Ռոբերտ Լևանդովսկի

Վիքիպեդիայից՝ ազատ հանրագիտարանից
Football pictogram.svg
Ռոբերտ Լևանդովսկի
Robert Lewandowski FCB.jpg
Անձնական տվյալներ
Ամբողջական անուն Ռոբերտ Լևանդովսկի [1]
Քաղաքացիությունը Flag of Poland.svg Լեհաստան[2]
Ծննդյան ամսաթիվ 1988 թ. օգոստոսի 21
Ծննդավայր Վարշավա, Լեհաստան Լեհաստան
Հասակ 184 սմ
Քաշ 78 կգ [3]
Դիրք Հարձակվող
Ակումբային տեղեկություններ
Ներկա ակումբ Գերմանիա Բավարիա
Համար 9
Պատանեկան կարիերա
1997 - 2004 Լեհաստան Վարսովիա (Վարշավա)
Մասնագիտական կարիերա*
Տարի Ակումբ Խաղ (Գոլ)
2005 Լեհաստան Դելտա Վարշավա  ?        (4)
2005 - 2006 Լեհաստան Լեգիա Վարշավա  ?        (2)
2006 - 2008 Լեհաստան Զնիչ Պրուժկով 32     (21)
2008 - 2010 Լեհաստան Լեխ Պոզնան 58     (32)
2010 - 2014 Գերմանիա Բորուսիա Դորտմունդ 131   (74)
2014 - Գերմանիա Բավարիա Մյունխեն 10       (5)
Ազգային հավաքական
2008 Լեհաստան Լեհաստան Մ-21 3       (0)
2008 - ներկա Լեհաստան Լեհաստան 66     (23)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ 10 Նոյեմբերի 2014:

‡ Ազգային հավաքականի խաղերն ու գոլերը ըստ 23 Նոյեմբերի 2014

Ռոբերտ Լևանդովսկի (օգոստոսի 21, 1988, Վարշավա, Լեհաստան), լեհ ֆուտբոլիստ։ Հանդես է գալիս որպես հարձակվող գերմանական Բունդեսլիգայում՝ մյունխենյան Բավարիա ակումբում և Լեհաստանի ֆուտբոլի ազգային հավաքականում։ Տրանսֆերային արժեքը 2014 թվականի հուլիսի 10-ի դրությամբ կազմում է 50, 000, 000€[4]։

Ակումբային կարիերա[խմբագրել | խմբագրել կոդը]

Պատանեկան կարիերա[խմբագրել | խմբագրել կոդը]

Վաղ տարիքում մարզվել է Լեշնոյի «Պարտիզան» թիմում, որտեղ աշխատում էր նրա հայրը։ Կարիերան սկսել է Վարսովիայում, որտեղ խաղացել է 7 տարի (1997-2004 թվականներ)։

Լևանդովսկու պրոֆեսիոնալ կարիերան սկսվել է Վարշավայի Դելտա ակումբում, ուր տեղափոխվել է 2005 թվականին։ Այնտեղ նա խփել է 4 գոլ[5]։

2006-2007 թվականներին, խաղալով Զնիչ Պրուժկովում և խփելով 15 գոլ, դառնում է Լեհաստանի II լիգայի, իսկ հաջորդ խաղաշրջանում 21 գոլով՝ Լեհաստանի բարձրագույն լիգայի ռմբարկուն։

Լեխ Պոզնան[խմբագրել | խմբագրել կոդը]

Լեխում խաղալիս Ռոբերտ Լևանդովսկին 18 գոլով դարձել է 2009/2010 թթ. Էքստրակլասսի ռմբարկուն

