Կարիմ Բենզեմա

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Կարիմ Բենզեմա
ֆր.՝ Karim Benzema
Karim Benzema March 2021.jpg
Անձնական տվյալներ
Քաղաքացիությունը Flag of France (1958–1976).svg Ֆրանսիա
Ծննդյան ամսաթիվ դեկտեմբերի 19, 1987 (34 տարեկան)
Ծննդավայր Լիոն, Ֆրանսիա Ֆրանսիա
Հասակ 1.85 սմ
Քաշ 81 կիլոգրամ
Դիրք Հարձակվող
Ակումբային տեղեկություններ
Ներկա ակումբ Իսպանիա Ռեալ Մադրիդ
Համար 9
Պատանեկան կարիերա
1995-1996 Ֆրանսիա Բրոն Տերայլոն
1996-2004 Ֆրանսիա Օլիմպիկ Լիոն
Մասնագիտական կարիերա*
Տարի Ակումբ Խաղ (Գոլ)
2004-2009 Ֆրանսիա Օլիմպիկ Լիոն 112 (43)
2009-ներկա Իսպանիա Ռեալ Մադրիդ 382 (191)
Ազգային հավաքական
2003-2007 Ֆրանսիա Ֆրանսիա (երիտ.) 31 (19)
2007-ներկա Ֆրանսիա Ֆրանսիա 81 (27)
* Մասնագիտական կարիերայում ընդգրկված են միայն առաջնության խաղերը և գոլերը:

Կարիմ Բենզեմա (ֆր.՝ Karim Benzema, արաբ․՝ كريم بن زيما‎‎, դեկտեմբերի 19, 1987(1987-12-19)[1][2][3], Լիոն), ֆրանսիացի ֆուտբոլիստ։ Հանդես է գալիս որպես հարձակվող իսպանական «Ռեալում» և Ֆրանսիայի ազգային հավաքականում։

Վաղ կյանք[խմբագրել | խմբագրել կոդը]

Կարիմ Բենզեման ծնվել է 1987 թվականի դեկտեմբերի 27-ին Լիոնի մերձքաղաքային շրջաններից մեկում[4][5]։ Նրա պապը ապրել է Ալժիրի հյուսիսում գտնվող Տիգզիրտ գյուղում, իսկ Լիոն գաղթել և հաստատվել է 1950-ականներին[6]։ Բենզեմայի հայրը ՝ Հաֆիդը, ծնվել է Տիգզիրտում, իսկ մայրը՝ Վահիդա Ջեբարան, ում ընտանիքը արմատներով Ալժիրի Օրան քաղաքից է, ծնվել և մեծացել է Լիոնում[6]։ Բենզեման ընտանիքի երրորդ ամենաերիտասարդ երեխան է և ունի հինգ քույր և երեք եղբայր[6]։ Բենզեմայի ընտանիքը բնակվում էր չափազանց համեստ մի փոքրիկ տանը Բրոն Տեռալիոնի կենտրոնում՝ գործազրկության բարձր մակարդակ ունեցող համայնքում։ Ութ տարեկանում նա սկսել է խաղալ «Բրոն Տեռալիոնի» ակումբում, որտեղ նրան արագ նկատեցին՝ շնորհիվ իր ունակությունների, որոնք, ակնհայտ էր, որ բարձր էին միջին մակարդակից։ Նրա առաջին մարզիչը՝ Սերժ Պատրիարկը, նկատել էր. «Կարիմը հեռու կգնա։ Բայց ինձ համար կարևորն այն է, որ նա մարդկության մեջ է դուրս եկել այնպիսի համայնքից, որտեղից նույնիսկ ողջ դուրս գալն է դժվար»։ Ապա Կարիմին սպասվում էր անցնել այն ճանապարհը որ անցնում է յուրաքանչյուր լավ ֆուտբոլիստ Ֆրանսիայում. շաբաթը 5 անգամ մարզումներ, ինչպես նաև սուրբ Բրունո քոլեջ հաճախումներ։ Սակայն գիտության նկատմամբ տղան առանձնահատուկ ունակություններ չէր ցուցաբերում։ Երբ նա մանուկ էր, նրա կուռքերն էին Ռոնալդոն և Զինեդին Զիդանն։

Ակումբային կարիերան[խմբագրել | խմբագրել կոդը]

Լիոն[խմբագրել | խմբագրել կոդը]

Բենզեման 9 տարեկան էր, երբ հայտնվեց Լիոն ֆուտբոլային ակումբի վերապատրաստման համակարգում և 17 տարեկանում արդեն դարձավ այդ թիմի լավագույն խաղացողներից մեկը՝ խաղաշրջանում խփելով 30-ից ավել գնդակ։ 2004 թվականի դեկտեմբերին Կարիմը սկսեց խաղալ Օլիմպիկի հիմնական կազմում, 2005 թվականի հունվարի 15-ին Ֆրանսիայի առաջնության ժամանակ սեփական Ժերլան մարզադաշտում դարձավ դուբլի հեղինակ։ Այդ խաղում Բենզեման կատարեց գոլային փոխանցում Բրիան Բերգունիոյին, որն այդ պահին համարվում էր Կարիմից նախընտրելի երիտասարդ խաղացող։ Կա մի պատմություն, ըստ որի՝ երբ Կարիմը մտել է հանդերձարան, այնտեղ նստած են եղել Էրիկ Աբիդալը, Ջովանի Էլբերը, Սիլվեն Վիլտորը, Մայքլ Էսսյենը, Ֆլորան Մալուդան և Մամադու Դիարան։ Ըստ լիոնական մի բարի ավանդույթի՝ թիմի յուրաքանչյուր նոր խաղացող պետք է մի քանի խոսք ասի իր նոր խաղընկերներին։ Երբ հերթը հասավ Կարիմին, փոխարենը նեղանալու Էլբերի, Վիլտորի և Դիարայի կատակներից՝ նա սահմանափակվեց այս խոսքերով. «Մի՛ ծիծաղեք։ Ես այստեղ եմ, որպեսզի զբաղեցնեմ ձեր տեղը»[7]։ Չնայած Բենզեման Եվրոպայի սկսնակ խաղացողների չեմպիոնն էր՝ ակումբը չէր շտապում նրան ընդգրկել հիմնական կազմ, և նա այդ խաղաշրջանում խաղաց ընդամենը 6 խաղ։

Բենզեման Լիոնի մարզումների ժամանակ

Իր կարիերայի սկզբում Բենզեմային համեմատում էին Դավիդ Տրեզեգեի հետ պաշտպանությունը շրջանցելու իր ունակության համար, սակայն շուտով Բենզեման արժանացավ Զինեդին Զիդանի հետ համեմատմանը[8]։

2005-2006 մրցաշրջանում Բենզեման Ֆրանսիայի առաջնությանը բացեց հաշիվը իր գնդակով։ Խաղի վերջին րոպեներին նա վշտացրեց «Այաչոյի» դարպասապահին։ Այս խաղաշրջանում նա խաղաց 13 խաղ և խփեց մեկ գնդակ։ Կարիմի դեբյուտը եղավ Չեմպիոնների լիգայի խմբային փուլի խաղի ժամանակ ընդդեմ Ռուսենբուրգի։ Այդ խաղում Բենզեման բացեց հաշիվն իր եվրոգնդակով։

