Սերխիո Ռամոս

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Սերխիո Ռամոս
Sergio Ramos
Russia-Spain 2017 (6).jpg
Ռամոսը Իսպանիայի հավաքականիի կազմում 2017 թվականին
Անձնական տվյալներ
Ամբողջական անուն Sergio Ramos Garcia
Քաղաքացիությունը Իսպանիա Իսպանիա
Ծննդյան ամսաթիվ մարտի 30, 1986(1986-03-30)[1] (32 տարեկան)
Ծննդավայր Իբիզա, Բալեարյան կղզիներ, Իսպանիա
Հասակ 183 սմ
Քաշ 81 կգ
Դիրք կենտրոնական պաշտպան
Ակումբային տեղեկություններ
Ներկա ակումբ Իսպանիա Ռեալ Մադրիդ
Համար 4
Պատանեկան կարիերա
1996-2003 Իսպանիա Սևիլյա
Մասնագիտական կարիերա*
Տարի Ակումբ Խաղ (գոլ)
2003-2004 Իսպանիա Սևիլյա B 26 (2)
2004-2005 Իսպանիա Սևիլյա 39 (2)
2005-ներկա Իսպանիա Ռեալ Մադրիդ 400 (55)
Ազգային հավաքական
2002 Իսպանիա Իսպանիա (մինչև 17) 1 (0)
2004 Իսպանիա Իսպանիա (մինչև 19) 6 (0)
2004 Իսպանիա Իսպանիա (մինչև 21) 6 (0)
2005-ներկա Իսպանիա Իսպանիա 158 (14)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ հոկտեմբերի 9-ի, 2018:

‡ Ազգային հավաքականի խաղերն ու գոլերը ըստ հոկտեմբերի 9-ի, 2018

Սերխիո Ռամոս (իսպ.՝ Sergio Ramos, մարտի 30, 1986(1986-03-30)[1], Իբիզա, Բալեարյան կղզիներ, Իսպանիա), իսպանացի պրոֆեսիոնալ ֆուտբոլիստ: Ներկայումս հանդես է գալիս Ռեալ Մադրիդի և Իսպանիայի ազգային հավաքականի կազմում: Խաղում է կենտրոնական պաշտպանի դիրքում[2]։

Պրոֆեսիոնալ կարիերան սկսել է 17 տարեկանում Սևիլյայի կազմում։ 18 տարեկանում շատ ծանր վթար է ունենում, որի պատճառով շատ բժիշկներ հավատացած են լինում, որ նա այլևս չի կարող շարունակել իր ֆուտբոլային կարիերան, բայց նա հաղթահարում է այդ վնասվածքը և նորից վերադառնում է խաղադաշտ։ 19 տարեկանում իր հիանալի խաղով գրավում է Ռեալ Մադրիդի ղեկավարության ուշադրությունը և 27 միլիոն եվրոյով տեղափոխվում արքայական ակումբ։ Նա Ռեալում հանդես է գալիս որպես կենտրոնական պաշտպան։

Ռեալի հետ նվաճել է տարբեր արժեքավոր գավաթներ, ներառյալ 4 Իսպանիայի առաջնություն, 2 Արքայական գավաթ, 2 Իսպանիայի սուպեր գավաթ, 3 Չեմպիոնների լիգա և այլն։ Նա նաև հանդես է եկել Իսպանիայի ազգային հավաքականում և հավաքականի հետ նվաճել է Եվրոպայի 2008 և 2012 թվականների Եվրոպայի առաջնությունները, 2010 թվականի Աշխարհի առաջնությունը:

Ակումբային կարիերա[խմբագրել | խմբագրել կոդը]

Սևիլյա[խմբագրել | խմբագրել կոդը]

Ռամոսը իր կարիերան սկսել է Սևիլյայում։ Իր դեբյուտը Լա Լիգայում նշել է 2004 թվականի փետրվարի 1-ին՝ փոխարինելով Ֆրանցիսկո Գալյարդոյին Դեպորտիվոյի դեմ արտագնա խաղում[3]:

2004-2005 մրցաշրջանում Ռամոսը անցկացրեց 41 խաղ, իսկ Սևիլյան զբաղեցրեց 6-րդ տեղը և ստացավ ՈՒԵՖԱ Եվրոպա Լիգայի ուղեգիր[4]:

Ռեալ Մադրիդ[խմբագրել | խմբագրել կոդը]

2005-2009[խմբագրել | խմբագրել կոդը]

2005 թվականի ամռանը Ռեալ Մադրիդը 27 միլիոն եվրոյով գնեց 19-ամյա Ռամոսի տրանսֆերը[5]։ Ռամոսը միակ իսպանացի ֆուտբոլիստն էր, ում Ֆլորենտինո Պերեսը գնել էր իր պաշտոնավարման առաջին շրջանի 5 տարիներին[6]: Մադրիդում նա ստացավ 4 համարի մարզաշապիկը, որը նախկինում կրում էր Ֆեռնանդո Իեռոն։ 2005 թվականի դեկտեմբերի 5-ին նա խփեց իր առաջին գոլը Ռեալի կազմում՝ գրավելով Օլիմպիակոսի դարպասը Չեմպիոնների Լիգայի խմբային փուլի խաղում[7]։ Իր առաջին Մադրիդյան մրցաշրջաններում նա խաղում էր որպես կենտրոնական պաշտպան, սակայն երբ 2007-2008 մրցաշրջանի սկզբին ակումբ եկան Քրիստոֆ Մետզելդերը և Պեպեն, նա սկսեց խաղալ հենակետային կիսապաշտպանի դիրքում։ Ռեալում նա աչքի էր ընկնում խփած գոլերով և ստացած կարմիր քարտերով: Իր առաջին կարմիր քարտը ստացել է 2005 թվականի սեպտեմբերի 18-ին՝ Էսպանյոլի դեմ խաղում[8]:

Ռամոսը 2007 թվականի մարտին

2006-2007 մրցաշրջանում Ռամոսը խփեց 5 գոլ, ներառյալ գոլը Բարսելոնայի դեմ 3-3 ավարտված խաղում[9]: Այս մրցաշրջանում Ռեալը հաղթեց Իսպանիայի առաջնությունը[10]:

2008 թվականի մայիսի 4-ին Ռամոսը գոլային փոխանցում տվեց Իգուաինին խաղի 89-րդ րոպեին, և Ռեալը 2-1 հաշվով հաղթեց Օսասունային[11], ինչի արդյունքում թիմը հաղթեց նաև իր պատմության 31-րդ Իսպանիայի առաջնությունը: 2008 թվականի մայիսի 18-ին՝ Լևանտեի դեմ առաջնության վերջին խաղում Ռամոսը 2 գոլ հեղինակեց, իսկ Ռեալը հաղթեց 5-2 հաշվով[12]: Այսպիսով, Ռամոսը 2007-2008 մրցաշրջանում նույնպես Ռամոսը խփեց 5 գոլ:

2008 թվականի օգոստոսի 24-ին՝ Իսպանիայի Սուպեր գավաթի Վալենսիայի դեմ հանդիպման պատասխան խաղում Ռամոսը գոլ խփեց և հաշիվը սարքեց 2-1: 9 հոգով մնացած Ռեալը այդ խաղում հաղթեց 4-2 հաշվով, իսկ ընդհանուր երկու խաղերում՝ 6-5 հաշվով, այդպիսով նվաճելով Իսպանիայի Սուպեր գավաթը[13]:

2008-2009 մրցաշրջանի սկզբում Ռամոսի խաղը անկում ապրեց, սակայն նա վերադարձավ իր լավագույն մարզավիճակին և 2009 թվականի հունվարի 11-ին ակրոբատիկ հարվածով գրավեց Մալյորկայի դարպասը[14]:

Ռամոսը ընդգրկվեց 2008 թվականի և՛ ՈՒԵՖԱ-ի, և՛ ՖԻՖԱ-ի տարվա խորհրդանշական հավաքականներում: 2008 թվականի Եվրոպայի լավագույն ֆուտբոլիստի անվանակարգում զբաղեցրել է 21-րդ տեղը:

2009-2015[խմբագրել | խմբագրել կոդը]

2009-2010 մրցաշրջանից առաջ Ռամոսը նշանակվեց Ռեալի 4 ավագներից մեկը: Պեպեի ծնկի վնասվածքի պատճառով, Ռամոսը հաճախ խաղում էր կենտրոնական պաշտպանի դիրքում: Նա խփեց 4 գոլ առաջնության 33 խաղերում և 2010 թվականի փետրվարի 21-ին անցկացրեց իր 200-րդ հանդիպումը Ռեալի կազմում՝ խաղադաշտ դուրս գալով Վիլյառեալի դեմ խաղում[15]:

Ռամոսը 2010 թվականի հոկտեմբերին

2010 թվականի նոյեմբերի 29-ին Բարսելոնայի դեմ խաղում Ռամոսը ստացավ իր 10-րդ կարմիր քարտը Ռեալում և հավասարվեց Ֆեռնանդո Իեռոյի նախկին ռեկորդին: 2011 թվականի ապրիլի 20-ին Ռամոսը մասնակցեց Ռեալի հաղթանակին Իսպանիայի գավաթի եզրափակչում՝ Բարսելոնայի դեմ խաղում[16]: Դրան հաջորդող երթի ժամանակ՝ հաղթանակը ավտոբուսի վերևում նշելիս Ռամոսը պատահաբար ձեռքերից բաց թողեց գավաթը, և այն ընկավ ներքև՝ ավտոբուսի անիվների տակ: Արդյունքում գավաթը փոս ընկավ[17]:

2011 թվականի հուլիսի 12-ին Ռամոսը երկարաձգեց իր պայմանագիրը Ռեալի հետ մինչև 2017 թվականը[18]: 2012 թվականի ապրիլի 25-ին՝ Չեմպիոնների Լիգայի կիսաեզրափակչի Բավարիայի հետ հանդիպման պատասխան խաղի հետխաղյա 11-մետրանոցների ժամանակ Ռամոսը վրիպեց, իսկ Ռեալը պարտվեց 1-3 հաշվով[19]:

2013 թվականի հունվարի 9-ին Ռամոսը ստացավ իր երկրորդ դեղին քարտը և հեռացվեց խաղադաշտից Իսպանիայի գավաթի Սելտայի դեմ խաղում[20]: Երբ պարզվեց, որ քարտը ստանալուց հետո Ռամոսը նաև վիրավորել է մրցավարին, իսպանացին ստացավ 4 խաղյա որակազրկում[21]: Հաջորդ ամիս՝ փետրվարի 17-ին՝ Ռայո Վալեկանոյի դեմ խաղի 12-րդ րոպեին Ռամոսը գոլի հեղինակ դարձավ, ինչից 6 րոպե անց 2 դեղին քարտ ստացավ 1 րոպեի ընթացքում ու հեռացվեց խաղադաշտից[22]: Սա դարձավ Ռամոսի 16-րդ կարմիր քարտը և 12-րդը Լա Լիգայում:

2013 թվականի փետրվարից մարտը ընկած ժամանակահատվածում՝ Իկեր Կասիլյասի բացակայության ժամանակ Ռամոսը դարձավ Ռեալի ավագը Բարսելոնայի դեմ 4 օրում կայացած 2 Ռեալի համար հաղթական խաղերում: Երկրորդ խաղում Ռամոսը գլխով գրավեց Բարսայի դարպասը՝ առաջ մղելով իր թիմին[23]:

