Պոսիդոնիոս

Վիքիպեդիայից՝ ազատ հանրագիտարանից

Պոսիդոնիոս (Ποσειδώνιος, մ.թ.ա. 139/135 թթ., Ապամեա - 51/50թթ., Հռոմ), հին հույն ստոիկյան փիլիսոփա, պատմիչ, աշխարհագրագետ, աստղագետ։ Հանդիսանում է միջին ստոիկյան փիլիսոփայական ուղղության կարկառուն ներկայացուցիչներից մեկը։ Մ.թ.ա. 97թ. Հռոդոսում հիմնել է փիլիսոփայական դպրոց, որտեղ ուսում են ստացել ազնվական հռոմեացիները, այդ թվում Կիկերոնն ու Պոմպեոսը։ Նրա երկերից 57 գրքից բաղկացած «Պատմությունը» (պահպանվել են միայն հատվածներ) հանդիսանում է Պոլիբիոսի «Համաշխարհային պատմության» շարունակությունը։ Հեղինակը շարադրել է մ.թ.ա. 146 - 88թթ. դեպքերը։

Պոսիդոնիոսը գտնում էր, որ մարդկային կրքերը պետք է վերահսկվեն բանականության կողմից, հակառակ դեպքում դրանք վնասակար են։ Հռոմեական կայսրությունը նույնացնում էր ստոիկյան եղբայրության հետ, քանի որ այն ձգտում էր միավորել աշխարհի բոլորժողովուրդները։