2006-2007 մրցաշրջանում Բենզեման դարձավ «Լիոնի» հիմնական հարձակվողը։ Նա խաղաց 21 խաղ և խբեց 5 գնդակ։ Ֆրանսիայի առաջնության հաջորդ մրցաշրջանում խփեց 20 գնդակ, դարձավ լավագույն ռմբարկու և իր թիմի առաջնորդներից մեկը։ Մամուլում հայտնվեց տեղեկություն Բենզեմայի նկատմամբ հետաքրքրվածության մասին Ռեալ Մադրիդի, Յուվենտուսի, և Չելսիի կողմից, բայց Կարիմը հայտարարեց, որ չի ցանկանում լքել Լիոնը, որի հետ նախատեսում էր հաղթել Չեմպիոնների լիգան[9][10]։ Ֆրանսիայի առաջնության 2008-2009 մրցաշրջանում Կարիմը 36 խաղում խփեց 17 գնդակ։ «Լիոնի» կազմում Բենզեման 146 խաղում խփեց 66 գնդակ։

Ռեալ Մադրիդ[խմբագրել | խմբագրել կոդը]

Ռեալ Մադրիդում

Այնուամենայնիվ, 2009 թվականի հուլիսի 1-ին Բենզեման 35 միլիոն եվրոյի դիմաց տեղափոխվեց իսպանական Ռեալ Մադրիդ ակումբ՝ կնքելով 6 տարի ժամկետով պայմանագիր[11]։ Ֆրանսիացին պիտի ստանար տարեկան 6.5 միլիոն եվրո։ Եթե հանենք 24% հարկերը, կստացվի 5 միլիոն եվրո։ «Ռեալ Մադրիդը» ֆուտբոլիստի գործակալին վճարեց տրանսֆերի գումարի 10%-ը։ Սա առավելագույն թույլատրելի տոկոսադրույքն էր եվրոպական ֆուտբոլում։ Նախկին ակումբը կարող է ստանալ նաև 6 միլիոն եվրո։ Դրա համար «Ռեալը» պետք է ամեն տարի՝ սկսած 2013 թվականից մասնակցի Չեմպիոնների Լիգային, իսկ Բենզեման պետք է արժանանա Ոսկե գնդակի «France Football» ամսագրի կողմից և դառնա լավագույն ֆուտբոլիստ ՖԻՖԱ-ի վարկանիշով։ Բենզեման դարձավ մադրիդյան ակումբի 4-րդ ձեռքբերումը բրազիլացի Կակայից, պորտուգալացի Կրիշտիանու Ռոնալդուից և իսպանացի Ռաուլ Ալբիոլից հետո։ Հուլիսի 9-ին նա պաշտոնապես հանդես եկավ «Ռեալի» կազմում։ Հարձակվողի ներկայացումը Սանտյագո Բերնաբեուում հավաքել էր մոտ 15-20 հազար հանդիսատես[12]։ Կարիմ Բենզեման դարձավ մադրիդյան ակումբի պատմության մեջ 15-րդ ֆրանսիացի ֆուտբոլիստը։ Ֆրանսիացի հարձակվողը թիմում ստացավ 11 համարը[13]։

2009-10 մրցաշրջան[խմբագրել | խմբագրել կոդը]

Բենզեման նշում է իր խփած գնդակը

Նոր ակումբում առաջին խաղը Բենզեման անցկացրեց «Դեպորտիվոյի» հետ հանդիպման ժամանակ։ Ռեալը հաղթանակ տարավ 3-2 հաշվով, իսկ Բենզեման այդպես էլ չկարողացավ առանձնանալ և 73-րդ րոպեին փոխարինվեց։ Իր առաջին պաշտոնական գնդակը Բենզեման խփել է 3-րդ տուրում, «Խերեսայի» հետ խաղում։ Իր առաջին մրցաշրջանի ժամանակ Բենզեման միշտ չէր, որ հայտնվում էր հիմնական կազմում։ 26 խաղերից միայն 14-ում է նա ներկայացել հիմնական կազմում և միայն 4-ում մնացել ամբողջ խաղի ընթացքում։ Ամբողջ մրցաշրջանում Բենզեման խաղացել է 33 խաղ, խփել 9 գնդակ, որոնցից 8-ը Իսպանիայի առաջնության ժամանակ։

2010-11 մրցաշրջան[խմբագրել | խմբագրել կոդը]

Ռաուլ Գոնսալեսի հեռանալուց հետո Կրիշտիանու Ռոնալդուն իրեն է վերցնում 7-րդ համարը, իսկ Կարիմը՝ 9-ը։ Գլխավոր մարզիչ Ժոզե Մոուրինյոյի գալուց հետո իրավիճակը չի փոխվում։ Մրցաշրջանի առաջին կեսում Բենզեման չէր հայտնվում հիմնական կազմում և հայտնվում էր դաշտում միայն որպես փոխարինող։ Իրավիճակը անմիջապես փոխվում է, երբ հարձակվող Գոնսալո Իգուաինը լուրջ վնասվածք է ստանում և չի կարողանում խաղալ երկար ժամանակ։ Բենզեման ստացավ հիանալի հնարավորություն դառնալու հիմնական կազմի ֆուտբոլիստ և սկսեց հայտնվել դաշտում խաղի առաջին րոպեներից։ 2010 թվականի դեկտեմբերի 8-ին Բենզեման Չեմպիոնների լիգայի խաղի ժամանակ ընդդեմ «Օսերայի» հանդես եկավ իր առաջին հեթ-տրիկով։ Երկրորդ հեթ-տրիկը Բենզեման խփեց Իսպանիայի գավաթի ժամանակ 1/8 եզրափակչում «Լևանտեի» դեմ հանդիպմանը։ Բենզեման վերջիվերջո ձեռք բերեց Մոուրինյոյի վստահությունը՝ խփելով 10 գնդակ 10 խաղում (այդ թվում 3 դուբլ՝ «Մալագայի», «Ռասինգի» և «Էրկուլեսայի» դարպասներին)։ Ամբողջ մրցաշրջանում Բենզեման անցկացրեց 48 հանդիպում և խփեց 26 գնդակ։

2011-12 մրցաշրջան[խմբագրել | խմբագրել կոդը]

Բեզեման մրցաշրջանը սկսեց շատ տպավորիչ՝ խփելով 8 գնդակ 7 խաղում։ Առաջին գնդակը նոր մրցաշրջանում խփեց 3-րդ տուրի «Խետաֆեի» հետ խաղի ժամանակ։ Դրանից հետո Բենզեման գրավեց «Ռայո Վալեկանոյի», «Վիլյառեալի», «Վալենսիայի» դարպասները և դարձավ դուբլի հեղինակ «Օսասունայի» հետ խաղում։ Առաջին Էլ Կլասիկոյի ժամանակ Բենզեման առաջին իսկ րոպեներին գրավեց Վիկտոր Վալդեսի դարպասը, սակայն այս գնդակը չփրկեց «Ռեալին», ով պարտվեց 3։1 հաշվով։ Չեմպիոնների լիգայի մրցաշրջանի ժամանակ Բենզեման գրավել է «Այաքսի» և «Օլիմպիկի» դարպասները և դուբլի հեղինակ է դարձել «Դինամոյի» հետ հանդիպման ժամանակ։

