Տրանսսիբիրյան մայրուղի (Ֆաբերժեի ձու)

Վիքիպեդիայից՝ ազատ հանրագիտարանից
Jump to navigation Jump to search
Տրանսսիբիրյան մայրուղի
Faberge Train Egg Kremlin April 2003.jpg
Ստեղծման թնական1900
ՊատվիրատուՆիկոլայ II
Ներկա սեփականատեր
ՍեփականատերԱլեքսանդրա Ֆեոդորովնա և Մոսկվայի Կրեմլ (թանգարան-արգելոց)
Դիզայն և նյութեր
Նյութերոսկի, արծաթ, էմալ, Օնիքս (միներալ) և թավիշ
Ֆաբերժեի ձվեր

«Տրանսսիբիրյան մայրուղի» (ռուս.՝ Транссибирская магистраль), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում[1] Ռուսաստանի կայսերական ընտանիքի համար: Այն ստեղծվել է 1900 թվականին Նիկոլայ II կայսեր պատվերով[2]: Ոսկերչական ձուն Նիկոլայը Զատկի տոնին նվիրել է կնոջը՝ կայսրուհի Ալեքսանդրա Ֆեոդորովնային[3]:

Այսօր «Տրանսսիբիրյան մայրուղի» կայսերական ոսկերչական ձուն պահպանվում և ցուցադրվում է Կրեմլի զինապալատում[1] (Մոսկվա, Ռուսաստանի Դաշնություն) և համարվում է այն բացառիկ ձվերից, որոնք երբեք չեն լքել Ռուսաստանի սահմանները:

Դիզայն[խմբագրել | խմբագրել կոդը]

«Տրանսսիբիրյան մայրուղի» ոսկերչական ձուն հատուկ տեղ է զբաղեցնում Ֆաբերժեի ձվերի մեջ, քանի որ դրանում պահվող անակնկալը մեխանիկական է: Բուն ձուն պատրաստված է արծաթից[2]: Կափարիչը բացվում է վերին հատվածից: Այն պատված է կանաչ էմալով և տերևաքանդակներով: Ձվի գագաթը պսակված է կայսերական երկգլխանի արծիվով և Ռուսական կայսրության թագի կրկնօրինակով: Ձվի ներսը պատված է սպիտակ թավիշով:

Բացվող մասից ներքև ձուն ամբողջությամբ զարդարված է փորագրանկարով, որն իրենից ներկայացնում է Ռուսաստանի քարտեզը և Տրանսիբիրական մայրուղին, ինչպես նաև «Մեծ երկաթուղի 1900 թվական» գրությունը[3]: Ձուն տեղադրված է արծվառյուծի երեք քանդակի վրա, որոնք ոսկեջրած արծաթից են: Վերջիններս էլ հենվում են սանդղակերպ եռանկյունաձև հիմքին, որը պատրաստված է սպիտակ օնիքսից[4]:

Անակնկալ[խմբագրել | խմբագրել կոդը]

Ձվի անակնկալը գնացքի մանրակերտն[5] է՝ պատրաստված ոսկուց և պլատինից: Երկարությունը կազմում է 398 միլիմետր[6]: Շարժակազմի գնացքներն ունեն ադամանդե լապտերներ դիմացից և սուտակե՝ հետնամասից: Գնացքը բաղկացած է շոգեքարշից և հինգ վագոնից, որոնց վրա գրված են. «Սիբիրական ուղիղ հաղորդակցություն», «Կանաց համար», «Ծխողների համար», «Չծխողների համար», «Եկեղեցի»: Ինչպես նաև նշված են նստատեղերի քանակը՝ 18 և 24: Ոսկե բանալու օգնությամբ գնացքների մեխանիզմը գործի է գցվում և ողջ շարժակազմը տեղաշարժվում է[6]:

Պատմություն[խմբագրել | խմբագրել կոդը]

Նիկոլայ II կայսրը ձուն կնոջը՝ Ալեքսանդրա Ֆեոդորովնային 1900 թվականի Զատկի տոնին է նվիրել: Այն նվիրված է Տրանսսիբիրական երկաթուղային մայրուղու կառուցմանը, որը միացնում է Ռուսաստանի Եվրոպական և Ասիական հատվածները[4]:

1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ[7]: Այդ օրվանից ցայսօր «Տրանսսիբիրյան մայրուղի» ոսկերչական ձուն պահպանվում և ցուցադրվում է Կրեմլի զինապալատում և համարվում է այն հազվագյուտ ձվերից, որոնք երբեք չեն լքել Ռուսաստանի սահմանները:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 «Matt & Andrej Koymasky - Fabergé Trans-Siberian Railway Egg»։ andrejkoymasky.com։ Վերցված է 2019-01-22 
  2. 2,0 2,1 «Fabergé Research Site | Eggs - Fabergé Imperial Egg Chronology»։ Fabergé Research Site (en-US)։ Վերցված է 2019-01-22 
  3. 3,0 3,1 «Яйцо Транссибирский поезд Фаберже 1900»։ faberge-eggs.info։ Վերցված է 2019-01-22 
  4. 4,0 4,1 «Mieks Fabergé Eggs»։ www.wintraecken.nl։ Վերցված է 2019-01-22 
  5. «Пасхальные яйца ФАБЕРЖЕ | Волшебная сила искусства»։ maxpark.com։ Վերցված է 2019-01-22 
  6. 6,0 6,1 «Транссибирская магистраль - яйцо Фаберже»։ eggs.zhukovich.ru։ Վերցված է 2019-01-22 
  7. Gorbutovichwrote 2016-05-04 17:30:00 Gorbutovich Gorbutovich 2016-05-04 17:30:00։ «Как христосовались покупатели Фаберже. Часть 2»։ gorbutovich.livejournal.com (en-us)։ Վերցված է 2019-01-22 

Գրականություն[խմբագրել | խմբագրել կոդը]

  • Faber, Toby. Faberge's Eggs: The Extraordinary Story of the Masterpieces That Outlived an Empire. Random House (2008) 1-4000-6550-X
  • Forbes, Christopher and Johann Georg Prinz von Hohenzollern. FABERGE; The Imperial Eggs. Prestel (1990). ASIN B000YA9GOM
  • Lowes, Will. Fabergé Eggs: A Retrospective Encyclopedia. Scarecrow Press (2001) 0-8108-3946-6
  • Snowman, A Kenneth. Carl Faberge: Goldsmith to the Imperial Court of Russia. Gramercy (1988) 0-517-40502-4

Արտաքին հղումներ[խմբագրել | խմբագրել կոդը]