2013 թվականի դեկտեմբերի 14-ին՝ Օսասունայի դեմ խաղում Ռամոսը ստացավ իր 18-րդ կարմիր քարտը՝ անցնելով ակումբի ռեկորդը[24]: Իր 19-րդ կարմիր քարտը նա ստացավ 2014 թվականի մարտի 23-ին՝ Բարսելոնայի դեմ խաղում[25]:

2014 թվականի ապրիլի 29-ին Ռամոսը 2 գոլ խփեց Բավարիայի դեմ Չեմպիոնների Լիգայի կիսաեզրափակչի պատասխան խաղում, իսկ Ռեալը հաղթեց 4-0 և ընդհանուր 2 խաղերի արդյունքում 5-0 հաշվով՝ վերջին 12 տարիների մեջ առաջին անգամ դուրս գալով ՉԼ-ի եզրափակիչ[26]: Մայիսի 24-ին՝ եզրափակչի Ատլետիկոյի դեմ խաղի ավելացված ժամանակում Ռամոսը գլխի հարվածով գրավեց հակառակորդի դարպասը՝ սարքելով հաշիվը 1-1 և փրկելով իր թիմին պարտությունից: Լրացուցիչ ժամանակում Ռեալը 3 գոլ խփեց և նվաճեց իր պատմության 10-րդ Չեմպիոնների Լիգայի գավաթը[27]: Ռամոսը երկրպագուների կողմից ճանաչվեց եզրափակչի լավագույն ֆուտբոլիստ:

2014-2015 մրցաշրջանում Ռամոսը մասնակցեց Ռեալի հաղթանակին Սևիլյայի նկատմամբ ՈՒԵՖԱ Սուպեր գավաթի խաղում[28]: Նա նաև մասնակցեց Իսպանիայի սուպեր գավաթին, որը սակայն Ռեալը պարտվեց Ատլետիկոյին՝ 2 խաղերի արդյունքում 2-1 հաշվով[29]: Այս մրցաշրջանում իր առաջին գոլը Ռամոսը խփեց օգոստոսի 31-ին՝ Ռեալ Սոսիեդադի դեմ խաղում[30]:

Ռամոսը գոլի հեղինակ դարձավ 2014 թվականի աշխարհի ակումբային առաջնության և՛ կիսաեզրափակչում[31], և՛ եզրափակչում[32], իսկ Ռեալը հաղթեց այս գավաթը[33]: Ռամոսը ճանաչվեց առաջնության լավագույն ֆուտբոլիստ[34]:

2015-ներկա[խմբագրել | խմբագրել կոդը]

2015 թվականի օգոստոսի 17-ին Ռամոսը երկարաձգեց իր պայմանագիրը Ռեալի հետ մինչև 2020 թվականը[35]: Կասիլյասի Պորտու տեղափոխությունից հետո Ռամոսը դարձավ Ռեալի նոր ավագը:

Ռամոսը 2015-2016 թվականի Չեմպիոնների Լիգայի հաղթանակից հետո:

Ռամոսը Ռեալի ավագն էր Ռայո Վալեկանոյի դեմ 2015 թվականի դեկտեմբերի 20-ին կայացած խաղին, որն ավարտվեց Ռեալի 10-2 հաշվով հաղթանակով[36]: Վերջին 55 տարիներում սա Ռեալի ամենաշատ գոլ խփած խաղն էր: 2016 թվականի մարտի 13-ին՝ Լաս Պալմասի դեմ խաղում Ռամոսը գոլ խփեց և այդ խաղում ստացավ իր 20-րդ կարմիր քարտը[37]: Ապրիլի 2-ին նա վերադարձավ որակազրկումից և խաղաց Բարսելոնայի դեմ 2-1 հաշվով ավարտված խաղին[38]: Այս խաղում նույնպես նա կարմիր քարտ ստացավ, որը դարձավ նրա 21-րդը Ռեալի կազմում և 4-րդը Էլ Կլասիկոներում[39]:

2016 թվականի մայիսի 28-ին Ռամոսը նորից գոլի հեղինակ դարձավ Չեմպիոնների Լիգայի եզրափակչում՝ գրավելով Ատլետիկոյի դարպասը և առաջ մղելով Ռեալին: Լրացուցիչ ժամանակում խաղը ավարտվեց 1-1 հաշվով: Հետխաղյա 11-մետրանոցների հարվածաշարում Ռամոսը իրացրեց իր 11-մետրանոցը, իսկ Ռեալը հաղթեց 5-3 հաշվով և նվաճեց իր պատմության 11-րդ Չեմպիոնների Լիգայի գավաթը[40]: Ռամոսը ճանաչվեց եզրափակչի լավագույն ֆուտբոլիստ:

Ռամոսը մասնակցեց 2016 թվականի ՈՒԵՖԱ Սուպեր գավաթին և Սևիլյայի դեմ խաղում հավասարեցրեց հաշիվը՝ գոլի հեղինակ դառնալով խաղի 93-րդ րոպեին: Լրացուցիչ ժամանակում Ռեալը հաղթեց 3-2 հաշվով, իսկ Ռամոսը ճանաչվեց խաղի լավագույն ֆուտբոլիստ[41]:

2016 թվականի դեկտեմբերի 3-ին Ռամոսը խփեց իր 4 գոլը Բարսելոնայի դեմ խաղերում: Խաղն ավարտվեց 1-1 հաշվով, իսկ այս խաղը դարձավ Ռեալի 33-րդ հաջորդական անպարտելի խաղը[42]: 1 շաբաթ անց նա նորից գոլի հեղինակ դարձավ խաղի վերջին րոպեներին՝ գրավելով Դեպորտիվոյի դարպասը 92-րդ րոպեին: Խաղն ավարտվեց 3-2 հաշվով[43]: 2017 թվականի հունվարի 15-ին Ռամոսը ինքնագոլի հեղինակ դարձավ Սևիլյայի հետ խաղում, և խաղի ավելացված ժամանակում խփված գոլի շնորհիվ Սևիլյան հաղթեց 2-1 հաշվով՝ ավարտելով Ռեալի 40-խաղյա անպարտելի շարքը[44]: 1 շաբաթ անց Մալագայի դեմ խաղում Ռամոսը 2 գոլի հեղինակ դարձավ, և Ռեալը հաղթեց 2-1 հաշվով[45]: Սա դարձավ Ռամոսի 50-րդ գոլը Լա Լիգայում[46]:

2017 թվականի փետրվարի 11-ին Ռեալը 3-1 հաշվով հաղթանակ տարավ Օսասունայի նկատմամբ[47]: Սա դարձավ Ռամոսի 500-րդ խաղը Ռեալի կազմում[48]: 2017 թվականի մարտի 12-ին խաղի 81-րդ րոպեին Ռամոսը գոլ խփեց Բետիսի դարպասը, որի շնորհիվ Ռեալը հաղթեց 2-1 հաշվով և 2 միավորով առաջ անցավ Բարսելոնայից մրցաշարային աղյուսակում[49]:

2017 թվականի մայիսի 21-ին Մալագայի նկատմամբ 2-0 հաշվով հաղթանակի շնորհիվ Ռեալը նվաճեց իր 30-րդ Լա Լիգայի գավաթը[50]: Սա Ռամոսի 4-րդ հաղթանակն էր Լա Լիգայում և 1-ինը՝ որպես թիմի ավագ: Հունիսի 3-ին Չեմպիոնների Լիգայի եզրափակչում Ռեալը հաղթեց Յուվենտուսին և նվաճեց իր 12-րդ գավաթը, ինչը սարքեց Ռամոսին առաջին ավագը, ում հետ թիմը հաղթել է 2 հաջորդական Չեմպիոնների Լիգա[51]: 2016-2017 մրցաշրջանում Ռամոսը դարձավ 10 գոլի հեղինակ, ինչը նրա կարիերայի լավագույն արդյունքն էր:

Միջազգային կարիերա[խմբագրել | խմբագրել կոդը]

Ռամոսը Իսպանիայի ազգային հավաքականի կազմում իր դեբյուտը նշեց 2005 թվականի մարտի 26-ին՝ դուրս գալով խաղադաշտ Չինաստանի դեմ ընկերական խաղին[52]: Այս ժամանակ նա 18 տարեկան և 361 օրական էր, ինչը սարքեց նրան Իսպանիայի ազգային հավաքականում խաղացած ամենաերիտասարդ ֆուտբոլիստը վերջին 55 տարիներում: Այս ռեկորդը նրան էր պատկանում մինչև 2006 թվականի մարտի 1-ը, երբ Սեսկ Ֆաբրեգասը շրջանցեց այն՝ դուրս գալով խաղադաշտ Կոտ դ'Իվուարի դեմ ընկերական խաղում[53]:

2005 թվականի հոկտեմբերի 12-ին Ռամոսը իր առաջին գոլերը խփեց Սան Մարինոյի դեմ 2006 թվականի Աշխարհի առաջնության որակավորման փուլի խաղում[54]:

Իսպանիայի հավաքականի հետ Ռամոսը մասնակցեց 2006 թվականի աշխարհի առաջնությանը[55]: Միչել Սալգադոյի՝ միջազգային կարիերան ավարտելուց հետո, Ռամոսը դարձավ Իսպանիայի հավաքականի հիմնական կազմի խաղացող:

Եվրո 2008[խմբագրել | խմբագրել կոդը]

Ռամոսը Իսպանիայի հավաքականի կազմում մասնակցել է Եվրո 2008-ի բոլոր խաղերին բացի խմբային փուլի Հունաստանի դեմ խաղը[56]: Իսպանիան հաղթեց խմբային փուլի բոլոր խաղերում և առաջին տեղով դուրս եկավ փլեյ-օֆֆ: Իսպանիան Ռամոսի հետ հաղթեց Գերմանիային եզրափակչում և նվաճեց իր պատմության 2-րդ Եվրոպայի առաջնության գավաթը[57]: Հաղթանակից հետո Ռամոսը հագավ մի շապիկ, որի վրա գրված էր «Միշտ մեր հետ» ի պատիվ իր մտերիմ ընկեր և նախկին Սևիլյայի թիմակից Անտոնիո Պուերտայի, ով մահացել էր 2007 թվականի օգոստոսին[58]:

Ռամոսը Եվրո 2012-ի ժամանակ

ՖԻՖԱ Կոնֆեդերացիաների գավաթ 2009 և ԱԱ-2010[խմբագրել | խմբագրել կոդը]

Ռամոսը Իսպանիայի հավաքականի հետ մասնակցեց 2009 թվականի Կոնֆեդերացիաների գավաթին, որում Իսպանիան զբաղեցրեց 3-րդ տեղը[59]: 2010 թվականի հունիսի 3-ին՝ Հարավային Կորեայի դեմ ընկերական խաղի ժամանակ Ռամոսը առաջին անգամ խաղաց որպես Իսպանիայի հավաքականի ավագ[60]:

2010 թվականի Աշխարհի առաջնությանը Ռամոսը մասնակցեց Իսպանիայի հավաքականի բոլոր խաղերին: Հավաքականը 5 անգամ իր դարպասը պահեց անառիկ և հասավ եզրափակիչ, որտեղ 1-0 հաշվով հաղթեց Նիդերլանդներին[61]: Ըստ Castrol Index-ի Ռամոսը լավագույնն էր առաջնությունում՝ 9.79 արդյունքով[62]:

Եվրո 2012[խմբագրել | խմբագրել կոդը]

