Լեո

Վիքիպեդիայից՝ ազատ հանրագիտարանից
Լեո

Լեո (Առաքել Գրիգորի Բաբախանյան) (ապրիլի 14, ապրիլի 26, 1860 - նոյեմբերի 14, 1932), հայ նշանավոր պատմաբան, հասարակական գործիչ, հրապարակախոս և գրող, հրատարակել է «Մուրճ» թերթը։

Կենսագրություն[խմբագրել]

Ծնվել է 1860 թվի ապրիլի 26-ին Շուշի քաղաքում, Արցախում, սովորել է իր ծննդավայրի քաղաքային դպրոցում։ Պատանեկական տարիներից Լեոն աշխատակցել է «Մշակին», թողել է պատմագիտական, գրական և հրապարակախոսական մեծ ժառանգություն, հայոց պատմության մեծահատոր գործեր և բազմաթիվ հրապարակախոսական հոդվածներ։ Մինչև պատմագիտական իր աշխատությունները, Լեոն իր գրական գործունեության առաջին տասնամյակում զբաղվել է գրական–հրապարակախոսական աշխատանքներով, գրել է վեպեր, պատմվածքներ, վիպակներ, նաև «Վարդանանք» պիեսը։ 1906–07 թթ-ին դասավանդել է Էջմիածնի Գևորգյան ճեմարանում, ապա տեղափոխվել է Թիֆլիս և նվիրվել գիտական աշխատանքի:

Եղել է ԵՊՀ-ի պրոֆեսոր 1924 - 1932 թվականներին։

Վախճանվել է 1932 թ. նոյեմբերի 14-ին՝ Երևանում։ Լեոյի անունով Երևանում կոչվել են դպրոց և փողոց:

Աշխատություններ[խմբագրել]

Լեոի հայտնի աշխատությունները՝

  • «Հայոց պատմություն»
  • «Անցյալից»
  • «Թուրքահայ հեղափոխության գաղափարախոսությունը»
  • «Հայկական տպագրություն»
  • «Գրիգոր Արծրունի»
  • «Ստեփանոս Նազարյան»
  • «Ս. Մեսրոպ»
  • «Խոջայական կապիտալ»
  • «Պատմություն Ղարաբաղի հայոց թեմական հոգևոր դպրոցի»
  • «Վանի թագավորությունը»
  • «Հայոց հարցի վավերագրերը»

Լեոի գեղարվեստական գործերից են՝ «Ոսկու ժխորի մեջ» վիպակը և «Մելիքի աղջիկը» պատմավեպը, որը առաջին անգամ տպագրվել է «Մշակ» լրագրում։

Գեղարվեստական ստեղծագործությունները[խմբագրել]

  • «Սնապաշտության քուրմ», 1884 (պատմվածք)
  • «Դարտամահ», 1890 (պատմվածք)
  • «Արնագին», 1890 (պատմվածք)
  • «Այծարածը», 1904 (պատմվածք)
  • «Մի բուռը մոխիր», 1904 (պատմվածք)
  • «Պանդուխտ», 1888 (պատմվածք)
  • «Կորածները», 1889 (պատմվածք)
  • «Ոսկու ժխորի մեջ», 1901 (պատմվածք)
  • «Վահան Մասմիկոնյան», 1888 (պատմական զրույց)
  • «Սպանված հայրը», 1891 (պատմական զրույց)
  • «Վերջին վերքեր», 1891 (պատմական զրույց)
  • «Թաթախման գիշեր», 1892 (պատմական զրույց)
  • «Լեռնցիները», 1896 (պատմական զրույց)
  • «Մելիքի աղջիկը», 1898 (պատմա-ավանդական վեպ)
  • «Վարդանանք», 1916 (դրամա)

Աղբյուրներ[խմբագրել]

Պետրոսյան, Հ., Հայ գիտնականներ, հրապարակախոսներ, ժուռնալիստներ, Երևան, 1960, էջ 319-324։

Արտաքին հղումներ[խմբագրել]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են