Մասնակցի քննարկում:Ավետիսյան91

Վիքիպեդիայից՝ ազատ հանրագիտարանից
Jump to navigation Jump to search
Արխիվ

2014 թվականի քննարկումներ
2015 թվականի քննարկումներ
2016 թվականի քննարկումներ
2017 թվականի քննարկումներ
2018 թվականի քննարկումներ

ԵԿՄ[խմբագրել կոդը]

Հարգելի՛ Ավետիսյան91,Երկրապահի էջի վերաբերյալ. պետք է նկատեմ, որ գրվածն էլ սուբյեկտիվ էր՝ հղում չպարունակող կարծիք: Երկրորդ, եթե Ձեր ստեղծած էջն ՝ կխնդրեի անվանումը ճիշտ գրել, քանի որ կազմակերպության անունը Երկրապահ կամավորականների միություն է: Նաև՝այս կազմակերպությունում հրամանատարներ, որպես այդպիսին չկան: Ձեր նշած հրամանատարներ Վազգեն Սարգսյանն ու Մանվել Գրիգորյանը ԵԿՄ վարչության նախագահներն են եղել: Իսկ պատերազմած հրամանատարներ, եթե առհասարակ նկատի ունեք, ԵԿՄ-ում շատ կան(կամավորական ջոկատների հրամանատարները):– Այս անստորագիր գրառման հեղինակն է Kamavorakan (քննարկում|ներդրումներ) մասնակիցը։

Ողջույն։ Հոդվածը ես եմ ստեղծել, սակայն այդ հատվածը՝ ոչ։ Եթե անձահամաձայնություն կա հատվածի հետ, հոդվածի քննարկման էջում քննարկում բացեք։ Վիքիպեդիայում հոդվածներն աշխատում են տեղեկաքարտերով, ԵԿՄ հոդվածի համար ընտրված է «Ռազմական ստորաբաժանում» տեղեկաքարտը, որի մեջ չեք կարող գրել ղեկավար, դա չի երևա։ Ուրեմն պետք է փոխել տեղեկաքարտը օրինակ՝ «Կազմակերպություն»։ Այդ դեպքում ղեկավար կարող է լինել։ Հոդվածի անունը, եթե ունեք վստահելի աղբյուր, որ «Երկրապահ կամավորականների միություն» է և ոչ «Երկրապահ կամավորական միություն», ապա տեղադրեք հղումը և ես կանվանափոխեմ։ Շնորհակալ եմ։--Ավետիսյան91 (քննարկում) 11:43, 8 Նոյեմբերի 2018 (UTC)
Շնորհակալություն արձագանքի համար: Այս պահին կազմակերպության ekm.am կայքը չի գործում, և ես չեմ կարող ՀՀ Երկրապահ Կամավորականների Միություն (սա է ամբողջական անվանումը) հասարակական կազմակերպության կանոնադրությունից հղում ուղարկել:Որպես վստահելի աղբյուր՝ հղում եմ կառավարության կայքի ինֆորմացիան՝ http://www.gov.am/am/news/item/11285/: Իսկ առհասարակ, քանի դեռ լիովին չեմ տիրապետում Վիքիպեդիայի տեխնիկական միջոցներին, կարո՞ղ եք օգնել ինձ հարցերի դեպքում: Կանխավ շնորհակալ եմ: Եթե դեմ չեք՝ էլ. փոստով. ekmerkrapah@gmail.com:– Այս անստորագիր գրառման հեղինակն է Kamavorakan (քննարկում|ներդրումներ) մասնակիցը։
Հոդվածն անվանափոխվել է, տեղեկաքարտը՝ փոխվել։ Խմբագրման ցանկացած հարցով կարող եք ինձ դիմել իմ կամ Ձեր քննարկման էջում։ Ակնհայտ է, որ Դուք հոդվածի առարկայի հետ փոխկապակցված անձ եք, ուստի կխնդրեմ հետագա խմբագրումները լինեն մաքսիմալ օբյեկտիվ և չեզոք։ Կառաջարկեմ ծանոթանալ Վիքիպեդիա:Ինչ չէ Վիքիպեդիան նյութին։ Շնորհակալ եմ։--Ավետիսյան91 (քննարկում) 13:07, 8 Նոյեմբերի 2018 (UTC)

(3508) Պաստեռնակ էջի վերանվանման հետ կապված[խմբագրել կոդը]

Հարգելի Ավետիսյան, չեմ վիճում գրողի անվան տառասխալի ուղղման մասով, բայց եթե ուղղել եք, ուղղեիք նաև էջի պարունակությունը, այդպես ավելի ամբողջական կստացվեր: "Մունաթ" չեմ գալիս, պարզապես ես եդպես եմ անում :) --Ahaik (քննարկում) 11:48, 15 Նոյեմբերի 2018 (UTC)

