Արավուս
Գյուղ | ||
---|---|---|
Արավուս | ||
Երկիր | Հայաստան | |
Մարզ | Սյունիքի | |
Գյուղապետ | Արգամ Հովսեփյան | |
Մակերես | 4,43 կմ² | |
ԲԾՄ | 1350 մ | |
Պաշտոնական լեզու | Հայերեն | |
Բնակչություն | 168[1] մարդ | |
Ագլոմերացիա | 2011 | |
Ազգային կազմ | Հայեր, | |
Կրոնական կազմ | Հայ Առաքելական եկեղեցի | |
Ժամային գոտի | UTC+4 | |
|
Արավուս, գյուղ Հայաստանի Սյունիքի մարզում, Գորիսի տարածաշրջանի Տեղ գյուղի մոտ, Գորիս-Ստեփանակերտ մայրուղու ձախ կողմում, լեռնալանջի վրա։ Բարձրությունը ծովի մակարդակից մոտ 1350-1390 մ է, հեռավորությունը մարզկենտրոնից 89 կմ հյուսիս-արևելք է, hեռավորությունը Գորիս քաղաքից՝ 22 կմ։
Գյուղում 1933 թվականին կազմավորվել է կոլտնտեսություն, որը լուծարվել է 1991 թվականին, նախկինում ընդգրկված էր Տեղի գյուղխորհրդի կազմում, տարանջատվել է 1991 թվականին։
Բնակչություն
Արավուսցիների նախնիները 18-րդ դարում այստեղ են եկել Արցախի Արավուս (Քարագլուխ) գյուղից։
Ըստ Ազգային վիճակագրական ծառայության 2001 թվականին կատարած մարդահամարի տվյալների՝ գյուղի բնակչությունը կազմում է 168 մարդ։
Արավուսի ազգաբնակչության փոփոխությունը[2].
Տարի | 1831 | 1873 | 1907 | 1922 | 1959 | 1970 | 1979 | 1989 | 2001 | 2004 | 2008 |
---|---|---|---|---|---|---|---|---|---|---|---|
Բնակիչ | 16 | 68 | 108 | 198 | 251 | 200 | 117 | 325 | 168 | 156 | 209 |
Տնտեսություն
Բնակչությունը զբաղվում է անասնաբուծությամբ և դաշտավարությամբ։
Գյուղատնտեսությամբ զբաղվում է 47 գյուղացիական տնտեսություն։ Անասնագլխաքանակը 2012 թ. հունվարի 1-ի դրությամբ կազմում է.
- խոշոր եղջերավոր անասուններ՝ 373 գլուխ,
- մանր եղջերավոր անասուններ՝ 496 գլուխ,
- խոզեր՝ 3 գլուխ
Համայնքում 2010 թվականին կատարվել է հացահատիկային մշակաբույսերի 180 հա աշնանացան։
Հողային և այլ բնական ռեսուրսներ
Հողեր (ընդամենը)՝ 443 հա, այդ թվում՝
- Գյուղատնտեսական նշանակության հողեր՝ 410 հա, որից՝
- վարելահող՝ 229 հա, խոտհարք՝ 22 հա, արոտ՝ 50 հա, այլ հողատեսք՝ 109 հա
- բնակավայրերի հողեր՝ 28 հա,
- արդյունաբերության, ընդերքօգտագործման և այլ արտադրական նշանակության հողեր՝ 1 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր՝1 հա
- հատուկ պահպանվող տարածքների հողեր՝ 1 հա,
- ջրային հողեր՝ 3 հա։
Պատմամշակութային կառույցներ
Արավուսում կան 18 դարի Սբ. Սարգիս եկեղեցի և Սբ. Հռիփսիմե մատուռ։
Տես նաև
Արտաքին հղումներ
Ծանոթագրություններ
- ↑ Սյունիքի մարզի մարդահաշիվ
- ↑ «Հայաստանի հանրապետության բնակավայրերի բառարան, էջ 26» (PDF). Վերցված է 2014 Հունիսի 17-ին.