Ադրիատիկ ծով

Վիքիպեդիայից՝ ազատ հանրագիտարանից
Picto infobox map.png
Ադրիատիկ ծով

Ադրիատիկ ծովի տեղադրությունը
Կոորդինատներ
Ընդհանուր մակերեսը 144 000 կմ²

Ադրիատիկ ծով[1] կամ Ադրիական ծով[1], Միջերկրական ծովի մի մասը կազմող կիսափակ ծով Ապենինյան և Բալկանյան թերակղզիների միջև։ Ողողում է Իտալիայի, Սլովենիայի, Խորվաթիայի, Բոսնիա և Հերցոգովինայի, Չերնոգորիայի և Ալբանիայի ափերը։ Հարավում Օտրանտո նեղուցով միանում է Հոնիական ծովին։ Մակերեսը 144 հազար կմ²։ Առավելագույն խորությունը՝ 1230 մետր։ Գլխավոր նավահանգիստները՝ Վենետիկ, Տրիեստ, Ռիեկա, Սպլիտ, Դուբրովնիկ, Դուրես, Վլյորա։

Անվանումն ստացել է մ.թ.ա. այս ծովի ափին, Պո և Ադիջե գետերի գետաբերանների միջև գոյություն ունեցած Ադրիա հունական գաղութի անունից («Ադրիա» անվանումը, հավանաբար, առաջացել է իլլիրական լեզուների adur «ջուր, ծով» բառից)։ Ադրիան եղել է կարևոր նավահանգրվան, սակայն ժամանակի ընթացքում Պո և Ադիջե գետերի բերուկների կուտակման հետևանքով ափն աստիճանաբար հեռացել է, և այժմ Ադրիա քաղաքը ծովից 22 կմ հեռու է։[2]

Աղբյուրներ[խմբագրել]

  1. 1,0 1,1 Հովհաննես Բարսեղյան (2006)։ "Աշխարհագրական անունների հայերեն տառադարձության մասին որոշում", Տերմինաբանական և ուղղագրական տեղեկատու։ Երևան: 9-րդ հրաշալիք, 46։ ISBN 99941-56-03-9։ 
  2. Հ, Ղ Գրգեարյան, Ն. Մ. Հարությունյան (1987)։ Աշխարհագրական անունների բառարան։ Երևան: «Լույս», էջ 11։