2008 թվականին Լևանդովսկին պայմանագիր է կնքել լեհական Լեխ ակումբի հետ, որը ֆուտբոլիստի համար վճարեց 1,5 միլիոն լեհական զլոտի։ Էքստրակլասսում առաջին անգամ խաղացել է 2008 թվականի օգոստոսի 8-ին՝ սեփական հարկի տակ պարտվելով Բելխատուվային 2։3 հաշվով, որտեղ գոլ է խփել երկրորդ խաղակեսի ընթացքում դաշտ դուրս գալուց 4 րոպե հետո[6]։ Լևանդովսկին նաև մասնակցել է ՈՒԵՖԱ Եվրոպայի Լիգայի որակավորմանը 2008 թվականի հուլիսի 17-ին ադրբեջանական Խազար-Լենկորանի դեմ և 75-րդ րոպեին խփել իր թիմի համար հաղթական գոլը[7]։ Հաջորդ հանդիպումը ևս ավարտվել է Լեխի հաղթանակով[8]։ Հաջորդ փուլում Լեխը խաղաց շվեյցարական Գրասսհոպերի հետ՝ առաջին խաղում հաղթելով նրան խոշոր 6։0 հաշվով, որտեղ Լևանդովսկին դարձավ դուբլի հեղինակ[9], իսկ պատասխան հանդիպումը ավարտվեց ոչ-ոքի (0։0)[10]։ Այնուհետև Լեխը առաջ է անցնում նաև ավստրիական Աուստրիայից և անցնում խմբային մրցաշարի փուլ, որտեղ գրավում է 3-րդ տեղը՝ զիջելով Մոսկվայի ԲԿՄԱ-ին, իսպանական Դեպորտիվոյին և առաջ անցնելով ֆրասիական Նանսիից և հոլանդական Ֆեյենոորդից։ Սակայն հաջորդ փուլում Լեխը զիջեց իտալական Ուդինեզեին։ 2008 թվականի դեկտեմբերին լեհական Piłka Nożna (Ֆուտբոլ) շաբաթաթերթը Լևանդովսկում ճանաչեց տարվա հայտնություն։

Լեհաստանի առաջնության 2008-2009 մրցաշրջանում Լեխը զբաղեցրեց 3-րդ հորիզոնականը՝ զիջելով վարշավյան Լեգիային և կրակովյան Վիսլային։ Լևանդովսկին խփած 14 գոլերով զբաղեցրեց ռմբարկուների ցուցակի երկրորդ հորիզոնականը՝ զիջելով Պավել Բրոժեկի և Տակեսուրե Չինյամային, որոնք խփել էին 19-ական գոլ։ Լեխը հաղթեց նաև Լեհաստանի գավաթը՝ եզրափակչում հաղթելով խոժուվյան «Ռուխին» (1։0)[11]։ 2009 թվականի հուլիսի 25-ին Լյուբինում կրակովյան Վիսլայի դեմ կայացած Լեհաստանի սուպերգավաթի խաղի 9-րդ րոպեին Ռոբերտը խփեց խաղի առաջին գոլը (1։1, տուգանային հարվածներով՝ 3։4)[12]։ Լեհաստանի բարձրագույն առաջնության 2008-09 մրցաշրջանում Լևանդովսկին խփած գոլերի քանակով 2-րդն էր։ 2009 թ. դարձել է Լեհաստանի առաջնության լավագույն խաղացող[13]։ Լինելով խփած գոլերի քանակով առաջինը (18 գոլ)՝ իր թիմով հաղթանակ է տարել 2009-10 մրցաշրջանում։

Լևանդովսկին իր վրա հրավիրել է նաև եվրոպական ակումբերի ուշադրությունը։ Նրանով հետաքրքրվել են մոսկովյան ԲԿՄԱ-ն[14], անգլիական «Վեստ Բրոմվիչ Ալբիոնը»[15], դորտմունդյան Բորուսիան[16], հոլանդական Ֆեյենոորդը[17], պետերբուրգյան Զենիթը[18] և Դոնեցկի Շախտյորը[19]։

Ռոբերտ Լևանդովսկին անգլիացի Ուեյն Ռունիի հետ դարձել է հայտնի FIFA 10 համակարգչային խաղի դեմքը Լեհաստանում։

Բորուսիա Դորտմունդ[խմբագրել | խմբագրել կոդը]

2010-11[խմբագրել | խմբագրել կոդը]