«Բարսելոնային» պարտվելուց հետո «Ռեալը» 11 խաղում անընդմեջ հաղթանակ տարավ, որոնց ժամանակ Բենզեման աչքի ընկավ «Լևանտեյի» դարպասին խփած գնդակով և դուբլով Գրանադայի և Ռասինգի դարպասներին։ Իսպանիայի գավաթի 1/8 եզրափակչում Մալագայի դեմ 2 խաղում Բենզեման խփեց մեկական գնդակ։ «Բարսելոնայի» դեմ պատասխան հանդիպման ժամանակ 1/4 եզրափակչում Բենզեման հավասարեցրեց հաշիվը։ Խաղն ավարտվեց 2։2 հաշվով, սակայն երկու խաղի արդյունքում Բարսելոնան դուրս եկավ եզրափակիչ։ Չեմպիոնների լիգայի 1/8 եզրափակչում «ԲԿՄԱ»-ի դեմ պատասխան հանդիպման ժամանակ Բեզնեման 70-րդ րոպեին դուրս եկավ փոխարինման և մեկ րոպե անց խփեց «Ռեալի» 3-րդ գոլը։ «Ռեալը» հաղթեց 4։1 հաշվով և դուրս եկավ 1/4 եզրափակիչ, որտեղ հանդիպեց «Ապոելի» հետ։ Կիպրոսում Բենզեման խփեց 2 գնդակ։

28-րդ տուրում «Մալագայի» հետ հանդիպման ժամանակ «Ռեալը» 11 խաղի ընթացքում առաջին անգամ կորցրեց միավորներ։ Բենզեման գնդակ խփեց 35-րդ րոպեին, սակայն 92-րդ րոպեին Սանտի Կասորլան տուգանային հարվածից գրավեց Իկեր Կասիլյասի դարպասը։ Իսպանիայի առաջնության ժամանակ Բենզեման խփեց ևս 7 գնդակ 10 խաղում և օգնեց Ռեալին դառնալ չեմպիոն։ Այդ նույն մրցաշրջանում Ռեալի եռյակը՝ Կրիշտիանու Ռոնալդուն, Բենզեման և Գոնսալո Իգուաինը դարձան 118 գոլի հեղինակ, որը Իսպանիայի առաջնության պատմության մեջ դարձավ լավագույն արդյունքը։

2013-14 մրցաշրջան[խմբագրել | խմբագրել կոդը]

Այս մրցաշրջանը դարձավ լավագույններից մեկը ֆրանսիացի հարձակվողի կարիերայում. Իսպանիայի առանջնության ժամանակ խաղացել է 35 խաղ և խփել 17 գնդակ։ Այս մրցաշրջանում մադրիդյան ակումբի հարձակման գիծը ձևավորվում էր «փունջ-եռաժանիի» կողմից՝ Կրիշտիանու Ռոնալդու, Գարեթ Բեյլ և Բենզեմա, որը խփել է ակումբի գնդակների 66%-ը։ Կարիմը դարձել է մադրիդյան ակումբի հիմնական խաղացողներից մեկը, իսկ հաստատուն խաղային պրակտիկան թույլ տվեց ֆրանսիացուն ամրապնդել իր դիրքերը ազգային թիմում՝ մասնակցելով 2014 թվականի Աշխարհի առաջնությանը։ Կարիմ Բենզեման նշանավորվեց Իսպանիայի առաջնության 20-րդ տուրի «Բետիսի» դեմ հանդիպման ժամանակ 45-րդ րոպեին խփած գնդակով. Բենզեման խփեց իր 100-րդ գնդակը մադրիդյան ակումբում։

2014–15 մրցաշրջան[խմբագրել | խմբագրել կոդը]

2014 թվականի օգոստոսի 6–ին «Ռեալ Մադիդը» հայտարարեց, որ Բենզեման կնքել է նոր հնգամյա պայմանագիր, որի շնորհիվ նա ակումբում կմնա մինչև 2019 թվականը[14]։ 2014 թվականի օգոստոսի 12–ին Բենզեման «Սևիլյայի» դեմ խաղում անցկացրեց 90 րոպե, որտեղ «Ռեալը» հաղթանակ տարավ 2–0 հաշվով ՈՒԵՖԱ–ի Սուպեր գավաթի եզրափակչում։

Առաջին գոլը 2014-2015 մրցաշրջանում ֆրանսիացին խփեց 2-րդ տուրում «Բետիսի» դարպասը։ Այդ մրցաշրջանում Կարիմ Բենզեման այլ բաներից զատ դարձավ 2 հեթ-տրիկի հեղինակ։ Առաջինը նա հեղինակեց Չեմպիոնների լիգայի խմբային փուլի շրջանակներում «Մալմյոի»[15] հետ խաղում, իսկ երկրորդը Իսպանիայի առաջնության 16-րդ տուրում «Ռայո Վալեկանոյի» դարպասը՝ այդ խաղը ավարտվեց «սերուցքայինների» հաղթանակով 10։2[16]։

2014 թվականի սեպտեմբերի 16–ին Բենզեման դարձավ «Ռեալի Մադրիդի» 1,000–րդ գոլը եվրոպական մրցությունների ընթացքում, Չեմպիոնների լիգայի «Բազելի» դեմ տարած 5–1 հաղթանակի ժամանակ[17]։ Նա խփեց «Ռեալ Մադրիդի» հաղթական գոլը Չեմպիոնների լիգայի «Լուդոգորեցի» դեմ խաղում՝ փոխարինվելով երկրորդ խաղակեսում[18]։ Հաջորդ հանգստյան օրերին նա գոլի հեղինակ դարձավ «Ատլետիկ Բիլբաոյի» դեմ խաղում․ այստեղ «Ռեալը» հաղթեց 5-0 հաշվով[19]։

Բենզեման ընտրվեց 2014 թվականի Լա լիգայի հոկտեմբեր ամսվա ֆուտբոլիստ։ Մեկ ամսում նա «Ռեալ Մադրիդի» 13 գոլերից 3–ի հեղինակը դարձավ․ այս խաղում թիմը երեք հաղթանակ տարավ և բաց թողեց ընդամենը մեկ գոլ[20]։

Բենզեման շարունակում էր գոլեր խփել նոյեմբեր ամսվա ընթացքում, որոնցից մեկը նա հեղինակեց Չեմպիոնների լիգայի «Լիվերպուլի» դեմ խաղում։

2016-17 մրցաշրջան[խմբագրել | խմբագրել կոդը]

Բենզեման 2015 թվականին

2016 թվականի դեկտեմբերին Բենզեման «Ռեալի» կազմում մասնակցեց աշխարհի ակումբային առաջնության, որը կայացավ Ճապոնիայում[21]։ Դեկտեմբերի 15-ին կայացած Մեքսիկական «Ամերիկայի» դեմ կիսաեզրափակիչ խաղում Բենզեման գոլի հեղինակ դարձավ առաջին խաղակեսի վերջնամասում, որը հնարավորություն տվեց «սերուցքայիններին» դուրս գալ եզրափակիչ[22]։ Երեք օր անց ճապոնական «Կասիմա Անտլերս» ակումբի հետ կայացած եզրափակիչ խաղի 9-րդ րոպեին Բենզեման բացեց խաղի հաշիվը։ «Ռեալ Մադրիդը» հաղթեց 4։2 հաշվով լրացուցիչ ժամանակի արդյունքում, քանի որ հիմնական ժամանակում հաղթողին որոշել չհաջողվեց։ Այդ առաջնությունում հաղթելու շնորհիվ Կարիմը մադրիդյան ակումբի կազմում իր 10-րդ տիտղոսը նվաճեց։

