Ռոդրիգոն իր կարիերան սկսել է «Ռեալ Մադրիդի C» ակումբում, որը հանդիսանում էր հիմնական թիմի երրորդ կազմը։ Ապա բրազիլացին տեղափոխվել է «Կաստիլիաս», որտեղ նա անցկացրել է մեկ մրցաշրջան՝ 18 խաղերում խփելով 5 գոլ։
2010 թվականիհուլիս 31-ին Ռոդրիգոն տեղափոխվել է «Բենֆիկա», թիմի հետ ստորագրելով 5 տարվա պայմանագիր[3]։ Նրա տրանսֆերի արժեքը կազմել 6 միլիոն եվրո։ Այս գումարը ներառվել է Անխել դի Մարիայի՝ մադրիդյան ակումբ տեղափոխվելու գումարի մեջ[4]։ Ըստ թիմերի մրջև կնքված պայմանագրի՝ «Ռեալն» իրավունք ուներ հարձակվողի տրանսֆերը հետ գնել 12 միլիոն եվրոյով երկու տարվա ընթացքում, եթե դա ցանկանար «արքայական ակումբը»[5]։ Նույն թվականի օգոստոս 31-ին Ռոդրիգոն վարձավճարով տեղափոխվել է անգլիական «Բոլթոն» ակումբ[6][7][8]։
Տրանսֆերի պատճառն այն էր, որ պորտուգալական թիմը չէր կարող հարձակվողի համար ապահովել անհրաժեշտ խաղային պրակտիկա[9]։ Սեպտեմբերի 21-ին նա կատարել է իր դեբյուտը Լիգայի գավաթի շրջանակներում անցկացված Բարնլիի ակումբի դեմ խաղում։ Հոկտեմբերի 24-ին հարձակվողն առաջին անգամ մասնակցել է Անգլիայի առաջնությանը՝ խաղալով «Ուիգան Ատլետիկի» դեմ։ Այդ գոլը Ռոդրիգոյի միակ գոլն էր ամբողջ մրցաշրջանում, որտեղ նա խաղացել է 20 հանդիպում։
Մրցաշրջանի ավարտից հետո Ռոդրիգոն վերադարձել է «Բենֆիկա», չնայած «Բոլտոնը» 4 միլիոն եվրո էր առաջարկել հարձակվողին ձեռք բերելու համար[10]։ Այդ ժամանակ երբ լիսաբոնյան ակումբը խաղացողի տրանսֆերի լիարժեք սեփականատերն էր. Ռեալի կողմից հարձակվողի պայմանագիրը գնելու հնարավորության մասին նշվել է Ֆաբիու Կուենտրաուի՝ «Ռեալ» տեղափոխվելու վերաբերյալ կնքված պայմանագրում[11][12]։ Սակայն 2012 թվականի փետրվարի 8-ին մադրիդցիները փորձել են գնել հարձակվողի տրանսֆերը, բայց մերժում են ստացել[13]։ Մրցաշրջանի ընթացքում իսպանացին դարձավ հիմնական կազմի խաղացող՝ խաղալով Օսկար Կարդոսոի հետ[14], և հիմնական կազմից դուրս բերելով Նոլիտոյին[15][16]։
2015 թվականի հունիսի 15-ին, «Վալենսիան»«Բենֆիկայից» գնել է խաղացողի իրավունքները. նրա տրանսֆերը կազմել է 30 մլն եվրո։ Պայմանագիրը կնքվել է մինչև 2019 թվականի հունիսի վերջը։
Ռոդրիգոն խաղացել է Իսպանիայի մինչև 19 տարեկանների հավաքականում։ Հավաքանի կազմում ֆուտբոլիստը հասել է Եվրոպայի մինչև 19 տարեկանների առաջնության եզրափակիչ և մասնակցել Ֆրանսիայի դեմ խաղին։ Որոշիչ հանդիպմանը Ռոդրիգոն բացել է իր գոլերի թիվը հավաքականում և խաղի հաշիվը, բայց հետո ֆրանսիացիները խփել են երկու գոլ և հաղթել մրցաշարում[6]։ Հաջորդ տարի Ռոդրիգոն խաղացել է ֆուտբոլի աշխարհի երիտասարդական հավաքականների առաջնությունում, որտեղ դարձել է 3 գոլի հեղինակ։ Իսկ նրա թիմն անցել է հաջորդ փուլ՝ քառորդ եզրափակիչ, որտեղ 11 մետրանոցների արդյունքում պարտվել է գործող չեմպիոն բրազիլացիներին։
Իսպանիա
Բրազիլիա
Բոլթոն Ուոնդերերս
Բենֆիկա
