Պտտվող մանրակերտերով ձու

Պտտվող մանրակերտերով ձու
Ստեղծման թնական	1896
Պատվիրատու	Նիկոլայ II
Ներկա սեփականատեր
Սեփականատեր	Ալեքսանդրա Ֆեոդորովնա, Վիրջինիայի կերպարվեստի թանգարան և Լիլիան Թոմաս Պրաթ
Հավաքածու	Վիրջինիայի կերպարվեստի թանգարան
Դիզայն և նյութեր
Նյութեր	ոսկի, Քվարց, զմրուխտ, ալմաստ և արծնապակի
Բարձրություն	248 միլիմետր
Լայնություն	98 միլիմետր
	Ֆաբերժեի ձվեր

«Պտտվող մանրակերտերով ձու» (ռուս.՝ Яйцо с вращающимися миниатюрами), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար։ Այն ստեղծվել է 1896 թվականին Նիկոլայ II կայսեր պատվերով։ Ոսկերչական ձուն Նիկոլայը նվիրել է կնոջը՝ Ալեքսանդրա Ֆեոդորովնային^[1]։

Այսօր ոսկերչական ձուն պահպանվում և ցուցադրվում է Վիրջինիայի կերպարվեստի թանգարանում^[2] (Ռիչմոնդ, Վիրջինիա, ԱՄՆ)։

Դիզայն[խմբագրել | խմբագրել կոդը]

Այս ձուն պատրաստվել է Ֆաբերժեի ընկերությունում վարպետ Միխայիլ Պերխինի և մանրանկարիչ Յոհանես Զենգրաֆի կողմից^[3]։ Ձվի արտաքին շերտը պատրաստված է լեռնային բյուրեղապակուց։ Երկու մասերն իրար են միանում բարակ ոսկյա շերտով, որը պատված է զմրուխտե կանաչ էմալով, իսկ վերջինիս վրա էլ ագուցված են ադամանդներ։ Ոսկերչական ձվի գագաթը պսակված է 27 կարատանոց սիբիրական զմրուխտով, որը տեղադրված է ոսկե տակդիրի վրա՝ զմրուխտե կանաչ էմալով պատված։ Այս կաբոշային զմրուխտը համարվում է ամենախոշոր թանկարժեք քարերից մեկը, որն օգտագործվել է Ֆաբերժեի կողմից կայսերական ձվեր պատրաստելիս^[4]։ Ձվի տակդիրը նույնպես լեռնային բյուրեղապակուց է պատրաստված։ Դրա վրա երկու ոլորտաձև ոսկյա հատվածներ են՝ նկարազարդված էմալով և ադամանդներով եզրավորված։ Դրանք զարդարված են նաև թագուհու միացագրերով։ Յուրաքանչյուր միացագիր պսակված է ադամանդե թագով^[4]։

Անակնկալ[խմբագրել | խմբագրել կոդը]

Ձվի ներսում տեղադրված է ուղղաձիգ ոսկյա սռնի, որի վրա տեղադրված են տասներկու մանրանկար։ Դրանցում պատկերված են զանազան դղյակներ և արքայական կեցավայրեր, որոնք նախատեսված են եղել երիտասարդ կայսրուհու համար։ Դրանցից յուրաքանչյուրը Նիկոլայի և Ալեքսանդրայի համար հիշարժան վայրեր են^[5]։

Երբ ձվի ամենավերևում տեղադրված զմրուխտը սեղմում են, գործի է դրվում հատուկ մեխանիզմը, որը պտտում է մանրանկարները։ Ձվի մեջ տեղադրված կեռիկն իջնում է ներքև և թերթում է մանրանկարները, ինչպես գրքի էջերը, որի շնորհիվ տեսանելի են դառնում բոլոր մանրանկարները միաժամանակ^[2]։ Յուրաքանչյուր մանրանկար ունի ոսկյա շրջանակ՝ պսակված զմրուխտով։ Շրջանակներն էլ իրենց հերթին ամրացված են ոսկյա սռնուն^[4]։

