Կեչուց (Ֆաբերժեի ձու)

Վիքիպեդիայից՝ ազատ հանրագիտարանից
Jump to navigation Jump to search
Կեչուց
Կեչուց, Ֆաբերժեի ձու.jpg
Ստեղծման թնական1917
ՊատվիրատուՆիկոլայ II
Ներկա սեփականատեր
ՍեփականատերAlexander Ivanov?, մասնավոր հավաքածու և Ռումյանցևի թանգարան
ՀավաքածուՖաբերժեի թանգարան, մասնավոր հավաքածու և Ռումյանցևի թանգարան
Դիզայն և նյութեր
Նյութերbirch?, ոսկի, ալմաստ, արծաթ և էմալ
Ֆաբերժեի ձվեր

«Կեչուց» (ռուս.՝ Берёзовое), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար: Այն ստեղծվել է 1917 թվականին Նիկոլայ II կայսեր պատվերով[1]: Ոսկերչական ձուն Նիկոլայը Զատկի տոնին պետք է նվիրեր մորը՝ այրիացած կայսրուհի Մարիա Ֆեոդորովնային[2], սակայն այդպել է չի նվիրում[3]: Մինչև 2001 թվականը համարվում էր կորսված[4]:

Այսօր «Կեչուց» կայսերական ոսկերչական ձուն պահպանվում և ցուցադրվում է Բադեն-Բադենի Ֆաբերժեի թանգարանում (Բադեն-Բադեն, Բադեն-Վյուրթեմբերգ, Գերմանիա):

Դիզայն[խմբագրել | խմբագրել կոդը]

«Կեչուց» ոսկերչական ձուն պատրաստված է ոսկուց և կարելական կեչու փայտից, որն աճում է միայն Կարելիայում (Ռուսաստան): Այս ձվի իսկությունը շատ փորձագետներ կասկածի տակ են դնում: Այսօր ձվի անակնկալից մնացել է միայն փղի փոքրիկ բանալին[3][4]:

Անակնկալ[խմբագրել | խմբագրել կոդը]

«Կեչուց» կայսերական ոսկերչական ձվի անակնկալը կորսված է: Հնարավոր է, որ այն եղել է փղի մանրակերտ՝ պատրաստված ոսկուց, արծաթից և զարդարված է եղել էմալով և ադամանդներով[1][4]: Կարլ Ֆաբերժեն Ռուսական Ժամանակավոր կառավարության երկրորդ վարչապետ Ալեքսանդր Կերենսկուն գրված նամակում խնդրում է թույլատրել, որ նախկին կայսրին հանձնի «սովորական փայտյա ձու», որի մեջ տեղադրված է նույնքան «սովորական մեխանիկական փիղ՝ երջանկության համար»: Սակայն, ինչպես երևում է Ֆաբերժեի ընկերության հաշիվներից, ձուն 64 սովորական և 8 մեծ ադամանդով է զարդարված եղել: Հաշիվը կազմված է եղել կայսեր գահընկեցությունից հետո և գրված է եղել «Պարոն Ռոմանով, Նիկոլայ Ալեքսանդրովիչ»:

Պատմություն[խմբագրել | խմբագրել կոդը]

«Կեչուց» կայսերական ոսկերչական ձուն Նիկոլայ II կայսրը նպատակադրվել էր նվիրել մորը՝ 1917 թվականի Զատկի տոնին:

Մինչև 2001 թվականը ձվի մասին պատմությունը լռում էր: 2002 թվականին ռուս Ալեքսանդր Իվանովն իր մասնավոր հավաքածուի համար գնում է ձուն Լոնդոնից, որտեղ այն գտնվել է 1927 թվականից[1][4]:

Համաձայն Ալեքսանդր Իվանովի տարբերակի, Ֆաբերժեն Կերենսկուն խնդրել է, որ ձուն հանձնի գահընկեց Նիկոլային: Սակայն ինչ-ինչ պատճառներով ձուն հայտնվում է Ռումյանցևի թանգարանում (այսօր՝ Ռուսաստանի պետական գրադարան): 1927 թվականի հունվարին թանգարանը փակվում է և 450 ցուցանմուշ վաճառվել է արտասահմանցի գնորդների: Այդպես 1927 թվականին ձուն հայտնվում է Լոնդոնում[4]: Իսկ այսօր պահպանվում և ցուցադրվում է Բադեն-Բադենի Ֆաբերժեի թանգարանում (Բադեն-Բադեն, Բադեն-Վյուրթեմբերգ, Գերմանիա), թեպետ կասկածի տակ է դրվում ձվի իսկությունը[5]:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 «Коллекция яиц Фаберже»։ «Берёзовое», 1917։ equal.lv։ Վերցված է 2014-07-18 
  2. «Расчёт даты Пасхи»։ Православная и католическая пасхи в 20-м и 21-м веках։ nabasice.narod.ru։ Վերցված է 2014-07-18 
  3. 3,0 3,1 «Фаберже»։ «Берёзовое», яйцо Фаберже (1917)։ faberge-eggs.info։ Վերցված է 2014-07-18 
  4. 4,0 4,1 4,2 4,3 4,4 «Mieks Faberge Eggs»։ Birch-Egg, 1917 (անգլերեն)։ mieks.com։ Արխիվացված է օրիգինալից 2015-01-27-ին։ Վերցված է 2014-07-18 
  5. Роковые яйца. Совершенно секретно

Արտաքին հղումներ[խմբագրել | խմբագրել կոդը]