2017 թվականի փետրվարի 15-ին Չեմպիոնների լիգայի 2016-2017 մրցաշրջանի 1/8 եզրափակիչի առաջին խաղում ընդդեմ «Նապոլիի» Բենզեման խփեց մադրիդյան ակումբի առաջին գոլը, խաղը ավարտվեց 3։1 հաշվով։ Խփած գնդակը դարձավ 51-րդը հարձակվողի համար այդ մրցաշրջանում, որ նրան հնարավորություն տվեց շրջանցելու Թիերի Անրիին, Չեմպիոնների լիգայի բոլոր ժամանակների լավագույն ֆրանսիացի հարձակվողների ցուցակում։ Իր ելույթի համար Բենզեման ճանաչվեց հանդիպման լավագույն խաղացող[23]։

2016-2017 մրցաշրջանի արդյունքում «Ռեալ Մադրիդը» հաղթեց Լա Լիգայում[24][25] և Չեմպիոնների լիգայում[26]։

2017-18 մրցաշրջան[խմբագրել | խմբագրել կոդը]

2017 թվականի սեպտեմբերի 20-ին Բենզեման երկարացրեց ակումբի հետ իրպայմանագիրը մինչև 2021 թվականը[27]։ Հաջորդ տարվա մարտի 6-ին Չեմպիոնների լիգայի 2017-2018 մրցաշրջանի 1/8 եզրափակիչի պատասխան խաղում «Պարի Սեն-Ժերմենի» հետ (2-1) Բենզեման անցկացրեց իր 100-րդ հանդիպումը այդ մրցաշարում, «արքայական» ակումբ այդ խաղում կարողացավ անցնել հաջորդ փուլ[28][29]։ Մարտի 31-ին ֆրանսիացին անցկացրեց իր 400-րդ հանդիպում «Ռեալ Մադրիդի» կազմում բոլոր մրցաշարերում։ Կարիմ դուրս գալով խաղադաշտ թիմի ավագի կարգավիճակով, օգնեց թիմին վստահ հաղթանակ տանել «Լաս Պալմասի» նկատմամբ 3։0 հաշվով, հեղինակելով 2-րդ գոլը տասնմեկմետրանոց հարվածից[30]։

2018 թվականի մայիսի 26-ին Չեմպիոնների լիգայի 2017-2018 մրցաշրջանի եզրափակիչ խաղում «Լիվերպուլի» դեմ դարձավ գոլի հեղինակ, գնդակը հափշտակելով անգլիական ակումբի դարպասապահ Լորիս Կարիուսի խաղիմ մեջ մցնելու ժամանակ և գրավեց դատարկ դարպասը։ «Ռեալը» կարողացավ հաղթել 3։1 հաշվով և նվաճեց իր 3-րդ անընդմեջ ու 13-րդ ընդհանուր առմամբ Ճեմպիոնների լիգայի գավաթը[31][32]։

2018-19 և 2019-20 մրցաշրջաններ[խմբագրել | խմբագրել կոդը]

2018 թվականի նոյեմբերի 7-ին Կարիմ Բենզեման դարձավ գոլի հեղինակ Չեմպիոնների լիգայի խմբային փուլում չեխական «Վիկտորիա Պլզենի» (5։0) հետ խաղում, մադրիդյան ակումբի կազմում հասնելով 200 գոլի սահմանին[33]։ Ֆրանսիացին դարձավ ակումբի պատմության մեջ 7-րդ խաղացողը, որը կարողացել է հասնել այդ արդյունքին[34]։ Հաջորդ տարվա փետրվարի 13 Բենզեման դարձավ գոլի հեղինակ այդ մրցաշարի 1/8 եզրափակիչի «Այաքսի» դեմ առաջին խաղում (2։1), որը հնարավորություն տվեց ֆրանսիացում հասնել Չեմպիոնների լիգայում 60 գոլի սահմանին[35]։ Նա դարձավ միայն 4-րդ ֆուտբոլիստը ում հաջողվեց հասնել այդ արդյունքին[36]։

2019 թվականի օգոստոսի 17-ին Բենզեման առաջին գոլը հեղինակեց Իսպանիայի առաջնության 2019-2020 մրցաշրջանում, որը օգնեց հաղթել «Սելտային» 3։1 հաշվով[37]։ Նոյեմբերի 6-ին ֆրանսիացին դուբլ ձևակերպեց մադրիդյան ակումբի կազմում թուրքական «Գալաթասարայի» հետ խաղում, որը օգնեց ջախջախիչ հաղթանակ տոնել 6։0 հաշվով, որի շնորհիվ կարողացավ հասնել միանգամից երկու ցուցանիշի՝ նա դարձավ Լիոնել Մեսսից հետո երկրորդ ֆուտբոլիստը, որը գոլի հեղինակ է դարձել Չեմպիոնների Լիգայի 15 մրցաշրջաններում անընդմեջ, և «Ռեալի» երրորդ ֆուտբոլիստը, որը հեղինակել է 50 գոլ այդ մրցաշարում[38][39]։ Բենզեմայի ելույթները բարձր են գնահատվել թիմի գլխավոր մարզիչ Զինեդին Զիդանի կողմից, որը նրան անվանել է լեգենդ և համեմատել է Կրիշտիանու Ռոնալդուի հետ[40]։ Երեք օր անց Բենզեման դուբլ ձևակերպես «Էյբարի» հետ խաղում (4։0), որով շրջանցեց Ֆերենց Պուշկաշին և դարձավ Իսպանիայի առաջնությունում ակումբի պատմության 6-րդ ռմբարկուն[41]։

2020 թվականի փետրվարին Բենզեման երկարաձգեց իր պայմանագիրը ակումբի հետ միչև 2022 թվականը[42]։ Մարտի 1-ին ֆրանսիացին անցկացրեց իր 500-րդ հանդիպումը «Ռեալ Մադրիդի» կազմում, դառնալով ակումբի պատմության մեջ 14-րդ ֆուտբոլիստը ում հաջողվել է հասնել այդ արդյունքին[43][44]։

2020 թվականի հունիսի 18-ին Իսպանիայի առաջնության 29-րդ տուրի «Վալենսիայի» դեմ խաղում (3։0) Կարիմ Բենզեման դարձավ դուբլի հեղինակ, որի շնորհիվ շրջանցեց Ֆերենց Պուշկաշին և դարձավ ակումբի պատմության 5-րդ լավագույն ռմբարկուն[45]։

Ակումբային վիճակագրություն[խմբագրել | խմբագրել կոդը]

Ակումբ Մրցաշրջան Լիգա Գավաթներ[46] Եվրոպայի գավաթ[47] Այլ[48] Ընդամենը
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Լիոն 2004/05 0 0 0 0 0 0 0 0 6 0
2005/06 13 1 2 2 1 1 0 0 16 4
2006/07 21 5 2 0 3 2 1 1 27 8
2007/08 36 20 8 7 7 4 1 0 52 31
2008/09 36 17 2 1 8 5 1 0 47 23
Ընդամենը 112 43 14 10 19 12 3 1 148 66
Լիոն B 2004/05 11 10 - - - - 0 0 11 10
2005/06 9 5 - - - - 0 0 9 5
2006/07 1 0 - - - - 0 0 1 0
Ընդամենը 21 15 0 0 0 0 0 0 21 15
Ռեալ Մադրիդ 2009/10 27 8 1 0 5 1 0 0 33 9
2010/11 33 15 7 5 8 6 0 0 48 26
2011/12 34 21 5 3 11 7 2 1 52 32
2012/13 30 11 8 4 10 5 2 0 50 20
2013/14 35 17 6 2 11 5 0 0 52 24
2014/15 29 15 6 0 11 7 0 0 46 22
2015/16 27 24 0 0 9 4 0 0 36 28
2016/17 29 11 3 1 13 5 3 2 48 19
2017/18 32 5 1 1 9 5 5 1 47 12
2018/19 36 21 6 4 8 4 3 1 53 30
2019/20 37 21 3 1 8 5 0 0 48 27
2020/21 34 23 1 0 10 6 1 1 46 30
2021/22 20 17 0 0 5 5 1 1 26 23
Ընդամենը 403 209 44 21 116 64 22 8 585 302
Ընդամենը կարիերայում 536 267 58 31 135 76 25 9 754 383

