Բազում

Գյուղ
Բազում
Երկիր	Հայաստան
Մարզ	ԼոռիԼոռի
Գյուղապետ	Սրբուհի Հարությունյան
Այլ անվանումներ	Բզովդալ
Մակերես	35.18 կմ²
ԲԾՄ	1615 մ
Կլիմայի տեսակ	Խիստ փոփոխական
Պաշտոնական լեզու	Հայերեն
Բնակչություն	1210 մարդ (2008)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	բազումցի
Ժամային գոտի	UTC+4
Պաշտոնական կայք	lori.mtaes.am/about-communities/485 (հայ.)
Բազում (Հայաստան)

Բազում, գյուղ Հայաստանի Լոռու մարզում, մարզկենտրոնից 3 կմ հյուսիս-արևմուտք՝ Բազումի լեռների հարավային լանջում։

Նախնիները եկել են Իջևանից և Եղվարդից։ Բնակչությունը զբաղվում է անասնապահությամբ, բանջարաբուծությամբ, դաշտավարությամբ և այգեգործությամբ։ Գյուղում առկա է 14 պատմամշակութային հուշարձան։

Գյուղն ունի նորակառույց միջնակարգ դպրոց, որտեղ սովորում է 166 աշակերտ։

Բնակչություն

Բազումի ազգաբնակչության փոփոխությունը.

Տարի	1873	1897	1926	1939	1959	1970	1979	2001	2004
Բնակիչ	232	452	636	803	691	638	887	1285	984

Կլիմա

Տեղանքը հիմնականում լեռնային է, սակավահող, կլիման խիստ փոփոխական է և զերծ չի մնում կարկուտներից, սելավներից, հաճախակի են երաշտի տարիները, ինչը մեծ վնաս է հասցնում գյուղմթերքների արտադրությանը։

Տնտեսություն

Պուշկինյան լեռնանցքը

Գյուղի միջով հոսող Չալարի գետը, որը սկիզբ է առնում Պուշկինի լեռնանցքից, ոռոգում է գյուղի ցանքատարածությունների մոտ 40%-ը։ Գյուղը մեծ մասամբ զբաղվում է հողագործությամբ և անասնապահությամբ։ Ոռոգման ջուր չունենալու պատճառով համայնքը դժվարանում է կազմակերպել գյուղական մթերքների արտադրությունը։ Հիմնականում զբաղվում են կարտոֆիլի, կաղամբի և այլ բանջարա-բոստանային մշակաբույսերի արտադրությամբ։

Պատմամշակութային կառույցներ

Հիմնական հոդված՝ Բազումի պատմության և մշակույթի անշարժ հուշարձանների ցանկ (Լոռու մարզ)

Գյուղն ունի 1 եկեղեցի, կառուցված 12-13-րդ դարերում։ Գյուղից 1-2 կմ հյուսիս-արևելքում գտնվում է Բերդատեղ վայրը՝ ամրոցի ավերակներով։ Գյուղում են գտնվում 4 գերեզմանոց, 2 տապանաքար, ձիթհան և Ք. ա. 2-1-ին հազարամյակների դամբարանադաշտ և բնակատեղի։ Կենտրոնում են գտնվում Հայրենական մեծ պատերազմում զոհվածներին նվիրված հուշակոթող և հուշաղբյուր։