Շնորհակալություն նկատելու համար։ Արված է։--Ավետիսյան91 (քննարկում) 11:50, 15 Նոյեմբերի 2018 (UTC)

Իմ խմբագրումներ[խմբագրել կոդը]

Այստեղ կներկայացնեմ համեմատաբար մեծ քանակով կատարվող և կատարվելիք փոփոխությունները և պատճառները։ Եթե ունենաք հարցեր, առաջարկություններ կամ դիտողություններ, գրեք այստեղ։

  • Առաջինը «պատճե» բառի փոխարինումն է «պատճեն»-ով, որոշիչ հոդով՝ «պատճենը» կամ «պատճենն», հոգնակին՝ «պատճեններ»,
  • «ընդհակառակ»՝ «ընդհակառակը»,
  • «սպիեր»՝ «սպիներ»,
  • «շտաբեր»՝ «շտաբներ»,
  • «բրենդեր»՝ «բրենդներ»,
  • «ամենալավագույն»՝ «լավագույն»։ Աղբյուրը՝ ՀՀ ԳԱԱ լեզվի ինստիտուտ։--Ավետիսյան91 (քննարկում) 11:55, 24 Նոյեմբերի 2018 (UTC)
  • «հասցրեցին»՝ «հասցրին»,
  • «սյունյակ»՝ «սյունակ»,
  • «աղյուսյակ»՝ «աղյուսակ»,
  • «հույսով եմ»՝ «հուսով եմ»։--Ավետիսյան91 (քննարկում) 16:22, 25 Նոյեմբերի 2018 (UTC)
  • «դաստիրակ*»՝ «դաստիարակ*»,
  • «բարյացկամ*»՝ «բարյացակամ*», վերևի հղումը և սա։--Ավետիսյան91 (քննարկում) 08:08, 28 Նոյեմբերի 2018 (UTC)

Տեղեկաքարտ[խմբագրել կոդը]

Ողջույն, հարգելի Ավետիսյան91: Առանձնահատուկ շնորհակալություն եմ հայտնում Հայաստանի քաղաքականության վերաբերյալ ձեր հետաքրքրության և Վիքիպեդիայի ներդրումի համար: Ուզում եմ առաջարկել, որ քաղաքական և պետական գործիչների մասին ստեղծված և ստեղծվելիք հոդվածներում օգտագործենք մասնագիտացված {{Տեղեկաքարտ Պետական գործիչ}} (օրինակը՝ Արարատ Միրզոյան հոդվածում) կաղապարը՝ ընդհանուր բնույթ ունեցող {{Տեղեկաքարտ Անձ}} փոխարեն: Ի՞նչ կասեք: --Ben Men Lyun (քննարկում) 12:09, 6 Հունվարի 2019 (UTC)

Ողջույն։ {{Տեղեկաքարտ Անձ}}-ը հարմար է նրանով, որ պարամետրերը լրացնում եմ միայն վիքիդատայում, եթե {{Տեղեկաքարտ Պետական գործիչ}}-ը վիքիդատաֆիկացված է, այսուհետ դա կօգտագործեմ։ Շնորհակալ եմ։--Ավետիսյան91 (քննարկում) 12:12, 6 Հունվարի 2019 (UTC)
Ի դեպ, հարգելի Ben Men Lyun․ «ՀՀ ԱԺ 7-րդ գումարում», թե՞ «ՀՀ 7-րդ գումարման ԱԺ»։ Շնորհակալ եմ --Ավետիսյան91 (քննարկում) 12:21, 6 Հունվարի 2019 (UTC)
Այո, ինչպես հասկանում եմ, {{Տեղեկաքարտ Պետական գործիչ}} կաղապարը վիքիդատաֆիկացված է (դա կարելի է տեսնել, օրինակ, վերոնշյալ հոդվածում):
Ես լեզվաբան չեմ (կարծում եմ, այս հարցը ավելի ճիշտ կլինի ուղղել հենց իրենց), բայց իմ կարծիքով պետք է մնա հենց ընթացիկ ձևակերպումը:--Ben Men Lyun (քննարկում) 13:14, 6 Հունվարի 2019 (UTC)

Խմբակցություններ[խմբագրել կոդը]

Ողջույն, հարգելի Ավետիսյան91: Արդյո՞ք արտեն կա պաշտոնական տեղեկություն խմբակցությունների պաշտոնական անվանումների վերաբերյալ: Նախորդ փորձը ցույց է տալիս, որ կուսակցության և ԱԺ խմբակցության անվանումները կարող են չհամընկնել:--Ben Men Lyun (քննարկում) 12:21, 8 Հունվարի 2019 (UTC)

