Սարալանջ (Լոռու մարզ)

Անվան այլ կիրառումների համար տե՛ս՝ Սարալանջ (այլ կիրառումներ)

Գյուղ
Սարալանջ
Երկիր	Հայաստան
Մարզ	ԼոռիԼոռի
ԲԾՄ	1800 մ
Պաշտոնական լեզու	Հայերեն
Բնակչություն	298 մարդ (2004)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Սարալանջ (Լոռու մարզ) (Հայաստան)

Սարալանջ, գյուղ Հայաստանի Հանրապետության Լոռու մարզում՝ մարզկենտրոն Վանաձորից 31 կմ հարավ-արևմուտք։ Գյուղը տեղակայված է Փամբակ գետի ձախ ափին՝ ծովի մակերևույթից 1800մ բարձրության վրա։

Բնակչությունն զբաղվում է հացահատիկի, կերային կուլտուրաների մշակությամբ և անասնապահությամբ։

Գյուղը հիմնադրվել է 1831 թ.։ Գտնվում է ծովի մակարդակից 1750մ բարձրության վրա։ Սարալանջ գյուղը տեղակայված է Սպիտակ-Գյումրի մայրուղուց 2կմ դեպի հյուսիս։ Գյուղի առաջին բնակիչները հարևան Մեծ Պարնի գյուղից տեղափոխված ընտանիքներն էին։ Հավանաբար տարածքի գեղատեսիլ բնությունը, ծառախիտ ու մշտադալար անտառը, բարձունքից գահավիժող ջրվեժն է գրավել նրանց։ Սարալանջը նախկինում օտարածին անուն է ունեցել՝ Գյոգյողուշ։

Պետք է ենթադրել, որ տեղափոխված ընտանիքները գոհ են եղել տարածքից, քանզի նրանց են հետևել այլ ընտանիքներ ևս։ 1919 թ. Այս ընտանիքներին են միացել Արևմտյան Հայաստանի տարբեր գավառներից գաղթած ընտանիքներ։ Գյուղը հետագայում անվանափոխվեց՝ դառնալով Սարալանջ։ Գյուղի կլիման ձմռանը ցրտաշունչ է, իսկ ամռանը զով։ Հաճախակի են չոր երաշտի տարիները, որից շատ են տուժում հողագործները։ Ոռոգման ջրի սակավության պատճառով համայնքը հիմնականում զբաղվում է ցորենի, գարու, առվույտի, կորնգանի, կարտոֆիլի մշակմամբ։ Անասնապահությամբ զբաղվողները արտադրում են միս, կաթ, բուրդ, ձու, մեղր։ Գյուղն ունի 8-ամյա դպրոց։ 2001 թ. մարդահամարի տվյալներով գյուղն ունի 215 մշտական բնակիչ, առկա բնակիչների թիվն է 207։

Բնակչություն

Սարալանջի ազգաբնակչության փոփոխությունը.

Տարի	1873	1897	1926	1939	1959	1970	1979	1989	1993	2001	2004
Բնակիչ	240	345	475	585	322	224	137	107	196	215	226

Տես նաև

• Լոռու մարզ
• Սարալանջի պատմության և մշակույթի անշարժ հուշարձանների ցանկ (Լոռու մարզ)