ՖԻՖԱ Աշխարհի առաջնություն

Վիքիպեդիայից՝ ազատ հանրագիտարանից
ՖԻՖԱ Աշխարհի առաջնություն
անգլ.՝ FIFA World Cup
Ֆուտբոլային ասոցիացիա ՖԻՖԱ
Հիմնվել է 1930
Ակումբների քանակ 32 (վերջնական մրցաշար)
204 (որակավորման փուլ 2010 թ.)
Gold medal blank.svg Ներկայիս չեմպիոն Գերմանիա Գերմանիա (4-րդ տիտղոս)
Ամենատիտղոսավոր թիմ Բրազիլիա Բրազիլիա (5 տիտղոս)
Պաշտոնական կայք www.fifa.com
Աշխարհի Առաջնություն 2014

Ֆուտբոլի աշխարհի առաջնություն (անգլ.՝ FIFA World Cup, նաև մունդիալ (իսպ.՝ Copa Mundial de Fútbol-ից), ֆուտբոլի միջազգային առաջնություն։ Անցկացվում է 4 տարին 1 անգամ: Առաջին անգամ անցկացվել է 1930 թվականին: 1942 և 1946 թվականներին Ֆուտբոլի աշխարհի միջազգային առաջնություն չի անցկացվել 2-րդ Համաշխարհային պատերազմի և Հետպատերազմյան Սառը պատերազմի սկզբնավորման պատճառով: Մինչև այժմ անցկացվել է աշխարհի ֆուտբոլի միջազգային 20 առաջնություն, որոնց ընթացքում 5 անգամ ֆուտբոլի աշխարհի չեմպիոն են ճանաչվել Բրազիլիայի /1958, 1962, 1970, 1994, 2002/, 4-ական անգամ՝ Գերմանիայի /1954, 1974, 1990, 2014/ և Իտալիայի /1934, 1938, 1982, 2006/, կրկնակի անգամ՝ Ուրուգվայի /1930, 1950/ և Արգենտինայի /1978, 1986/, մեկական անգամ՝ Անգլիայի /1966/, Ֆրանսիայի /1998/ և Իսպանիայի /2010/ ազգային հավաքականները: Ներկայիս ֆուտբոլի աշխարհի չեմպիոնը համարվում է Գերմանիայի աազգային հավաքականը: