Թուրքիայի զինված ուժեր

Թուրքիայի զինված ուժեր Türk Silahlı Kuvvetleri
Տեսակ	զինված ուժեր
Երկիր	Թուրքիա
Հիմնադրված է	1921
Կառուցվածք	412,691 զինծառայողներ 170,295 ժանդարմերիա 51,863 քաղաքացիական անձնակազմ 4,702 առափնյա պահպանություն
Գլխավոր շտաբ	General Staff Building, Չանկայա, Անկարա, Թուրքիա
Ղեկավարություն
Թուրքիայի հանրապետության նախագահ՝ Զինված ուժերի գերագույն գլխավոր հրամանատար	Ռեջեփ Թայիփ Էրդողան
գլխավոր հրամանատար	բանակի գեներալ Հուլուսի Աքար
Զինվորական անձնակազմ
Զինվորական ծառայության ժամկետ	20-21 տարեկան
Պահեստայիններ	45 տարեկան
Արդյունաբերություն
Ներքին մատակարարողներ	Ցանկը խոշոր տեղական մատակարարների MKEK ASELSAN BMC FNSS GIRSAN TISAS Havelsan Transvaro TAI Otokar Roketsan TÜBİTAK Gölcük Naval Shipyard Akdal Arms
Միջազգային մատակարարողներ	Ցանկ խոշոր արտասահմանյան մատակարարների  ԱՄՆ  Գերմանիա Միացյալ Թագավորություն  Իտալիա  Հարավային Կորեա  Հունաստան  Ֆրանսիա  Իսպանիա  Չինաստան  Շվեյցարիա  Ռուսաստան  Իսրայել  Ավստրալիա  Նիդերլանդներ  Նորվեգիա  Շվեդիա  Իրան  Կուբա  Ավստրիա  Բելառուս  Հունգարիա  Բուլղարիա  Բելգիա Հարավաֆրիկյան Հանրապետություն  Սինգապուր  Սերբիա  Թայվան  Կանադա  Ֆիլիպիններ  Ուկրաինա  Պակիստան  Բրազիլիա  Հնդկաստան  Վրաստան  Ադրբեջան  Ռումինիա  Մոլդովա  Դանիա  Ինդոնեզիա  Արգենտինա  Չիլի  Պորտուգալիա  Սաուդյան Արաբիա  Մարոկկո  Ալժիր  Թունիս  Լիբիա  Հորդանան  Սուդան  Եգիպտոս  Լիբանան  Արաբական Միացյալ Էմիրություններ  Պերու  Մեքսիկա  Ֆինլանդիա  Ալբանիա  Վիետնամ  Լեհաստան  Խորվաթիա  Կոլումբիա  Էկվադոր  Լյուքսեմբուրգ  Եթովպիա  Չադ  Նիգեր  Նիգերիա  Մալայզիա  Բոսնիա և Հերցեգովինա  Բրունեյ  Հյուսիսային Մակեդոնիա  Շրի Լանկա  Թաիլանդ  Աֆղանստան  Ռուանդա  Բուրունդի  Վենեսուելա  Մալի  Մոնղոլիա  Քենիա  Բահրեյն  Ջիբութի  Սոմալի  Բենին  Սլովենիա  Սենեգալ  Կոնգոյի Դեմոկրատական Հանրապետություն  Կոնգոյի Հանրապետություն  Բուրկինա Ֆասո  Կոտ դ'Իվուար  Գանա  Գվինեա  Կատար  Օման  Ուգանդա  Գամբիա
Կայք	tsk.tr
Military of Turkey Վիքիպահեստում

Թուրքական Կոմանդոսը Բաքվում

Թուրքիայի զինված ուժեր (թուրքերեն՝ Türk Silahlı Kuvvetleri (TSK))՝ Թուրքիայի հանրապետության զինված ուժերն են։ Դրանք բաղկացած են Թուրքական բանակից, այսինքն՝ ցամաքային զորքերից, Թուրքական նավատորմից կամ ռազմածովային ուժերից և Թուրքական ռազմաօդային ուժերից (տե՛ս Թուրքիայի ռազմաօդային ուժերը)։ Թուրքական ժանդարմերիան և Թուրքական առափնյա պահպանություն ուժերը միաժամանակ ունեն իրավապահ մարմնի և ռազմական ուժի գործառույթներ և խաղաղ ժամանակ գործում են ներքին անվտանգության ուժերի բաղադրամասի կարգավիճակով, ենթակա լինելով Թուրքիայի ներքին գործերի նախարարությանը։ Պատերազմական ժամանակներում այս ժանդարմերիան և առափնյա պահպանության ուժերը համապատասխանաբար ենթարկվում են բանակին և նավատորմին։ Թուրքիայի հանրապետության նախագահը զինված ուժերի բոլոր տեսակների ընդհանուր հրամանատարն է։ Զինված ուժերի գլխավոր հրամանատարը Թուրքիայի Գլխավոր շտաբի պետն է։ Նրա դերն ավելի բարձր է, քան Թուրքիայի ազգային պաշտպանության նախարարինը։

Զինված ուժերի ընդհանուր թվաքանակը պաշտոնական տվյալներով կազմում է 639,551, ներառյալ(դասվում է աշխարհում 8-րդ տեղում)

• 51,863 քաղաքացիական անձնակազմը,
• 170,295 ժանդարմերիան,
• 4,702 առափնյա պահպանությունը,
• 412,691 զինծառայողները:

Զինված ուժերի շքերթ, օգոստոսի 30

Ցամաքային զորքերի թվաքանակը կազմում է 410 500 (2015 թ. դրությամբ)։ 2007 թ. թվաքանակը եղել է 596 130, որից՝

• 410 500 - ճակատային կամ գծային զորքերը,
• 185 630 - ռեզերվային կամ պահեստային զորքերը։

Թուրքիայի ցամաքային զորքերը NATO-ի բլոկում անձնակազմի թվով երկրորդն են՝ ԱՄՆ-ի ցամաքային զորքերից հետո։ Պատերազմական ժամանակ զորահավաքի և լրահամալրման համար օգտագործվում է ռազմական ուսուցված պահեստազորը, որի թիվը կազմում է մինչև 90 000, այդ թվում՝ 38 000-ը՝ առաջին հերթի պահեստազոր։ Ռազմաօդային ուժերը՝ 56.000, ռազմածովային ուժերը՝ 61.000-ից ավելի։

