Ձու-կնիք

Ձու-կնիք
Ստեղծման թնական	1895
Դիզայն և նյութեր
Նյութեր	Բավենիտ, ոսկի, սուտակ և ալմաստ
Բարձրություն	60 Միլիմետր
	Ֆաբերժեի ձվեր

«Ձու-կնիք» (ռուս.՝ Яйцо-печать), ոսկերչական զատկական ձու, որը պատրաստել է Միխայիլ Պերխինը Կարլ Ֆաբերժեի ղեկավարությամբ 1895 թվականին: Ձուն ստեղծվել է ռուս քաղաքական գործիչ, արդյունաբերող Վասիլի Դենիսովի համար:

Այսօր «Ձու-կնիք» ոսկերչական ձուն գտնվում է մասնավոր հավաքածուում:

Դիզայն[խմբագրել | խմբագրել կոդը]

«Ձու-կնիք» ոսկերչական ձուն պատրաստված է կարմիր ոսկուց և ամբողջական բովենիտից: Զարդարված է 19 ադամանդով, որից ամենամեծը պսակում է ձվի գագաթը: Ինչպես նաև որպես զարդարանք կիրառվել են վեց սուտակ: Սրանք ամրացված են ծաղկաշղթաների միացման տեղում, ինչպես նաև երեք քերովբեների կրծքերին: Ձուն իրենց ուսերին են պահում երեք քերովբեր, որոնք կանգնած են կնիքի վրա: Կնիքը կազակական հայտնի Դենիսովների զինանշանն է^[1]:

Պատմություն[խմբագրել | խմբագրել կոդը]

«Ձու-կնիք» ոսկերչական ձուն պատրաստվել է Վասիլի Իլյիչ Դենիսովի համար, որպես անձնական կնիք: Ֆաբերժեն բավենիտ քարն օգտագործել է նաև կայսերական «Ադամանդե ցանց» ոսկերչական ձվի ստեղծման ժամանակ: Կնիքների պատվերներ Ֆաբերժեի ընկերությունը հազվադեպ է ունեցել, հիմնական պատվիրատուները եղել են կայսերական ընտանիքի անդամները:

1917 թվականի Ռուսական հեղափոխության ժամանակ ձուն գնում է Ֆինլանդիայից ոմն ձեռնարկատեր, ցորենի վաճառական: Այդ ընտանիքում ձուն մնացել է ընդհուպ մինչև 1989 թվականը:

1995 թվականին ֆինն արդյունաբերողի թոռը ձու-կնիքը կտակում է քույրերին: Կտակում նշված է եղել, որ կնիքի զինանշանը պատկանել է իշխան Ռախլին-Ռումյանևին, որը Ռուսաստանի դեսպանն է եղել Շվեդիայում: Սակայն հետազոտողները դա հերքել են, քանի որ պատմության մեջ այդպիսի անձ երբևիցե չի հիշատակվել^[2]:

Այս խառնաշփոթն առաջացել է այն բանից հետո, երբ Վասիլի Դենիսովի որդիներից մեկը փախչում է տնից և իր հետ հափշտակում ադամանդներ և թանկարժեք իրեր՝ երկու հարյուր հազար ռուբլի արժողությամբ: Ենթադրվում է, որ «Ձու-կնիք» ոսկերչական ձուն որդին վաճառել է կեղծ անվան ներքո, որպեսզի թաքցնի իր իսկությունը^[3]: