Jump to content

Ժերար Պիկե

Վիքիպեդիայից՝ ազատ հանրագիտարանից
Ժերար Պիկե
Gerard Piqué
կատ.՝ Gerard Piqué i Bernabeu[1]
Անձնական տվյալներ
Ամբողջական անուն Gerard Piqué i Bernabéu
Ազգությունը իսպանացի
Քաղաքացիությունը  Իսպանիա
Ծննդյան ամսաթիվ փետրվարի 2, 1987 (37 տարեկան)
Ծննդավայր Բարսելոնա, Իսպանիա
Հասակ 194 սանտիմետր
Քաշ 85 կիլոգրամ
Դիրք կենտրոնական պաշտպան
Ակումբային տեղեկություններ
Ներկա ակումբ Ավարտել է Կարիերան
Համար 3
Պատանեկան կարիերա
1997-2004 {{{2}}} Բարսելոնա
Մասնագիտական կարիերա*
Տարի Ակումբ Խաղ (Գոլ)
2004-2008
2006-2007
2008-այժմ		 {{{2}}} Մանչեսթեր Յունայթեդ
{{{2}}} Ռեալ Սարագոսա
{{{2}}} Բարսելոնա		 12(0)
22 (2)
311 (27)
Ազգային հավաքական
2002-2003
2004
2006
2006
2006-2008
2004-այժմ
2006-այժմ		 Իսպանիա Իսպանիա(մինչև 16)
Իսպանիա Իսպանիա (մինչև 17)
Իսպանիա Իսպանիա (մինչև 19)
Իսպանիա Իսպանիա (մինչև 20)
Իսպանիա Իսպանիա (մինչև 21)
Կատալոնիա Կատալոնիա
Իսպանիա Իսպանիա		 7 (2)
8 (3)
8 (3)
5 (1)
12 (1)
5 (1)
67 (4)
* Մասնագիտական կարիերայում ընդգրկված են միայն առաջնության խաղերը և գոլերը:

Ժերար Պիկե ի Բեռնաբեու[2](կատ.՝ Gerard Piqué i Bernabéu, փետրվարի 2, 1987(1987-02-02)[3][4][5][…], Բարսելոնա, Իսպանիա[1]), իսպանացի ֆուտբոլիստ, «Բարսելոնա» ֆուտբոլային ակումբի և Իսպանիայի ազգային հավաքականի կենտրոնական պաշտպան։ Հայտնի է իր սառնասրտությամբ, անվախությամբ և պաշտպանի համար հիանալի արագությամբ[6][7]։

«Բարսելոնա»-ի սան, որի ակադեմիան նա ընդունվել է 1997 թվականին, 10 տարեկան հասակում։ 2004 թվականին, ոչ մի խաղ չխաղալով ակումբի առաջին թիմում, տեղափոխվում է անգլիական «Մանչեսթեր Յունայթեդ», «կարմիր սատանաների» հետ ստորագրելով չորսամյա պայմանագիր, որը հետագայում երկարացվում է ևս մեկ տարով։ 2006-2007 թվականների մրցաշրջանում, վարձավճարով, տեղափոխվում է իսպանական «Սարագոսա», որտեղ խաղում է պաշտպանի և հենակետային կիսապաշտպանի դիրքում։ Վերադառնալով վարձավճարից Պիկեն, այնուամենայնիվ, չի հանդիսանում «մանկունիանցիների» հիմնական կազմի խաղացող և 2008-2009 թվականների մրցաշրջանից առաջ վերադառնում է «Բարսելոնա», որտեղ, անմիջապես, դառնում է ակումբի առաջատար խաղացողներից մեկը։ Այդ ժամանակվանից, «կատալոնցիների» հետ միասին Ժերարն արժանանում է Պրեմիերայի հաղթողի հինգ (2008/09 թվականների մրցաշրջան, 2009/10 թվականների մրցաշրջան, 2010/11 թվականների մրցաշրջան, 2012/13 թվականների մրցաշրջան, 2014/15 թվականների մրցաշրջան), երեք Չեմպիոնների Լիգայի (2008/09 թվականների մրցաշրջան, 2010/11 թվականների մրցաշրջան, 2014/15 թվականների մրցաշրջան), երեք Իսպանիայի Գավաթի (2008/09 թվականների մրցաշրջան, 2011/12 թվականների մրցաշրջան, 2014/15 թվականների մրցաշրջան), չորս Իսպանիայի Սուպերգավաթի (2009 թվական, 2010 թվական, 2011 թվական, 2013 թվական), երեք Եվրոպայի Սուպերգավաթի (2009 թվական, 2011 թվական, 2015 թվական) և երկու ակումբների միջև աշխարհի առաջնության (2009 թվական, 2011 թվական) կոչումների։ Հաղթելով Չեմպիոնների Լիգայում «Մանչեսթեր Յունայթեդ»-ի և «Բարսելոնա»-ի հետ, նա դառնում է չորս ֆուտբոլիստներից մեկը, որը հաղթում է գլխավոր եվրոպական ավարը երկու տարի անընդմեջ, տարբեր թիմերի հետ[8]։ 2009-2010 մրցաշրջանում Պիկեն ճանաչվում է Իսպանիայի առաջնության լավագույն պաշտպան։ Երեք անգամ ընդգրկվում է ՖԻՖԱ-ի վարկածով Աշխարհի խորհրդանշական հավաքականի կազմում (2010 թվական, 2011 թվական, 2012 թվական) և ՈՒԵՖԱ-ի վարկածով Եվրոպայի խորհրդանշական հավաքականի կազմում (2010 թվական, 2011 թվական, 2012 թվական)։

