Երեք մանրակերտով նարդոսավարդագույն ձու
| Երեք մանրակերտով նարդոսավարդագույն ձու | |
|---|---|
.jpg) | |
| Ստեղծման թնական | 1897 |
| Պատվիրատու | Նիկոլայ II |
| Ներկա սեփականատեր | |
| Սեփականատեր | Մարիա Ֆյոդորովնա |
| Ֆաբերժեի ձվեր | |
«Երեք մանրակերտով նարդոսավարդագույն ձու» (ռուս.՝ Розово-лиловое яйцо с тремя миниатюрами), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար։ Այն ստեղծվել է 1897 թվականին Նիկոլայ II կայսեր պատվերով։ Ոսկերչական ձուն Նիկոլայը Զատկի տոնին նվիրել է մորը՝ կայսրուհի Մարիա Ֆեոդորովնային։ Ձուն ցայսօր համարվում է կորսված։ Սակայն Վիկտոր Վեկսելբերգի հավաքածուի կազմում պահպանվել է ձվի անակնկալը՝ սրտի տեսքով շրջանակ՝ երեք մանրակերտով[1]։
Դիզայն[խմբագրել | խմբագրել կոդը]
Ձվի իրական դիզայնի մասին որևէ փաստ չի պահպանվել։ Ֆաբերժեի հաշիվներում միայն պահպանվել է այն, որ այս ոսկերչական ձուն իրենից ներկայացնում է «երեք մանրակերտով նարդոսավարդագույն ձու»[2]։
Անակնկալ[խմբագրել | խմբագրել կոդը]
Շրջանակ-անակնկալը պատրաստված է այդ տարիներին մեծ ճանաչում ունեցող նեոդասական ոճով։ Այն ունի սրտի տեսք։ Ադամանդակուռ է։ Պատված է մորեգույն-կարմիր էմալով։ Ադամանդներով նշված է ստեղծման տարեթիվը՝ «1897»: Շրջանակը տեղադրված է վեցանկյուն ոտքի վրա, որը պատրաստված է Լյուդովիկոս XVI ոճով։ Այն պատված է սպիտակ էմալով, որի վրա նկարազարդված է պարուրաձև բարձրացող խաղողի վազ։ Ոտքն էլ իր հերթին տեղադրված է գմբեթարդ սանդղավոր հիմքի վրա՝ պատված մորեգույն-կարմիր էմալով։ Այն զարդարված է ոսկյա դրասանգներով՝ դափնու տերևների տեսքով, ադամանդներով, փորագրված ոսկյա տերևաքանդակներով, ինչպես նաև չորս խոշոր մարգարիտներով[2]։
Երբ սեղմում են ոտքին, սիրտը բացվում է՝ վերածվելով եռատերև երեքնուկի։ Այն պատված է զմրուխտ-կանաչ էմալով՝ արևի տարածվող ճառագայթների նախշերով։ Յուրաքանչյուր տերևի վրա տեղադրված է մանրանկար՝ ադամանդե երիզվածքով։ Մեկ տերևի վրա կայսր Նիկոլայ II-ն է, մյուսի վրա իր կինը՝ Ալեքսանդրա Ֆեոդորովնան, իսկ երրորդի՝ նորածին դուստրը՝ Օլգա Նիկոլաևնա Ռոմանովան։ Երեքնուկի թերթիկները փակվում են, երբ սեղմում են հիմքի վրա տեղադրված որևէ մարգարտին։
Պատմություն[խմբագրել | խմբագրել կոդը]
1897 թվականի ապրիլի 18-ին ոսկերչական ձուն Նիկոլայ II կայսրը նվիրեց մորը՝ այրիացած կայսրուհի Մարիա Ֆեոդորովնային։ Ըստ Ֆաբերժեի հաշիվների ձուն 3250 ռուբլի էր[2]։ Այս ձվի անակնկալի վրա նշված է ստեղծման տարեթիվը՝ 1897 թվական։
1978 թվականին Քրիստիս աճուրդի տանը ձվի անակնկալը վաճառվել է Forbes-ն, որը տեղակայված էր Նյու Յորքում։ 2004 թվականին Ֆորբսը վաճառվել է Վիկտոր Վեկսելբերգի ֆոնդին։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Fabergé Research Site | Eggs - Fabergé Imperial Egg Chronology». Fabergé Research Site (ամերիկյան անգլերեն). Վերցված է 2018 թ․ դեկտեմբերի 25-ին.
- ↑ 2,0 2,1 2,2 «Рамка-сюрприз в форме яйца». Արխիվացված է օրիգինալից 2012 թ․ հոկտեմբերի 11-ին. Վերցված է 2018 թ․ դեկտեմբերի 25-ին.