Միջազգային կարիերան[խմբագրել | խմբագրել կոդը]

Կարիմ Բենզեման Եվրոպայի 2012-թվականի առաջնության ժամանակ

2004 թվականին 17-ամյա Բենզեման Ֆրանսիայի հավաքականի խաղացող էր, որի հետ առաջին անգամ հավաքականի պատմության մեջ նա հաղթել է Եվրոպայի ֆուտբոլի առաջնությունը (մինչև 17 տարեկան երիտասարդներ)։ Մրցաշարում, որը տեղի է ունեցել Ֆրանսիայում, Բենզեման խփել է մեկ գնդակ Հյուսիսային Իռլանդիայի դեմ խաղում։ Ավելի ուշ խաղացել է մինչև 18 տարեկանների հավաքականում։ 2005 թվական ին հավաքականի հետ հաղթել է Մերիդանայի առաջնությունը։ Նա խաղացել է բոլոր 4 խաղերում և շնորհիվ իր 5 գնդակի՝ Ֆրանսիան հաղթել է մրցաշարը։ 2005-2006 թվականներին խաղացել է հավաքականի մինչև 19 տարեկանների խմբում, որի հետ անկացրել է 8 հանդիպում և խփել է 4 գնդակ։ Ավելի ուշ հրավեր ստացավ Ֆրանսիայի երիտասարդական հավաքականից, որի կազմում խաղաց Եվրոպայի առաջնության որակավորման փուլում։ Վերջին խաղերում Ֆրանսիայի հավաքականը 2 խաղերի արդյունքում զիջեց Իսրայելի հավաքականին։ Այդ մրցաշարում Բենզեման մասնակցեց բոլոր 5 խաղերին, սակայն այդպես էլ չկարողացավ դառնալ գոլի հեղինակ։

2006 թվականի դեկտեմբերին Բենզեման հրավեր ստացավ Ֆրանսիայի հավաքականից մասնակցելու Հունաստանի հավաքականի դեմ խաղին, սակայն վնասվածքի պատճառով այդպես էլ չհայտնվեց դաշտում։ Այդ ժամանակ Ալժիրի ֆուտբոլի ֆեդերացիայի կողմից առաջարկը ներկայանակու Ալժիրի ֆուտբոլի հավաքականում Բենզեման մերժեց։

Aquote1.png Իմ ծնողները Ալժիրից են, այդ երկիրն իմ սրտում է, բայց ֆուտբոլ ես կխաղամ Ֆրանսիայում[49]։ Aquote2.png


Ամբողջական դեբյուտը կայացավ 2007 թվականի մարտի 28-ին Ավստրիայի հավաքականի դեմ ընկերական հանդիպման ժամանակ, որում Բենզեման, մտնելով դաշտ 2-րդ խաղակեսում, դարձավ գոլի հեղինակ և հաղթանակ բերեց Ֆրանսիային։

Բենզեման հավաքականի հետ միասին մասնակցեց Ֆուտբոլի Եվրոպայի առաջնությանը։ Ֆրանսիան այդ ժամանակ զբաղեցրեց վերջին տեղը և լքեց մրացաշարը։ Բենզեման խաղաց 2 խաղ ու չխփեց և ոչ մի գնդակ։ Եվրո 2008-ից հետո Կարիմը խաղաշապիկի 9 համարը փոխարինեց 10-ով։ Ֆուտբոլի աշխարհի առաջնության որակավորման փուլում մասնակցեց 8 խաղի և միայն դրանցից 3-ում մտավ խաղադաշտ առաջին րոպեից։ Նախքան եզրափակիչ մրցաշարը, հավաքականի մարզիչ Ռայմոնդ Դոմենեկը Բենզեմային չէր ներառել ՀԱՀ-ի նախնական ցուցակում[50]։

Ֆուտբոլի աշխարհի առաջնության ընթացքում Ֆրանսիայի հավաքականը հաջող ներկայացավ. Բենզեման խփեց մեկ գնդակ Ֆինլանդիայի հետ պատասխան խաղում, արդյունքում խաղն ավարտվեց 3։0 հաշվով։ Ֆրանսիան հայտնվեց երկրորդ հորիզանականում՝ զիջելով Իսպանիային, և խաղաց Ուկրաինայի դեմ՝ սկզբում պարտվելով 2։0 հաշվով, սակայն պատասխան խաղի ժամանակ ջախջախեց 3։0 հաշվով։ Բենզեման առանձնացավ գոլով։ Ֆուտբոլի աշխարհի առաջնության եզրափակիչ փուլի E խմբում, որտեղ մրցակիցներն էին Շվեյցարիան, Էկվադորը և Գոնդուրասը, ֆրանսիացիները գրավեցին առաջին հորիզոնականը, իսկ Կարիմը դարձավ 3 գոլի հեղինակ՝ 2-ը Հոնդուրասի դարպասին, իսկ 1-ը՝ շվեյցարիացիների։ Նաև կատարեց 3 գոլային փոխանցում։ 1/8 եզրափակչում հաղթանակ տարան Նիգերիայի հետ խաղում 2։0 հաշվով, այդ թվում Բենզեման կատարեց գոլային փոխանցում Անտուան Գրիզմանին։ 1/4 եզրափակչի Գերմանիայի դեմ խաղում Բենզեման չառանձնացավ, Ֆրանսիան պարտվեց 1։0 հաշվով։ Այդուհանդերձ, Կարիմը դարձավ այդ խաղաշրջանի ֆրանսիայի հավաքականի լավագույն խաղացող և ռմբարկու։

2015 թվականին Բնեզեման հեռացվել է ազգային հավաքականից սկանդալի պատճառով, որը կապված էր Մաթյո Վալբուենայի հետ և այդ պահից սկսված չի հրավիրվել հավաքական, այդ թվում 2016 թվականին Ֆրանսիայում տեղի ունեցած Եվրոպայի առաջնությանը[51]։ 2018 թվականին Ֆրանսիայի ֆուտբոլի ֆեդերացիայի նախագահը հայտարարել է, որ Բենզեման երբեք չի հրավիրվելու հավաքական[52]։

2021 թվականի մայիսի 18-ին Բենզեման հրավեր ստացավ հավաքայան 2020 թվականի Եվրոպայի առաջնության մասնակցելու համար[53]։ Առաջնության ընթացքում Բենզեման դարձավ հավաքականի լավագույն ռմբարկուն հեղինակելով 4 գնդակ, դառնալով դուբլի հեղինակ Շվեյցարիայի և Պորտուգալիայի հավաքականների դեմ խաղերում։