Պիկեն ներկայացրել է Իսպանիան միջազգային արենայում, սկսած մինչև 16 տարեկանների հավաքականից և ավարտելով երկրի առաջին հավաքականով։ 2009 թվականի փետրվարի 11-ին, 22 տարեկան և 9 օրական հասակում, կայանում է Ժերարի նորամուտը ազգային հավաքականի կազմում՝ Անգլիայի հավաքականի հետ ընկերական հանդիպման ժամանակ (2:0)։ Եվրոպայի առաջնության (2012 թվական) և երկու Աշխարհի առաջնությունների (2010 թվական, 2014 թվական) մասնակից։ Եվրոպայի չեմպիոն (2012 թվական) (ընդգրկվել է մրցաշարի խորհրդանշական հավաքականի կազմում) և Աշխարհի չեմպիոն (2010 թվական)։

Կենսագրություն

[խմբագրել | խմբագրել կոդը]

Վաղ տարիներ

[խմբագրել | խմբագրել կոդը]

Ծնվել է 1987 թվականի փետրվարի 2-ին, Կատալոնիայի մայրաքաղաք Բարսելոնա քաղաքում։ 10 տարեկան հասակում ընդգրկվում է «կապտա-նռնագույնների» պատանեկան թիմում։ Ակումբի ակադեմիայում Ժերարն անց է կացնում 7 տարի։ 2001 թվականից մինչև 2004 թվականը խաղում է «Բարսելոնա»-ի երկրորդ թիմում՝ «Բարսելոնա Բ», հենց այդ մակարդակում Ժերարը սկսում է խաղալ Սեսկ Ֆաբրեգասի և Լեո Մեսսիի հետ։ 2004 թվականին տասնյոթամյա պատանիով հետաքրքրվում է «Մանչեսթեր Յունայթեդ»-ը և կատալոնացին անգլիական ակումբի հետ կնքում է չորս տարվա պայմանագիր։

«Մանչեսթեր Յունայթեդ»

[խմբագրել | խմբագրել կոդը]

Պիկեն իր նորամուտը «Մանչեսթեր Յունայթեդ»-ի կազմում նշում է 2004 թվականի հոկտեմբերին, փոխարինման դուրս գալով Ջոն Օ’Շիի վոխարեն, Անգլիայի Լիգայի Գավաթի «Կրու Ալեքսանդրա» թիմի դեմ խաղում, որն ավարտվում է «մանկունիանցիների» հաղթանակով՝ 3:0 հաշվով։ Ժերարն անմիջապես զբաղեցնում է կենտրոնական պաշտպանի դիրքը։ Առաջին անգամ «Մանչեսթեր Յունայթեդ»-ի մեկնարկային կազմում դուրս է գալիս 2006 թվականի մարտի 29-ին, Անգլիայի առաջնությունում սեփական հարկի տակ «Վեսթ Հեմ Յունայթեդ» թիմի դեմ խաղում և զբաղեցնում է աջ պաշտպանի դիրքը, քանի որ Գարրի Նևիլը ստացել էր լուրջ վնասվածք։ Հիմնական և պահեստային թիմի կազմում հաջող ելույթները կատալոնցուն բերում են նոր պայմանագիր, որը նա կնքում է «Յունայթեդ»-ի հետ մինչև 2009 թվականի ամառը։

