Կիլիան Մբապպե
 Kylian Mbappé | |||
|---|---|---|---|
.jpg) Մբապեն գերմանական Դինամո Դրեզդենի հետ խաղի ժամանակ | |||
| Անձնական տվյալներ | |||
| Ամբողջական անուն | Kylian Mbappé Lottin | ||
| Քաղաքացիությունը |
 Ֆրանսիա | ||
| Ծննդյան ամսաթիվ | դեկտեմբերի 20, 1998[1][2][3] (22 տարեկան) | ||
| Ծննդավայր | 19th arrondissement of Paris, Փարիզ, Իլ-դը-Ֆրանս | ||
| Հասակ | 179 սմ | ||
| Քաշ | 73 կգ | ||
| Դիրք | հարձակվող | ||
| Ակումբային տեղեկություններ | |||
| Ներկա ակումբ |
Պարի Սեն-Ժերմեն | ||
| Պատանեկան կարիերա | |||
| 2004-2011 |
Բոնդի | ||
| 2011-2013 |
Կլերֆոնտեն (ՖԱ) | ||
| 2013-2015 |
Մոնակո | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2015-2018 |
Մոնակո | 60 | (27) |
| 2017-2018 |
→ Պարի Սեն-Ժերմեն | 44 | (21) |
| 2018-ներկա |
Պարի Սեն-Ժերմեն | 137 | (115) |
| Ազգային հավաքական‡ | |||
| 2014 |
Ֆրանսիա Մ17 | 2 | (0) |
| 2016-2017 |
Ֆրանսիա Մ19 | 11 | (7) |
| 2017-ներկա |
Ֆրանսիա | 51 | (19) |
|
| |||
Պարգևացանկ
| |||
|
* Մասնագիտական կարիերայում ընդգրկված են միայն առաջնության խաղերը և գոլերը | |||
Կիլիան Մբապպե (ֆր.՝ Kylian Mbappé, դեկտեմբերի 20 , 1998 Բոնդի , Ֆրանսիա), ֆրանսիացի պրոֆեսիոնալ ֆուտբոլիստ։ Ներկայումս հանդես է գալիս Պարի Սեն-Ժերմենի և Ֆրանսիայի ազգային հավաքականի կազմում։ Խաղում է հարձակվողի դիրքում։Ճանաչվել է աշխարհի լավագույն երիտասարդ խաղացողներից մեկը։ Աշխարհի առաջնություն 2018 թ.հաղթող։ Ֆուտբոլի աշխարհի առաջնություն 2018 թ. լավագույն երիտասարդ խաղացողը։
Կենսագրություն[խմբագրել | խմբագրել կոդը]
Կիլիան Մբապպեն ծնվել է 1998 թվականի դեկտեմբերի 20-ին Բոնդիում։ Նրա հայրը` Վիլֆրիդը ծնունդով Կամերունից է։ Նա աշխատում էր «Բոնդի» ֆուտբոլային ակումբի դպրոցում` որպես մարզիչ[4]։ Մայրը` Ֆայզանը Ալժիրի ներգաղթյալ[5], եղել է պրոֆեսիոնալ հանդբոլիստ։ Մբապեն ունի երկու եղբայր ` Ժիրես Կեմբո-Էկոկոն, ով նույնպես պրոֆեսիոնալ ֆուտբոլիստ է [6][7] և Էթան Մբապեն ով հանդես է գալիս ՊՍԺ-ի մանկապատանեկան կազմում ։
Շնորհիվ իր հոր, կարողացավ ընդունվել երկրի լավագույն ֆուտբոլային ակադեմիաներից մեկը`<<Կլերֆոնտեն>>: Հայրը ստիպված է եղել ամեն անգամ կտրել մեծ հեռավորությամբ ճանապարհ, որպեսզի որդին կարողանա մարզվել ակադեմիայում։
Երբ լրացավ Մբապեի տասներեք տարին, նրա մոտ հայտնվեց հնարավորություն ընդունվել Մադրիդի Ռեալ :Նրանով հետաքրքրվում էր Զինեդին Զիդանը։ Սակայն հոր հետ խոսակցությունից հետո, հայրը հրաժարվեց որդուն ուղարկել Իսպանիա։ Երկու տարի անց, տասնհինգ ամյա Մբապեն կնքեց իր առաջին պրոֆեսիոնալ պայմանագիրը <<Մոնակո>>ի հետ։
Ակումբային կարիերա[խմբագրել | խմբագրել կոդը]
