Միացագիր

Վիքիպեդիայից՝ ազատ հանրագիտարանից
Ադամանդե հերակալ Եկատիրինա II-ի մոնոգրամի տեսքով

Միացագիր (հուն.՝ μόνος — մեկ, γραμμα) նշան, որը կազմված է միմյանց միացված, իրար կողք դրված կամ մեկը մյուսին անվան կամ ազգանվան սկզբնական տառերին միահյուսված կամ ամբողջական անվան կրճատումից։

Պատմություն[խմբագրել | խմբագրել կոդը]

Միացագրերը հանդիպում են մ.թ.ա. 350 թվականից սկսած՝ հունական դրամների վրա։ Ամենավաղ հանդիպող միացագրերը հունական դրամների վրա հաճախ կազմված են քաղաքի անվան առաջին երկու տառերից։ Օրինակ, Ահայա անտիկ քաղաքի դրամների վրայի միացագիրը կազմված է ալֆա և խի՝ իրար միացված տառերից։ Մեր թվարկության առաջին դարերում միացագրերը օգտագործվում էին Տրայանոս-Դեցիոսի և այլոց ժամանակաշրջանների շքանշանների վրա։

Միացագրերը արվեստում[խմբագրել | խմբագրել կոդը]

Շատ հաճախ են նման նշաները հանդիպում արվեստի մեջ։ Շատ արվեստագետներ, հիմնականում նկարիչները և փորագրողները, ցուցադրել են դրանք իրենց ստորագրության փոխարեն։ Երբեմն աշխատանքի պատկանելությունը նշելու համար նկարիչը նկարի մի ամենատեսանելի տեղում մշտապես նկարում է միևնույն պատկերը, օրինակ, թևավոր օձ (Լուկաս Կրանախ Ավագ), մեխակ ծաղիկը (Բենվենուտո Տիզի Գարոֆալո), ակնոց (Պ. Բրիլ), միջատ (Չիմա դե Կոնելյանո), բվեր (Հերրի մետ դե Բլես) տեսքով[1][2][3]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Ф. Брюильо. Dictionnare des monogrammes. В 2-х тт. 1817—18
  2. Ф. Брюильо. Table générale des monogrammes. 1820
  3. Г.-К. Наглер. Die Monogrammisten. В 5-ти тт. 1858—76

Գրականություն[խմբագրել | խմբագրել կոդը]

  • Большая советская энциклопедия, 2-й выпуск /Б. А. Введенский. — М։ Большая советская энциклопедия, 1954 г. — Т. 28 — С. 236.

Արտաքին հղումներ[խմբագրել | խմբագրել կոդը]