2010 թվականի հուլիսի 1-ին Լևանդովսկին տեղափոխվեց Դորտմունդի Բորուսիա։ Ակումբը նրա համար վճարեց 4, 750, 000€։ Հանդես էր գալիս 7 համարի ներքո։ Լևանդովսկու դեբյուտը Բորուսիայի կազմում տեղի ունեցավ 2010 թվականի օգոստոսի 22-ին Լեվերկուզենի Բայեր 04-ի դեմ խաղում, որտեղ Լևանդովսկին խաղադաշտ դուրս եկավ 63-րդ րոպեին՝ փոխարինելու Սեբաստիան Կելին[20]։ Բունդեսլիգայում առաջին գոլը հեղինակել է գրավելով Շալկե 04-ի դարպասը. 74-րդ րոպեին փոխարինել է Շինջի Կագավային, իսկ 86-րդ րոպեին գոլ է խփել Մանուել Նոյերի դարպասին (1։3)[21]։ Լևանդովսկին Դորտմունդի Բորուսիայի հետ երկու անգամ դարձել է գերմանական Բունդեսլիգայի չեմպիոն, իսկ 2011-2012 մրցաշրջանում դարձավ գերմանական Բունդեսլիգայի լավագույն խաղացող։ Բունդելիգայում անց է կացրել 33 խաղ և խփել 8 գոլ, Գերմանիայի գավաթում՝ 2 խաղ, Եվրոպայի Լիգայում՝ 8 խաղ և խփել իր միակ գոլը խփել Բավարիայի հետ խաղում։

2011-12[խմբագրել | խմբագրել կոդը]

Նոր սեզոնում Ռոբերտը սկսեց հանդես գալ 9-րդ համարի տակ։ 2011 թվականի հուլիսի 23-ին մասնակցեց Գերմանիայի Սուպերգավաթի հանդիպմանը, որտեղ Բորուսիան զիջեց Շալկե 04-ին (հիմնական ժամանակում՝ 0։0, տուգանային հարվածներով՝ 3։4)։ 2011-2012 մրցաշրջանում նույնպես Բորուսիան դարձավ Գերմանիայի չեմպիոն, իսկ Լևանդովսկին դարձավ թիմի ռմբարկուն՝ 34 խաղում խփելով 22 գոլ։ Չեմպիոնների լիգայում խաղալով 6 խաղ՝ խփել է 1 գոլ։ Գերմանիայի Գավաթում Բորուսիան հասավ մինչև եզրափակիչ, որտեղ ջախջախեց մյունխենյան Բավարիային (5։2)։ Այդ խաղում Լևանդովսկին դարձավ հեթ-տրիկի հեղինակ։ Նա նաև դարձավ Գերմանիայի Գավաթի (2011-2012 թվականներ) ռմբարկուն՝ 6 խաղում խփելով 7 գոլ։

2012-13[խմբագրել | խմբագրել կոդը]

2012-2013 մրցաշրջանում Դորտմունդի Բորուսիան գրավեց 2-րդ հորիզոնականը Գերմանիայի առաջնությունում։ Չեմպիոնների Լիգայի կիսաեզրափակչում Բորուսիան հաղթեց Ռեալ Մադրիդին, որտեղ Լևանդովսկին խփելով 4 գոլ՝ դարձավ միակ ֆուտբոլիստը, ով ՉԼ-ի կիսաեզրափակչում խփել է 4 գոլ։ Իսկ եզրափակչում պարտվեցին Բավարիային։ 2014 թվականի հունվարի 4-ին նախնական պայմանագիր կնքեց Մյունխենի Բավարիայի հետ։

2013-14[խմբագրել | խմբագրել կոդը]

2013 թվականի հուլիսի 27-ին Դորտմունդի Բորուսիայի կազմում Լևանդովսկին հաղթեց Գերմանիայի գավաթը

Ազգային հավաքականի կազմում դեբյուտը տեղի ունեցավ 2009 թվականի սեպտեմբերի 10-ին Սան Մարինոյի դեմ խաղին։ Լևանդովսկին Լեհաստանի ազգային հավաքականի կազմում մասնակցել է 2012 թվականի Եվրոպայի առաջնությանը։

«Բավարիա»[խմբագրել | խմբագրել կոդը]