Սկսեց զբաղվել ֆուտբոլով «Կլերֆոնտեն»-ի ակադեմիայում։ 2013 թվականին անցավ «Մոնակո»-ի համակարգ, իսկ 2015 թվականին սկսել է իր մեկնարկը մեծահասակների ֆուտբոլում։ Նույն թվականի դեկտեմբերի 2-ին ֆրանսիայի առաջնության «Կան» ֆուտբոլային թիմի դեմ խաղում նա 88-րդ րոպեին փոխարինեց Ֆաբիո Կոենտրաոին[8]։ Այդ Ժամանակ նա 17 տարեկան էր:Խաղից հետո Մբապպեն սկսեց պարբերաբար ներգրավվել Մոնակոյի խաղերին։ Դեկտեմբերի 10-ին մեկնարկել է եվրոգավաթներում` ՈՒԵՖԱ Եվրոպայի Լիգայի «Տոտենհեմ» ակումբի հետ խաղում և աչքի է ընկել գոլային փոխանցումով[9]։ Իր առաջին մրցաշրջանում Կիլիան 14 խաղ է անցկացրել , դարձել մեկ գոլի եւ երկու գոլային փոխանցման հեղինակ ,նա միանգամից շրջանցել է Թիեր Անրիին ,դառնալով մրցաշրջանի պատմության մեջ ամենաերիտասարդ դեբյուտանտը եւ ամենաերիտասարդ խաղացողը ։
2016 թվականի մարտի 3-ին <<Մոնակո>>ի փոխնախագահ անձնական ինքնաթիռ է ուղարկել Մբապե ընտանիքին, որպեսզի խաղացողի մայրը, հայրը եւ եղբայրը, Փարիզից Մոնակո տեղափոխվեն։
2016/2017 մրցաշրջանում Մբապեն դրսևորեց իր լավագույն որակները , ինչը թույլ թվեց <<Մոնակո >>-ին 17 տարի անց կրկին դառնալ Ֆրանսիայի առաջնության հաղթող։
2016/17 մրցաշրջանի արդյունքում Մբապեն ճանաչվել է Լիգա 1-ի լավագույն երիտասարդ ֆուտբոլիստ[10], որի մասին նա արտահայտվել է հետևյալ կերպ. «Այս մրցաշրջանի ժամանակ ես դարձա բացահայտում, հաջորդ մրցաշրջանում ցանկանում եմ հաստատել այդ մակարդակը։ Ոմանք կարծում են, որ ես զարգանում եմ իմ տարիքից արագ, սակայն իրականում ես սովորական 18-ամյա պատանի եմ, ում մարզումների է բերում իր մայրը կամ ակումբային վարորդը»[11]։
Նման հաջողված մրցաշրջանից հետո առաջատար եվրոպական ակումբները քննարկում էին Մբապեի ձեռքբերման հնարավորությունը։ Խաղացողի համար հիմնականում պայքարում էին Ռեալ Մադրիդը, Բարսելոնան, Լոնդոնի Արսենալը եւ ֆրանսիական Պարի Սեն-Ժերմենը ։ Եվ մինչ մամուլը գրում էր , որ ֆուտբոլիստը ընտրել է Մադրիդի Ռեալը, Կիլիանը կրկին խորհրդակցում է հոր հետ եւ որոշում, որ առայժմ շատ վաղ է նրան հեռանալ Ֆրանսիայից։
Կարիերան հավաքականում[խմբագրել | խմբագրել կոդը]
Կիլիան Մբապպեն հավաքագրվել է Ֆրանսիայի երիտասարդական հավաքական 2015 թվականին։ Սակայն երիտասարդական հավաքականում չհասավ ոչ մի լուրջ հաջողության։
Մբապպեն սկսեց իր մեկնարկը Ֆրանսիայի ազգային հավաքականի կազմում 2017 թվականի մարտի 25-ին ՖԻՖԱ Աշխարհի առաջնություն 2018 որակավորման փուլ (ՈւԵՖԱ)ի Լյուքսեմբուրգի հավաքականի դեմ խաղում։ 18 տարեկան և 95 օրական հասակում նա դարձավ Ֆրանսիայի հավաքականի պատմության ամենաերիտասարդ խաղացողը Մարիան Վիսնեսկիից հետո[12]։
2017 թվականի օգոստոսի 31ին ՉԼ 2018-ում Ֆրանսիայի հավաքականը Նիդեռլանդների դեմ խաղում դուրս գալով խաղադաշտ 76-րդ րոպեին, խփեց իր առաջին գոլը հավաքականի կազմում։
