Հուլիոս Կեսար

Վիքիփեդիայից՝ ազատ հանրագիտարանից

Հուլիոս Կեսար
Հռոմեակախն հանրապետության Իմպերատոր
Ընդհանուր տեղեկություններ
Ի ծնե տրված անունը	Gaius Iulius Caesar
Ծննդյան ամսաթիվ	հուլիսի 12 100 թ. ՄԹԱ
Ծննդավայր	Հռոմ
Մահացել է	մարտի 15 44 թ. ՄԹԱ
Վախճանի վայրը	Հռոմ
Հարստությունը	Հուլիոսներ, Կլավդիոսներ
Ամուսինը	1 Կորնելիա Ցինիլլա (83 ՄԹԱ - 69 ՄԹԱ) 2 Պոմպեա Սուլլա (68 ՄԹԱ - 62 ՄԹԱ) 3 Կալպուրիա Պիզոնիս (59 ՄԹԱ - 44 ՄԹԱ)
Նախորդը	Սուլլա Լուկիուս Կորնելիուս
Հաջորդը	Օգոստոս Օկտավիան
Հայրը	Գայ Հուլիուս Կեսար
Մայրը	Կոտտա ընտանիքից

Հուլիոս Կեսարը (Հուլիոս Կեսար Գայոս) (լատիներեն` CAIVS IVLIVS CAESAR) հռոմեացի հայտնի քաղաքական գործիչ, գեներալ և գրող։ Նա ծնվել է մ.թ.ա 100թ.-ին հուլիսի 12-ին Հռոմում և սպանվել մ.թ.ա. 44թ. մարտի 15-ին Հռոմի սենատում։ Լինելով հարուստ ընտանիքի զավակ և սկզբունքային մարդ, նա զբաղվում է քաղաքականությամբ և մ.թ.ա. 59թ.-ին դառնում է Հռոմի կոնսուլ։ Սակայն փառքի, իշխանության և հարստության ձգտումը նրան դրդում է պատերազմների։ Մոտավորապես 120 000 զինվորներով նա մեկնում է Գալիա և 8 տարվա պատերազմներից հետո Կեսարը հաղթում է վերջին մարտը Ալեզիայում Վերցինգետորիքսի դեմ։ Այդպես նա մտցնում է Գալիան Հռոմեական կայսրության կազմի մեջ։ Իր բացակայության ժամանակ Պոմպեոսն էր ղեկավարում Հռոմը և որպեսզի Հուլիոս Կեսարը նվաճի նրա գահը նա պատերազմ է սքսում Պոմպեոսի դեմ։ 48թ.-ին ( մ.թ.ա.) Հուլիոս Կեսարի զորքը հաղթանակ է տանում Պոմպեոսի զինվորների դեմ Փարսալոսում։ Մ.թ.ա. 48-ից մինչև մ.թ.ա. 44թ. նա ստանում է ամբողջ Հռոմեական կայսրության «իմպերատորի» կոչումը։ Մ.թ.ա. 44թ.-ին կայսեր որդեգիր զավակ Բրուտոսը դավադրություն է կազմակերպում իր հոր դեմ և մոտավորապես 60 սենատորներով դանակահարում և սպանում են Կեսարին։ Այդ սենատորներից ոչ մեկը 3 տարուց ավելի չի ապրում։