2006 թվականի օգոստոսի 4-ին իսպանական «Սարագոսա» ակումբը մեկ մրցաշրջանով վարձակալում է Պիկեին։

2007 թվականի մայիսի 5-ին Պիկեն հայտարարում է «Մանչեսթեր Յունայթեդ» վերադառնալու մասին։ Մայիսի 6-ին այն պաշտոնապես հաստատվում է։ 2007/08 մրցաշրջանում նա խփում է իր առաջին գոլերը Չեմպիոնների Լիգայում, առաջին գոլը նա խփում է Կիևի «Դինամո»-ի դեմ խաղում, իսկ երկրորդը՝ «Ռոմա»-ի դարպասը։

Վերադարձ «Բարսելոնա»

[խմբագրել | խմբագրել կոդը]

2008 թվականի մայիսի 27-ին Պիկեն, այդպես էլ չկարողանալով տեղ գտնել «Մանչեսթեր Յունայթեդ»-ի հիմնական կազմում (թիմում գտնվելու ընթացքում անց է կացրել ընդամենը 23 պաշտոնական խաղ), չորս տարով պայմանագիր է կնքում «Բարսելոնա»-ի հետ, €3, 5 միլիոն հետգնման գումարով։ Ակումբների միջև գործարքի գումարը կազմում է €5 միլիոն։ 2008/09 թվականների մրցաշրջանի վերջերին Պիկեն հիմնավորապես ամրապնդվում է ակումբի հիմնական կազմում և դառնում է նրա առաջատարներից մեկը։ 2014 թվականին երկարաձգում է հայմանագիրը մինչև 2019 թվականը։ Հնարավորության դեպքում միանում է հարձակմանը, տիրապետում է հիանալի առաջին փոխանցմամբ, հարձակումը ավարտելու լավ ունակությամբ և երկրորդ հարկում պայքար վարելու ունակությամբ։ Ակումբում և հավաքականում անփոխարինելի պաշտպանության խաղացող։ Հավաքականի և ակումբի կազմում խաղում է 3 համարի տակ։

Կարիերան հավաքականում

[խմբագրել | խմբագրել կոդը]
Ժերար Պիկեն Եվրոպայի չեմպիոնի գավաթով, 2012 թվական

«Բարսելոնա»-ում հաջող ելույթները Պիկեի վրա են հրավիրում «Կարմիր ֆուրիաների» մարզիչ Վիսենտե դել Բոսկեի ուշադրությունը, որը որոշում է պաշտպանին հրավիրել առաջին հավաքական։ 2009 թվականի փետրվարի 11-ին, Անգլիայի հավաքականի դեմ ընկերական հանդիպման ժամանակ, կայանում է Պիկեի նորամուտը Իսպանիայի հավաքականի կազմում (2:0)։ 2009 թվականի մարտի 28-ին խաղում է 2010 թվականի Աշխարհի առաջնության Թուրքիայի հավախականի դեմ ընտրական խաղում, որում հաջողվում է գոլ խփել։ Այդ գնդակը հնարավորություն է տալիս Իսպանիայի հավաքականին նվազագույն հաշվով հաղթանակ տանել խաղում։ 2009 թվականի ամռանը մասնակություն է ուենում Կոնֆեդերացիայի Գավաթ 2009-ի խաղարկությանը։ Այդ մրցաշարում Պիկեն խաղում է հինգ խաղերից չորսում, իսկ Իսպանիայի հավաքականը զբաղեցնում է լոկ երրորդ հորիզոնականը։ 2010 թվականի Աշխարհի առաջնությունում, որը անց էր կացվում ՀԱՀ-ում, Ժերարը մեկնում է որպես հիմնական պաշտպան և պաշտպանության կենտրոնում Կառլես Պույոլի խաղընկեր։ Մրցաշարում կատալոնացին առանց փոխարինման խաղում է բոլոր յոթ խաղերը։ Խմբային փուլի Շվեյցարիայի հավաքականի դեմ առաջին խաղում ստանում է հոնքի լուրջ պատռվածք, սակայն կարողանում է շարունակել խաղը։ Այդ խաղում իսպանացիները նվազագույն հաշվով զիջում են մրցակցին՝ 0:1 հաշվով, խաղում միակ հնարավությունը ունենում է Պիկեն, որի հարվածը ետ է մղում Դիեգո Բենալյո։ Հետագայում «Կարմիր ֆուրիան» հաղթում է իր բոլոր խաղերում, իսկ փլեյ-օֆֆի խաղերում բաց չի թողնում ոչ մի գնդակ (իսպանացիների մրցակիցներն են լինում Պորտուգալիայի, Պարագվայի և Գերմանիայի հավաքականները)։ 2010 թվականի հուլիսի 11-ին Պիկեն իր հավաքականի կազմում դառնում է Աշխարհի չեմպիոն, մրցաշարի եզրափակիչում իսպանացիները լրացուցիչ ժամանակում հաղթում են Նիդեռլանդների հավաքականին (1:0)[9]։

