Ալեքսանդրյան պալատ (Ֆաբերժեի ձու)

Վիքիպեդիայից՝ ազատ հանրագիտարանից
Jump to navigation Jump to search
Ալեքսանդրյան պալատ
Alexanderpalace egg 01 by shakko.jpg
Ստեղծման թնական1908
ՊատվիրատուՆիկոլայ II
Ներկա սեփականատեր
ՍեփականատերԱլեքսանդրա Ֆեոդորովնա և Մոսկվայի Կրեմլ (թանգարան-արգելոց)
ՀավաքածուՄոսկվայի Կրեմլ (թանգարան-արգելոց)
Դիզայն և նյութեր
ՆյութերՆեֆրիտ (միներալ), ոսկի, ալմաստ, սուտակ և Փղոսկր
Բարձրություն11 սանտիմետր
Լայնություն6,8 սանտիմետր
Ֆաբերժեի ձվեր

«Ալեքսանդրյան պալատ» (ռուս.՝ Александровский дворец), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար: Այն ստեղծվել է 1908 թվականին[1] Նիկոլայ II կայսեր պատվերով: Ոսկերչական ձուն Նիկոլայը Զատկի տոնին նվիրել է կնոջը՝ կայսրուհի Ալեքսանդրա Ֆեոդորովնային[2]: Ձվի գինը կազմել է 12 հազար 300 ռուբլի[3]:

Այսօր «Ալեքսանդրյան պալատ» կայսերական ոսկերչական ձուն պահպանվում և ցուցադրվում է Կրեմլի զինապալատում (Մոսկվա, Ռուսաստանի Դաշնություն) և համարվում է այն բացառիկ ձվերից, որոնք երբեք չեն լքել Ռուսաստանի սահմանները[1]:

Դիզայն[խմբագրել | խմբագրել կոդը]

«Ալեքսանդրյան պալատ» ոսկերչական ձուն պատրաստված է նեֆրիտից[4]: Վարպետ ոսկերիչը Ֆաբերժեի ֆիրմայի ներկայացուցիչ Հենրիկ Վիգսթրյոմն է: Ձուն բաժանվում է երկու հատվածի, որոն միմյանց են միացված ծխնիով, որը պատրաստված է ոսկուց և թանկարժեք քարերից: Ձուն զարդարված է 5 մանրանկարով, որոնք ստեղծված են ջրաներկով փղոսկրի վրա, ինչպես նաև զարդանախշերով, որոնցում օգտագործվել է սուտակներ[5]: Դիմանկարներում Նիկոլայի և Ալեքսանդրայի հինգ զավակներն են[2]: Դիմանկարները շրջանակված է ադամանդներով: Նկարների վերևում ադամանդներով գրված է երեխաների անունների սկզբնատառերը: Ձվի երկու վերջավորություններին հարթ ադամանդներ են ագուցված, որոնց տակ՝ արծաթե նրբաթիթեղի վրա սևով գրված են ստեղծման տարեթիվը՝ «1908» և Ալեքսանդրա Ֆեոդորովնայի միացագիրը:

Ձվի նոր տակդիրը պատրաստվել է 1989 թվականին Մոսկվայի փորձարարական ոսկու գործարանում. հին տակդիրը կորսված է:

Անակնկալ[խմբագրել | խմբագրել կոդը]

Ձվի անակնկալ

«Ալեքսանդրյան պալատ» կայսերական ոսկերչական ձվի անակնկալը Ալեքսանդրյան պալատն է, որը գտնվելու Սանկտ Պետերբուրգի Ցարսկոյե Սելոյում: Ալեքսանդրյան պալատի մանրակերտը պատրաստված է ոսկուց և արծաթից, պատուհանները՝ լեռային բյուրեղապակուց, կտուրը բաց կանաչ էմալով է երեսապատված: Պալատը տեղադրված է ոսկե սեղանիկի վրա, որի վրա փորագրված է «ЦАРСКОСЕЛЬСКИЙ ДВОРЕЦ» (Ցարսկոյե Սելոյի պալատ)[3]:

Պատմություն[խմբագրել | խմբագրել կոդը]

Նիկոլայ II կայսրը «Ալեքսանդրյան պալատ» ոսկերչական ձուն կնոջը՝ Ալեքսանդրա Ֆեոդորովնային նվիրել է 1908 թվականին՝ Զատկի տոնին:

1913-ից 1916 թվականը գտնվել է Ալեքսանդրյան պալատի կայսրուհու Մանուշակագույն հյուրասենյակում[4]:

1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ[5]: Այդ օրվանից ցայսօր «Ալեքսանդրյան պալատ» ոսկերչական ձուն պահպանվում և ցուցադրվում է Կրեմլի զինապալատում և համարվում է այն հազվագյուտ ձվերից, որոնք երբեք չեն լքել Ռուսաստանի սահմանները[3]:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 «Яйцо Александровский дворец Фаберже 1908»։ faberge-eggs.info։ Վերցված է 2019-02-05 
  2. 2,0 2,1 «Mieks Fabergé Eggs»։ www.wintraecken.nl։ Վերցված է 2019-02-05 
  3. 3,0 3,1 3,2 «Яйцо с моделью Александровского дворца - яйцо Фаберже»։ eggs.zhukovich.ru։ Վերցված է 2019-02-05 
  4. 4,0 4,1 «Fabergé Research Site | Eggs - Fabergé Imperial Egg Chronology»։ Fabergé Research Site (en-US)։ Վերցված է 2019-02-05 
  5. 5,0 5,1 «Matt & Andrej Koymasky - Fabergé Alexander Palace Egg»։ andrejkoymasky.com։ Վերցված է 2019-02-05 

Գրականություն[խմբագրել | խմբագրել կոդը]

  • Faber, Toby. Faberge's Eggs: The Extraordinary Story of the Masterpieces That Outlived an Empire. Random House (2008) 1-4000-6550-X
  • Forbes, Christopher and Johann Georg Prinz von Hohenzollern. FABERGE; The Imperial Eggs. Prestel (1990). ASIN B000YA9GOM
  • Lowes, Will. Fabergé Eggs: A Retrospective Encyclopedia. Scarecrow Press (2001) 0-8108-3946-6
  • Snowman, A Kenneth. Carl Faberge: Goldsmith to the Imperial Court of Russia. Gramercy (1988) 0-517-40502-4

Արտաքին հղումներ[խմբագրել | խմբագրել կոդը]