Հովտաշուշաններ (Ֆաբերժեի ձու)
| Հովտաշուշաններ | |
|---|---|
.jpg) | |
| Ստեղծման թնական | 1898 |
| Պատվիրատու | Նիկոլայ II |
| Ներկա սեփականատեր | |
| Սեփականատեր | Ալեքսանդրա Ֆեոդորովնա, Մալքոլմ Ֆորբս, Ֆորբս ընտանիք և Վիկտոր Վեկսելբերգ |
| Հավաքածու | Սանկտ Պետերբուրգի Ֆաբերժեի թանգարան |
| Դիզայն և նյութեր | |
| Նյութեր | արծնապակի, ոսկի, ալմաստ, սուտակ, մարգարիտ, Լեռնային բյուրեղապակի, ջրաներկ և Փղոսկր |
| Բարձրություն | 15,1 սանտիմետր |
| Ֆաբերժեի ձվեր | |
«Հովտաշուշաններ» (ռուս.՝ Ландыши), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար[1]։ Այն ստեղծվել է 1898 թվականին Նիկոլայ II կայսեր պատվերով։ Ոսկերչական ձուն Նիկոլայը Զատկի տոնին նվիրել է կնոջը՝ կայսրուհի Ալեքսանդրա Ֆեոդորովնային[2]։
Այսօր «Հովտաշուշաններ» կայսերական ոսկերչական ձուն պահպանվում և ցուցադրվում է Ֆաբերժեի թանգարանում (Նարիշկինների և Շուվալովների պալատ, Սանկտ Պետերբուրգ, Ռուսաստան)[3]։
Դիզայն[խմբագրել | խմբագրել կոդը]
«Հովտաշուշաններ» ոսկերչական ձուն պատրաստված է մոդեռն ոճով[4]։ Բուն ձուն պատրաստված է կիսաթափանցիկ վարդագույն էմալով՝ գիլյոշինային մակերևույթով[1]։ Գոտևորված է օղակաձև ադամանդակուռ շերտագծերով։ Ձուն տեղադրված է ոսկյա չորս ոտքերի վրա։ Ոտքերի վրա նույնպես ադամանդներ կան։ Ոսկերչական ձուն ամբողջովին պատված է կանաչ էմալով, ոսկով և մարգարիտներով պատրաստված հովտաշուշաններով[5]։ Այդ ծաղիկները Ալեքսանդրայի ամենասիրելի ծաղիկներ են եղել և խորհրդանշում են մաքրությունը, երիտասարդությունն ու անմեղությունը[6]։ Ծաղկաթերթիկներին ադամանդներ են տեղադրված, որոնք ցողի տեսք տալու համար են արվել։ Գագաթը պսակված է կայսերական ադամանդակուռ թագի կրկնօրինակով, որի ամանածայրին տեղադրված է սուտակ։
Անակնկալ[խմբագրել | խմբագրել կոդը]
«Հովտաշուշաններ» ոսկերչական ձվի կողքին տեղադրված հատուկ մեծ մարգարիտը պտտելիս գագաթային մասից, որտեղ կայսերական ադամանդակուռ թագն է, դուրս է գալիս երեք մեդալիոն։ Ամենաբարձր մեդալիոնի վրա Նիկոլայ II-ի մանրանկարն է[7], իսկ մյուս երկուսը կայսեր ավագ դուստրերի՝ Օլգայի և Տատյանայի[5] նկարներ են։
Պատմություն[խմբագրել | խմբագրել կոդը]
Նիկոլայ II կայսրը ձուն կնոջը՝ Ալեքսանդրա Ֆեոդորովնային նվիրել 1898 թվականի Զատկի տոնին[3]։ Ձվի գինն արժեցել է 6700 ռուբլի[8]։
1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ։
1927 թվականին ձուն վաճառում են Էմանուել Սնոումանին[3]։ 1935-ից 1948 թվականներն ընկած ժամանակահատվածում «Հովտաշուշաններ» ոսկերչական ձուն պատկանել է Չարլզ Փարսոնսին[4], իսկ հետո կրկին հայտնվել Սնոումանի մոտ։ 1978 թվականին ձուն ձեռք է բերում Ֆորբսը։ 2004 թվականին Նյու Յորքի Սոթբիս աճուրդի տունը ձուն վաճառում է Վիկտոր Վեկսելբերգին։ Այսօր էլ այն պատկանում է Վեկսելբերգի ֆոնդին և մշտական ցուցադրության մեջ է Ֆաբերժեի թանգարանում։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 «Fabergé Research Site | Eggs - Fabergé Imperial Egg Chronology»։ Fabergé Research Site (en-US)։ Վերցված է 2019-01-19
- ↑ Российская Империя — Яйцо «Ландыши»
- ↑ 3,0 3,1 3,2 «Ландыши - яйцо Фаберже»։ eggs.zhukovich.ru։ Վերցված է 2019-01-19
- ↑ 4,0 4,1 «Mieks Fabergé Eggs»։ www.wintraecken.nl։ Վերցված է 2019-01-19
- ↑ 5,0 5,1 «Mieks Fabergé Eggs»։ Արխիվացված է օրիգինալից 2012-05-24-ին։ Վերցված է 2012-05-28
- ↑ «Հովտաշուշաններ (Ֆաբերժեի_ձու)»։ Արխիվացված է օրիգինալից 2018-02-27-ին
- ↑ «Пасхальные яйца ФАБЕРЖЕ | Волшебная сила искусства»։ maxpark.com։ Վերցված է 2019-01-19
- ↑ «Matt & Andrej Koymasky - Fabergé Lilies of the Valley Egg»։ andrejkoymasky.com։ Վերցված է 2019-01-19
Արտաքին հղումներ[խմբագրել | խմբագրել կոդը]
- На сайте музея Archived 2017-04-04 at the Wayback Machine.
- http://www.rusempire.ru/faberzhe/yaytso-landyshi.html
- https://web.archive.org/web/20120524055905/http://www.mieks.com/faberge-en/1898-2-Lilies-of-the-Valley-Egg.htm
- http://faberge.ho.ua/jajco_lilija_doliny_1898.html(չաշխատող հղում)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հովտաշուշաններ (Ֆաբերժեի ձու) կատեգորիայում։ |