Բացի այդ աղյուսակը չծանրաբեռնելու համար առաջարկում եմ չակերտներ չօգտագործել:--Ben Men Lyun (քննարկում) 12:22, 8 Հունվարի 2019 (UTC)
Ողջույն, հարգելի Ben Men Lyun: Իսկ դա չի՞ հակասում չակերտներում գրվող բառերի մասին կանոնին։ Խմբակցությունների անվանումների հետ կապված․ Պաշտոնական թերևս ԱԺ կայքում չկա, սակայն ԱԺ կայքում չկան նաև նոր պատգամավորները։ Բազմաթիվ հայտարարություններ են եղել «Իմ քայլը» խմբակցության հետ կապված, մասնավորապես ղեկավար Լիլիթ Մակունցին առնչվող թեմաներով։ Երեկ «Իմ քայլը» խմբակցության նիստ է եղել՝ news.am, aysor.am։ Մյուս երկու խմբակցությունների կողմից եղել են հայտարարություններ, որ նրանք կգործեն առանձին, հետևաբար կուսակցությունների անվանումով։ Թե հետագայում փոփոխություն լինի, խնդիր չեմ տեսնում աղյուսակում այն փոխելու հետ կապված։--Ավետիսյան91 (քննարկում) 12:47, 8 Հունվարի 2019 (UTC)
Չակերտների դիտարկումը ընդունեցի, հարգելի Ավետիսյան91: ԱԺ կայքում պատգամավորների հայտնվելու կարիքը չկա, քանի որ կա ԿԸՀ արձանագրությունը, որին ես հղում եմ կատարել հոդվածում:
Խմբակցությունների վերաբերյալ՝ այո, հայտարարություններ եղել են, բայց դա բավարար չէ, քանի դեռ չկա համապատասխան տեղեկություն պաշտոնական ԿԸՀ և/կամ ԱԺ կողմից: Տվյալ պարագայում գոյություն ունի ընթերցողներին սխալ կամ թերի տեղեկություն տրամադրելու վտանգ, քանի որ այս դեպքում տվյալ պահին մենք հիմնվելու ենք ենթադրությունների, այլ ոչ թե պաշտոնական նյութերի վրա: Վաղաժամկետ համարելով խմբակցությունների մասին տեղեկության լրացումը, համենայնդեպս ես դեմ չեմ, որ այն մնա, միայն եթե ԶԼՄ-ների վերլուծության արդյունքում դուք ունեք բարձր համոզվածություն, որ խմբակցությունները կոչվելու են հենց այնպես, ինչպես դուք լրացրել եք աղյուսակում, և կվերահսկեք, որ արդեն լրացված և հայտնվելիք անվանումները իրար համապատասխանեն: Բացի այդ, ոչ ցանկալի և տհաճ կլինի այն զարգացումը, երբ իրականում հայտնվեն խմբակցությունների այնպիսի անվանումներ, որոնք կտարբերվեն աղյուսակում լրացված ոչ պաշտոնական անվանումներից (այդ դեպքում ընթերցողի համար ՀՎ-ի հեղինակությունը արդարացիորեն լուրջ կասկածի առարկա կարող է դառնալ): --Ben Men Lyun (քննարկում) 15:10, 8 Հունվարի 2019 (UTC)
Մտահոգությունը հասկանում եմ, սակայն չեմ կիսում այն տեսակետը, որ այս դեպքում տվյալ խմբագրման և պաշտոնական հրապարակման հավանական անհամապատասխանության դեպքում կտուժի ՀՎ հեղինակությունը։ Ի վերջո, աղյուսակում խմբակցություններն ունեն այն անվանումները, որոնցով այդ ուժերը մասնակցել են ընտրություններին։ Պահենք այն, քանի դեռ չի եղել դրանից տարբերվող մեկ այլ անուն։ Խմբագրումն առավել հավանական սցենարն է։ Եթե փոփոխություն եղավ, կփոփոխենք նաև հոդվածում ու դինամիկ կարձագանքենք իրադարձությունների զարգացմանը։ Ավելացնեմ նաև, որ սպասվող իրադարձությունների մասին իմ խմբագրումների հանդեպ սովորաբար հետևողական եմ և թարմացումներ կատարում եմ։ Շնորհակալ եմ--Ավետիսյան91 (քննարկում) 17:22, 8 Հունվարի 2019 (UTC)
Շնորհակալ եմ հավասարակշռված դիրքորոշման համար, հարգելի Ավետիսյան91: Այո, ես տեսնում և բարձր եմ գնահատում ձեր ներդրումը:--Ben Men Lyun (քննարկում) 18:16, 8 Հունվարի 2019 (UTC)
Ես նույնպես շնորհակալ եմ, Ben Men Lyun։ Հաճելի խմբագրումներ։--Ավետիսյան91 (քննարկում) 18:20, 8 Հունվարի 2019 (UTC)