Բենզեման հավաքականի կազմում մասնակցեց 2021 թվականին տեղի ունեցած Ուեֆայի ազգերի լիգայի խաղարկությանը եզրափակիչ փուլին, որը ավարտվեց Ֆրանսիացիների հաղթանոակով, իսկ Բենզեման գոլի հեղինակ դարձավ ինչպես կիսաեզրաֆակիչում Բելգիայի, այնպես էլ եզրափակիչում Իսպանիայի հավաքականի դեմ խաղերում[54][55]։ Բենզեման ճանաչվել է եզրափակիչ խաղի լավագույն ֆուտբոլիստ[56]։

2021 թվականի նոյոմբերի 13-ին Բենզեման իր առաջին գնդակը հեղինակեց 2022 թվականի աշխարհի առաջնության ընտրական փուլում, դառնալով դուբլի հեղինակ Ղազախստանի հետ խաղում (8-0)[57]։ Այդ խաղից հետո Բենզեման հավաքականի պատմության ընթացքում հեղինակած 35 գոլով դարձավ 5-րդ լավագույն ռմբարկուն[58]։

Միջազգային վիճակագրություն[խմբագրել | խմբագրել կոդը]

Ազգային հավաքական Տարի Խաղ Գոլեր
Ֆրանսիա 2007 8 3
2008 11 2
2009 8 3
2010 5 3
2011 10 2
2012 12 2
2013 10 2
2014 13 8
2015 4 2
2021 13 9
Ընդհանուր 94 36

Անձնական կյանք[խմբագրել | խմբագրել կոդը]

Բենզեման Ադիդաս ընկերության երաժշտական (վերևում) և գովազդային (ներքևում) հոլովակներում` համապատասխանաբար 2019 և 2018 թվականներին։

Բենզեման ունի մեկ որդի և մեկ դուստր։ 2014 թվականի փետրվարին ծնվել է նրա դուստրը` Մելիան[59], իսկ 2017 թվականի մայիսին որդին` Իբրահիմը[60]։ Բենզեման մուսուլման է և իսլամական Ռամադան ամսին պահք է պահում[61]։ Խոսելով իր հավատքի մասին նա ասել է. «Իմ հավատքն օգնում է ինձ կենտրոնանալ ամեն օր։ Այն ինձ օգուտ է բերում և ուժ է ինձ համար, իմ ընտանիքի, ինչպես նաև իմ աշխատանքի համար` բառացիորեն ամեն ինչի համար»[62]։

Միջազգային ճանաչում ստանալուց ի վեր Բենզեման մասնակցել է բազմաթիվ գովազդային արշավների։ Նա ընտրվել է որպես դեսպան` ամերիկյան Electronic Arts ընկերության կողմից թողարկվող ՖԻՖԱ տեսախաղերի շարքի համար։ Նա նաև հովանավորչական պայմանագրեր է կնքել մի շարք ընկերությունների հետ, մասնավորապես կորեական Hyundai ավտոարտադրողի, ֆրանսիական SFR բջջային օպերատորի և նրա դուստր BuzzMobile-ի, ֆրանսիական LCL բանկի և bwin բուքմեյքերական ընկերության հետ։ Բենզեման հովանավորվում է Ադիդաս մարզահագուստ արտադրող ընկերության կողմից[63]։ 2017 թվականին թողարկվեց նրա վավերագրական ֆիլմը` «Le K Benzema»[64]: 2020 թվականին Բենզեման ստեղծեց իր սեփական ՅուԹյուբի ալիքը, որտեղ տեղադրում է հոլովակներ իր առօրյա կյանքից, ինչպես նաև հարցազրույցներ և երկրպագուների հետ հարց ու պատասխաններ[65][66]։

Ձեռքբերումներ[խմբագրել | խմբագրել կոդը]

Թիմային[խմբագրել | խմբագրել կոդը]

Ֆրանսիա «Լիոն»

  • Ֆուտբոլի Ֆրանսիայի առաջնություն (4). Ֆուտբոլի Ֆրանսիայի առաջնություն 2004/2005, Ֆուտբոլի Ֆրանսիայի առաջնություն 2005/06, Ֆուտբոլի Ֆրանսիայի առաջնություն 2006/07, Ֆուտբոլի Ֆրանսիայի առաջնություն 2007/08
  • Ֆրանսիայի գավաթակիր. Ֆրանսիայի գավաթ 2007/2008
  • Ֆրանսիայի սուպերգավաթակիր (2). Ֆրանսիայի սուպերգավաթ 2006, Ֆրանսիայի սուպերգավաթ 2007

Իսպանիա «Ռեալ Մադրիդ»

Ֆրանսիա Ֆրանսիայի հավաքական

  • Ֆուտբոլի Եվրոպայի առաջնություն (մինչև 17 տարեկան երիտասարդներ). 2004
  • Մերիդանայի գավաթակիր. 2005
  • ՈՒԵՖԱ ազգերի լիգայի գավաթակիր. 2020/21[67]

Անհատական[խմբագրել | խմբագրել կոդը]

  • Ֆրանսիայի տարվա ֆուտբոլիստ (4). 2011, 2012, 2014, 2021
  • Ֆրանսիայի առաջնության լավագույն ռմբարկու. Ֆրանսիայի առաջնություն 2007/2008 [68]
  • «Բրավո» տիտղոսի տիտղոսակիր. 2008 [69]
  • Չեմպիոնների լիգայում «Ռեալ Մադրիդի» 300-րդ գոլի հեղինակ
  • ՊՖԱՄ Ֆրանսիայի առաջնության ամսվա լավագույն ֆուտբոլիստ․ Հունվար 2008, Ապրիլ 2008
  • ՊՖԱՄ Ֆրանսիայի առաջնության տարվա լավագույն ֆուտբոլիստ․ 2007/2008 [70][71]
  • ՊՖԱՄ Ֆրանսիայի առաջնության տարվա խորհրդանշական հավաքական․ 2007/2008 [71]
  • ՊՖԱՄ Ֆրանսիայից դուրս հանդես եկող լավագույն ֆրանսիացի ֆուտբոլիստ․ 2018–19, 2020–21[72] 2021[73]
  • ՈՒԵՖԱ-ի Չեմպիոնների լիգայի մրցաշրջանի խորհրդանշական հավաքականը․ 2020/2021[74]
  • Լա Լիգայի ամսվա լավագույն ֆուտբոլիստ․ Հոկտեմբեր 2014[75], Հունիս 2020[76], Մարտ 2021[77], Սեպտեմբեր 2021[78]
  • ՈՒԵՖԱ-ի Լա Լիգայի տարվա խորհրդանշական հավաքական․ 2019/2020[79]
  • Ալֆրեդո Դի Ստեֆանոյի մրցանակ․ 2019/2020[80]
  • Marca տարվա լավագույն խաղացող (երկրպագուների քվեարկությամբ)․ 2019/2020[80]
  • L'Équipe տարվա լավագույն խաղացող (երկրպագուների քվեարկությամբ)․ 2020[81]
  • Onze d’Or․ 2020/2021[82]
  • European Sports Media տարվա խորհրդանշական հավաքական․ 2020/2021[83]
  • ՈՒԵՖԱ-ի Եվրոպայի առաջնության բրոնզե խաղակոշիկ․ 2020[84]
  • ՈՒԵՖՍ-ի Ազգերի լիգայի եզրափակիչ փուլի բրոնզե խաղակոշիկ․ 2021[85]
  • ՈՒԵՖԱ-ի Ազգերի լիգայի եզրափակիչ խաղի լավագույն խաղացող․ 2021
  • ՈՒԵՖՍ-ի Ազգերի լիգայի եզրափակիչ փուլի լավագույն գոլի հեղինակ․ 2021[86]