Ռամոսը Իսպանիայի հավաքականի կազմում մասնակցեց նաև Եվրո 2012-ին[63]: Այս անգամ նա խաղում էր կենտրոնական պաշտպանի դիրքում: Երբ նրան հարցրեցին, թե ինչպես է իրեն զգում նոր դիրքում, նա պատասխանեց, որ արդեն ադապտացվել է նոր դիրքում և հանգիստ է զգում, բայց որպես աջ պաշտպան նա Աշխարհի և Եվրոպայի չեմպիոն է[64]: Ռամոսը կենտրոնական պաշտպանական զույգ կազմեց Ժերար Պիկեի հետ և անցկացրեց առաջնության բոլոր խաղերը: Կիսաեզրափակչի Պորտուգալիայի դեմ խաղի հետխաղյա 11-մետրանոց հարվածաշարում Ռամոսը իրացրեց իր 11-մետրանոցը Պանենկայի ոճով, և Իսպանիան այդ խաղում հաղթեց 4-2 հաշվով[65]: Եզրափակչում Իսպանիան Իտալիային հաղթեց 4-0 հաշվով[66]: Այս անգամ նույնպես հաղթանակից հետո Ռամոսը հագավ մարզաշապիկ ի պատիվ Պուերտայի[67]: Ըստ Castrol Index-ի վիճակագրության Ռամոսը ճանաչվեց առաջնության լավագույն ֆուտբոլիստ 9.68 արդյունքով[68]:

ՖԻՖԱ Կոնֆեդերացիաների գավաթ 2013 և ԱԱ-2014[խմբագրել | խմբագրել կոդը]

2013 թվականի մարտի 22-ին Ռամոսը իր 100-րդ հանդիպումը անցկացրեց Իսպանիայի ազգային հավաքականի կազմում՝ խաղադաշտ դուրս գալով Ֆինլանդիայի դեմ 2014 թվականի Աշխարհի առաջնության որակավորման փուլի խաղում[69]: Այս խաղում Ռամոսը նաև գոլի հեղինակ դարձավ[70]:

Ռամոսը Իսպանիայի հավաքականի կազմում մասնակցել է 2013 թվականի Կոնֆեդերացիաների գավաթի բոլոր խաղերին: Եզրափակչի Բրազիլիայի դեմ խաղում Ռամոսը վրիպեց 11-մետրանոցից: Իսպանիան պարտվեց 3-0 հաշվով[71]:

Ռամոսը նաև մասնակցեց 2014 թվականի աշխարհի առաջնության բոլոր խաղերին, սակայն Իսպանիան դուրս մնաց խմբային փուլից[72]:

Եվրո 2016[խմբագրել | խմբագրել կոդը]

Ռամոսը Իսպանիայի հավաքականի ավագն էր 2016 թվականի Եվրոպայի առաջնությանը[73]: Այս առաջնության Խորվաթիայի դեմ խաղում Ռամոսը վրիպել է 11-մետրանոցից, իսկ Իսպանիան պարտվել է 2-1 հաշվով[74]:

Անձնական կյանք[խմբագրել | խմբագրել կոդը]

Ռամոսը ծնվել է Իսպանիայի Սևիլյայի Կամաս շրջանում 1986 թվականին մարտի 30-ին։ Նա ընտանիքի կրտսեր զավակն է։ Նրա ընտանիքը բաղկացած է հինգ հոգուց՝ հայրը՝ Խոսե Մարիա Ռամոսը, մայրը՝ Պակի Գարսիան, եղբայր՝ը Ռենե Ռամոսը և քույրը՝ Միրիա Ռամոսը։

2012 թվականի սեպտեմբերից Ռամոսը հանդիպում է հաղորդավարուհի և լրագրող Պիլար Ռուբիոյի հետ։ Նրանք ունեն 2 երեխա՝ Սերխիոն[75] (ծնված մայիսի 6, 2014) և Մարկոն[76] (նոյեմբերի 14, 2015):

Կարիերայի վիճակագրություն[խմբագրել | խմբագրել կոդը]

Ակումբային վիճակագրություն[խմբագրել | խմբագրել կոդը]

2017 թվականի հունիսի 3-ի դրությամբ

Ակումբ Մրցաշրջան Առաջնություն Գավաթ1 Եվրոպա Այլ2 Ընդհանուր
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Սևիլյա 2003–04 7 0 0 0 0 0 0 0 7 0
2004–05 31 2 5 0 6 1 0 0 42 3
2005–06 1 0 0 0 0 0 0 0 1 0
Ընդհանուր 39 2 5 0 6 1 0 0 50 3
Ռեալ Մադրիդ 2005–06 33 4 6 1 7 1 0 0 46 6
2006–07 33 5 3 0 6 1 0 0 42 6
2007–08 33 5 5 1 7 0 0 0 45 6
2008–09 32 4 2 1 8 1 0 0 42 6
2009–10 33 4 0 0 7 0 0 0 40 4
2010–11 31 3 7 1 8 0 0 0 46 4
2011–12 34 3 6 0 11 1 0 0 51 4
2012–13 26 4 5 0 9 1 0 0 40 5
2013–14 32 4 8 0 11 3 0 0 51 7
2014–15 27 4 4 1 8 0 3 2 42 7
2015–16 23 2 0 0 10 1 33 3
2016–17 27 7 3 1 11 1 2 1 43 10
Ընդհանուր 364 49 49 6 103 10 5 3 521 68
Կարիերայի ընդհանուր 403 51 54 6 109 11 5 3 571 71

1 Ներառում է Իսպանիայի սուպեր գավաթը:

2 Ներառում է ՈՒԵՖԱ Սուպեր գավաթը և ՖԻՖԱ աշխարհի ակումբային առաջնությունը:

Միջազգային վիճակագրություն[խմբագրել | խմբագրել կոդը]

Ռամոսը Իսպանիայի հավաքականի կազմում 2012 թվականին

2017 թվականի հունիսի 11-ի դրությամբ[77]:

Իսպանիա
Տարի Խաղեր Գոլեր
2005 7 2
2006 13 0
2007 10 2
2008 15 0
2009 11 0
2010 16 1
2011 10 1
2012 16 2
2013 17 1
2014 9 1
2015 6 0
2016 10 0
2017 3 0
Ընդհանուր 143 10