2018 թվականի մայիսի 17-ին Մբապեն ընդգրկվեց Ֆրանսիայի հավաքականի կազմում Աշխարհի 2018 թվականի առաջնության համար։
Հունիսի 21-ին Մբապեն խփեց իր առաջին գոլը Աշխարհի առաջնությունում `Պերուի դեմ խաղում։ Նա դարձավ ֆրանսիացի ամենաերիտասարդ խաղացողը, ով երբևէ գոլ է խփել աշխարհի առաջնություններում։ 2018 թվականի հունիսի 30-ին ՉԼ-ի 1/8 եզրափակչում Արգենտինայի հավաքականի դեմ խաղում, 64 և 68-րդ րոպեներին դարձավ գոլերի հեղինակ։ Այդ խաղում Ֆրանսիան հաղթեց Արգենտինային 4:3 հաշվով։ Մբապպեն ճանաչվեց խաղի լավագույն ֆուտբոլիստ։
2018 թ. Աշխարհի գավաթի եզրափակիչ խաղում Կիլիանը 65-րդ րոպեին խփեց իր առաջին գոլը Խորվաթիայի դարպասին։ Կիլիանը Պելեից հետո դարձավ առաջին երիտասարդ խաղացողը, ով գոլի հեղինակ դարձավ աշխարհի գավաթի եզրափակիչ խաղում ։ Նրա թիմը 4:2 հաշվով հաղթեց եւ դարձավ աշխարհի չեմպիոն։
Աշխարհի գավաթի խաղարկության ավարտին, որի ընթացքում նա չորս գոլի հեղինակ դարձավ ՖԻՖԱ-ի կողմից ճանաչվեց մրցաշարի «Լավագույն երիտասարդ խաղացող» ։ 19 տարեկան 207 օրական հասակում նա դարձավ պատմության մեջ երրորդ ամենաերիտասարդ աշխարհի չեմպիոնը ՝ 1958 թվականին բրազիլացի Պելեից(17 տարի, 8 ամիս և 6 օր) և 1982 թվականին իտալացի Բերգոմինից (18 տարի, 6 ամիս և 17 օր) հետո։ Այս Աշխարհի գավաթում նա հասցրեց կատարել 32 դրիբլինգ , ինչը ռեկորդ է ֆրանսիացի խաղացողի համար ։ Նա նաև անձնապես կրկնօրինակվում է Պելեի կողմից, ով 2018 թ.-ի հուլիսի 15-ին թվիթերով գրում է.
«Եթե Մբապեն շարունակի կրկնել իմ ռեկորդները, ես հնարավոր է ստիպված լինեմ մաքրել իմ խաղակոշիկների փոշին»
Եվրո 2020 և Աշխարհի գավաթ 2022
2018 թ.-ի հոկտեմբերի 11-ին, Իսլանդիայի դեմ խաղում (2-2) նա խփեց իր տասներորդ գոլը,Մբապպեն դարձավ Ֆրանսիայի հավաքականի առաջին խաղացողը, ով տասը գոլի սահմանն անցավ ֆրանսիական հավաքականի կազմում մինչև քսան տարին լրանալը։ Եվրո -2020-ի ընտրական խաղերում նա աչքի ընկավ երկու խաղում դառնալով երկու գոլի հեղինակ ։ Նրա մյուս գոլը Մոլդովայի ընտրանու դեմ խաղում էր որտեղ նա 87-րդ րոպեին դարձավ գոլի հեղինակ։ Ֆրանսիայի հավաքականը այդ խաղում հաղթեց 4-1 հաշվով:Եվ Վերջապես, «Ստադ դե Ֆրանս» մարզադաշտում նա կրկին մասնակցեց «կապտանռնագույնների» խաղին ,78 -րդ րոպեին գրավելով Իսլանդիայի ընտրանու դարպասը , արդյունքում խաղը ավարտվեց 4-0 հաշվով։ Սա նրա տասներկուերրորդ գոլն էր երեսուն խաղերում։ Ընդհանուր առմամբ նա առաջինն ֆուտբոլիստն է, ով նման արդյունքի է հասել 20 տարեկան հասակում Ֆրանսիայի հավաքականին կազմում։ Երբ Եվրո-2020-ի ընտրական փուլը վերսկսվեց, շատ քննադատվեց Թուրքիայում նրանց կրած պարտությունը (0-2),սակայն Կիլիան Մբապպեն վերականգնվեց չորս օր անց ՝ հունիսի 11-ին, և բացեց հաշիվը Անդորրայի դեմ խաղում (հանդիպումն ավարտվում է 4-0), սա դառնում է նրա պրոֆեսիոնալ կարիերայի 100-րդ գոլը (27-ը ՝ «Մոնակոյի» կազմում, 60-ը ՝ ՊՍԺ-ի կազմում, 13-ը ՝ Ֆրանսիայի հավաքականի կազմում), և այս ցուցանիշով նա իրեն ավելի լավ դրսևորեց, քան Լիոնել Մեսսին և Կրիշտիանու Ռոնալդուն նույն տարիքում։