Ծանոթագրություններ[խմբագրել | խմբագրել կոդը]

  1. Transfermarkt.com(բազմ․) — 2000.
  2. Roglo — 1997. — ed. size: 8549233
  3. As (իսպ.)Madrid: Grupo PRISA, 1967.
  4. «Benzema, le phénomène qui réveille le foot»։ Le Point։ Փետրվարի 7, 2008։ Արխիվացված է օրիգինալից 2016 թ․ Մարտի 4-ին։ Վերցված է 2021 թ․ Հոկտեմբերի 2 
  5. «Benzema, l'arme fatale de l'OL»։ Maxifoot։ Սեպտեմբերի 19, 2007։ Վերցված է Հոկտեմբերի 2, 2021 
  6. 6,0 6,1 6,2 «Sur les traces de Karim Benzema»։ DjaZairess։ Մայիսի 13, 2008։ Վերցված է Հոկտեմբերի 2, 2021 
  7. «Benzema, 20 ans et déjà tout d’un grand»։ Արխիվացված է օրիգինալից 2016 թ․ հունվարի 15-ին։ Վերցված է 2015 թ․ փետրվարի 5 
  8. «The People: Կարիմ Բենզեման դարձավ «Չելսիի» առաջնային նպատակ»։ Արխիվացված է օրիգինալից 2015 թ․ մայիսի 18-ին։ Վերցված է 2015 թ․ փետրվարի 5 
  9. Benzema veut gagner la Ligue des Champions avec l’OL. (ֆր.) Lyon Capitale: Հոկտեմբերի 30, 2007 թվական
  10. Բենզեման չի լքում «Լիոնը», Soccer.ru, նոյեմբերի 9, 2007 թվական
  11. Բենզեման տեղափոխվեց «Ռեալ»
  12. Բենզեմայի ներկայացումը Սանտյագո Բերնաբեուում հավաքել էր մոտ 15-20 հազար հանդիսատես
  13. Բենզեման «Ռեալում» ստացավ 11 համարը
  14. «Official statement: Benzema»։ realmadrid.com։ օգոստոսի 6, 2014 
  15. «Ronaldo rampant as Madrid put eight past Malmö»։ UEFA։ 2015-12-08 
  16. «Real Madrid 10–2 Rayo Vallecano»։ bbc.com։ 2015-12-20։ Վերցված է 2015 թ․ դեկտեմբերի 20 
  17. «Real Madrid 5 - 1 FC Basel»։ BBC Sport։ սեպտեմբերի 16, 2014։ Վերցված է 2014 թ․ սեպտեմբերի 18 
  18. «Ludogorets 1-2 Real Madrid: Karim Benzema delivers winner from the bench as Cristiano Ronaldo and Co survive scare in Sofia»։ Daily Mail։ հոկտեմբերի 1, 2014 
  19. «Real Madrid 5-0 Athletic Bilbao: Cristiano Ronaldo hits yet another hat-trick and Karim Benzema bags a brace in BBC production also starring Gareth Bale»։ Daily Mail։ հոկտեմբերի 5, 2014 
  20. «Benzema nets Player of the Month gong»։ Marca։ նոյեմբերի 14, 2014։ Վերցված է 2014 թ․ նոյեմբերի 17 
  21. «Real Madrid prepare for FIFA Club World Cup»։ UEFA.com։ 2016-12-14։ Վերցված է 2016 թ․ դեկտեմբերի 19 
  22. Joe Wright (2016-12-15)։ «Club America 0–2 Real Madrid: Benzema and Ronaldo fire Blancos to final»։ Goal.com։ Վերցված է 2016 թ․ դեկտեմբերի 19 
  23. «Karim Benzema ends drought with a record breaking goal»։ The Indian Express։ 2017-02-16։ Վերցված է 2017 թ․ փետրվարի 16 
  24. «El Real Madrid, campeón de LaLiga Santander 2016/17»։ laliga.es։ 2017-05-21 
  25. «Real Madrid win La Liga title with victory at Malaga»։ bbc.com։ 2017-05-21 
  26. «Majestic Real Madrid win Champions League in Cardiff»։ uefa.com։ 2017-06-03 
  27. «Ceremony to mark Benzema's contract renewal»։ realmadrid.com։ 2017-09-20։ Վերցված է 2017 թ․ սեպտեմբերի 20 
  28. Pablo Polo, Patricia Terroba (2018-03-06)։ «Benzema is set for his 100th Champions League appearance»։ Marca։ Վերցված է 2018 թ․ մարտի 7 
  29. Michael Emons (2018-03-06)։ «Paris St-Germain 1–2 Real Madrid (2–5 on aggregate)»։ BBC Sport։ Վերցված է 2018 թ․ մարտի 7 
  30. Manu de Juan (2018-03-31)։ «Karim Benzema's 400th game overshadowed by goal drought»։ AS։ Վերցված է 2018 թ․ մարտի 31 
  31. «Madrid beat Liverpool to complete hat-trick»։ uefa.com։ 2018-05-26 
  32. «Shocker Why was Karim Benzema’s goal allowed to stand?»։ Dream Team FC։ Վերցված է 2018 թ․ մայիսի 27 
  33. «Benzema scores 200th Real Madrid goal with Viktoria Plzen strike»։ Goal.com։ 2018-11-07։ Վերցված է 2019 թ․ հունվարի 25 
  34. «Benzema reaches 200 Real Madrid goals»։ AS.com։ 2018-11-07։ Վերցված է 2019 թ․ հունվարի 25 
  35. Joe Wright (2019-02-13)։ «Ajax 1 Real Madrid 2: Asensio strikes late after VAR controversy»։ Goal.com։ Վերցված է 2019 թ․ հունվարի 25 
  36. «Benzema reaches Champions League milestone as Real Madrid squeeze past Ajax»։ Goal.com։ 2019-02-13։ Վերցված է 2019 թ․ հունվարի 25 
  37. «Celta Vigo 1-3 Real Madrid: Gareth Bale inspires Zinedine Zidane's side to victory»։ Sky Sports։ 2019-08-19։ Վերցված է 2019 թ․ նոյեմբերի 9 
  38. Daniel Sandford (2019-11-07)։ «GOAL GETTER Real Madrid ace Karim Benzema equals incredible Lionel Messi record of scoring in 15 consecutive Champions League seasons»։ talkSport։ Վերցված է 2019 թ․ նոյեմբերի 9 
  39. Arch Bell (2019-11-06)։ «Rodrygo takes flight for Real Madrid»։ Marca։ Վերցված է 2019 թ․ նոյեմբերի 9 
  40. Chris Burton (2019-11-07)։ «‘Benzema is like Ronaldo for Real Madrid’ – Zidane hails French forward after 50th Champions League goal»։ Goal.com։ Վերցված է 2019 թ․ նոյեմբերի 9 
  41. «Karim Benzema Passes Puskas on All-Time Real Madrid LaLiga list»։ Bein Sports։ 2019-11-09։ Վերցված է 2019 թ․ նոյեմբերի 9 
  42. «Benzema renews with Real Madrid to 2022»։ AS։ 2020-02-26։ Վերցված է 2020 թ․ մարտի 3 
  43. «Real Madrid: Karim Benzema reaches 500 game milestone»։ AS։ 2020-03-01։ Վերցված է 2020 թ․ մարտի 3 
  44. Roberts Mike (2020-03-01)։ «Real Madrid 2-0 FC Barcelona: Beaten at the Bernabéu»։ FC Barcelona։ Վերցված է 2020 թ․ մարտի 3 
