Ֆրանկ Ռիբերի

Վիքիպեդիայից՝ ազատ հանրագիտարանից
Ֆուտբոլ

Ֆրանկ Ռիբերի
Franck Ribéry Bayern.jpg
Անձնական տեղեկատվություն
Ամբողջ. անուն Franck Bilal Ribéry
Քաղաքացիությունը Flag of France.svg Ֆրանսիա
Մականուն «Ձուկ»
«Կողոպուտ» (Rob-bery,
Արիեն Ռոբենի հետ համատեղ)
«Ֆրենկի» (Franky)
«Սպիով դեմք» (Scarface)
«Սպի» (Scar)
Ծննդյան թիվ   ապրիլի 7, 1983 (32 տարեկան)
Ծննդավայր   Բուլոն սյուր Մեր, {{{2}}} Ֆրանսիա
Հասակ 170 սմ
Դիրք կիսապաշտպան
Ակումբային տեղեկատվություն
Ներկա ակումբ Բավարիա Մյունխեն
Համար 7
Ազգային հավաքական
2006-ներկա Ֆրանսիայի ֆուտբոլի
ազգային հավաքական
59 (9)


Ֆրանկ Բիլալ Ռիբերի (ֆր.՝ Franck Bilal Ribéry, ֆրանսիական արտասանությամբ [fʁɑ̃k ʁibeʁi] ապրիլի 7, 1983, Ֆրանսիա), ֆրանսիացի ֆուտբոլիստ, կիսապաշտպան, Ֆրանսիայի ֆուտբոլի ազգային հավաքականի անդամ, հանդես է գալիս Մյունխենի «Բավարիայում»։ Արծաթե մեդալակիր 2012 թվականի Չեմպիոնների լիգայում, 2013 թվականի Չեմպիոնների լիգակի հաղթող, Եվրոպայի լավագույն ֆուտբոլիստ 2012/2013 մրցաշրջանում։

Ակումբային կարերա[խմբագրել]

Սկսել է իր կարերան 2001 թվականին, Ֆրանսիայի երկրորդ դիվիզոնի «Բուլոն» թիմում։ Հաջորդ մրցաշրջանում տեղափոխվում է Ալեսայի «Օլիմպիկ»։ Որոշ ժամանակ դադարեց խաղալ ֆուտբոլ ֆինանսական խնդիրների պատճառով, կես տարի աշխատում էր փողոցային աշխատող։ 2003-2004 թվականներին հանդես էր գալիս «Բրեստ»-ում, իսկ 2004 թվականին տեղափոխվեց «Մեց»։ 2005 թվականին տեղափողվեց թուրքական «Գալաթասարայ», հաղթեց Թուրքիայի գավաթը։ Բայց Ռիբերին դուրս եկավ թիմից աշխատավարձի հետ կապված խնդիրների պատճառով և ազատ գործակալի իրավիճակով գլաց Մարսելի «Օլիմպիկ» (2005-2007)։

Բավարիա[խմբագրել]

Ֆրանկ Ռիբերիով հետաքրքրված էին «Մանչեսթեր Յունայթեդը» և «Մադրիդի Ռեալը»։ Այդ տարում Մյունխենի «Բավարիա»-ն զբաղեցրեց Բունդեսլիգայի չորրորդ հորիզոնականը և մնաց առանց Չեմպիոնների Լիգայի։ Դա դարձավ իսկական տրագեդիա և տրանսֆերների համար հատկացվեց 100 միլիոն եվրո։ 2007 թվականի հունիսի 7-ին Ֆրանկը տեղափոխվեց «Բավարիա» 25 միլիոն եվրոյի դիմաց և ստորագրեց չորսամյա պայմանագիր։ Տարեկան նա ստացավ 4 միլիոն եվրո։ Նա ստացավ 7 համարը։

Անձնական կյանք[խմբագրել]

Երբ որ Ռիբերին 2 տարեկան էր, իր ընտանիքը ենթարկվում ավտոպատահարի։ Նրանց ավտոմեքենան բախվում է բեռնատարին և Ռիբերին դեմքի աջ մասով հարվածում է պատուհանին և դեմքին երկու սպի է մնում։ Ռիբերիին ասում էին, որ նա կարող է պլաստիկ վիրահատություն անել և նրա դեմքի սպիները կանհետանան, սակայն Ռիբերին ասաց, որ այդ սպիները իրեն ուժ են տալիս։ Նա ամուսնացած է Վախիբայի հետ և ունի երկու աղջիկ և մեկ որդի։