Ծաղիկների զամբյուղ

Վիքիպեդիայից՝ ազատ հանրագիտարանից
Jump to navigation Jump to search
Ծաղիկների զամբյուղ
Basket of Flowers Egg (Fabergé).jpg
Ստեղծման թնական1901
ՊատվիրատուՆիկոլայ II
Ներկա սեփականատեր
ՍեփականատերԱլեքսանդրա Ֆեոդորովնա, Մարիա Թեքցի և Եղիսաբեթ II
ՀավաքածուԹագավորական հավաքածու
Բարձրություն23 սանտիմետր
Լայնություն10 սանտիմետր
Ֆաբերժեի ձվեր

«Ծաղիկների զամբյուղ» (ռուս.՝ Корзинка цветов), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար: Այն ստեղծվել է 1901 թվականին[1] Նիկոլայ II կայսեր պատվերով[2]: Ոսկերչական ձուն Նիկոլայը Զատկի տոնին նվիրել է կնոջը՝ կայսրուհի Ալեքսանդրա Ֆեոդորովնային[3]:

Այսօր «Ծաղիկների զամբյուղ» ոսկերչական կայսերական ձուն գտնվում է Եղիսաբեթ II թագուհու Թագավորական հավաքածուում[4] (Միացյալ Թագավորություն):

Դիզայն[խմբագրել | խմբագրել կոդը]

«Ծաղիկների զամբյուղ» ոսկերչական ձուն պատրաստվել է զամբյուղի տեսքով, որի մեջ ծաղիկներ են տեղադրված: Ձուն պատված է սպիտակ էմալով[5]: Բոլոր կողմերից անցնում են ոլորուն երիզներ՝ ադամանդակուռ ոսկուց: Ձվի դիմային հատվածում ադամանդներով գրված է ստեղծման տարեթիվը՝ «1901»: Ծաղկեփնջի համար հիմք է հանդիսանում ոսկե թելերով պատրաստած «մամուռը»: Բուն ծաղիկները նույնպես պատրաստված են ոսկուց և պատված են գունագեղ էմալով[3]: Զամբյուղի բռնակը նույնպես ադամանդակուռ ոսկուց է պատրաստված: Տակդիրը կորսված է[6]: Նորը պատրաստվել է ավելի ուշ[7]:


Անակնկալ[խմբագրել | խմբագրել կոդը]

Ձվի անակնկալի կամ անակնկալի գործունեության մասին պատմությունը ցայսօր լռում է:

Պատմություն[խմբագրել | խմբագրել կոդը]

Նիկոլայ II կայսրը ձուն կնոջը՝ Ալեքսանդրա Ֆեոդորովնային 1901 թվականի Զատկի տոնին է նվիրել[6]:

1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ:

1933 թվականին «Ծաղիկների զամբյուղ» ոսկերչական ձուն վաճառվում է անհայտ գնորդին[8], ըստ ենթադրության, այն Էմանուել Սնոումանն էր կամ Միխայիլ Նորմանը: Նույն թվականին ձուն ձեռք է բերում Միացյալ Թագավորության արքա Գեորգ V-ը և նվիրում կնոջը՝ Մարիա Թեքցի թագուհուն[2]: Վերջիններից ձուն ժառանգություն է հասնում Եղիսաբեթ II-ին[4]:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Пасхальные яйца ФАБЕРЖЕ | Волшебная сила искусства»։ maxpark.com։ Վերցված է 2019-01-24 
  2. 2,0 2,1 «Яйцо Корзина полевых цветов Фаберже 1901»։ faberge-eggs.info։ Վերցված է 2019-01-24 
  3. 3,0 3,1 «Mieks Fabergé Eggs»։ www.wintraecken.nl։ Վերցված է 2019-01-24 
  4. 4,0 4,1 «RCIN 40098 - Basket of flowers egg»։ www.rct.uk (անգլերեն)։ Վերցված է 2019-01-24 
  5. Gorbutovichwrote 2016-05-02 18:00:00 Gorbutovich Gorbutovich 2016-05-02 18:00:00։ «Как христосовались покупатели Фаберже. Россия времен Александра III и Николая II. Часть 1»։ gorbutovich.livejournal.com (en-us)։ Վերցված է 2019-01-24 
  6. 6,0 6,1 «Корзинка цветов - яйцо Фаберже»։ eggs.zhukovich.ru։ Վերցված է 2019-01-24 
  7. «Fabergé Research Site | Eggs - Fabergé Imperial Egg Chronology»։ Fabergé Research Site (en-US)։ Վերցված է 2019-01-24 
  8. «Matt & Andrej Koymasky - Fabergé Wildflowers Egg»։ andrejkoymasky.com։ Վերցված է 2019-01-24 

Արտաքին հղումներ[խմբագրել | խմբագրել կոդը]