Միջազգային գոլեր[խմբագրել | խմբագրել կոդը]

2017 թվականի հունիսի 11-ի դրությամբ[77]:

# Ամսաթիվ Մարզադաշտ Խաղ Մրցակից Հաշիվ Արդյունք Մրցաշար
1 Հոկտեմբերի 13, 2005 ՕլիմպիկոՍերավալե, Սան Մարինո 6 Սան Մարինո Սան Մարինո 3–0 4–0 ԱԱ-2006 Որակավոման փուլ
2 4–0
3 Հոկտեմբերի 13, 2007 ԱտլետիոնՕրհուս, Դանիա 27 Դանիա Դանիա 2–0 3–1 Եվրո 2008 Որակավորման փուլ
4 Նոյեմբերի 17, 2007 Սանտիագո ԲերնաբեուՄադրիդ, Իսպանիա 29 Շվեդիա Շվեդիա 3–0 3–0 Եվրո 2008 Որակավորման փուլ
5 Մարտի 3, 2010 Ստադ դը ՖրանսՍեն Դենի, Ֆրանսիա 57 Ֆրանսիա Ֆրանսիա 2–0 2–0 Ընկերական խաղ
6 Սեպտեմբերի 6, 2011 Լաս ԳաունասԼոգրոնյո, Իսպանիա 78 Լիխտենշտայն Լիխտենշտայն 4–0 6–0 Եվրո 2012 Որակավորման փուլ
7 Հոկտեմբերի 16, 2012 Վիսենտե ԿալդերոնՄադրիդ, Իսպանիա 97 Ֆրանսիա Ֆրանսիա 1–0 1–1 ԱԱ-2014 Որակավորման փուլ
8 Նոյեմբերի 14, 2012 Ռոմել ՖերնանդեսՊանամա, Պանամա 98 Պանամա Պանամա 4–0 5–1 Ընկերական խաղ
9 Մարտի 22, 2013 Էլ ՄոլինոնԽիխոն, Իսպանիա 100 Ֆինլանդիա Ֆինլանդիա 1–0 1–1 ԱԱ-2014 Որակավորման փուլ
10 Սեպտեմբերի 8, 2014 Սյուդադ դե ՎալենսիաՎալենսիա, Իսպանիա 122 Մակեդոնիայի Հանրապետություն Մակեդոնիա 1–0 5–1 Եվրո 2016 Որակավորման փուլ

Նվաճումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Ռեալ Մադրիդ[խմբագրել | խմբագրել կոդը]

Միջազգային[խմբագրել | խմբագրել կոդը]

Իսպանիա (մինչև 19)[խմբագրել | խմբագրել կոդը]
Իսպանիա[խմբագրել | խմբագրել կոդը]