  45. Бензема забил 243-й гол за «Реал» и вышел на 5-е место в истории, обойдя Пушкаша
  46. Ֆրանսիայի առաջնություն, Ֆրանսիական լիգայի գավաթ, Իսպանիայի ֆուտբոլի գավաթ։
  47. ՈՒԵՖԱ Չեմպիոնների Լիգա։
  48. Ֆրանսիայի սուպերգավաթ, Իսպանիայի սուպերգավաթ, ՈՒԵՖԱ-ի սուպերգավաթ, Աշխարհի ակումբային առաջնություն։
  49. Բենզեման Ֆրանսիան նախընտրեց Ալժիրից
  50. «Կարիմ Բենզմենան Ֆրանսիայի հավաքականի հետ չի մասնակցի աշխարհի առաջնությանը» (rus)։ Սովետական Սպորտ։ Արխիվացված օրիգինալից 2012 թ․ մարտի 1-ին։ Վերցված է 2015 թ․ մարտի 4 
  51. Карим Бензема: Почему меня не берут в сборную? Пусть скажут прямо в лицо!(ռուս.)
  52. Президент Федерации футбола Франции заявил, что дорога в сборную для Бензема навсегда закрыта(ռուս.)
  53. Павел Прохоров։ «Не был 6 лет в сборной из-за скандала, но едет на Евро. Вот это поворот в карьере Бензема!»։ www.championat.com (ռուսերեն)։ Վերցված է 2021-05-19 
  54. «Theo Hernandez caps France's fightback to stun Belgium in semi-final thriller»։ The Guardian։ 7 October 2021։ Վերցված է 10 October 2021 
  55. «Spain vs. France – Football Match Report»։ ESPN։ 10 October 2021։ Վերցված է 10 October 2021 
  56. «Spain-France UEFA Nations League»։ UEFA։ 10 October 2021։ Վերցված է 10 October 2021 
  57. «France 8–0 Kazakhstan: Kylian Mbappe scores four times for world champions to book Qatar place»։ Eurosport։ 13 November 2021։ Վերցված է 20 November 2021 
  58. «Benzema "proud" to have overtaken Trezeguet in number of goals»։ yrtnews.com (en-US)։ 20 November 2021։ Վերցված է 20 November 2021 
  59. «Karim Benzema le footballeur est devenu papa»։ Public։ Փետրվարի 4, 2014։ Վերցված է Հոկտեմբերի 2, 2021 
  60. à 11h14 Par Anne-Charlotte Dancourt Le 26 mai 2017 (Մայիսի 26, 2017)։ «Karim Benzema est papa pour la deuxième fois»։ leparisien.fr 
  61. «Ramadan Fasting For Real Madrid Trio Lassana, Benzema and Diarra»։ Dadyal Online։ Օգոստոսի 22, 2009։ Վերցված է 2021 թ․ Հոկտեմբերի 2 
  62. «Real Madrid's Algerian-French Striker Karim Benzema Stars on the Cover of Vogue Man Arabia's Fall/Winter 2019 Issue»։ Vogue։ Սեպտեմբերի 30, 2019։ Վերցված է 2021 թ․ Հոկտեմբերի 2 
  63. «Benzema privé d'équipe de France : doit-il craindre pour ses sponsors ?»։ Capital։ Դեկտեմբերի 10, 2015։ Վերցված է 2021 թ․ Հոկտեմբերի 2 
  64. «5 Things We Learned from Karim Benzema's Netflix Documentary»։ Mille World։ Հունիսի 5, 2018։ Վերցված է 2021 թ․ Հոկտեմբերի 2 
  65. «Benzema crée sa chaîne YouTube et publie une première vidéo»։ Mouv'։ Փետրվարի 23, 2020։ Վերցված է 2021 թ․ Հոկտեմբերի 2 
  66. «Benzema's interesting response when asked about coaching Real Madrid one day»։ Marca։ Օգոստոսի 2, 2020։ Վերցված է 2021 թ․ Հոկտեմբերի 2 
  67. «France beat Spain to win Nations League»։ UEFA։ Հոկտեմբերի 10, 2021։ Վերցված է 2021 թ․ Հոկտեմբերի 11 
  68. Tom Pilcher (1 July 2009)։ «FACTBOX-Soccer-Real Madrid signing Karim Benzema»։ Reuters։ Վերցված է 30 May 2016 
  69. José Luis Pierrend (8 January 2015)։ «The "Bravo" Award»։ Rec.Sport.Soccer Statistics Foundation։ Վերցված է 20 November 2015 
  70. «Hotshot Benzema wins award»։ Eurosport։ 12 May 2008։ Վերցված է 30 May 2016 
  71. 71,0 71,1 Erik Garin (20 February 2009)։ «France – Les Oscars du Football»։ Rec.Sport.Soccer Statistics Foundation։ Վերցված է 30 May 2016 
  72. «Trophées UNFP: Benzema meilleur joueur français de l'étranger» (ֆրանսերեն)։ Sports.fr։ 19 May 2019։ Վերցված է 19 May 2019 
  73. «Karim Benzema élu meilleur joueur français de l'étranger aux trophées UNFP» (ֆրանսերեն)։ lequipe.fr։ 16 May 2021։ Վերցված է 17 May 2021 
  74. «UEFA Champions League Squad of the Season»։ UEFA։ 31 May 2021։ Վերցված է 1 June 2021 
  75. BBVA Awards for the best of October; LFP.es 12 November 2014
  76. «Karim Benzema, LaLiga Santander Player of the Month for June»։ La Liga։ 10 July 2020 
  77. «Karim Benzema named LaLiga Santander Player of the Month for March»։ La Liga։ 2 April 2021 
  78. «Karim Benzema named LaLiga Santander Player of the Month for September»։ La Liga։ 8 October 2021 
  79. «La UEFA se olvida de Oblak en sus equipo ideal de la Liga»։ Mundo Deportivo (իսպաներեն)։ 22 July 2020 
  80. 80,0 80,1 «Benzema, winner of the Alfredo Di Stéfano 'Marca' Award»։ 21 December 2020։ Վերցված է 24 December 2020 
  81. «Sergio Ramos, in the L'Equipe team of the year»։ Real Madrid։ 4 January 2021 
  82. «KARIM BENZEMA REMPORTE LE ONZE D'OR DU MEILLEUR JOUEUR DE LA SAISON !» (ֆրանսերեն)։ Onze Mondial։ 21 May 2021 
  83. «ESM Team of the Season – 2020-21»։ World Soccer։ 7 June 2021 
  84. «Cristiano Ronaldo wins EURO 2020 Alipay Top Scorer award»։ UEFA։ 11 July 2021։ Վերցված է 11 July 2021 
  85. «UEFA Nations League finals top scorer: Kylian Mbappé»։ UEFA.com (Union of European Football Associations)։ 10 October 2021։ Վերցված է 10 October 2021 
  86. Mose Dickson (2021-10-14)։ «⚽ Revealed: UEFA Nations League goal of the tournament | Futaa.com»։ futaa.com։ Վերցված է 2021-11-03 

Արտաքին հղումներ[խմբագրել | խմբագրել կոդը]