2020 թվականի սեպտեմբերի 5-ին, ինը ամիս Covid-19-ով պայմանավորված դադարից հետո, Ֆրանսիայի հավաքականը 1:0 հաշվով առավելության հասավ Շվեդիայի նկատմամբ «Ազգերի լիգաի >> 2020-21-ի շրջանակներում։ Հանդիպման միակ գոլը Մբապպեն խփեց 41-րդ րոպեին։
Ֆուտբոլից դուրս[խմբագրել | խմբագրել կոդը]
2018 թվականին Կիլիան Մբապեն հայտնվեց հեղինակավոր Time ամսագրի շապիկին՝ որպես «Հաջորդ սերնդի առաջնորդներ» խորագրի հերթական հերոս:Time-ին տված հարցազրույցում Մբապեն խոսել է այն դժվարությունների մասին, որը նա ունեցել է որպես դեռահաս ՝ միայն կենտրոնանալով իր ֆուտբոլային հմտությունների զարգացման վրա և շատ ժամանակ չի ունեցել ընկերների հետ շբվելու համար։ Բայց, չնայած «նորմալ» կյանքի բացթողմանը, Մբապեն հայտարարում է, որ «նա այժմ ապրում է այն կյանքով, որի մասին միշտ երազել է» ։
Համագործակցություն[խմբագրել | խմբագրել կոդը]
Մբապենը գովազդային պայմանագիր է կնքել Nike- ի հետ ներկայացնելով նրանց սպորտային հագուստը ։ 2017 թվականին Nike-ի հետ անհատական կոշիկներ արտադրեց Nike Hypervenom 3-ի համար ։ 2018-ին նա ներկայացրեց Nike Mercurial Superfly VI կոշիկները ՝ոգեշնչված R9 Mercurial կոշիկներով, որոնք օգտագործվում էին բրազիլացի նախկին հարձակվող Ռոնալդուի կողմից:Խոսելով իր հովանավորներից նա նշել է, որ մտադիր չէ բազմաթիվ գովազդային պայմանագրեր կնքել տարբեր ընկերությունների հետ։ Հիմա նա համագործակցում է Nike-ի և Hublot-ի հետ։
Նվաճումները[խմբագրել | խմբագրել կոդը]
Ակումբային
Լիգա 1։ 2016-17 թթ
Լիգա 1։ 2017-2018 թթ
Ֆրանսիայի գավաթ. 2017-18 թթ
Լիգայի գավաթ. 2017-18 թթ
Ֆրանսիայի սուպերգավաթ. 2019 թ
Լիգա 1։ 2019-2020 թթ
Ֆրանսիայի գավաթ. 2019-2020թթ
Լիգայի գավաթ.2019-2020թթ
Ֆրանսիայի սուպերգավաթ. 2020թթ
Ֆրանսիայի գավաթ 2020-2021թթ
Ֆրանսիայի հավաքական[խմբագրել | խմբագրել կոդը]
ՈՒԵՖԱ- ի մինչեւ 19 տարեկանների Եվրոպայի առաջնություն. 2016թ.
ՖԻՖԱ-ի աշխարհի գավաթ. 2018թ.
Անհատական
2017թ.
Ոսկե գնդակ-ի 8-րդ հավակնորդ
Ապրիլ ամսվա լավագույն խաղացող Լիգա 1-ում
Ֆրանսիական Լիգա 1-ի մրցաշրջանի լավագույն երիտասարդ ֆուտբոլիստ
Ներառված է Ֆրանսիական Լիգա 1-ի Խորհրդանշական հավաքականի կազմում
Ներառված է Չեմպիոնների Լիգաի խորհրդանշական հավաքականում
Golden boy(Ոսկե տղա)-ի մրցանակակիր
Ոսկե գնդակ-ի 7-րդ հավակնորդ ։
ֆրանսիայում տարվա երկրորդ լավագույն ֆրանսիացի խաղացող
2018 թ.