Անհատական[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt — 2000.
  2. «Spain - Sergio Ramos - Profile with news, career statistics and history - Soccerway»։ us.soccerway.com (անգլերեն)։ Վերցված է 2017-07-12 
  3. «Deportivo sigue vivo en la Liga de España»։ ESPNdeportes.com։ 2004-01-30։ Վերցված է 2017-07-11 
  4. «La Liga (Sky Sports)»։ SkySports (անգլերեն)։ Վերցված է 2017-07-12 
  5. «Real snap up Ramos, Tottenham sign Jenas and Lee»։ www.chinadaily.com.cn։ Վերցված է 2017-07-12 
  6. «Sergio Ramos joins Real Madrid for €27 million»։ thinkSPAIN։ Վերցված է 2017-07-11 
  7. «Olympiakos vs. Real Madrid - Football Match Report - December 6, 2005 - ESPN»։ ESPNFC.com։ Վերցված է 2017-07-12 
  8. Richards Louis, Ostlere Lawrence (2017-04-24)։ «Sergio Ramos and his 22 Real Madrid red cards: a retrospective»։ The Guardian (en-GB)։ ISSN 0261-3077։ Վերցված է 2017-07-11 
  9. «Sergio Ramos, the highest-scoring defender in the Liga since 2009 | Real Madrid CF»։ Real Madrid C.F. - Web Oficial (անգլերեն)։ Վերցված է 2017-07-11 
  10. «Real Madrid win the La Liga 2006/2007»։ Soccer Blog|Football News, Reviews, Quizzes։ Վերցված է 2017-07-12 
  11. «Osasuna 1 - 2 Real Madrid Match preview - 5/4/08 Primera División - Goal.com»։ www.goal.com (անգլերեն)։ Վերցված է 2017-07-12 
  12. «Real Madrid vs. Levante - Football Match Report - May 18, 2008 - ESPN»։ ESPNFC.com։ Վերցված է 2017-07-11 
  13. «Real Madrid 4 - 2 Valencia Match preview - 8/24/08 Super Cup - Goal.com»։ www.goal.com (անգլերեն)։ Վերցված է 2017-07-12 
  14. «Mallorca vs. Real Madrid - Football Match Report - January 11, 2009 - ESPN»։ ESPNFC.com։ Վերցված է 2017-07-11 
  15. «Real Madrid - Villarreal CF, Feb 21, 2010 - LaLiga - Match sheet | Transfermarkt» (անգլերեն)։ Վերցված է 2017-07-12 
  16. «Barcelona 0 - 1 Real Madrid Team line-ups 4/20/11 - Copa del Rey - Goal.com»։ www.goal.com (անգլերեն)։ Վերցված է 2017-07-12 
  17. «They think it's run over... it is now: Real Madrid star drops trophy under wheels of bus during open-top victory parade»։ Mail Online։ Վերցված է 2017-07-12 
  18. «Pepe, Ramos extend Real contracts»։ ESPNFC.com։ Վերցված է 2017-07-11 
  19. uefa.com (2012-04-25)։ «UEFA Champions League 2011/12 - History - Real Madrid-Bayern – UEFA.com»։ Uefa.com (անգլերեն)։ Վերցված է 2017-07-11 
  20. «Real Madrid 4 - 0 Celta de Vigo Match report - 1/9/13 Copa del Rey - Goal.com»։ www.goal.com (անգլերեն)։ Վերցված է 2017-07-12 
  21. «Ramos handed five-match ban»։ ESPNFC.com։ Վերցված է 2017-07-11 
  22. «Real Madrid vs. Rayo Vallecano - Football Match Report - February 17, 2013 - ESPN»։ ESPNFC.com։ Վերցված է 2017-07-11 
  23. «Sergio Ramos heads Real past Barca»։ ESPNFC.com։ Վերցված է 2017-07-12 
  24. «Osasuna 2 - 2 Real Madrid Match report - 12/14/13 Primera División - Goal.com»։ www.goal.com (անգլերեն)։ Վերցված է 2017-07-12 
  25. «Real Madrid 3 - 4 Barcelona Match report - 3/23/14 Primera División - Goal.com»։ www.goal.com (անգլերեն)։ Վերցված է 2017-07-12 
  26. uefa.com (2014-04-29)։ «UEFA Champions League 2013/14 - History - Bayern-Real Madrid – UEFA.com»։ Uefa.com (անգլերեն)։ Վերցված է 2017-07-12 
  27. uefa.com (2014-05-24)։ «UEFA Champions League 2013/14 - History - Real Madrid-Atlético – UEFA.com»։ Uefa.com (անգլերեն)։ Վերցված է 2017-07-12 
  28. uefa.com։ «UEFA Super Cup 2014 - Real Madrid-Sevilla – UEFA.com»։ Uefa.com (անգլերեն)։ Վերցված է 2017-07-12 
  29. «Atletico Madrid beat Real Madrid to win Spanish Super Cup»։ BBC Sport (en-GB)։ 2014-08-22։ Վերցված է 2017-07-12 
  30. «Real Sociedad 4 - 2 Real Madrid Match report - 8/31/14 Primera División - Goal.com»։ www.goal.com (անգլերեն)։ Վերցված է 2017-07-12 
  31. FIFA.com։ «FIFA Club World Cup Morocco 2014 - Matches - Cruz Azul-Real Madrid Club de Fútbol - FIFA.com»։ FIFA.com (en-GB)։ Վերցված է 2017-07-12 
  32. FIFA.com։ «FIFA Club World Cup Morocco 2014 - Matches - Real Madrid Club de Fútbol-San Lorenzo - FIFA.com»։ FIFA.com (en-GB)։ Վերցված է 2017-07-12 
  33. UEFA.com։ «Real Madrid claim FIFA Club World Cup»։ UEFA.com (անգլերեն)։ Վերցված է 2017-07-12 
  34. «Real Madrid star Sergio Ramos beats Cristiano Ronaldo to Club World Cup Golden Ball - Goal.com»։ Goal.com (անգլերեն)։ 2014-12-20։ Վերցված է 2017-07-12 
  35. «Sergio Ramos signs his contract extension with Real Madrid | Real Madrid CF»։ Real Madrid C.F. - Web Oficial (անգլերեն)։ Վերցված է 2017-07-12 
  36. «Real Madrid 10-2 Rayo Vallecano»։ BBC Sport (en-GB)։ 2015-12-20։ Վերցված է 2017-07-12 
  37. «Las Palmas 1 - 2 Real Madrid Match report - 3/13/16 Primera División - Goal.com»։ www.goal.com (անգլերեն)։ Վերցված է 2017-07-12 
  38. «Barcelona 1 - 2 Real Madrid Match report - 4/2/16 Primera División - Goal.com»։ www.goal.com (անգլերեն)։ Վերցված է 2017-07-12 
  39. «Ramos jokes about El Clasico red card after Real beat Barca»։ Mail Online։ Վերցված է 2017-07-12 
  40. uefa.com (2016-05-28)։ «UEFA Champions League 2015/16 - History - Real Madrid-Atlético – UEFA.com»։ Uefa.com (անգլերեն)։ Վերցված է 2017-07-12 
  41. uefa.com։ «UEFA Super Cup 2016 - Real Madrid-Sevilla – UEFA.com»։ Uefa.com (անգլերեն)։ Վերցված է 2017-07-12 