Թուրքական զինված ուժերը համալրվում են զորակոչով։ Զորակոչային տարիքն է՝ 20-21 տարեկան։ Պարտադիր զինծառայության ժամկետը՝ տևողությունը, կազմում է 6 - 15 ամիս։ Զինված ուժերից զորացրվելով, քաղաքացին համարվում է զինապարտ և զինված ուժերի պահեստազորում է մնում մինչև 45 տարեկան հասակը։ Պատերազմական ժամանակ, օրենքի համաձայն, զինված ուժեր կարող են զորակոչել 16 - 60 տարեկան տղամարդկանց և 20 - 46 տարեկան կանանց, որոնք ընդունակ են զենք կրելու։

Թուրքական ԶՈՒ-ն արդի ժամանակաշրջանում՝ ըստ միջազգային և թուրքական տվյալների

Ըստ Ռազմավարական հետազոտությունների միջազգային ինստիտուտ (International Institute for Strategic Studies, IISS) կազմակերպության՝, 2010 թ. Թուրքիայի զինված ուժերը ունեն մոտավորապես 510.000 գործող անձնակազմ։ Ի լրումն՝ գնահատվել է, որ պահեստազորի անձնակազմը կազմում է մոտ 378.700 և 152.200 ռազմականացված անձնակազմ (Թուրքական Ժանդարմերիան և Թուրքական առափնյա պահպանությունը), ինչը միասին՝ գործող բանակի և պահեստազորի ու ռազմականացված ուժերի ընդհանուր թվով՝ կազմում է 1.041.900 անձնակազմ։ 2010 թ. Թուրքիայի պաշտպանության բյուջեն կազմել է մինչև 26 միլիարդ լիրա։ Հաշվիչ Ատյանի Օրենքը պետք է նախաձեռներ արտաքին նախկին հետընտրական աուդիտ անցկացնել զինված ուժերի ծախսերի համար և ճանապարհ հարթել՝ աուդիտ անցկացնելու արտաբյուջետային ռեսուրսների համար, որոնք նախատեսված են պաշտպանության ոլորտում, այդ թվում, Թուրքիայի Պաշտպանության արդյունաբերության աջակցման հիմնադրամի գծով։ Սակայն Թուրքիայի Պաշտպանության նախարարությունը չի տրամադրել անհրաժեշտ տեղեկատվությունը, ուստի թուրքական զինված ուժերի իրական ծախսերը այդպես էլ հնարավոր չի եղել ստուգել։

1998 թ., Թուրքիան հայտարարել է արդիականացման մի ծրագիր, որը կազմելու էր 160 միլիարդ ԱՄՆ դոլար և պիտի իրականացվեր 20-ամյա ժամանակաշրջանում՝ տարբեր նախագծերով, այդ թվում՝ տանկերի, ռեակտիվ կործանիչ ինքնաթիռներ, ուղղաթիռների, սուզանավերի, ռազմանավերի և գրոհային հրացանների։ Այդ վերջին տերմինով ՆԱՏՕ-ի բանակներում կոչվում են ինքնաձիգները կամ ավտոմատները։ Թուրքիան Joint Strike Fighter (JSF) գրոհիչ-կործանիչ ռեակտիվ ինքնաթիռի նախագծի 2-րդ մակարդակի ներդրող է։ Թուրքիայի վերջնական նպատակն է արտադրել նոր սերնդի սեփական ռազմական տեխնիկա և սպառազինություն, որպեսզի՝ ռազմական տեխնոլոգիաների բնագավառում դառնա առավել ինքնաբավ։

Թուրքական ՛՛Havelsan՛՛-ը և ԱՄՆ-ի ՛՛Boeing՛՛-ը մշակում են նոր սերնդի, մեծ բարձրության բալիստիկ հրթիռների ՛՛պաշտպանական վահանի՛՛ համակարգ։ Թուրքիան ընտրել է Չինաստանի պաշտպանական ֆիրմա՝ CPMIEC-ը, 4 միլիարդ արժողությամբ հեռահար հակաօդային և հակահրթիռային համակարգ արտադրելու համար։

Գլխավոր շտաբ

Գլխավոր շտաբի զինադրոշը

Որոշ թվական տվյալներ

Date	Գեներալ/Ծովակալ	Սպա	Ընդամենը (ներառյալ՝ քաղաքացիական)
21 նոյ. 2011 թ.	365	39,975	666,576
2 հոկտ. 2013 թ.	347	39,451	647,583
2 մայիս 2014 թ.	343	38,971	623,101

• 
  Թուրքիայի գլխավոր շտաբի շենքը, քաղաք Անկարա
• 
  Թուրքիայի գլխավոր շտաբի գլխավոր մուտքը, քաղաք Անկարա
• 
  Թուրքիայի գլխավոր շտաբի գլխավոր մուտքը, քաղաք Անկարա
• 
  Թուրքիայի գլխավոր շտաբի շենքը, Չանքայա, քաղաք Անկարա, 2013 թվական

Ցամաքային զորքեր (բանակ)

Ցամաքային զորքերի խորհրդանշան

Աֆղանստանում ծավալված թուրքական զորակազմի ասքյար

Թուրքական ցամաքային զորքերը (Türk Kara Kuvvetleri) կամ Թուրքական բանակը, իր ծագումն առնում է Օսմանյան կայսրության զինված ուժերի մնացորդներից, այն բանից հետո, ինչ Օսմանյան կայսրությունն ընկավ՝ Առաջին համաշխարհային պատերազմի արդյունքում։ Երբ 1921 թ. ապրիլի 23-ին Անկարայում Մուստաֆա Քեմալ Աթաթուրքը և իր զինակիցները կազմավորեցին Թուրքիայի ազգային մեծ ժողովը (ԹԱՄԺ), Օսմանյան կայսրության XV բանակային կորպուսը՝ Քյազիմ Կարաբեքիրի հրամանատարության ներքո, միակ բանակային կորպուսն էր, որը մարտունակ էր, այսինքն՝ մարտական արժեք ուներ։ 1920 թ. նոյեմբերի 8-ին ԹԱՄԺ-ն որոշում կայացրեց անկանոն զորքերի (Kuva-yi Milliye, Kuva-yi Seyyare և այլն) փոխարեն ստեղծելու մշտական բանակ (թուրքերեն՝ Düzenli ordu): 1922 թ. ԹԱՄԺ-ի կառավարության բանակը հաղթանակ տարավ Թուրքական անկախության պատերազմում։

Ցամաքային զորքերը կազմում են 410 500 (2015 թ. դրությամբ)։ Ցամաքային զորքերի սպառազինությունը կազմում է մոտ 3700 տանկ, 3500 ՀՍՄ (ԶՓ), 2000-ից ավելի դաշտային հրետանի, 1500 զենիթային հրանոթ։

2006 թ. դրությամբ թուրքական բանակը ունի հյուսիսային Իրաքում տեղակայված 1,300 զինծառայող՝ համաձայն ԱՄՆ-ի դիվանագիտական կապուղիներից արտահոսած փաստաթղթերի տեղեկատվության։ Բացի այդ, թուրքական բանակը շուրջ 17,500 զինծառայող է պահում Հյուսիսային Կիպրոսում, որոնք հանդիսանում են Հյուսիսային Կիպրոսում թուրքական զինված ուժերի, կամ այսպես կոչված Կիպրոսում թուրքական խաղաղարար ուժերի մի մասը (թուրքերեն՝ Kıbrıs Türk Barış Kuvvetleri, կամ KTBK.):

Ցամաքային զորքերի կառուցվածքը

Ցամաքային զորքերը՝ ՑԶ (Türk Kara Kuvvetleri) ենթարկա են ՑԶ-ի գլխավոր հրամանատարին և իրենց կազմում ունեն մոտ 410 500 ասկյար և սպա։ Կազմակերպչական տեսակետից ՑԶ-ի զորամիավորումների և զորամասերի մեծ մասը համախմբված է 5 օպերատիվ միավորումների մեջ. դրանք են չորս դաշտային բանակները և Կիպրոսի թուրքական մասում կամ Թուրքիայի կողմից ապօրինի բռնազավթված մասում տեղակայված օպերատիվ խմբավորումը։

Առաջին դաշտային բանակ

Սելիմիյե զորանոցները (1828 թ.) Կոստանդնուպոլիս՝ Ստամբուլ քաղաքում. այստեղ է տեղակայված Թուրքական ցամաքային զորքերի Առաջին բանակի շտաբը

Առաջին դաշտային բանակը՝ 1ԴԲ, անձնակազմը՝ շուրջ 120.000, շտաբը տեղակայված է Կոստանդնուպոլիս՝ Ստամբուլ քաղաքում, իսկ զորքերի խմբավորւմները՝ Հունաստանի և Բուլղարիայի սահմանների մերձակայքում՝ Թուրքիայի Եվրոպական մասում՝ Թրակիայում, ինչպես նաև Մարմարա ծովի ասիական ափերին, պահպանելով Բոսֆորի և Դարդանելի նեղուցները. 1ԴԲ-ի կազմում են՝

• 2-րդ բանակային կորպուսը՝ 2-րդ ԲԿ-ն (Գելիբոլու կամ Գալլիպոլիս քաղաք), ներառում է՝ 4-րդ, 18-րդ մեքենայացված բրիգադներ; 54-րդ, 55-րդ և 65-րդ հետևակային բրիգադներ,
• 3-րդ բանակային կորպուսը՝ 3-րդ ԲԿ-ն (Ստամբուլ կամ Կոստանդնուպոլիս), ներառում է՝ 52-րդ զրահատանկային դիվիզիա (1-ին, 2-րդ տանկային բրիգադներ, 66-րդ մեքենայացվա բրիգադ), օպերատիվ տեսակետից ենթակա է ՆԱՏՕ-ի հրամանատարությանը. այս կորպուսում Թուրքիայի ամենաընտիր զորամասերն են.
• 5-րդ ԲԿ (Չորլու). 3-րդ, 95-րդ տանկային բրիգադներ, 8-րդ մեքենայացված բրիգադ։

1-ին դաշտային բանակի զորքերը թուրքական բանակի լավագույն զորքերն են՝ սպառազինության և մարտունակության տեսակետից։

Երկրորդ դաշտային բանակ

Երկրորդ դաշտային բանակ՝ 2ԴԲ. շտաբը տեղակայված է Փոքր Հայքի Մալաթիա քաղաքում, իսկ զորամասերը՝ Արևմտյան Հայաստանի հարավային նահանգներում, հսկելով Սիրիայի, Իրաքի, Իրանի հետ սահմանակից տարածքները։ 2ԴԲ-ի կազմում են՝

• 6-րդ ԲԿ-ն (քաղաք Ադանա, Կիլիկիա), ներառելով՝ 5-րդ տանկային բրիգադ, 39-րդ մեքենայացված բրիգադ,
• 7-րդ ԲԿ (քաղաք Դիարբեքիր, Հայոց Միջագետք), ներառելով՝ 3-րդ հետևակային դիվիզիան (6-րդ հետևակային բրիգադ, 6-րդ, 16-րդ մեք. բրիգադներ), 23-րդ հետևակային բրիգադ, 70-րդ մեք. բրիգադ.
• 8-րդ ԲԿ (Էլյազըգ, սա Խարբերդի կամ Ծոփք նահանգում է), ներառելով՝ 20-րդ, 172-րդ տանկային բրիգադները,
• Հատուկ նշանակության գունդ։

Երրորդ դաշտային բանակ

Երրորդ դաշտային բանակ՝ 3ԴԲ. շտաբը տեղակայված է Երզնկա՝ Էրզինջան քաղաքում, իսկ զորքերի խմբավորումները՝ տեղակայված են Արևմտյան Հայաստանի հյուսիսային և կենտրոնական նահանգներում, այդ թվում՝ Հայաստանի և Վրաստանի պետական սահմանների մերձակա շրջաններում. 3ԴԲ-ի կազմում են՝

• 9-րդ ԲԿ (Կարին կամ Էրզրում քաղաք, Բարձր Հայք նահանգում). ներառում է՝ 4-րդ տանկային, 1-ին, 2-րդ, 9-րդ, 12-րդ, 14-րդ, 25-րդ մեք. բրիգադները, 34-րդ, 48-րդ, 49-րդ, 51-րդ հետևակային բրիգադները.
• 4-րդ ԲԿ (Անկարա). ներառում է՝ 1-ին հետևակային բրիգադ, 28-րդ մեք. բրիգ., 58-րդ հրետանային բրիգադ.

Էգեյան դաշտային բանակ

Էգեյան դաշտային բանակ կամ 4-րդ դաշտային բանակ՝ 4ԴԲ. շտաբը՝ ք. Զմյուռնիա կամ Իզմիր, զորքերի խմբավորումները՝ Փոքր Ասիայի Էգեյան ափերին մերձ շրջաններում. 4ԴԲ-ի կազմում են՝

• 19-րդ հետևակային բրիգադ,
• 11-րդ մեքենայացված բրիգադ,
• 57-րդ հրետանային բրիգադ,
• Հատուկ նշանակության գունդը։

Թուրքական զորքերի Կիպրոսյան խմբավորում

Թուրքական զորքերի Կիպրոսյան խմբավորումը (շտաբը՝ Գիրնե).

• 28-րդ մեքենայացված դիվիզիա,
• 39-րդ մեքենայացված դիվիզիա,
• 14-րդ տանկային բրիգադ,
• Հատուկ նշանակության խումբ։

Դաշտային բանակների մյուս զորամասերը

Դաշտային բանակներից յուրաքանչյուրի զորահրամանատարի օպերատիվ ենթակայության ներքո գտնվում են 1-2 առանձին հրետանային գունդ՝ ընդամենը 6 առանձին հրետանային գունդ՝ ամբողջ թուրքական բանակում և 1-ական բանակային օդուժի գունդ՝ ընդամենը՝ 4 բանակային օդուժի գունդ՝ ամբողջ թուրքական բանակում։

ՑԶ գլխավոր հրամանատարի ենթակայության ներքո գտնվող այլ զորամասեր և միավորումներ

Անմիջապես ցամաքային զորքերի գլխավոր հրամանատարին է ենթարկվում

• երկու հետևակային գունդ`
  • 23-րդ հետևակային գունդ,
  • 47-րդ հետևակային գունդ,
• ինչպես նաև՝ հատուկ ռազմագործողությունների հրամանատարության միջոցով՝ հատուկ ռազմագործողությունների ուժերը, որոնք կազմված են`
  • 5 «կոմանդոս» բրիգադներից և
  • հատուկ նշանակության առանձին գնդերից (նման գնդեր կան 2-րդ և 4-րդ ԴԲ-ներում)։
• Բանակային օդուժի հրամանատարության միջոցով ՑԶ-ի գլխավոր հրամանատարին են ենթարկվում բանակային օդուժի 4 գնդերը։
• Ոչ այնքան վաղուց ՑԶ գլխավոր հրամանատարին է տրվել ևս մի զորամաս կամ միավորում, որը կոչվում է «մարդասիրական օգնության» բրիգադ։
• ՑԶ-ի մասնագետների պատրաստությունը անցնում է հետևյալ ուսումնական միավորումներում և ուսումնական կենտրոններում.
  • 1-ին, 3-րդ, 5-րդ և 15-րդ ուսումնական հետևակային բրիգադներ,
  • 59-րդ ուս. հրետանային բրիգադ (Երզնկա՝ Էրզինջան, Բարձր Հայք նահանգում),
  • զրահատանկային զորքերի ուսումնական կենտրոն (Էթիմեսգուտ)։

Թուրքական բանակի ասկյարներն Աֆղանստանում. նրանցից մեկը խոսում է տեղացի ծերունու հետ. քիչ հեռու կանգնած է աֆղանական բանակի զինծառայողը

ՑԶ բրիգադի կառուցվածքը

Թուրքական ՑԶ-ի հիմնական մարտավարական միավորը բրիգադն է։ 2009 թ. թուրքական ՑԶ-ի կազմում առկա էր 9 տանկային, 16 մեքենայացված և 11 հետևակային բրիգադ։ Որպես կանոն, բրիգադն ուղղակիորեն ենթարկվում է բանակային կորպուսին (ԲԿ) կամ էլ մտնում է դիվիզիայի կազմի մեջ։

Թուրքական բանակի զորամասերի պատերին և դարպասներին դրված արգելող նշաններից մեկը. թուրքերեն, անգլերեն, ֆրանսերեն և գերմաներեն գրված է՝ ՛՛Արգելված գոտի՛՛

Բանակի զորատեսակները

Հետևակ

Հետևակային և մոտոհետևակային ստորաբաժանումները սպառազինված են հրացաններով, գնդացիրներով, ականանետներով և հակատանկային կառավարվող հրթիռներով։ Հետևակային ջոկի կազմի մեջ մտնում են՝ հրամանատարը, սեկցիաների հրամանատարները, գնդացրորդն ու նրա օգնականը, հրաձիգները։ Թուրքիայի ցամաքային զորքերի հետևակային դասակն ունի 3 հետևակային ջոկ, զենքի ջոկ և ղեկավարման խումբ։ Զենքի ջոկն ունի գնդացրային երկու և ձեռքի մեկ հակատանկային նռնականետի սեկցիա։

Հարձակման ժամանակ հետևակային) ջոկը գործում է, սովորաբար, դասակի կազմում, հետիոտն կարգով կամ զրահամեքենաներով։ Հետիոտն գործողությունների ժամանակ ջոկը կարող է հարձակվել 50-100 մ ճակատով, իսկ պաշտպանության ժամանակ՝ կախված առաջադրանքից, հակառակորդի գործողության բնույթից, տեղանքի պայմաններից՝ 50-125 մ ճակատով։

Թուրքական արտադրության Kalekalıp KNT-308

Թուրքական արտադրության Akdal MKA 1919

Հրաձգային զենքերը ներկայացված են նմուշների լայն անվանացուցակով.

• ատրճանակ-գնդացիր HK MP5;
• ավտոմատ-հրացան և գրոհային հրացան գերմանական G3, HK 33, ամերիկյան M16, M4A1, չինական և ռուսական ԱԿ-47,
• դիպուկահար հրացան СВД, T-12, JNG-90, Phonix Robar 12,7,
• ձեռքի և միասնական գնդացիրներ MG-3, HK 21, FN Minimi, Կալաշնիկովի գնդացիր, ПКС;
• խոշոր տրամաչափի գնդացիրներ՝ Browning, КПВТ:

Թուրքական բանակի հետևակային ջոկը գործողության մեջ

Մեքենայացված զորքեր կամ մոտոհետևակ

Մեքենայացված բրիգադի կազմակերպչական կառուցվածքը հետևյալ է (անձնակազմի քանակը՝ մոտ 5000 ասկյար և սպա, 3 մեքենայացված գումարտակների առկայության դեպքում).

• վարչակազմ և շտաբ,
• 2-4 մեքենայացված գումարտակներ,
• տանկային գումարտակ,
• ինքնագնաց հրետանային դիվիզիոն, որը թուրքական, ամերիկյան և մյուս արևմտյան բանակներում հրետանային գումարտակ է կոչվում,
• զենիթային դիվիզիոն, որը թուրքական բանակում զենիթային գումարտակ է կոչվում,
• հակատանկային դիվիզիոն կամ գումատակ,
• հետախուզական վաշտ,
• ինժեներա-սակրավորական վաշտ,
• կապի վաշտ,
• ՌՔԿՊ վաշտ,
• ՆՏԱ վաշտ,
• վերանորոգման վաշտ,
• բուժ. վաշտ։

Մոտոհետևակային կամ մեքենայացված ստորաբաժանումները ևս սպառազինված են հրացաններով, գնդացիրներով, ականանետներով և հակատանկային կառավարվող հրթիռներով։ Մոտոհետևակային ջոկի կազմի մեջ մտնում են՝ ջոկի հրամանատարը, զրահափոխադրիչի հրամանատարը, որը միաժամանակ համարվում է հրամանատարի օգնական, վարորդը, գնդացրորդը, նռնականետորդը և հրաձիգները։ Թուրքիայի մոտոհետևակային դասակն ունի 3 մոտոհետևակային ջոկ, զենքի ջոկ և ղեկավարման խումբ։ Զենքի ջոկն ունի գնդացրային երկու և ձեռքի մեկ հակատանկային նռնականետի սեկցիա։

Հարձակման ժամանակ մոտոհետևակային) ջոկը գործում է, սովորաբար, դասակի կազմում, հետիոտն կարգով կամ զրահամեքենաներով։ Հետիոտն գործողությունների ժամանակ ջոկը կարող է հարձակվել 50-100 մ ճակատով, իսկ պաշտպանության ժամանակ՝ կախված առաջադրանքից, հակառակորդի գործողության բնույթից, տեղանքի պայմաններից՝ 50-125 մ ճակատով։

Զրահատեխնիկան

Մարտական զրահապատ մեքենաները ներկայացված են - թրթուրավոր՝ հետևակի մարտական մեքենաներ՝ ՀՄՄ մարտական մեքենաներով, - թրթուրավոր ու անվավոր՝ զրահափոխադրիչներ՝ ԶՓ մարտական մեքենաներով - վեոհիշյալ երկու կատեգորիաների մեքենաների բազայի վրա ստեղծված մարտական և օժանդակ մեքենաներով։

Ըստ ՄԱԿ-ի ռեգիստրի՝ գրանցամատյանի, Թուրքիայի ժանդարմերիայի սպառազինության մեջ 2007 թվականի վերջի դրությամբ հաշվվել է 4625 մարտական զրահապատ մեքենա.

• 563 ՀՄՄ ACV-300, ամերիկյան YP-765 մոդելի նմանօրինակը՝ М113-ի բազայի վրա։ Առկա է երկու տարբերակով՝ DAF աշտարակով՝ հանդերձված 25-մմ Oerlikon Contraves ավտոմատ թնդանոթով, Giat աշտարակով՝ հանդերձված 25-մմ M811 ավտոմատ թնդանոթով.
• 102 ՀՄՄ FNSS Akinci՝ ՛՛Աքինջի՛՛։ ՀՄՄ AVC-300-ի տարբերակ՝ 6-ահեն ընթացքային մասով և ամերիկյան ՀՄՄ M2 Bradley-ի աշտարակով.
• 1031 ԶՓ ACV-300APC М113-ի բազայի վրա։ Հանդերձված է 12,7-մմ «Բրաունինգ» խոշոր տրամաչափի գնդացրով, ունի դեսանտային բաժանմունք՝ 13 զինվորի համար.
• շուրջ 1800 ԶՓ M113A/A1/A2/T2/T3.
• 52 ԶՓ FNSS Pars 6х6. Պատվիրված է 650 մեքենա 6х6 և 8х8.
• 100 ԶՓ Otokar Cobra 4х4.
• 260 ԶՓ Akrep 4х4.
• 102 ԶՓ Yavuz 8х8.
• 340 ԶՓ՝ БТР-60ПБ, խորհրդային արտադրության, մատակարարված է Գերմանիայից, օգտագործվում է ժանդարմերիայի զորքերում.
• 240 ԶՓ БТР-80, մատակարարված է Ռուսաստանից, օգտագործվում է ժանդարմերիայում։

Տանկային զորքեր

Տանկային բրիգադի կառուցվածքը.

• վարչակազմ և շտաբ,
• 3 տանկային գումարտակներ,
• ինքնագնաց հրետանային դիվիզիոն,
• զենիթային դիվիզիոն,
• հետախուզական վաշտ,
• ինժեներա-սակրավորական վաշտ,
• կապի վաշտ,
• ռադիացիոն, քիմիական, կենսաբանական պաշտպանության (ՌՔԿՊ) վաշտ,
• նյութատեխնիկական ապահովման (ՆՏԱ) վաշտ,
• վերանորոգման վաշտ,
• բժշկական վաշտ։

Տանկային գումարտակը կազմված է.

• վարչակազմից և շտաբից (2 տանկ),
• 3 տանկային վաշտերից,
• ղեկավարման դասակից,
• ապահովման դասակից,
• տեխապահովման դասակից։

Տանկային վաշտն իր կազմում ունի 13 տանկ (այդ թվում՝ վաշտի հրամանատարի տանկը, չորս դասակ՝ յուրաքանչյուրում՝ 3-ական տանկ)։

Ընդամենը՝ գումարտակում առկա է 41 տանկ։

Զրահատանկային տեխնիկան

Զրահատանկային տեխնիկան Թուրքիայում ներկայացված է օտարերկրյա մոդելներով, ինչպես նաև սեփական արտադրության նմուշներով։ Տանկերը համարվում են բանակի գլխավոր հարվածային ուժը։ ՄԱԿ-ի Ռեգիստրին՝ գրանցամատյանին Թուրքիայի կողմից ներկայացված տվյալների համաձայն՝ թուրքական զինված ուժերում հաշվվում էր 3363 տանկ՝31.12.2007 թվականի դրությամբ։ Տանկերը մտնում են թե՛ մեքենայացված զորքերի բրիգադների (1 գումարտակ) և թե՛ տանկային բրիգադների (3 գումարտակ), կազմի մեջ, ինչպես նաև՝ 28-րդ և 39-րդ մեքենայացված դիվիզիաների կազմի մեջ։

Վերջին տարիներին Թուրքիան ակտիվորեն ուտիլիզացնում է հնացած մոդելները և միաժամանակ արդիականացնում է մարտունակ տեխնիկան։ Սեփական «Altay» տանկի ստեղծման ամբիցիոզ նախագծի կա, որը լայնորեն գովազդվում էր վերջին տարիներին, այն արդեն դուրս է եկել վերջին փուլ (պայմանագիր է ստորագրվել 29 հուլիսի 2008 թ. թուրքական OTOKAR ֆիրմայի հետ, որը գլխավոր կապալառուն է և կորեական Hyundai-Rotem ֆիրմայի հետ, որը ենթակապալառու է), 2012 թվականին փորձնական խմբաքանակ է արտադրվել։ Իսկ ընթացիկ կարիքները հոգալու համար Թուրքիան գնել է Լեոպարդ 2 տանկեր Գերմանիայից, արդիականացնում է իր ունեցած գերմանական Լեոպարդ 1 և ամերիկյան Մ60 տանկերը։ Զրահատանկային տեխնիկայի մասին տվյալները հակասական են, սակայն БТТ ուսումնասիրելով և համադրելով տարբեր աղբյուրների տվյալները ստացվել են հետևյալ քիչ թե շատ արժանահավատ թվերը.

• 339 տանկ Լեոպարդ 2Ա4, մատակարարված Գերմանիայից. պլանավորվում է թուրքական ASELSAN ֆիրմայի ուժերով արդիականացնել և հասցնել Ա6 մակարդակին.
• 77 տանկ Լեոպարդ 1Ա3/ԹՈՒ, մատակարարված Գերմանիայից, թուրքական արդիականացում՝ տեղադրելով կրակի կառավարման «Volkan» կայանք.
• 150 տանկ Լեոպարդ 1Ա4/Թ1, մատակարարված Գերմանիայից, գերմանական արդիականացում՝ տեղադրելով կրակի կառավարման EMES12 A3 կայանք.
• 165 տանկ Լեոպարդ 1Ա1Ա1/Թ, մատակարարված Գերմանիայից, թուրքական արդիականացում՝ տեղադրելով կրակի կառավարման «Volkan» կայանք.
• 658 տանկ Մ60Ա3 ԹԹՍ (ամերիկյան արդիականացում, նշանառուի կոմբինացված ջերմատեսիլային AN/VSG-2 նշանացույցով).
• 274 տանկ Մ60Ա1.
• 104 տանկ Մ60Ա1 RISE (Passive), ամերիկյան արդիականացում, հրամանատարի և մեխանիկ-վարորդի գիշերային տեսանելիության պասիվ սարքով.
• 170 տանկ Մ60-Թ Սաբրա, իսրայելական արդիականացում Մ60Ա1, տեղադրելով 120-մմ թնդանոթ և ժամանակակից կրակի կառավարամնա կայանք։
• ավելի քան 1200 տանկ Մ48 տարբեր մոդիֆիկացիաների։

Մ48 տանկերը ներկայումս գծային զորամիավորումներից հանված են (բացառությամբ 287 միավոր Մ48Ա5 թ1/Թ2՝ Կիպրոսում գտնվող թուրքական զորքերի կազմում)։ Մ48 տանկերն օգտագործվում են ուսումնական կենտրոններում (օրինակ՝ կահառակորդի նշանակման համար, հետևակի մարզման և ներդաշնակման համար և այլն), դրված են պահպանության, մասնակիորեն վերածվում են զրահապատ տարհանման մեքենաների և զրահապատ կամրջադիր մեքենաների, մասնատվում են պահեստամասերի և ուտիլիզացվում են։

• 
  Թուրքիայի ՑԶ-ի Մ60Ա1 (ԱՄՆ արտադր.) տանկ. արդիականաց. Իսրայել, վերածվ. Մ60Տ ՛՛Սաբրա՛՛ (Ռիշոն ԼեՍիոնում, Իսրայել, 21.09.2008 թ.)
• 
  Թուրքական արտադրության FNSS ACV-15
• 
  Թուրքական արտադրության FNSS Pars
• 
  Թուրքական արտադրության Otokar Cobra
• 
  Թուրք. արտ. Օթոքար Կոբրա զրահապատ հետախուզական մեքենաները՝ ադրբեջան. բանակի սպառազինութ. մեջ. բանակի օրվա զորահանդես, Բաքու
• 
  Թուրք. արտ. Օթոքար Կոբրա զրահապատ հետախուզական մեքենաները՝ ադրբեջ. բանակի սպառազին. մեջ. բանակի զորահանդես, Բաքու
• 
  Թուրք. արտ. Օթոքար Կոբրա զրահապատ հետախուզական մեքենա, Աստանա, Ղազախստան, 07.05.2015 թ., ռազմական շքերթ
• 
  Թուրք. արտ. Օթոքար Կոբրա զրահապատ հետախուզական մեքենան Թբիլիսի, Վրաստան, Անկախության օրվա զորահանդես
• 
  Թուրք. արտ. Օթոքար Կոբրա զրահապատ հետախուզական մեքենաները Վրաստանի բանակի սպառազինության մեջ
• 
  Թուրք. արտ. Օթոքար Կոբրա զրահապատ հետախուզական մեքենան Քաբուլ, Աֆղանստան
• 
  Թուրքական արտադրության MRAP, BMC Kirpi

Հրետանի և հրթիռային զորքեր

Դաշտային հրետանին.

ԴՀ-ն ներկայացված է՝ - ինքնագնաց ականանետներով՝ М113 և FNSS շասիների վրա, - ինքնագնաց հրետանային կայանքներով՝ ԻՀԿ-ներով, այդ թվում՝ ինքնագնաց հաուբիցներով և ինքնագնաց թնդանոթներով, - քարշակվող համակարգերով, - համազարկային կրակի ռեակտիվ համակարգերով (ՀԿՌՀ)։

Ընդամենը՝ 6110 միավոր։

• 108 ԻՀԿ T-155 Firtina, ընդ. պատվիր. 350 միավոր.
• 287 ԻՀԿ M110.
• 36 ԻՀԿ М107.
• 9 ԻՀԿ М55.
• 222 ԻՀԿ М44Т.
• 365 ԻՀԿ М52Т.
• 26 ԻՀԿ М108Т.
• շուրջ 5000 քարշակվող հրանոթ և ականանետ, այդ թվում՝ շուրջ 1000 հրանոթ՝ 105 և 155 մմ տրամաչափի, 2000 ականանետ՝ 107 և 120 մմ, 3000 միավոր՝ 81-մմ ականանետ.
• շուրջ 550 ինքնագնաց և քարշակվող ՀԿՌՀ՝ 107-300 մմ տրամաչափերի։

• 
  Թուրքական արտադրության T-155 Fırtına.
• 
  Թուրքական արտադրության Panter howitzer.
• 
  Թուրքական արտադրության T-122 Sakarya MLRS.

Բանակային օդուժ

• 
  Թուրքիայի բանակային օդուժի ուղղաթիռներից մեկը. ՛՛Կուգար՛՛ ԱՍ-532ՈՒԼ
• 
  Թուրքիայի բանակային օդուժի ուղղաթիռներից մեկը. ՛՛Բլաք Հոք՛՛ ՈՒՀ-60, Աֆղանստանում տեղակայված թուրքական զորակազմում ծառայելիս

Թուրքիայի բանակային օդուժի ուղղաթիռներից մեկը. ՛՛Բլաք Հոք՛՛ ՈՒՀ-60, Աֆղանստանում տեղակայված թուրքական զորակազմում ծառայելիս

Ռազմածովային ուժեր

Ռազմածովային ուժերի խորհրդանշանը

Թուրքիայի ռազմածովային ուժեր (թուրքերեն՝ Türk Deniz Kuvvetleri) - Թուրքիայի զինված ուժերի տեսակներից մեկը։

Հիմնականում ներառնում է՝

• - ռազմածովային նավատորմը,
• - ռազմածովային օդուժը,
• - ծովային հետևակը,
• - ռազմածովային ուժերի (ՌԾՈՒ) հատուկ նշանակության զորամասերն ու ստորաբաժանումները։

Ռազմածովային ուժերի անձնակազմը՝ 61.000-ից ավելի։

Ռազմածովային ուժերի նավերը

Ռազմածովային ուժերում կա 230 մարտական նավ, այդ թվում 15 սուզանավ, 13 ականակիր և 2 հետախուզանավ՝ ֆրեգատ։

• 
  Թուրքական ռազմածովային ուժերի Գյոլջուկ ռազմածովային բազան՝ Մարմարա ծովի ափին

Ռազմածովային ուժերի հատուկ նշանակության ՛՛կոմանդո՛՛ զորամասերը

• 
• 
• 
• 
• 
• 

Ռազմանավերի և փոխադրանավերի դրոշները և տարբերանշանները

Դրոշ	Գյույս	Մարտական նավերի վիմպել

Ռազմաօդային ուժեր (ՌՕՈՒ)

Ռազմաօդային ուժերի անձնակազմը՝ 56.000։ Ռազմաօդային ուժերում կան (տարբեր տվյալների համաձայն) 400-468 մարտական ինքնաթիռ։

ՌՕՈՒ-ի մարտական տեխնիկան

	Տեսակ	Արտադրություն	Անվանում	Քանակ	Նշումներ
	Մարտական ինքնաթիռներ
	Canadair NF-5A Canadair NF-5B	Կանադա  Կանադա	բազմակողմանի կործանիչ Ուսումնական կործանիչ	17 10
	F-16C Block 30	Թուրքիա	բազմակողմանի կործանիչ	27
	F-16C Block 50	Թուրքիա	բազմակողմանի կործանիչ	162
	F-16C Block 50+	Թուրքիա	բազմակողմանի կործանիչ	14
	F-16D Block 30	Թուրքիա	բազմակողմանի կործանիչ	8
	F-16D Block 50	Թուրքիա	բազմակողմանի կործանիչ	33
	F-16D Block 50+	Թուրքիա	բազմակողմանի կործանիչ	16
	Northrop F-5A	ԱՄՆ	բազմակողմանի կործանիչ	18	48 մոդեռնիզացված մինչև F-5S
	Northrop F-5B	ԱՄՆ	Ուսումնական կործանիչ	8
	McDonnell Douglas F-4E	ԱՄՆ	բազմակողմանի կործանիչ	51
	Փոխադրիչ ինքնաթիռներ
	Boeing 737—700 Boeing 737-700BBJ	ԱՄՆ  ԱՄՆ	Տեղափոխիչ ինքնաթիռ Ադմինիստրատիվ ինքնաթիռ	1 1
	Boeing KC-135R	ԱՄՆ	Վառելիքի լիցքավորիչ ինքնաթիռ	7
	CASA CN-235	Իսպանիա	Տեղափոխիչ ինքնաթիռ	2-ից շատ
	Tusas CN-235M	Թուրքիա	Տեղափոխիչ ինքնաթիռ	46
	Cessna 650 Citation VII	ԱՄՆ	Ադմինիստրատիվ ինքնաթիռ	2
	Cessna Citation 550 II	ԱՄՆ	Ադմինիստրատիվ ինքնաթիռ	2
	Gulfstream 550	ԱՄՆ	Ադմինիստրատիվ ինքնաթիռ	1
	Beechcraft King Air Beech 350	ԱՄՆ	Ադմինիստրատիվ ինքնաթիռ	5
	Lockheed C-130B Lockheed C-130E	ԱՄՆ  ԱՄՆ	Տեղափոխիչ ինքնաթիռ Տեղափոխիչ ինքնաթիռ	6 12
	Lockheed C-130R	ԱՄՆ	Տեղափոխիչ ինքնաթիռ	7
	Lockheed C-130H	ԱՄՆ	Տեղափոխիչ ինքնաթիռ	1
	Transport Allianz C.160D Transall	Ֆրանսիա  Գերմանիա	Տեղափոխիչ ինքնաթիռ	16
	Raytheon 200	ԱՄՆ	Ադմինիստրատիվ ինքնաթիռ	6
	Airbus A400M	Airbus Military	Տեղափոխիչ ինքնաթիռ	3
	Ուսումնական ինքնաթիռներ
	Cessna T-37B Cessna T-37C	ԱՄՆ  ԱՄՆ	Ուսումնամարզական Ուսումնամարտական	20 35
	Cessna T-41D	ԱՄՆ	Ուսումնամարզական	28
	Northrop T-38 A/M	ԱՄՆ	Ուսումնամարզական	70
	SIAI-Marchetti SF.260D	Իտալիա	Ուսումնամարզական	34
	Socata TB.20	Ֆրանսիա	Ուսումնամարզական	7
	KAI KT-1 Woongbi	Корея	Ուսումնամարզական	40
	Ուղղաթիռներ
	Bell Helicopter Textron UH-1H	ԱՄՆ	Բազմանշանակ ուղղաթիռ	20
	Eurocopter AS.532AL Eurocopter AS.532UL	Ֆրանսիա  Ֆրանսիա	Բազմանշանակ ուղղաթիռ Փոխադրող ուղղաթիռ	6 14
	B-737 AEW&C	ԱՄՆ	Թռչող ռադար	3+1 պատվեր
	MIM-14	ԱՄՆ	ЗРК միջին հեռավորության	72
	«Rapier»	Մեծ Բրիտանիա	ЗРК մոտ հեռավորություններում	84
	MIM-23 Hawk	ԱՄՆ	ЗРК միջին հեռավորություններում	անհայտ
Անօդաչու թռչող սարք
	GNAT-750	ԱՄՆ	Անօդաչու թռչող սարք	18
	MQ-1 Predator	ԱՄՆ	Անօդաչու թռչող սարք	1
	MQ-9 Reaper	ԱՄՆ	Անօդաչու թռչող սարք
	RQ-7 Shadow	ԱՄՆ	Անօդաչու թռչող սարք	6
	IAI Heron	Կաղապար:Դրոշավորում/Израиль	Անօդաչու թռչող սարք	9
	Aerostar	Կաղապար:Դրոշավորում/Израиль	Անօդաչու թռչող սարք	3
Կառավարվող ավիացիոն ռումբ
	LANTIRN	ԱՄՆ	Գերճշգրիտ, "խելացի" ռումբ	80	40 AN/AAQ-14 LANTIRN и 40 AN/AAQ-13 LANTIRN
	GBU-12 Paveway II	ԱՄՆ		Անհայտ	Paveway I и Paveway II
	AGM-88 HARM	ԱՄՆ	Հակառադիոլոկացիոն հրթիռ	Անհայտ	Բարձր արագության հակառադիոլոկացիոն հրթիռ AGM-88A

