Մալբորո դքսուհու ժամացույց-ձու
| Մալբորո դքսուհու ժամացույց-ձու | |
|---|---|
 | |
| Ստեղծման թնական | 1902 |
| Պատվիրատու | Consuelo Vanderbilt? |
| Ներկա սեփականատեր | |
| Սեփականատեր | Consuelo Vanderbilt?, Ganna Walska?, Մալքոլմ Ֆորբս, Ֆորբս ընտանիք և Վիկտոր Վեկսելբերգ |
| Հավաքածու | Սանկտ Պետերբուրգի Ֆաբերժեի թանգարան |
| Դիզայն և նյութեր | |
| Նյութեր | ոսկի, արծնապակի, մարգարիտ և ալմաստ |
| Բարձրություն | 23,5 սանտիմետր |
| Ֆաբերժեի ձվեր | |
«Մալբորո դքսուհու ժամացույց-ձու» (ռուս.՝ Яйцо́-часы́ герцоги́ни Ма́льборо), ոսկերչական ձու[1], որը պատրաստել է վարպետ-ոսկերիչ Միխայիլ Պերխինը[2] Կարլ Ֆաբերժեի ղեկավարությամբ 1902 թվականին[3]։ Այն պատրաստվել է դքսուհի Կոնսուելո Մալբորոյի (Վանդերբիլտ) համար։
Այսօր «Մալբորո դքսուհու ժամացույց-ձու» ոսկերչական ձուն պատկանում է Վիկտոր Վեկսելբերգի ֆոնդին։ Պահպանվում և ցուցադրվում է Ֆաբերժեի թանգարանում (Նարիշկինների և Շուվալովների պալատ, Սանկտ Պետերբուրգ, Ռուսաստան)[4]։
Դիզայն
[խմբագրել | խմբագրել կոդը]«Մալբորո դքսուհու ժամացույց-ձու» ոսկերչական ձուն պատրաստված է նեոդասական ոճով[5]։ Այն պատված է վարդագույն թափանցիկ էմալով։ Ձվի վրա տեղադրված է հորիզոնական պտտվող թվացույցը, որը պատված է սպիտակ էմալով, իսկ վերևից և ներքևից երիզված է մարգարտաշարով։ Հռոմեական թվերը ադամանդակուռ են։ Ժամացույցի անշարժ սլաքն իրենից ներկայացնում է ադամանդապատ օձ, որը փաթաթված է ձվին և սողացել է դեպի վերև։ Ոսկերչական ձվի վերին հատվածը զարդարված է ոսկե շղթաներով՝ ժապավենների տեսքով, որոնք պատված են ադամանդներով։ Ձվի գագաթը պսակված է ոսկե կաղինով, որի վրա ադամանդներ են ամրացված։ Երկու կողմից ոսկե բռնակներ են ագուցված։
Ոսկերչական ձուն տեղադրված է եռաթև պատվանդանին, որը պատված է թափանցիկ սադափագույն էմալով։ Որմնասյուները, գետնախարիսխները և եզրազարդերը պատված են վարդագույն էմալով և զարդարված են բուսական ոսկե նախշերով։ Պատվանդանի մի կողմում դքսուհի Մալբորոյի միացագիրն է, մյուսում՝ գունավոր ոսկով պատրաստած առատության եղջյուրը, իսկ երրորդ կողմում՝ սիրո այլաբանության ոսկյա խորհրդանիշը[4]։
Այս ձուն 1895 թվականին ստեղծված «Կապույտ ձու-ժամացույց օձով»[6] կայսերական ձվի նմանությամբ է ստեղծվել։
Անակնկալ
[խմբագրել | խմբագրել կոդը]Անակնկալը ոսկերչական ձվի մեջ գտնվող ժամացույցի մեխանիզմն է։
Պատմություն
[խմբագրել | խմբագրել կոդը]
Կոսնուելո Վանդերբիլտը ամերիկացի միլիոնատեր Կոռնելիուս Վանդերբիլտի դուստրն է։ Աղջկա կամքին հակառակ հայրը նրան 1895 թվականին կնության է տվել Չարլզ Սփենսեր-Չերչիլին՝ Մալբորոյի 9-րդ դուքսին։ 1902 թվականին[7] ամուսիններն այցելում են Ռուսաստան և պատվիրում ոսկերչական ձուն։
Սեփականատերեր
[խմբագրել | խմբագրել կոդը]1926 թվականին[8], ամուսնալուծվելուց հետո, Կոնսուելոն «Մալբորո դքսուհու ժամացույց-ձու» ոսկերչական ձուն բարեգործական աճուրդ-վաճառքի է հանում։ Այն գնում է լեհ երգչուհի Աննա Վալսկան՝ «International Harvester» ընկերության սեփականատիրոջ կինը։ 1965 թվականին[2] նյույորքյան Parke-Bernet աճուրդում ձուն ձեռք է բերում Մալկոմ Ֆորբսը։ 2004 թվականին այն գնում և հայրենի Ռուսաստան է բերում Վիկտոր Վեկսելբերգը[9]։
Ծանոթագրություններ
[խմբագրել | խմբագրել կոդը]- ↑ «Mieks Faberge Eggs». Արխիվացված է օրիգինալից 2011 թ․ նոյեմբերի 5-ին. Վերցված է 2012 թ․ հունվարի 3-ին.
{{cite web}}: More than one of|accessdate=and|access-date=specified (օգնություն); Unknown parameter|назва=ignored (օգնություն) (անգլ.) - ↑ 2,0 2,1 «Карл Фаберже|Пасхальные шедевры (7). Обсуждение на LiveInternet - Российский Сервис Онлайн-Дневников». www.liveinternet.ru. Վերցված է 2019 թ․ մայիսի 24-ին.
- ↑ «Mieks Fabergé Eggs». www.wintraecken.nl. Վերցված է 2019 թ․ մայիսի 24-ին.
- ↑ 4,0 4,1 «Яйцо герцогини Мальборо - яйцо Фаберже». eggs.zhukovich.ru. Վերցված է 2019 թ․ մայիսի 24-ին.
- ↑ «Культурно-исторический фонд «Связь Времён»». Վերցված է 2011 թ․ դեկտեմբերի 30-ին.
{{cite web}}: Invalid|url-status=unknown-host(օգնություն); Unknown parameter|назва=ignored (օգնություն)(չաշխատող հղում) - ↑ «Пасхальные яйца ФАБЕРЖЕ | Волшебная сила искусства». maxpark.com. Վերցված է 2019 թ․ մայիսի 24-ին.
- ↑ «Fabergé Research Site | Eggs - Fabergé Imperial Egg Chronology». Fabergé Research Site (ամերիկյան անգլերեն). Վերցված է 2019 թ․ մայիսի 24-ին.
- ↑ «Matt & Andrej Koymasky - Fabergé Other Eggs 9». andrejkoymasky.com. Վերցված է 2019 թ․ մայիսի 24-ին.
- ↑ «Яйцо часы Герцогини Мальборо Фаберже 1902». faberge-eggs.info. Արխիվացված է օրիգինալից 2021 թ․ մայիսի 8-ին. Վերցված է 2019 թ․ մայիսի 24-ին.
Արտաքին հղումներ
[խմբագրել | խմբագրել կոդը]- Details about the Duchess of Marlborough egg - The Link of Times foundation
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մալբորո դքսուհու ժամացույց-ձու կատեգորիայում։ |