  42. «Barcelona 1 - 1 Real Madrid Match report - 12/3/16 Primera División - Goal.com»։ www.goal.com (անգլերեն)։ Վերցված է 2017-07-12 
  43. «Real Madrid 3 - 2 Deportivo La Coruña Match report - 12/10/16 Primera División - Goal.com»։ www.goal.com (անգլերեն)։ Վերցված է 2017-07-12 
  44. McVeigh Niall (2017-01-15)։ «Sevilla 2-1 Real Madrid: La Liga – as it happened»։ The Guardian (en-GB)։ ISSN 0261-3077։ Վերցված է 2017-07-12 
  45. «Real Madrid 2 - 1 Málaga Match report - 1/21/17 Primera División - Goal.com»։ www.goal.com (անգլերեն)։ Վերցված է 2017-07-12 
  46. «Ramos' 50th La Liga goal»։ SkySports (անգլերեն)։ Վերցված է 2017-07-12 
  47. «Osasuna 1 - 3 Real Madrid Match report - 2/11/17 Primera División - Goal.com»։ www.goal.com (en-us)։ Վերցված է 2017-07-12 
  48. «Ramos: 500 Real Madrid games a dream come true - Goal.com»։ Goal.com (անգլերեն)։ 2017-02-11։ Վերցված է 2017-07-12 
  49. «Real Madrid 2 - 1 Real Betis Match report - 3/12/17 Primera División - Goal.com»։ www.goal.com (անգլերեն)։ Վերցված է 2017-07-12 
  50. Ostlere Lawrence (2017-05-21)։ «Málaga v Real Madrid: La Liga finale – as it happened»։ The Guardian (en-GB)։ ISSN 0261-3077։ Վերցված է 2017-07-12 
  51. «Juventus 1 - 4 Real Madrid Match report - 6/3/17 UEFA Champions League - Goal.com»։ www.goal.com (անգլերեն)։ Վերցված է 2017-07-12 
  52. «China loses to Spain 0-3»։ www.chinadaily.com.cn։ Վերցված է 2017-07-12 
  53. «Spain 3 - 2 Côte d'Ivoire Match preview - 3/1/06 Friendlies - Goal.com»։ www.goal.com (en-gh)։ Վերցված է 2017-07-12 
  54. «San Marino vs. Spain - Football Match Summary - October 12, 2005 - ESPN»։ ESPNFC.com։ Վերցված է 2017-07-12 
  55. «Spain - Squad World Cup 2006 Germany»։ worldfootball.net (en-GB)։ Վերցված է 2017-07-12 
  56. uefa.com։ «UEFA EURO 2008 - History - Greece-Spain Lineups – UEFA.com»։ Uefa.com (անգլերեն)։ Վերցված է 2017-07-12 
  57. uefa.com (2008-06-29)։ «UEFA EURO 2008 - History - Germany-Spain – UEFA.com»։ Uefa.com (անգլերեն)։ Վերցված է 2017-07-12 
  58. «Ramos Pays Homage To Puerta - Goal.com»։ Goal.com (անգլերեն)։ 2008-06-30։ Վերցված է 2017-07-12 
  59. FIFA.com։ «FIFA Confederations Cup South Africa 2009 - Matches - Spain-South Africa - FIFA.com»։ FIFA.com (en-GB)։ Վերցված է 2017-07-12 
  60. «Spain 1 South Korea 0: match report»։ Telegraph.co.uk (անգլերեն)։ Վերցված է 2017-07-12 
  61. «Netherlands 0-1 Spain (aet)»։ news.bbc.co.uk։ Վերցված է 2017-07-12 
  62. «Spain's Sergio Ramos Tops 2010 World Cup Castrol Index - Goal.com»։ Goal.com (en-IN)։ 2010-07-12։ Վերցված է 2017-07-12 
  63. «Euro 2012: Spain name Fernando Torres in 23-man squad»։ BBC Sport (en-GB)։ 2012-05-27։ Վերցված է 2017-07-12 
  64. «Sergio Ramos: I have adapted to play as a center back for Spain - Goal.com»։ Goal.com (en-US)։ 2012-02-27։ Վերցված է 2017-07-12 
  65. «Euro 2012: Spain defender Sergio Ramos planned 'Panenka' penalty in shoot-out against Portugal»։ Telegraph.co.uk (անգլերեն)։ Վերցված է 2017-07-12 
  66. uefa.com (2012-07-01)։ «UEFA EURO 2012 - History - Spain-Italy – UEFA.com»։ Uefa.com (անգլերեն)։ Վերցված է 2017-07-12 
  67. Reserved. Augur Group, LLC - Coding Copyright 2010 All Rights։ «Who is on Sergio Ramos' T Shirt?»։ www.thesoccerinsiders.com։ Վերցված է 2017-07-12 
  68. «Серхио Рамос - победитель рейтинга Castrol EDGE Index по итогам Евро-2012 - 02.07.2012 09:17 — Новости Укринформ» (ռուսերեն)։ Վերցված է 2017-07-12 
  69. MARCA.com։ «Ramos: centenario, capitán y goleador»։ MARCA (իսպաներեն)։ Վերցված է 2017-07-12 
  70. «Spain vs. Finland - Football Match Report - March 22, 2013 - ESPN»։ ESPNFC.com։ Վերցված է 2017-07-12 
  71. «Brazil 3-0 Spain»։ BBC Sport (en-GB)։ 2013-07-01։ Վերցված է 2017-07-12 
  72. «Spain 0 Chile 2: Champions knocked out after goals from Vargas and»։ The Independent (en-GB)։ 2014-06-18։ Վերցված է 2017-07-12 
  73. UEFA.com։ «UEFA EURO 2016 - Spain - Squad - UEFA.com»։ UEFA.com (անգլերեն)։ Վերցված է 2017-07-12 
  74. «Croatia 2-1 Spain»։ BBC Sport (en-GB)։ 2016-06-21։ Վերցված է 2017-07-12 
  75. «Sergio Ramos shows off newborn son Sergio Ramos Junior»։ Mail Online։ Վերցված է 2017-07-12 
  76. «Real captain Sergio Ramos all smiles after birth of second child»։ Mail Online։ Վերցված է 2017-07-12 
  77. 77,0 77,1 «Sergio Ramos - national football team player»։ eu-football.info (անգլերեն)։ Վերցված է 2017-07-12 
  78. UEFA.com։ «UEFA Champions League Squad of the Season»։ UEFA.com (անգլերեն)։ Վերցված է 2017-07-12 
  79. FIFA.com (2017-01-09)։ «The Best named at FIFA Football Awards»։ FIFA.com (en-GB)։ Վերցված է 2017-07-12 
  80. UEFA.com։ «Ultimate Team of the Year: the all-time XI»։ UEFA.com (անգլերեն)։ Վերցված է 2017-07-12 
  81. Germany Abendzeitung,։ «ESM-Top-Elf: Ein einziger Profi des FC Bayern München in Europas Elite» (գերմաներեն)։ Վերցված է 2017-07-12 
  82. FIFA.com։ «FIFA World Cup™ Archive - FIFA.com»։ FIFA.com (en-GB)։ Վերցված է 2017-07-12 
  83. uefa.com (2012-07-02)։ «The official website for European football – UEFA.com»։ UEFA.com (անգլերեն)։ Վերցված է 2017-07-12 

Արտաքին հղումներ[խմբագրել | խմբագրել կոդը]