Իշխանասար
Անվան այլ կիրառումների համար տե՛ս՝ Իշխանասար (այլ կիրառումներ)
| Գյուղ | ||
|---|---|---|
| Իշխանասար | ||
| Երկիր |  Հայաստան | |
| Մարզ | Սյունիքի | |
| Գյուղապետ | Արարատ Պետրոսյան | |
| Մակերես | 12,75 կմ² | |
| ԲԾՄ | 1900 մ | |
| Պաշտոնական լեզու | Հայերեն | |
| Բնակչություն | 271 մարդ (2011) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | իշխանասարեցի | |
| Ժամային գոտի | UTC+4 | |
| ||
Իշխանասար (նախկին անվանում՝ Ղջլջուղ,Ղզլջուղ,Կժլջուղ), գյուղ Հայաստանի Սյունիքի մարզում։ Ըստ Ազգային վիճակագրական ծառայության՝ Իշխանասարի բնակչությունը 2011 թվականին կատարած մարդահամարի տվյալների համաձայն կազմում է 271 մարդ, ինչն ավելացել է համեմատած 2001 թվականի մարդահամարից (147)։
Գյուղը գտնվում է համանուն լեռան ստորոտային մասում։ Գյուղի շրջակայքում գտնվող միջնադարյան գերեզմանոցը, ինչպես նաև «Սյունի բերդ», «Ղարայի ժայռ» և «Քյալափա-Քյարավեկ» ամրոցների ավերակները վկայում են, որ տարածքը բնակեցված է եղել դեռևս հին ժամանակներում։
Մինչև 1988 թվականը բնակեցված է եղել ադրբեջանցիներով, որոնց տեղափոխումից հետո այստեղ են հաստատվել Ադրբեջանից գաղթած հայերը։