Մանրանկարներում պատկերված են՝

Նոր պալատ, Պոտսդամ, Գերմանիա՝ թագուհու ծննդավայր։
Կրանիխշտայն, Հեսսեն՝ թագուհու ամառային ամենասիրելի նստավայրը երիտասարդ տարիներին։
Բալմորալ ամրոց, Շոտլանդիա. այստեղ է մանկությունն անցկացրել Ալեքսանդրան իր տատիկի՝ Վիկտորիայի մոտ։
Հին ամրոց, Դարմշտադտ՝ Ալեքսանդրայի հոր՝ Լյուդվիգ IV-ի պաշտոնական նստավայրը։
Վոլֆսգարտեն դղյակ, Հեսսեն՝ Ալեքսանդրայի մանկության որսորդական տունը։
Վինձոր ամրոց, Լոնդոնի շրջակայք՝ Վիկտորիա թագուհու նստավայրը, որտեղ անցել է Ալեքսանդրայի մանկությունը։
Էրենբուրգ ամրոց, Քոբուրգ՝ Ալեքսանդրայի և Նիկոլայի առաջին հանդիպման վայրը։
Ռոզենաու ամրոց, Քոբուրգ՝ պսակադրության հաջորդող օրվա առաջին այցելության վայրը։
Օսբորն հաուս, Ուայթ կղզի՝ Ալեքսանդրայի և Նիկոլայի ամուսնությունից հետո այցելված վայր։
Ձմեռային պալատ, Սանկտ Պետերբուրգ՝ Նիկոլայի և Ալեքսանդրայի պսակադրության վայրը։
Անիչկովների պալատ, Սանկտ Պետերբուրգ՝ Մարիա Ֆեոդորովնայի նստավայրը, որտեղ Ալեքսանդրան անցկացրել է Ռուսաստանում ապրելու առաջին տարին։
Ալեքսանդրովի պալատ, Ցարսկոյե Սելո՝ կայսերական ընտանիքի սիրելի ձմեռային նստավայրը^[2]

Պատմություն[խմբագրել | խմբագրել կոդը]

Նիկոլայ II կայսրը ձուն նվիրել է կնոջը 1896 թվականի մարտի 24-ին^[2]։

1909 թվականին ձուն գտնվել է կայսրուհու Ձմեռային պալատի ուսումնական սենյակում։ 1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ։

1930 թվականին ԽՍՀՄ-ը ձուն վաճառում է Նյու Յորքի Վիկտոր Համմերի պատկերասրահին 8000 ռուբլով կամ մոտ 4000 ԱՄՆ դոլարով։ 1945 թվականին ձուն գնում է General Motors ընկերության տնօրենի կինը՝ Լիլիան Թոմաս Պրատը^[6]։ Նրա մահից հետո, 1947 թվականին ձուն փոխանցվում է Վիրջինիայի կերպարվեստի թանգարանին^[7]։ Այն ցայսօր էլ գտնվում է այդտեղ^[2]։

Տես նաև[խմբագրել | խմբագրել կոդը]

Ֆաբերժեի ձվեր

Ծանոթագրություններ[խմբագրել | խմբագրել կոդը]

↑ «Яйцо с вращающимися миниатюрами Фаберже 1896». faberge-eggs.info. Արխիվացված է օրիգինալից 2016 թ․ ապրիլի 9-ին. Վերցված է 2019 թ․ հունվարի 16-ին.
↑ ^2,0 ^2,1 ^2,2 ^2,3 ^2,4 David Park Curry (1995). «Faberge». Virginia Museum of Fine Arts. Արխիվացված է օրիգինալից 2012 թ․ սեպտեմբերի 15-ին.
↑ «VMFA: Fabergé: Imperial Egg». Արխիվացված է օրիգինալից 2012 թ․ սեպտեմբերի 15-ին. Վերցված է 2018 թ․ դեկտեմբերի 22-ին.
↑ ^4,0 ^4,1 ^4,2 Lowes 2001, pg. 47
↑ «Fabergé Research Site | Eggs - Fabergé Imperial Egg Chronology». Fabergé Research Site (ամերիկյան անգլերեն). Վերցված է 2019 թ․ հունվարի 16-ին.
↑ «1896 Egg with Revolving Miniatures». Արխիվացված է օրիգինալից 2012 թ․ մայիսի 1-ին. Վերցված է 2018 թ․ դեկտեմբերի 22-ին.
↑ Lowes 2001, pgs. 47-48

Արտաքին հղումներ[խմբագրել | խմբագրել կոդը]

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Պտտվող մանրակերտերով ձու կատեգորիայում։

[1] «Яйцо с вращающимися миниатюрами Фаберже 1896». faberge-eggs.info. Արխիվացված է օրիգինալից 2016 թ․ ապրիլի 9-ին. Վերցված է 2019 թ․ հունվարի 16-ին.

[Faberge-2] 2,0 ^2,1 ^2,2 ^2,3 ^2,4 David Park Curry (1995). «Faberge». Virginia Museum of Fine Arts. Արխիվացված է օրիգինալից 2012 թ․ սեպտեմբերի 15-ին.

[Virginia-3] «VMFA: Fabergé: Imperial Egg». Արխիվացված է օրիգինալից 2012 թ․ սեպտեմբերի 15-ին. Վերցված է 2018 թ․ դեկտեմբերի 22-ին.

[ReferenceA-4] 4,0 ^4,1 ^4,2 Lowes 2001, pg. 47

[5] «Fabergé Research Site | Eggs - Fabergé Imperial Egg Chronology». Fabergé Research Site (ամերիկյան անգլերեն). Վերցված է 2019 թ․ հունվարի 16-ին.

[6] «1896 Egg with Revolving Miniatures». Արխիվացված է օրիգինալից 2012 թ․ մայիսի 1-ին. Վերցված է 2018 թ․ դեկտեմբերի 22-ին.

[7] Lowes 2001, pgs. 47-48

[1]

[2]

[3]

[4]

[5]

[6]

[7]