998-2005թթ.` ՀՀԿ խորհրդի նախագահ։ 1997-98-ին եղել է ՀՀԿ նախագահ, 2005-ին դարձյալ ընտրվել է ՀՀԿ նախագահ, 1998-ից Երկրապահ կամավորական միության անդամ էր, այնուհետև` ԵԿՄ վարչության անդամ։
[խմբագրել] Անձնական տվյալներ
Ամուսնացած էր, ուներ երկու դուստր, մեկ որդի և հինգ թոռ։
[խմբագրել] Պարգևներ և կոչումներ
- ՀՀ անկախության հռչակման 15-րդ տարեդարձի կապակցությամբ, պետականության կայացման և տնտեսական զարգացման գործում ներդրած մեծ ավանդի համար ՀՀ նախագահի հրամանագրով պարգևատրվել է Սուրբ Մեսրոպ Մաշտոց շքանշանով։
- ՀՀ ՊՆ «Վազգեն Սարգսյան» մեդալ
- ՀՀ ՊՆ «Գարեգին Նժդեհ» մեդալ
- ԵԿՄ «Վազգեն Սարգսյան» շքանշան
- ՀՀ Ոստիկանության «Արամ Մանուկյան» մեդալ
- Ֆ. Նանսեն հիմնադրամի «Ֆ. Նանսեն» մեդալով[1]
[խմբագրել] Աղբյուրներ
 |
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
| Նախորդող Սիմոն Շահազիզյան |
ՀՀԿ խորհրդի նախագահ Անդրանիկ Մարգարյան դեկտեմբերի 1993 — 17 դեկտեմբերի 2005 |
Հաջորդող Պաշտոնը վերացվել է |
| Նախորդող Աշոտ Նավասարդյան |
ՀՀԿ նախագահ Անդրանիկ Մարգարյան 20 դեկտեմբերի 1997 — 08 հունվարի 1999 |
Հաջորդող պաշտոնը վերացվել է |
| Նախորդող պաշտոնը հիմնադրվել է |
ՀՀ Ազգային ժողովի «Միասնություն» խմբակցության ղեկավար Անդրանիկ Մարգարյան 18 հունիսի 1999 — մայիսի 2000 |
Հաջորդող Գալուստ Սահակյան |
| Նախորդող պաշտոնը վերականգնվել է |
ՀՀԿ նախագահ Անդրանիկ Մարգարյան 17 դեկտեմբերի 2005 — 25 մարտի 2007 |
Հաջորդող Սերժ Սարգսյան |
| Նախորդող Արամ Զ. Սարգսյան |
ՀՀ Վարչապետ Անդրանիկ Մարգարյան մայիսի 2000—25 մարտի 2007 |
Հաջորդող Սերժ Սարգսյան |
|
|||||||||||
—