Աշխարհի գավաթի լավագույն երիտասարդ խաղացող
Ընդգրկված է աշխարհի գավաթի խորհրդանշական հավաքականում
Մարտ,օգոստոս ամսվա լավագույն խաղացող Լիգա 1-ում
Ոսկե գնդակ-ի 4-րդ հավակնորդ ։
Trophée Kopa(Կոպայի մրցանակ) -Առաջին մրցանակակիր։
Ֆրանսիայի լավագույն ֆուտբոլիստ։
Ֆրանսիական Լիգա 1-ի մրցաշրջանի լավագույն երիտասարդ ֆուտբոլիստ
Ներառված է Ֆրանսիական Լիգա 1-ի Խորհրդանշական հավաքականում
2019 թ.
Փետրվար ամսվա լավագույն խաղացող Լիգա 1-ում
Ֆրանսիայի լավագույն ֆուտբոլիստ։
ՖԻՖԱ խորհրդանշական հավաքական
Ֆրանսիայի առաջնության լավագույն ռմբարկու՝ 33 գոլով
Ոսկե Գնդակ-ի 6-րդ հավակնորդ
Ճանաչվել է Ֆրանսիական ՊՍԺ ֆուտբոլային ակումբի պատմության լավագույն 10 ռմբարկուներից մեկը
Ֆրանսիական Լիգա 1-ի մրցաշրջանի լավագույն երիտասարդ ֆուտբոլիստ
2020 թ.
2019-2020 թ.թ. մրցաշրջանում Ֆրանսիայի առաջնության լավագույն ռմբարկու ՝ 18 գոլով
Կիլիան Մբապպեի խաղերը Ֆրանսիայի հավաքականի կազմում[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Soccerway(բազմ․)
- ↑ Base de Datos del Futbol Argentino (իսպ.)
- ↑ As (իսպ.) — Madrid: Grupo PRISA, 1967.
- ↑ Mbappé : une vraie famille de sportifs
- ↑ Mbappé: une autre pépite aux origines africaines
- ↑ le crack en sursis(չաշխատող հղում)
- ↑ Mbappe: Is Monaco's teen sensation really 'the new Thierry Henry'?(չաշխատող հղում)
- ↑ о матче «Монако» — «Кан»
- ↑ о матче «Тоттенхэм» — «Монако»
- ↑ признан лучшим молодым французским игроком Лиги 1(չաշխատող հղում). campeones.ua (16 мая 2017). Проверено 16 мая 2017.
- ↑ я обычный 18-летний ребёнок, которого на тренировки возит мама
- ↑ Chris. Thierry Henry on Kylian Mbappe: Ooh la la! (англ.). Goal.com (27 March 2017). Проверено 30 марта
Արտաքին հղումներ[խմբագրել | խմբագրել կոդը]
|
Կիլիան Մբապպե Վիքիպահեստում |
|---|
- Մբապպեի պաշտոնական Տվիտերի էջը
- Մբապպեի պաշտոնական Ինստագրամի էջը
- Մբապպեի պաշտոնական ՅուԹյուբի էջը
- Մբապպեն transfermarkt-ում
- Մբապպեն soccerbase.com-ում
- Մբապպեն WhoScored.com կայքում
- Մբապպեն ՊՍԺ-ի պաշտոնական կայքում
- Մբապպեն Լիգա 1-ի պաշտոնական կայքում Archived 2020-01-15 at the Wayback Machine.
- Մբապպեն ՈՒԵՖԱ-ի պաշտոնական կայքում
- Մբապպեն ՖԻՖԱ-ի պաշտոնական կայքում
- Մբապպեն Ֆրանսիայի ֆուտբոլի ֆեդերացիայի կայքում
| ||||||||||||||||||||||||
| ||||||
| ||||||||
| ||||||||||||||||||||||||||||||||||||||||||||||||||||||||||||||||||||
.svg){kind=small}
- Դեկտեմբերի 20 ծնունդներ
- 1998 ծնունդներ
- Ապրող անձինք
- Փարիզ քաղաքում ծնվածներ
- Անձինք այբբենական կարգով
- Ֆուտբոլիստներ այբբենական կարգով
- Golden Boy մրցանակակիրներ
- Ֆուտբոլի հարձակվողներ
- Ֆրանսիացի ֆուտբոլիստներ
- Ֆրանսիայի հավաքականի ֆուտբոլիստներ
- Մոնակոյի ֆուտբոլիստներ
- Պարի Սեն Ժերմենի ֆուտբոլիստներ
- 2018 թվականի ֆուտբոլի աշխարհի առաջնության մասնակիցներ
- Ֆուտբոլի աշխարհի չեմպիոններ