• 
  Թուրքական արտադրության TAI Anka MALE UAV.
• 
  Թուրքական արտադրության TAI Gözcü UAV.
• 
  Թուրքական արտադրության Bayraktar Mini UAV.
• 
  F-4E
• 
  F-16C
• 
  F-16C
• 
  F-16C
• 
  F-16DJ
• 
  Boeing KC-135R Stratotanker
• 
  C-160D
• 
  Boeing 737 AEW&C Peace Eagle

Տարբերանշանները

• 
  Թուրքիայի ՌՕՈՒ-ի տարբերանշանը
• 
  Նշանը խելի վրա
• 
  Թուրքիայի ռազմաօդային ուժերի հրամանատարության զինադրոշը

Ժանդարմերիա

Ժանդարմերիայի խորհրդանշանը

Առափնյա պահպանություն

Առափնյա պահպանության խորհրդանշանը

Զինվորական կոչումները և տարբերանշանները

• Savaş Takdirnamesi
• TSK Şeref Madalyası
• TSK Hizmet Övünç Madalyası
• TSK Üstün Cesaret ve Feragat Madalyası
• TSK Üstün Hizmet Madalyası
• TSK Başarı Madalyası
• TSK Liyakat Madalyası
• TSK Şeref Nişanı
• TSK Övünç Nişanı
• TSK Liyakat Nişanı

Թուրքական զինված ուժերի տարբերանշանները

Թուրքական Ցամաքային զորքերի տարբերանշանները

• 
  Բանակի մարշալ, թուրքերեն՝ Մարեշալ, Mareşal (Türk Kara Kuvvetleri)
• 
  Թուրքիայի գլխավոր շտաբի պետ - բանակի գեներալի ուսադիրը Genelkurmay Başkanı - Orgeneral (Türk Kara Kuvvetleri)
• 
  Բանակի գեներալ, թուրքերեն՝ Օրգեներալ, Orgeneral (Türk Kara Kuvvetleri)
• 
  Կորպուսի գեներալ, թուրքերեն՝ Կորգեներալ, Korgeneral (Türk Kara Kuvvetleri)
• 
  Դիվիզիայի գեներալ, թուրքերեն՝ Թյումգեներալ, Tümgeneral (Türk Kara Kuvvetleri)
• 
  Բրիգադի գեներալ, թուրքերեն՝ Թուղգեներալ, Tuğgeneral (Türk Kara Kuvvetleri)
• 
  Գնդապետ, թուրքերեն՝ Ալբայ, Albay (Türk Kara Kuvvetleri)
• 
  Փոխգնդապետ, թուրքերեն՝ Յարբայ, Yarbay (Türk Kara Kuvvetleri)
• 
  Մայոր, թուրքերեն՝ Բինբաշի, Binbaşı (Türk Kara Kuvvetleri)
• 
  Ավագ լեյտենանտ, թուրքերեն՝ Ուսթեղմեն, Üsteğmen (Türk Kara Kuvvetleri)
• 
  Լեյտենանտ, թուրքերեն՝ Թեղմեն, Teğmen (Türk Kara Kuvvetleri)
• 
  Կրտսեր լեյտենանտ, թուրքերեն՝ Ասթեղմեն, Asteğmen (Türk Kara Kuvvetleri)

Թուրքական Ռազմաօդային ուժերի տարբերանշանները

• 
  Բանակի գեներալ, թուրքերեն՝ Օրգեներալ, Orgeneral (Türk Hava Kuvvetleri)
• 
  Կորպուսի գեներալ, թուրքերեն՝ Կորգեներալ, Korgeneral (Türk Hava Kuvvetleri)
• 
  Դիվիզիայի գեներալ, թուրքերեն՝ Թյումգեներալ, Tümgeneral (Türk Hava Kuvvetleri)
• 
  Բրիգադի գեներալ, թուրքերեն՝ Թուղգեներալ, Tuğgeneral (Türk Hava Kuvvetleri)
• 
  Գնդապետ, թուրքերեն՝ Ալբայ, Albay (Türk Hava Kuvvetleri)
• 
  Փոխգնդապետ, թուրքերեն՝ Յարբայ, Yarbay (Türk Hava Kuvvetleri)
• 
  Մայոր, թուրքերեն՝ Բինբաշի, Binbaşı (Türk Hava Kuvvetleri)
• 
  Կապիտան, թուրքերեն՝ Յուզբաշի, Yüzbaşı (Türk Hava Kuvvetleri)
• 
  Ավագ լեյտենանտ, թուրքերեն՝ Ուսթեղմեն, Üsteğmen (Türk Hava Kuvvetleri)
• 
  Լեյտենանտ, թուրքերեն՝ Թեղմեն, Teğmen (Türk Hava Kuvvetleri)
• 
  Կրտսեր լեյտենանտ, թուրքերեն՝ Ասթեղմեն, Asteğmen (Türk Hava Kuvvetleri)

Թուրքական զինված ուժերի հանդերձանքի, սպառազինության և տեխնիկայի պատկերասրահ

• 
  Թուրքական ծովային կոմանդոսներ
• 
  Թուրքական F-35A Lightning II ինքնաթիռ
• 
  Թուրքական ժանդարմերիայի Otokar Cobra ռազմական տեխնիկայի նմուշ
• 
  Բոսֆորի նեղուցում թուրքական առափնյա պահպանության հերթապահությունը
• 
  Թուրքական ՌՕՈՒ-ի էյրբաս Ա400Մ Ատլաս օդանավը

Աղբյուրներ

• Советский армейский плакат о сильных и слабых сторонах ВС Турции
• Режим президента Башара Асада приказано уничтожить
• Официальная страница генерального штаба Турции Արխիվացված 2007-11-20 Wayback Machine
• Military of Turkey Արխիվացված 2017-07-02 Wayback Machine CIA - The World Factbook
• Turkey Military Strength Արխիվացված 2008-03-27 Wayback Machine Globalfirepower.com
• Вооруженные силы Турции Արխիվացված 2016-03-04 Wayback Machine - портал "Современная армия"

Վիքիպահեստն ունի նյութեր, որոնք վերաբերում են «Թուրքիայի զինված ուժեր» հոդվածին։