Սուրբ Գևորգ եկեղեցի (Նոր Ջուղա)

Վիքիպեդիայից՝ ազատ հանրագիտարանից
Jump to navigation Jump to search
Սուրբ Գևորգ եկեղեցի
Սուրբ Գևորգ եկեղեցի.jpg
Հիմնական տվյալներ
Տեսակեկեղեցի
ԵրկիրԻրան Իրան
ՏեղագրությունՍպահանի նահանգ
ԹեմՍպահանի թեմ (Կիլիկիո Կաթողիկոսություն)
Ներկա վիճակգործող
Ճարտարապետական նկարագրություն
Ճարտարապետական տիպբազիլիկա
Ճարտարապետական ոճՍպահանի ոճ
Կառուցման ավարտ1611
Գմբեթ3 հատ
Կոորդինատներ: 32°38′16.440000100007″ հս․ լ. 51°39′15.480000099997″ ավ. ե. / 32.63790000002777703° հս․. լ. 51.65430000002777433° ավ. ե. / 32.63790000002777703; 51.65430000002777433
HS Disambig.svg Անվան այլ կիրառումների համար տես՝ Սուրբ Գևորգ եկեղեցի (այլ կիրառումներ)

Սուրբ Գևորգ, հայ առաքելական եկեղեցի Իրանի Սպահանի նահանգում՝ Նոր Ջուղա քաղաքում: Պատկանում է Մեծի Տանն Կիլիկիո կաթողիկոսության Սպահանի թեմին: Անցյալում եկեղեցու փողոցը կոչւում էր Ղարիբենց փողոց և հաճախ էլ եկեղեցին «Ղարիբենց ժամ»։ Եկեղեցին կոչվել է նաև «Մեծ Խոջենց եկեղեցի», որովհետև կառուցվել է Խոջա Նազարի կողմից։ Ըստ Առաքել Դավրիժեցու, այս եկեղեցին, Ջուղայի հայտնի ուխտատեղի եկեղեցիներից է, քանի որ շահ Աբբասի հրամանով Էջմիածնից այստեղ են 15 կտոր քարեր բերվել, որպեսզի հայերը դրա սիրուց չլքեն Ջուղան և չվերադառնան Հայաստան[1]։

Պատմություն[խմբագրել | խմբագրել կոդը]

Եկեղեցու սեղանի ներքևում եղած քարերի արձանագրությունները, որպես խաչքարերի հիշատակարաններ, ցույց են տալիս, որ եկեղեցին կառուցւել է 1611 թվականին։ Սեղանը թվագրվում է 1962 թվականի: Դրա ներքևում գտնվում են Էջմիածնից բերված երեք սյունաքարեր, որի պատճառով որոշ գրչագրերում հիշատակվել է որպես սուրբ Էջմիածին, ինչպես նաև «Ընդ հովանեաւ Ս. Էջմիածնի»։

1892 թվականին եկեղեցու հյուսիսային կողմում կառուցվել են յոթ սենյակներ: Սուրբ Գևորգն արևմտյան դռան վերևում ունի մի զանգակատուն, որը կառուցվել է 1920-ական թվականներին։ 1954 թվականին եկեղեցին հիմնապես վերանորոգվել է:

Ճարտարապետություն[խմբագրել | խմբագրել կոդը]

Սուրբ Գևորգն ունի երեք կամար ու փոքր լուսամուտներով գմբեթներ։ Եկեղեցին ունի գեղեցիկ բեմ, որը զարդանախշված է հրեշտակներով։ Կամարներից ներքև ունի վեց պատուհան, որոնցից մեկը փակվել է։ Եկեղեցու հյուսիսային և արևմտյան դռների արտաքին մասի վերևում, կան հախճապակիներով նկարներ, որոնցից հյուսիսայինը ներկայացնում է Յիսուսի ծնունդը և երեք մոգերի երկրպագությունը։ Արևմտեան դռան առջև կա մի փոքր գավիթ, իսկ դռան վերևում հախճապակու վրայ Աստվածածնի ավետման պատկերն է։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ Սուրբ Գևորգ եկեղեցի

Արտաքին հղումներ (պատկերներ)[խմբագրել | խմբագրել կոդը]

Ստացված է «https://hy.wikipedia.org/w/index.php?title=Սուրբ_Գևորգ_եկեղեցի_(Նոր_Ջուղա)&oldid=6285255» էջից