Դմիտրի Մեդվեդև

Դմիտրի Անատոլևիչ Մեդվեդև (ծնվ. 1965թ. սեպտեմբերի 14, Լենինգրադ, ՌՍՖՍՀ, ԽՍՀՄ) — ռուս պետական և քաղաքական գործիչ, Ռուսաստանի Դաշնության երրորդ նախագահ, ընտրվել է 2008թ. մարտի 2-ին կայացած նախագահական ընտրություններում, ՌԴ ԶՈւ գլխավոր հրամանատար, ՌԴ անվտանգության խորհրդի նախագահ: Իրավաբանական գիտությունների թեկնածու:

Մեդվեդեւը ծնվել է 1965 թվականի սեպտեմբերի 14-ին Լենինգրադում։ Ավարտել է Լենինգրադի պետական համալսարանի իրավաբանական ֆակուլտետը եւ նույն բուհի ասպիրանտուրան։ 34 տարեկանում դարձել է ՌԴ կառավարության աշխատակազմի ղեկավարի տեղակալ, իսկ 2003-ին 38-ամյա Մեդվեդեւը գլխավորել է ՌԴ նախագահի աշխատակազմը։ 2008 թվականի մարտին նա 42 տարեկան հասակում ընտրվել է Ռուսաստանի նախագահի պաշտոնում։ Դմիտրի Մեդվեդեւը ոչ միայն ռուս ամենաերիտասարդ ղեկավարն է վերջին հարյուր տարում, այլ նաեւ աշխարհի հինգ ամենաերիտասարդ առաջնորդներից մեկը։