Խմբակցություններ 2[խմբագրել կոդը]

Կրկին ողջույն, հարգելի Ավետիսյան91: Նոր տես այս և այս էջերում ձեր կատարած վերահղումները: Առաջարկում եմ արձանագրենք, որ գոյություն ունի երկու տարբեր մարմին՝ ա) խմբակցություն և բ) կուսակցություն/կուսակցությունների դաշինք, այսինքն այդ հղումները տեղադրելը սխալը: Խմբակցությունը գործում է միայն խորհրդարանի ներսում և դրանց կազմը, որպես կանոն, տարբեր է: Սա գրում եմ մի պարզ բանի համար (քանի որ մենք ենք հիմնականում զբաղվում այս թեմայով)՝ որոշենք, թե խմբակցության մասին հոդվածներ գրելու ենք, թե՝ ոչ: Եթե չենք գրելու, ուրեմն պատգամավորների աղյուսկաի մեջ պետք է տեղադրենք խմբացկությունների անհղում անվանումները: Ի՞նչ կասեք:--Ben Men Lyun (քննարկում) 19:10, 11 Հունվարի 2019 (UTC)

Ողջույն, հարգելի Ben Men Lyun։ Վստահ չեմ, որ խորհրդարանական խմբակցությունները բավարարում են առանձին հոդված ունենալու չափանիշներին։ Նրանց գործունեությունն ըստ էության տեղավորվում է դաշինքի հոդվածի մեջ։ Եթե չեմ սխալվում Ձեր նշած երկու վերահղումները ստեղծել եմ ՀՀ ԱԺ 6-րդ գումարման պատգամավորների ցանկի կարմիր հղումներից։ Տվյալ երկու դեպքերում վերահղումը սխալ չեմ համարում, քանի որ և Ելք խմբակցությունը և ԾԴ խմբակցությունն իրենց դաշինքների գործունեության մի փուլն են և դաշինքի հոդվածում կարող են ունենալ խմբակցության համար ենթավերնագիր, որի վրա էլ կարելի է կոնկրետ վերահղում տալ։ Օրինակ՝ «Ելք» դաշինք#Ելք խմբակցություն, որի մեջ էլ կնշվի, որ նման խմբակցություն եղել է Երևանի ավագանիում և ՀՀ 6-րդ գումարման ԱԺ-ում։ Այս պահին կողմ եմ ցանկերում անհղում անվանումներին։ Եթե հետագայում դաշինքների հոդվածներում խմբակցության բաժին լինի, կառաջարկեմ վերահղել այդ բաժին։ Շնորհակալ եմ։--Ավետիսյան91 (քննարկում) 20:46, 11 Հունվարի 2019 (UTC)
Օրինակ, 6-րդ գումարման «Ծառուկյան» խմբակցության կազմի մեջ էր մտնում (7-րդում նույնպես) Տիգրան Ուրիխանյանը, ով Ալյանս կուսակցությունից է: Այսինքն բովանդակային առումով սա հերիք է ասելու համար, որ «Ծառուկյան» խմբակցություն հասկացության բովանդակությունը չի համապատասխանում Ծառուկյան դաշինք հասկացության բովանդակությանը: Այսպիսով, ես նույնպես կողմ եմ խմբակցությունների անվանումների անհղում տարբերակին (փորձը դրանց բերեց, սկզբում կարծում էի, որ պետք է գրենք հոդվածներ խմբակցությունների մասին, բայց հիմա իմ կարծիքով դա ավելորդ է), ինչպես նաև հանենք այդ հղումը ՀՀ ԱԺ 6-րդ գումարման պատգամավորների ցանկի աղյուսակից (և այդ շարքի այլ աղյուսակներից) և վերոնշյալ երկու հոդվածներից (եթե լինեն նմանատիպ այլ վերահղումներ՝ այդտեղից էլ): Համաձա՞յն եք:--Ben Men Lyun (քննարկում) 20:58, 11 Հունվարի 2019 (UTC)
Համաձայն եմ։ 6-ը ես կանեմ, 7-ը՝ Դուք։--Ավետիսյան91 (քննարկում) 21:02, 11 Հունվարի 2019 (UTC)
Շատ լավ, պայմանավորվեցինք, հարգելի Ավետիսյան91:--Ben Men Lyun (քննարկում) 11:28, 12 Հունվարի 2019 (UTC)