Կեյլոր Նավաս

Կեյլոր Նավաս; Keylor Navas
Անձնական տվյալներ
Ամբողջական անուն	Կեյլոր Անտոնիո Նավաս Գամբոա
Քաղաքացիությունը	Կոստա Ռիկա
Ծննդյան ամսաթիվ	դեկտեմբերի 15, 1986 (38 տարեկան)
Ծննդավայր	Պերես Սելեդոն, Կոստա Ռիկա
Հասակ	186 սմ
Քաշ	78 կգ
Դիրք	Դարպասապահ
Համար	1
Պատանեկան կարիերա
1999-2005	Դեպորտիվո Սապրիսսա
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Կեյլոր Անտոնիո Նավաս Գամբոա, ավելի հայտնի որպես՝ Կեյլոր Նավաս (իսպ.՝ Keylor Antonio Navas Gamboa, դեկտեմբերի 15, 1986, Պերես Սելեդոն, Կոստա Ռիկա), կոստառիկացի ֆուտբոլիստ, որպես դարպասապահ հանդես է գալիս Կոստա Ռիկայի ազգային հավաքականում և Ռեալ Մադրիդ ակումբում։ 2014 թվականի ֆուտբոլի աշխարհի առաջնության մասնակից։

Կարիերան սկսելով «Սապրիսայում»` տեղափոխվեց «Ալբասետե», այնուհետև՝ «Լևանտե», իսկ 2014 թվականի օգոստոսի 3-ին 10 միլիոն եվրոյի դիմաց տեղափոխվեց «Արքայական ակումբ»։ Նավասն ազգային հավաքականի կազմում անցկացրել է ավելի քան 60 խաղ, սկսած 2008 թվականից։ Նա ազգային հավաքականի հետ մասնակցել է երկու անգամ ԿՈՆԿԱԿԱՖ-ի և մեկ անգամ Աշխարհի առաջնությանը։ Նրա հիանալի խաղի շնորհիվ ազգային հավաքականը կարողացավ հանսել ԱԱ-ի քառորդ եզրափակիչ։

Ակումբային կարիերա

Կեյլոր Նավասան իր պրոֆեսիոնալ կարիերան սկսել է 2005 թվականի նոյեմբերի 6-ից «Դեպորտիվո Սապրիսայի» կազմում։ Նա իր անդրանիկ հանդիպումը անցկացրել է տեղի առաջնությունում «Դեպորտիվա Կարմելիտայի» դեմ խաղում։ Նա շուտով դառնում է թիմի առաջին համարը և իր ակումբի հետ 6 անգամ դառնում Կոստա Ռիկայի չեմպիոն, ինչպես նաև հաղթում ԿՈՆԿԱԿԱՖ-ի գավաթը և ակումբային աշխարհի առաջնությունում գրավում 3-րդ հորիզոնականը։

«Ալբասետե»

2010 թվականին Կեյլոր Նավասը տեղափոխվեց իսպանական «Ալբասետե» և 20 տարի անց դարձավ կոստառիկացի երկրորդ դարպասապահը այդ ակումբի կազմում Լուիս Կոնոխոյից հետո։ Նա առաջին մրցաշրջանում մասնակցեց 36 հանդիպման, սակայն ակումբը դուրս մնաց Սեգունդայից, և Նավասը տեղափոխվեց «Լևանտե»։

«Լևանտե»

2011-2012 մրցաշրջանում Նավասը «Լևանտե» տեղափոխվեց վարձավճարով։ 2012 թվականի մայիսի 13-ին նա իր առաջին հանդիպումը անցկացրեց Լա Լիգայում «Ատլետիկո Բիլբաոյի» դեմ խաղում։ Մրցաշրջանի ավարտից հետո «Լևանտեն» գնեց ֆուտբոլիստի տրանսֆերը։ 2013-2014 մրցաշրջանում նա դարձավ թիմի առաջին համարը։

«Ռեալ Մադրիդ»

2014 թվականի օգոստոսի 3-ին «Ռեալ Մադրիդը» պաշտոնապես հայտարարեց Կեյլոր Նավասի տեղափոխության մասին։ Ակումբը ֆուտբոլիստի հետ կնքել է 6-ամյա պայմանագիր 1.8 միլիոն եվրո տարեկան աշխատավարձով։ «Արքայական ակումբը» նրան գնեց 10 միլիոն եվրոյով։

Նավասը դարձավ «Ռեալի» հիմնական դարպասապահը և թիմի հետ հաղթեց 2015-2016 ու 2016-2017 մրցաշրջանների Չեմպիոնների Լիգաների խաղարկությունները։