Եվրո 2012-ում Պիկեն նույնպես խաղում է բոլոր վեց խաղերը առանց փոխարինման։ Մրցաշարի Պորտուգալիայի դեմ քառորդ եզրափակիչում հաջողությամբ իրացնում է երրորդ տասնմեկ մետրանոց հարվածը հատխաղյա տասնմեկ մետրանոց հարվածաշարում, որը հնարավորություն է տալիս «Կարմիր ֆուրիա»-ին դուրս գալ մրցաշարի եզրափակիչ։ 2012 թվականի հուլիսի 1-ին իսպանացիները ջախջախում են Իտալիայի հավաքականին 4:0 հաշվով և Պիկեն հավաքականի իր խաղընկերների հետ դառնում է Եվրոպայի չեմպիոն[10]։ Եվրոյի արդյունքների հիման վրա Պիկեն ընդգրկվում է մրցաշարի խորհրդանշական հավաքականի կազմում[11], իսկ Իսպանիայի հավաքականը մրցաշարում բաց է թողնում ընդամենը մեկ գնդակ։

2013 թվականի Կոնֆեդերացիայի Գավաթի խաղարկությանը Իսպանիայի հավաքականը կանգ է առնում ոսկե մեդալներից մեկ քայլ առաջ, եզրափակիչում զիջելով մրցաշարի տանտերերին՝ Բրազիլիայի հավաքականին։ Այդ խաղում Պիկեն ստանում էանմիջական կարմիր քարտ՝ Նեյմարի դեմ խախտման համար[12]։

2014 թվականի Աշխարհի առաջնությունում Պիկեն խաղում է միայն խմբային փուլի առաջին խաղում, որում Իսպանիան ջախջախիչ պարտություն է կրում Նիդեռլանդներյի հավաքականից՝ 1:5։ Խաղից հետո Պիկեն մարզչին բողոքում է ազդրի վնասվածքից և մնացած երկու խաղերում մասնակցություն չի ունենում։

Անձնական կյանք

[խմբագրել | խմբագրել կոդը]

2011 թվականի փետրվարին հայտնի է դառնում, որ ֆուտբոլիստն արդեն մի քանի ամիս հանդիպում է հանրահայտ երգչուհի Շակիրայի հետ։ 2013 թվականի հունվարի 22-ին զույգն ունենում է որդի, որին անվանում են Միլան։ 2014 թվականի օգոստոսի 28-ին հայտնի է դառնում, որ զույգը սպասում է երկրորդ երեխային։ 2015 թվականի հունվարի 29-ին Բարսելոնայում լույս աշխարհ է գալիս նրանց երկրորդ որդին՝ Սաշան[13]։ 2022 թվականի հունիսի 2-ին զույգը բաժանվեց։

Ելույթների վիճակագրություն

[խմբագրել | խմբագրել կոդը]