2014 թվականի հունվարի 4-ին պաշտոնապես 5 տարվա պայմանագիր կնքեց Մյունխենի Բավարիայի հետ[22]։ Համաձայնությունը ուժի մեջ է մտնում 2014 թվականի ամռանը։ Հենց իր առաջին խաղում ընդդեմ «Դույսբուրգի» նա բացեց հաշիվը նոր ակումբի կազմում։ 2015 թվականի սեպտեմբերի 22–ին սահմանեց ռեկորդ խոշոր եվրոպական առաջնությունների համար(Անգլիա, Գերմանիա, Իսպանիա, Իտալիա, Ֆրանսիա), 9-ր-ում 5 անգամ գրավելով «Վոլֆսբուրգի» դարպասը(51', 52', 55', 57', 60') (խաղի հաշիվը - 5:1)։

Ձեռքբերումներ[խմբագրել | խմբագրել կոդը]

Թիմային

Լեհաստան Լեխ

Գերմանիա «Դորտմունդի Բորուսիա»

Անձնական

Աղբյուրներ[խմբագրել | խմբագրել կոդը]

  1. Ռոբերտ Լևանդովսկու վիճակագրությունը sports.ru կայքում(ռուս.)
  2. Լեհերեն Վիքիպեդիա
  3. «Robert Lewandowski - Bundesliga - official website» 
  4. «Robert Lewandowski - market value progress - Transfermarkt»։ Transfermarkt։ transfermarkt.com։ 2014/07/10 
  5. Պատմություն Ռոբերտ Լևանդովսկու կյանքից(լեհ.)
  6. Լեխ 2-3 Բելխատուվա (Ռոբերտ Լևանդովսկի 67')(լեհ.)
  7. Խազար-Լենկորան 0-1 Լեխ Պոզնան (Ռոբերտ Լևանդովսկի 75') (Եվրոպայի լիգայի որակավորում 2008/09)(անգլ.)
  8. Լեխ Պոզնան 4-1 Խազար-Լենկորան (Եվրոպայի լիգայի որակավորում 2008/09)(անգլ.)
  9. Լեխ Պոզնան 6-0 Գրասսհոպեր (Ռոբերտ Լևանդովսկի 14', 56') (Եվրոպայի լիգայի որակավորում 2008/09)(անգլ.)
  10. Գրասսհոպեր 0:0 Լեխ Պոզնան (Եվրոպայի լիգայի որակավորում 2008/09)(անգլ.)
  11. Ռուխ Խոժուվ 0-1 Լեխ Պոզնան(լեհ.)
  12. Վիսլա Կրակով 1-1, տուգ.՝ 3-4 Լեխ Պոզնան (Ռոբերտ Լևանդովսկի 9')(լեհ.)
  13. Մարիուշ Լևանդովսկին Լեհաստանի տարվա լավագույն խաղացողն է(ռուս.)
  14. Լևանդովսկին չի տեղափոխվի ԲԿՄԱ(ռուս.)
  15. Ռ. Լևանդովսկին չի տեղափոխվի ՎԲԱ(ռուս.)
  16. Բորուսիան հետաքրքրվում է Լևանդովսկու ծառայություններով(ռուս.)
  17. Ֆեյենոորդը ցանկանում է գնել Լևանդովսկուն, ոչ թե Մարիուշին(ռուս.)
  18. Ռ. Լևանդովսկին կտեղափոխվի՞ Զենիթ(ռուս.)
  19. Լեխը մերժել է Շախտյորին(ռուս.)
  20. Բորուսիա Դորտմունդ 0-2 Բայեր 04 Լեվերկուզեն(անգլ.)
  21. Շալկե 04 1-3 Բորուսիա Դորտմունդ
  22. ««Бавария» объявила о подписании Левандовски»։ Спорт-Экспресс (ռուսերեն)։ news.sport-express.ru։ 2014/01/04։ Վերցված է 2014-01-01 
  23. Левандовски стал лучшим бомбардиром чемпионата Германии

Արտաքին հղումներ[խմբագրել | խմբագրել կոդը]