Միջազգային կարիերա

2008 թվականի հոկտեմբերի 11-ին Նավասը առաջին հանդիպումը անցկացրեց Կոստա Ռիկայի ազգային հավաքականի կազմում՝ դուրս գալով խաղադաշտ Սուրինամի դեմ խաղում։ 2009 թվականից դարձավ հավաքականի հիմնական դարպասապահը։ 2009 թվականին ազգային հավաքականի հետ մասնակցել է ԿՈՆԿԱԿԱՖ-ի ոսկե գավաթի խաղարկությանը և ճանաչվել առաջնության լավագույն դարպասապահ։ 2011 թվականին նա նորից է արժանանում այս մրցանակին իր գերազանց ելույթների շնորհիվ։ 2014 թվականի ամռանը ազգային հավաքականի հետ մասնակցել է Բրազիլիայում կայացած Աշխարհի առաջնությանը և հավաքականի հետ հասել մինչև քառորդ եզրափակիչ և բոլոր այն հանդիպումներում, որտեղ նա մասնակցել է ճանաչվել է հանդիպման լավագույն ֆուտբոլիստ։

Վիճակագրություն

Ակումբային վիճակագրություն

2017 թվականի հուլիսի 7-ի դրությամբ

Ակումբ	Մրցաշրջան	Առաջնություն			Գավաթ		Մայրցամաքային		Ընդհանուր
Ակումբ	Մրցաշրջան	Առաջնություն	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Դեպորտիվո Սապրիսա	2008–09	Պրիմերա Դիվիզիոն	20	0	0	0	5	0	25	0
	2009–10	Պրիմերա Դիվիզիոն	23	0	0	0	4	0	27	0
	Ընդհանուր		43	0	0	0	9	0	52	0
«Ալբասետե»	2010–11	Սեգունդա	36	0	0	0	0	0	36	0
«Լևանտե»	2011–12	Լա Լիգա	1	0	5	0	0	0	6	0
	2012–13	Լա Լիգա	9	0	4	0	12	0	25	0
	2013–14	Լա Լիգա	37	0	2	0	0	0	39	0
	Ընդհանուր		47	0	11	0	12	0	70	0
«Ռեալ Մադրիդ»	2014–15	Լա Լիգա	6	0	3	0	2	0	11	0
	2015–16	Լա Լիգա	34	0	0	0	11	0	45	0
	2016–17	Լա Լիգա	27	0	2	0	12	0	41	0
	Ընդհանուր		67	0	5	0	25	0	97	0
Կարիերայի ընդհանուր			193	0	16	0	46	0	255	0

Միջազգային վիճակագրություն

2017 թվականի հուլիսի 7-ի դրությամբ

Կոստա Ռիկա
Տարի	Խաղեր	Գոլեր
2008	2	0
2009	14	0
2010	5	0
2011	11	0
2012	10	0
2013	8	0
2014	10	0
2015	4	0
2016	5	0
2017	4	0
Ընդհանուր	73	0

Նվաճումներ

Ակումբային

«Դեպորտիվո Սապրիսսա»

ԿՈՆԿԱԿԱՖ Չեմպիոնների Լիգա. 2005
Կոստա Ռիկայի առաջնություն. 2005–2006, 2006–2007, 2007, 2008, 2010

«Ռեալ Մադրիդ»

Անհատական

ԿՈՆԿԱԿԱՖ-ի տարվա խաղացող. 2014
ԿՈՆԿԱԿԱՖ-ի ոսկե գավաթ. Լավագույն դարպասապահ/Խորհրդանշական հավաքական. 2009
Լա Լիգայի ամսվա խաղացող. մարտ, 2014
LFP Awards. Լավագույն դարպասապահ. 2013-14
ԷՖԷ-ի գավաթ. տարվա խաղացող. 2016
ԿՈՆԿԱԿԱՖ-ի տարվա դարպասապահ. 2016
ԵՍՄ-ի մրցաշրջանի խորհրդանշական հավաքական. 2015-2016

Անձնական կյանք

Կեյլոր Նավասը քրիստոնյա է։ Նա իր հավատքի մասին ասում է. «Աստված ինձ համար առաջին տեղում է։ Յուրաքանչյուր խաղից առաջ ես ծնկաչոք աղոթում եմ»։

Արտաքին հղումներ

Վիքիպահեստն ունի նյութեր, որոնք վերաբերում են «Կեյլոր Նավաս» հոդվածին։