Ապենինյան թերակղզի

Վիքիպեդիայից՝ ազատ հանրագիտարանից
Picto infobox map.png
Ապենինյան թերակղզի
իտալ.՝ Penisola appenninica

Տեսքը արբանյակից (մարտ, 2003 թ.)
42°00′00″ հս. լ. 14°00′00″ ավ. ե. / 42° հս. լ. 14° աե. ե.42°00′00″ հս. լ. 14°00′00″ ավ. ե. / 42° հս. լ. 14° աե. ե.
Տեղագրություն Հարավային Եվրոպա
Ողողող ջրեր Տիրենյան ծով, Ադրիատիկ ծով, Հոնիական ծով
Ընդհանուր մակերեսը 131,337 կմ²
Ամենաբարձր կետը 2 912 մ
Երկիր Իտալիա Իտալիա
Սան Մարինո Սան Մարինո
Վատիկան Վատիկան
Բնակչություն 26 171 000 մարդ
Բնակչության խտությունը 199,27 մարդ/կմ2
Ծանոթագրություն

##Ապենինյան թերակղզի (Իտալիա)
Red pog.svg
##Ապենինյան թերակղզի (Եվրոպա)
Red pog.svg

Ապենինյան թերակղզի (իտալ.՝ Penisola italiana` Իտալական թերակղզի; նաև` Penisola appenninica), Եվրոպայի խոշորագույն թերակղզիներից։ Գտնվում է աշխարհամասի հարավում և ողողվում է Միջերկրական ծովի ջրերով։ Թերակղզում են գտնվում Իտալիա, Սան Մարինո և Վատիկան պետությունները։ Թերակղզու տարածքը 131,000 կմ² է, երկարությունը՝ 1100 կմ, իսկ լայնությունը՝ 130-300 կմ։ Անվանումն ստացել է թերակղզում գտնվող Ապենինյան լեռներից։

Թերակղզու հյուսիս-աևմուտքում դեպի հարավ-արևելք ձգվում են երիտասարդ ծալքավոր Ապենինյան լեռները, որոնք կազմված են կրաքարից, կավոտ թերթաքարերից և ավազաքարերից։ Լեռները շարունակվում են նաև Սիցիլիա կղզում։ Թերակղզու արևմտյան ափերին և մի քանի կղզիներում կան գործող հրաբուխներ (Ստրոմբոլի, Էթնա, Վեզուվ

Թերակղզին և կղզիները հարուստ չեն օգտակար հանածոներով։

Կլիման Ապենինյան թերակղզում և կղզիներում տիպիկ միջերկրածովային է։ Առավել շոգ է Սիցիլիայում (հուլիսի միջին ջերմաստիճանը հասնում է +28°C, իսկ հունվարինը՝ +10 +12°C)։

Մշտադալար կաղնիները և Միջերկրական ծովի շրջանի սոճիները, մակվիսների պուրակները, չոր շրջանների ցածրահասակ թփուտնեի մացառուտները (մինչև 1 մ. բարձրությամբ) գրավում են առափնյա դաշտավայրերը և հովիտներով թափանցում լեռները։ 500 - 800 մ.-ից բարձր վայրերում, լեռներում, տարածված են շագանակենու, բոխու, կաղնու լայնատերև անտառները. այստեղից վերև աճում են խառը անտառները։

Բնակչությունը ապրում է գլխավորապես առափնյա դաշտավայրերում ևնախալեռներում։