Եկատերինա Մեծ (Ֆաբերժեի ձու)

Վիքիպեդիայից՝ ազատ հանրագիտարանից
Jump to navigation Jump to search
Եկատերինա Մեծ
Catherine the Great (Fabergé egg).jpg
Ստեղծման թնական1914
ՊատվիրատուՆիկոլայ II
Ներկա սեփականատեր
ՍեփականատերՄարիա Ֆյոդորովնա, Marjorie Merriweather Post? և Hillwood Museum & Gardens?
ՀավաքածուHillwood Estate, Museum & Gardens?
Դիզայն և նյութեր
Նյութերոսկի, ալմաստ, էմալ, մարգարիտ և թավիշ
Բարձրություն12,1 սանտիմետր
Լայնություն89 Միլիմետր
Ֆաբերժեի ձվեր

«Եկատերինա Մեծ» (ռուս.՝ Екатерина Великая), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում[1] Ռուսաստանի կայսերական ընտանիքի համար: Այն ստեղծվել է 1914 թվականին[2] Նիկոլայ II կայսեր պատվերով: Ոսկերչական ձուն Նիկոլայը Զատկի տոնին նվիրել է մորը՝ այրիացած կայսրուհի Մարիա Ֆեոդորովնային[3]:

Այսօր «Եկատերինա Մեծ» կայսերական ոսկերչական ձուն պահպանվում և ցուցադրվում է Հիլվուդի թանգարանում[4] (Վաշինգտոն, ԱՄՆ

Դիզայն[խմբագրել | խմբագրել կոդը]

«Եկատերինա Մեծ» ոսկերչական ձուն պատրաստված է ոսկուց[5]՝ Լյուդովիկոս XVI-ի ոճով[6]: Պատված է վարդագույն և անթափանց սպիտակ էմալով: Քանդակադրոշմի մեթոդով ոսկյա զարդանախշեր են ագուցված ձվին: Կողային հատվածներին Ֆրանսուա Բուշեի[4] մանրանկարներ են արված՝ արվեստի և գիտության տեսարաններով. դրանք նկարել է Վասիլի Զուևը[5]: Նկարները թվով ութն են և շրջապատված են մարգարիտներով[7]: Թվի վրա ընդհանուր առմամբ օգտագործվել է 937 ադամանդ և 500 մարգարիտ: Ձվի գագաթները պսակված են հարթ ադամանդներով, որոնց տակ տեղադրված են կայսրուհու միացագիրն ու ստեղծման տարեթիվը՝ «1914»[6]: Ձվի տակդիրը պատրաստված է ոսկուց, ընդ որում 4 գույնի:

Անակնկալ[խմբագրել | խմբագրել կոդը]

Մարիա Ֆեոդորովնան քրոջը՝ Ալեքսանդրա Դանիացուն գրված նամակում հայտնում է, որ «Եկատերինա Մեծ» կայսերական ոսկերչական ձվի անակնկալը Եկատերինա Մեծի գահավորակի մեխանիկական մանրակերտն է, որը տեղափոխում են երկու սևամորթ սպասավոր[2]:

Գահավորակի պատուհանները լեռնային բյուրեղապակուց են[1]: Դրանց մեջից կարելի է տեսնել Եկատերինայի մանրակերտը: Թագուհու վրա կնգումի մորթուց պատմուճան է: Գահավորակը ոսկուց քանդակադրոշմներով է պատված: Սևամորթ սպասավորները վառ հանդերձանքով են ստեղծված: Անակնկալը մեխանիկական է, երբ լարում են այն, խափշիկները դանդաղ քայլում են, իսկ գահավորակը շարժվում է անիվների վրա[8]:

Պատմություն[խմբագրել | խմբագրել կոդը]

Նիկոլայ II կայսրը «Եկատերինա Մեծ» կայսերական ոսկերչական ձուն նվիրել է մորը՝ Մարիա Ֆեոդորովնային՝ 1914 թվականին՝ Զատկի տոնին[3]:

1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ:

1927 թվականին ձուն վաճառում են Արմանդ Համմերին, որը տեղափոխում է այն Նյու Յորք[8]: 1931 թվականին ձուն գնում է Էլեոնոր Բարզինը: 1973 թվականին «Եկատերինա Մեծ» ոսկերչական ձուն նվիրում են Հիլվուդի թանգարանին[4], ուր ցայսօր էլ մշտական ցուցադրության է ներկայացված[6]:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 «Карл Фаберже|Пасхальные шедевры (4). Обсуждение на LiveInternet - Российский Сервис Онлайн-Дневников»։ www.liveinternet.ru։ Վերցված է 2019-02-23 
  2. 2,0 2,1 «Пасхальные яйца ФАБЕРЖЕ | Волшебная сила искусства»։ maxpark.com։ Վերցված է 2019-02-23 
  3. 3,0 3,1 «Matt & Andrej Koymasky - Fabergé Catherine the Great Egg»։ andrejkoymasky.com։ Վերցված է 2019-02-23 
  4. 4,0 4,1 4,2 «Catherine the Great Easter Egg | Hillwood Estate, Museum and Garden»։ www.hillwoodmuseum.org։ Վերցված է 2019-02-23 
  5. 5,0 5,1 «Яйцо Катерина Великая Фаберже 1914»։ faberge-eggs.info։ Վերցված է 2019-02-23 
  6. 6,0 6,1 6,2 «Екатерина Великая - яйцо Фаберже»։ eggs.zhukovich.ru։ Վերցված է 2019-02-23 
  7. «Fabergé Research Site | Eggs - Fabergé Imperial Egg Chronology»։ Fabergé Research Site (en-US)։ Վերցված է 2019-02-23 
  8. 8,0 8,1 «Mieks Fabergé Eggs»։ www.wintraecken.nl։ Վերցված է 2019-02-23 

Գրականություն[խմբագրել | խմբագրել կոդը]

  • Faber Toby (2008)։ Fabergé's Eggs: The Extraordinary Story of the Masterpieces That Outlived an Empire։ New York: Random House։ ISBN 978-1-4000-6550-9 
  • Fabergé, Tatiana; Proler, Lynette; Skurlov, Valentin V. (1997). The Fabergé Imperial Easter Eggs. London: Christie's Books. 978-0-903432-48-1
  • Hill Gerald (2007)։ Fabergé and the Russian Master Goldsmiths։ New York: Universe։ ISBN 978-0-7893-9970-0 
  • Lowes Will, McCanless Christel Ludewig (2001)։ Fabergé Eggs: A Retrospective Encyclopedia։ Scarecrow Press։ ISBN 978-0-8108-3946-5 

Արտաքին հղումներ[խմբագրել | խմբագրել կոդը]