Ազովի հիշողություն (Ֆաբերժեի ձու)

Վիքիպեդիայից՝ ազատ հանրագիտարանից
Jump to navigation Jump to search
Ազովի հիշողություն
Memory of Azov Egg.jpg
Ստեղծման թնական1891
ՊատվիրատուԱլեքսանդր III
Ներկա սեփականատեր
ՍեփականատերՄարիա Ֆյոդորովնա և Մոսկվայի Կրեմլ (թանգարան-արգելոց)
ՀավաքածուՄոսկվայի Կրեմլ (թանգարան-արգելոց)
Դիզայն և նյութեր
Նյութերարևաքար, սուտակ, ալմաստ, ոսկի, պլատին, Ծովակն և թավիշ
Ֆաբերժեի ձվեր

«Ազովի հիշողություն» (ռուս.՝ Память Азова), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար: Այն ստեղծվել է 1891 թվականին Ալեքսանդր III կայսեր պատվերով՝ կնոջ՝ կայսրուհի Մարիա Ֆեոդորովնայի համար։

Այսօր ոսկերչական ձուն պահպանվում և ցուցադրվում է Կրեմլի զինապալատում[1] (Մոսկվա, Ռուսաստանի Դաշնություն) և համարվում է այն բացառիկ ձվերից, որոնք երբեք չեն լքել Ռուսաստանի սահմանները:

Դիզայն[խմբագրել | խմբագրել կոդը]

«Ազովի հիշողություն» կայսերական ոսկերչական ձուն պատրաստած է մեկ ամբողջական արևաքարից։ «Ազովի հիշողությունը» ստեղծվել է Լյուդովիկոս XV ոճով։ Այն պատված է ռոկոկո ոճի ոսկե նուրբ գեղազարդերով՝ դրվագազարդված ադամանդներով և ոսկե ծաղիկներով։ Ոսկյա լայն եզրանաշխը՝ ձվի երկու հատվածների միացման տեղում, զարդարված է սուտակով և երկու ադամանդով։ Ձվի ներսի հատվածը պատված է կանաչ թավիշով[2]։

Անակնկալ[խմբագրել | խմբագրել կոդը]

Ձվի անակնկալը դրա մեջ թաքցրած Ռուսական կայսերական նավատորմի «Ազովի հիշողություն» հածանավի մանրակերտն է։ Այն պատրաստված է կարմիր ու դեղին ոսկուց և պլատինից։ Որպես պատուհաններ օգտագործվել են մանր ադամանդներ։ Նավակը տեղադրված է տակդիրի վրա, որը պատրաստված է ծովակնից՝ ջրի տեսք ապահովելու նպատակով։ Նավախելին փորագրված է «Ազով» անվանումը։ Տակդիրն ունի ոսկե շրջանակ, որի ծայրին ագուցած է օղակ՝ ձվից հեշտությամբ նավակը դուրս հանելու նպատակով[2]։

Պատմություն[խմբագրել | խմբագրել կոդը]

«Ազովի հիշողություն» ձուն պատրաստվել է գահաժառանգ Նիկոլայ II-ի և Մեծ Իշխան Գեորգի Ռոմանովի ճանապարհորդության հիշատակին, որը կատարվել է «Ազովի հիշողություն» հածանավով դեպի Հեռավոր Արևելք՝ 1890 թվականին։ Ճանապարհորդությունը տեղի է ունեցել ապագա արքայի ծնողների խորհրդով, որպեսզի նրանց մտահորիզոնը ընդլայնվեր, բացի դրանից, Գեորգի Ռոմանովի մոտ տուբերկուլոզ կար, իսկ երկարատև ճամփորդությունը էլ ավելի խորացրեց հիվանդությունը։ Ճապոնական Օցու քաղաքում միջադեպ գրանցվեց՝ մահափորձ Նիկոլայի հանդեպ, որի ժամանակ մի շարք վնասվածքներ ստացավ։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. [https://www.kreml.ru/exhibitions/virtual-exhibitions.faberzhe-paskhalnye-podark/paskhalnoe-yaytso-s-modelyu-kreysera-pamyat-azova/ «���������� ���� � ������� �������� ������� �����»]։ www.kreml.ru (ru-RU)։ Վերցված է 2019-01-09 
  2. 2,0 2,1 «Mieks Fabergé Eggs»։ www.wintraecken.nl 

Գրականություն[խմբագրել | խմբագրել կոդը]

  • Faber, Toby. Faberge’s Eggs: The Extraordinary Story of the Masterpieces That Outlived an Empire. Random House (2008) ISBN 1-4000-6550-X
  • Forbes, Christopher and Johann Georg Prinz von Hohenzollern. FABERGE; The Imperial Eggs. Prestel (1990). AISN B000YA9GOM
  • Lowes, Will. Fabergé Eggs: A Retrospective Encyclopedia. Scarecrow Press (2001) ISBN 0-8108-3946-6
  • Snowman, A Kenneth. Carl Faberge: Goldsmith to the Imperial Court of Russia. Gramercy (1988) ISBN 0-517-40502-4

Արտաքին հղումներ[խմբագրել | խմբագրել կոդը]