Շուշանների փունջ

Վիքիպեդիայից՝ ազատ հանրագիտարանից
Jump to navigation Jump to search
Շուշանների փունջ
Bouquet of lilies clock 02 by shakko.jpg
Ստեղծման թնական1899
ՊատվիրատուՆիկոլայ II
Ներկա սեփականատեր
ՍեփականատերԱլեքսանդրա Ֆեոդորովնա և Մոսկվայի Կրեմլ (թանգարան-արգելոց)
ՀավաքածուՄոսկվայի Կրեմլ (թանգարան-արգելոց)
Դիզայն և նյութեր
ՆյութերՕնիքս (միներալ), ալմաստ, ոսկի, արծաթ և պլատին
Բարձրություն27 սանտիմետր
Ֆաբերժեի ձվեր

«Շուշանների փունջ» (ռուս.՝ Букет лилий), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար[1]: Այն ստեղծվել է 1899 թվականին Նիկոլայ II կայսեր պատվերով: Ոսկերչական ձուն Նիկոլայը Զատկի տոնին նվիրել է կնոջը՝ կայսրուհի Ալեքսանդրա Ֆեոդորովնային[2]:

Այսօր ոսկերչական ձուն պահպանվում և ցուցադրվում է Կրեմլի զինապալատում[3] (Մոսկվա, Ռուսաստանի Դաշնություն):

Դիզայն[խմբագրել | խմբագրել կոդը]

«Շուշանների փունջ» ոսկերչական ձուն համարվում է Ֆաբերժեի կողմից ստեղծված ամենամեծ ձվերից մեկը, վարպետ-ոսկերիչը Միխայիլ Պերխինն է[4]: Այն ստեղծվել է հին ֆրանսիական ժամացույցների ոճով, որոնք բնորոշ էին Լյուդովիկոս XVI-ի ժամանակներին: Ձվաձև ժամացույցը կանգնած է ուղղանկյուն տակդիրի վրա: Վերջինս զարդարված է գիլիոշինային դեղին էմալով, գունավոր ոսկե զարդաքանդակներով: Ձու-ժամացույցի գագաթը պսակված է սպիտակ շուշանների փնջով, որոնք պատրաստված են օնիքսով և ոսկով: Թվահարթակը հռոմեական 12 թվերից է կազմված՝ զարդարված ադամանդներով և պատված սպիտակ էմալով: Ժամացույցի սլաքը պատրաստված է Էրոսի նետի տեսքով՝ աղեղի վրա[5]:

Ձվի գագաթի սպիտակ շուշանների փունջը պատրաստված է ոսկով, օնիքսով և ադամանդներով, որոնք դուրս են գալիս ոսկուց պատրաստված վարդերի դրասանգից[6]: Ըստ ծաղիկների լեզվի ձվի վրա օգտագործված ծաղիկները խորհրդանշում են.

Անակնկալ[խմբագրել | խմբագրել կոդը]

«Շուշանների փունջ» ոսկերչական ձվի անակնկալը կորսված է: Ըստ վաղ պահպանված լուսանկարների՝ այն սուտակից և ադամանդից պատրաստված կախազարդ է եղել[7]:

Պատմություն[խմբագրել | խմբագրել կոդը]

Նիկոլայ II կայսրը ձուն կնոջը՝ Ալեքսանդրա Ֆեոդորովնային 1899 թվականի Զատկի տոնին նվիրեց[7]: 1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ: Այդ օրվանից ցայսօր «Շուշանների փունջ» ոսկերչական ձուն պահպանվում և ցուցադրվում է Կրեմլի զինապալատում և համարվում է այն հազվագյուտ ձվերից, որոնք երբեք չեն լքել Ռուսաստանի սահմանները[8]:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Matt & Andrej Koymasky - Fabergé Madonna Lily Egg»։ andrejkoymasky.com։ Վերցված է 2019-01-21 
  2. «Яйцо часы Букет лилий Фаберже 1899»։ faberge-eggs.info։ Վերցված է 2019-01-21 
  3. [https://www.kreml.ru/exhibitions/virtual-exhibitions.faberzhe-paskhalnye-podark/paskhalnoe-yaytso-chasy-s-buketom-liliy/ «���������� ����-���� � ������� ������»]։ www.kreml.ru (ru-RU)։ Վերցված է 2018-12-27 
  4. «Пасхальные яйца ФАБЕРЖЕ | Волшебная сила искусства»։ maxpark.com։ Վերցված է 2019-01-21 
  5. «Mieks Fabergé Eggs»։ www.wintraecken.nl։ Վերցված է 2019-01-21 
  6. 6,0 6,1 «Description at mieks.com»։ Արխիվացված է օրիգինալից 2012-05-01-ին։ Վերցված է 2012-05-05 
  7. 7,0 7,1 «Букет лилий - яйцо Фаберже»։ eggs.zhukovich.ru։ Վերցված է 2019-01-21 
  8. «Fabergé Research Site | Eggs - Fabergé Imperial Egg Chronology»։ Fabergé Research Site (en-US)։ Վերցված է 2019-01-21 

Գրականություն[խմբագրել | խմբագրել կոդը]

  • Faber, Toby. Faberge's Eggs: The Extraordinary Story of the Masterpieces That Outlived an Empire. Random House (2008) 1-4000-6550-X
  • Forbes, Christopher and Johann Georg Prinz von Hohenzollern. FABERGE; The Imperial Eggs. Prestel (1990). ASIN B000YA9GOM
  • Lowes, Will. Fabergé Eggs: A Retrospective Encyclopedia. Scarecrow Press (2001) 0-8108-3946-6
  • Snowman, A Kenneth. Carl Faberge: Goldsmith to the Imperial Court of Russia. Gramercy (1988) 0-517-40502-4

Արտաքին հղումներ[խմբագրել | խմբագրել կոդը]