Ակումբային վիճակագրություն

[խմբագրել | խմբագրել կոդը]

2015 թվականի հունիսի 2-ի դրությամբ

Ելույթ Լիգա Գավաթներ Եվրոգավաթներ Այլ Ընդամենը
Ակումբ Լիգա Մրցաշրջան Խաղ Գոլ Խաղ Գոլ Խաղ Գոլ Խաղ Գոլ Խաղ Գոլ
{{{2}}} Մանչեսթեր Յունայթեդ Պրեմիեր Լիգա 2004-2005 0 0 1 0 1 0 0 0 2 0
2005-2006 3 0 2 0 0 0 0 0 5 0
2007-2008 9 0 0 0 3 2 0 0 12 2
Ընդամենը 12 0 3 0 4 2 0 0 19 2
{{{2}}} Սարագոսա Պրիմերա 2006-2007 22 2 6 1 0 0 0 0 28 3
Ընդամենը 22 2 3 1 0 0 0 0 28 3
{{{2}}} Բարսելոնա Պրիմերա 2008-2009 25 1 5 1 14 1 0 0 44 3
2009-2010 32 2 1 0 11 2 5 0 49 4
2010-2011 31 3 7 0 12 1 1 0 51 4
2011-2012 22 2 8 0 5 0 3 0 38 2
2012-2013 28 2 4 1 10 0 2 0 4 3
2013-2014 26 2 2 0 9 2 2 0 39 4
2014-2015 27 5 6 1 11 1 0 0 4 7
Ընդամենը 191 17 34 3 72 7 13 0 310 27
Ընդամենը կարիերայում 225 19 43 4 76 9 13 0 357 32

Միջազգային վիճակագրություն

[խմբագրել | խմբագրել կոդը]

2014 թվականի դեկտեմբերի 20-ի դրությամբ

Հավաքական Մրցաշրջան Ընկերական Պաշտոնական Ընդամենը
Խաղեր Գոլեր Խաղեր Գոլեր Խաղեր Գոլեր
Իսպանիա Իսպանիա 2009 3 1 10 2 13 3
2010 6 0 10 0 16 0
2011 4 0 4 0 8 0
2012 4 0 7 0 11 0
2013 3 0 8 0 11 0
2014 2 0 4 0 6 0
Ընդամենը կարիերայում 22 1 43 2 65 3

Խաղեր և գոլեր հավաքականի կազմում

[խմբագրել | խմբագրել կոդը]

2014 թվականի նոյեմբերի 18-ի դրությամբ

Նվաճումներ

[խմբագրել | խմբագրել կոդը]

Իսպանիա Իսպանիայի հավաքական

[խմբագրել | խմբագրել կոդը]
  • Աշխարհի չեմպիոն - 2010
  • Եվրոպայի չեմպիոն - 2012
  • Արդյունքում - 2 ավար

Անգլիա Անգլիա Մանչեսթեր Յունայթեդ

[խմբագրել | խմբագրել կոդը]
  • Անգլիայի չեմպիոն - 2007/08 մրցաշրջան
  • Անգլիայի Սուպերգավաթի տիրակալ - 2007 թվական
  • Ֆուտտբոլային Լիգայի Գավաթի տիրակալ - 2005/06 մրցաշրջան
  • Չեմպիոնների Լիգայի հաղթող - 2007/08 մրցաշրջան
  • Արդյունքում - 4 ավար

Իսպանիա Իսպանիա Բարսելոնա

[խմբագրել | խմբագրել կոդը]
  • Իսպանիայի չեմպիոն (5) - 2008/09, 2009/10, 2010/11, 2012/13, 2014/15 մրցաշրջաններ
  • Իսպանիայի գավաթակիր (3) - 2008/09, 2011/12, 2014/15 մրցաշրջաններ
  • Իսպանիայի Սուպերգավաթի տիրակալ (4) - 2009 թվական, 2010 թվական, 2011 թվական, 2013 թվական
  • Չեմպիոնների Լիգայի հաղթող (3) - 2008/09, 2010/11, 2014/15 մրցաշրջաններ
  • ՈՒԵՖԱ-ի Սուպերգավաթի տիրակալ (3) - 2009 թվական, 2011 թվական, 2015 թվական
  • Աշխարհի Ակումբային առաջնության հաղթող (2) - 2009 թվական, 2011 թվական
  • Արդյունքում - 20 ավար

Անձնական մրցանակներ

[խմբագրել | խմբագրել կոդը]
  • Իսպանիայի տարվա լավագույն խաղացող - 2008/09 մրցաշրջան
  • Իսպանիայի առաջնության լավագույն պաշտպան - 2009/10 մրցաշրջան
  • ՖԻՖԱ-ի վարկածով Աշխարհի խորհրդանշական հավաքականի անդամ (3) - 2010 թվական, 2011 թվական, 2012 թվական
  • ՈՒԵՖԱ-ի վարկածով Եվրոպայի խորհրդանշական հավաքականի անդամ (3) - 2010 թվական, 2011 թվական, 2012 թվական
  • Պրոֆեսիոնալ ֆուտբոլիստների ասոցիացիայի միջազգային ֆեդերացիայի վարկածով Աշխարհի խորհրդանշական հավաքականի անդամ (3) - 2010 թվական, 2011 թվական, 2012 թվական
  • Չեմպիոնների Լիգայի խորհրդանշական հավաքականի անդամ (2) - 2009/10, 2010/11 մրցաշրջաններ
  • L'Équipe-ի վարկածով Աշխարհի խորհրդանշական հավաքականի անդամ (2) - 2010 թվական, 2011 թվական
  • Եվրոպայի մարզական ամսագրերի վարկածով Եվրոպայի խորհրդանշական հավաքականի անդամ (2) - 2011 թվական, 2014 թվական
  • ՈՒԵՖԱ-ի վարկածով 2012 թվականի Եվրոպայի առաջնության խորհրդանշական հավաքականի անդամ

Աղբյուրներ

[խմբագրել | խմբագրել կոդը]
Բարսելոնա ՖԱ – ներկա կազմ

1 Տեր Շտեգեն · 2 Սեմեդու · 3 Պիկե · 4 Ռակիտիչ · 5 Բուսկետս · 6 Տոդիբո · 8 Արթուր · 9 Սուարես · 10 Մեսսի (Ավագ) · 11 Դեմբելե · 13 Նետո · 15 Լանգլե · 16 Վագե · 17 Գրիզման · 18 Ալբա · 19 Ալենյա · 20 Ռոբերտո · 21 Դե Յոնգ · 22 Վիդալ · 23 Ումտիտի · 24 Խունիոր · Մարզիչ` Վալվերդե

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 Gran Enciclopèdia Catalana (կատ.) — Grup Enciclopèdia, 1968.
  2. ↑ Произношение Gerard Piqué: Как произносится Gerard Piqué, язык: Каталанский — Forvo.
  3. ↑ Transfermarkt.com(բազմ․) — 2000.
  4. ↑ Արգենտինական ֆուտբոլի տվյալների շտեմարան (իսպ.)
  5. ↑ As (իսպ.) — Madrid: PRISA, 1967. — ISSN 1888-6671
  6. ↑ «The world's best footballers: the top 100 list» (անգլերեն). The Guardian. 2013 թ․ մարտի 23. Վերցված է 2013 թ․ ապրիլի 6-ին.
  7. ↑ «The 100 best footballers in the world - interactive» (անգլերեն). The Guardian. 2013 թ․ մարտի 23. Վերցված է 2013 թ․ ապրիլի 6-ին.
  8. ↑ Остальные Марсель Десайи, Паулу Соуза и Самуэль Это'О.
  9. ↑ Сборная Испании стала чемпионом мира по футболу
  10. ↑ Сборная Испании разгромила Италию и стала чемпионом Европы
  11. ↑ Символическая сборная ЕВРО-2012
  12. ↑ Бразилия разгромила Испанию в финале Кубка Конфедераций
  13. ↑ Второго сына Пике и Шакиры назвали Сашей
Վիքիքաղվածքն ունի նյութեր, որոնք վերաբերում են «Ժերար Պիկե» հոդվածին։
Վիքիպահեստն ունի նյութեր, որոնք վերաբերում են «Ժերար Պիկե» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ժերար_Պիկե&oldid=9993822» էջից