Կաճաճկուտ
- Անվան այլ կիրառումների համար տե՛ս՝ Կաճաճկուտ (այլ կիրառումներ)
Գյուղ | ||
---|---|---|
Կաճաճկուտ | ||
Երկիր | Հայաստան | |
Մարզ | Լոռի | |
Գյուղ | Ալավերդի (համայնք) | |
Հիմնադրված է | 1890 թ. | |
ԲԾՄ | 1425 մ | |
Պաշտոնական լեզու | Հայերեն | |
Բնակչություն | 408[1] մարդ (2004) | |
Ազգային կազմ | Հայեր | |
Կրոնական կազմ | Հայ Առաքելական եկեղեցի | |
Ժամային գոտի | UTC+4 | |
| ||
Կաճաճկուտ, գյուղ Հայաստանի Լոռու մարզի Ալավերդու տարածաշրջանում, Լալվար լեռան հարավ-արևելյան ստորոտին։ Ալավերդի քաղաքից 10 կմ արևմուտք[2]։
Պատմություն
Նախկինում գյուղը ունեցել է Սեդվի անվանումը[3]։
Գյուղի հիմքը դրվել է 1890-ական թվականներին։
Բարձրությունը ծովի մակերևույթից՝ 1425 մ, հեռավորությունը մարզկենտրոնից՝ 58 կմ հյուսիս-արևելք։
Գյուղի շրջակայքում պահպանվել են Սեդվի գյուղատեղին (10-13-րդ դդ.) և ամրոցի մնացորդները (13-14-րդ դդ.)։ Այստեղ են գտնվում նաև Սեդվու Սբ. Նշան վանքը (13-14-րդ դդ.) և 13-14-րդ դդ. մատուռը։
Կլիմա
Կաճաճկուտն ունի բարեխառն լեռնային կլիմա։
Ձմեռները ցուրտ ցուրտ են և տևական։ Ամեն տարի հաստատվում է կայուն ձնածածկույթ։
Ամառները տաք են և համեմատաբար խոնավ, հենց այդ պատճառով էլ գյուղը սողանքայն է։
Տարեկան մթնոլորտային տեղումների քանակը կազմում է 700-800մմ։
Բնակչություն
Ըստ ազգային վիճակագրական ծառայությունների՝ 2004 թվականին համայնքի բնակչությունը կասմել է 408 մարդ[4]։
Կաճաճկուտի ազգաբնակչության փոփոխությունը[5][6].
Տարի | 1897 | 1926 | 1939 | 1959 | 1970 | 1979 | 2001 | 2004 |
---|---|---|---|---|---|---|---|---|
Բնակիչ | 29 | 391 | 663 | 653 | 701 | 483 | 537 | 408 |
Գյուղատնտեսություն
Գյուղում զարգացած է երկրագործությունը։
Բնակիչները հիմնականում զբաղվում են այգեգործությամբ, դաշտավարությամբ, պտղաբուծությամբ(ազնվամորի, կեռաս, մասուր և այլն), զբաղվում են նաև խոշոր եղջերավոր անասնաբուծությամբ, մեղվաբուծությամբ և թռչնաբուծությամբ։
Պատմամշակութային կառույցներ
Սուրբ Նշան վանական համալիր
Սուրբ Նշան Վանական համալիրը գտնվում է Թումանյանի շրջանի Աքորի գյուղից 4 կմ դեպի հարավ, Կաճաճկուտ գյուղից 3 կմ հարավ-արևելյան ստորոտին՝ Աքորի-Կաճաճկուտ ավտոճանապարհին մոտ, Սեդվու ձորում։
Վանական Համալրից պահպանվել են Սուրբ Նշան եկեղեցին(XIII դար) կից մատուռով։
Հասարակական կառույցներ
2019 թվականի դրությամբ գյուղն ունի միջնակարգ դպրոց և բուժկետ։
Պատկերասրահ
-
Սուրբ Նշան եկեղեցի
-
Սուրբ Նշան եկեղեցուն կից մատուռ
-
Վանական համալիր
Տես նաև
- Լոռու մարզ
- Թումանյանի շրջան
- Կաճաճկուտի պատմության և մշակույթի անշարժ հուշարձանների ցանկ (Լոռու մարզ)
Ծանոթագրություններ
- ↑ Լոռու մարզի մարդահաշիվ
- ↑ «Կաճաճկուտ գյուղը գտնվում է․․․».
- ↑ «ՀՀ բնակավայրերի բառարան» (PDF).
- ↑ «Լոռու մարզի մարդահաշիվ» (PDF). lori.mtd.am.
- ↑ «Հայաստանի հանրապետության բնակավայրերի բառարան, էջ 106» (PDF). Վերցված է 2013 Հոկտեմբերի 27-ին.
- ↑ Հակոբյան, Թաթուլ. «Կաճաճկուտ գյուղի բնակչությունը 1897-1931 թվականներին | Aniarc» (ամերիկյան անգլերեն). Վերցված է 2019-11-07-ին.