Ակներ (Սյունիքի մարզ)
Այս հոդվածը ՀՀ Սյունիքի մարզի գյուղի մասին է։ Այլ գործածությունների համար այցելեք Ակներ (այլ կիրառումներ)։
| Գյուղ | ||
|---|---|---|
| Ակներ | ||
| Երկիր |  Հայաստան | |
| Մարզ | Սյունիքի | |
| Գյուղապետ | Սպարտակ Մինասյան | |
| Հիմնադրված է | 1880 թ. | |
| Այլ անվանումներ | Բռուն | |
| Մակերես | 1,89 կմ² | |
| ԲԾՄ | 1700 մ | |
| Պաշտոնական լեզու | Հայերեն | |
| Բնակչություն | 1 338 մարդ (2011) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | Ակներցի | |
| Ժամային գոտի | UTC+4 | |
| ||
Ակներ (նախկին անվանում՝ Բռուն), գյուղ Հայաստանի Սյունիքի մարզում, մարզկենտրոնից 73 կմ հյուսիս, Ակներ գետի ափին։
Գտնվում է Գորիս քաղաքի հյուսիսարևմտյան մասում, Վարարակ գետի ափին, հիմնադրվել է 1880 թվականին։ Ակները 1958-1990 թթ.-ին գտնվում էր Վերիշենի պետական տնտեսության կազմում, որից տարանջատվել է 1991 թ.-ին։
Ակներ է վերանվանվել 2006 թ.-ի հուլիսի 4-ին։
Բնակչություն
Ըստ Ազգային վիճակագրական ծառայության 2011 թվականին կատարած մարդահամարի տվյալների՝ գյուղի բնակչությունը կազմում է 1 338 մարդ, ինչը բարձրացել է համեմատած 2001 թվականի մարդահամարից (1116)։
Ակների ազգաբնակչության փոփոխությունը.[1]
| Տարի | 1880 | 1907 | 1922 | 1931 | 1959 | 1970 | 1979 | 1989 | 2001 | 2004 |
|---|---|---|---|---|---|---|---|---|---|---|
| Բնակիչ | 226 | 150 | 468 | 540 | 568 | 709 | 632 | 832 | 1087 | 1233 |
Տնտեսություն
Բնակչությունը զբաղվում է անասնապահությամբ, խոզաբուծությամբ, թռչնաբուծությամբ, դաշտավարությամբ և այգեգործությամբ։
Պատմամշակութային կառույցներ
Գյուղի մոտով է հոսում «Տերտերի առու» կոչվող ջրանցքը, որը կառուցված է եղել դեռևս X դարում։ Գյուղի տարածքում կան կիկլոպյան կառույցների, միջնադարյան բերդի ու այլ շինությունների հետքեր։
Ծանոթագրություններ
- ↑ «Հայաստանի հանրապետության բնակավայրերի բառարան, էջ 80» (PDF). Վերցված է 2014 Հունիսի 17-ին.
