Մաքս Պլանկ

Վիքիպեդիայից՝ ազատ հանրագիտարանից
Picto Info sciences exactes.png
Մաքս Կառլ Լուդվիգ Պլանկ
գերմ.՝ Max Karl Ernst Ludwig Planck
Max Planck (1858-1947).jpg
Ծնվել է ապրիլի 231858 Քիլ
Մահացել է հոկտեմբերի 4, 1947 (89 տարեկանում) Գյոթինգեն
Բնակության վայր(եր) Գերմանական կայսրություն
Վայմարյան Հանրապետություն
Նացիստական Գերմանիա
Քաղաքացիություն Flag of Germany.svg Գերմանիա
Ազգություն Գերմանացի
Գիտական ոլորտ Տեսական ֆիզիկա
Հաստատություն(ներ) Մյունխենի համալսարան
Քիլի համալսարան
Բեռլինի համալսարան
Ալմա մատեր Մյունխենի համալսարան
Գիտական ղեկավար Ալեքսանդր ֆոն Բրիլլ
Հայտնի է որպես Քվանտային տեսության հիմնադիր
Պարգևներ Ֆիզիկայի Նոբելյան մրցանակ(1918)
Լորենցի մեդալ(1927)
Մաքս Պլանկի մեդալ(1929)
Ստորագրություն
Max Planck signature.svg

Մաքս Պլանկ (ապրիլի 23, 1858, Քիլ - հոկտեմբերի 4, 1947, Գյոթինգեն), գերմանացի մեծ տեսաբան ֆիզիկոս։ Նա հիմնադրեց քվանտային տեսությունը։ 1900 թ. հավասարակշիռ ջերմային ճառագայթմանը նվիրված աշխատության մեջ Պլանկը ենթադրություն արեց, որ օսցիլյատորի էներգիան տատանումների ν հաճախությանը համեմատական ընդհատ արժեքներ է ընդունում։ Օսցիլյատորը առանձին բաժիններով է էլեկտրամագնիսական էներգիա ճառագայթում։

Պլանկը մեծ ներդրում է արել նաև ջերմադինամիկայի զարգացման մեջ։

Պլանկը արժանացել է Նոբելյան մրցանակի ֆիզիկայի բնագավառում 1918-ին։

Կենսագրություն[խմբագրել]

Ծագում և կրթություն (1858-1878)[խմբագրել]

Մաքս Պլանկը՝ ծնված 1858 թվականի ապրիլի 23-ին Կիլայում, պատկանում էր հին ազնվական տոհմին, նրա նախնիների թվին էին պատկանում ականավոր իրավաբաններ, գիտնականներ, ռազմական և եկեղեցական գործիչներ։ Նրա պապը (Heinrich Ludwig Planck, 1785—1831) և նախապապը (Gottlieb Jakob Planck, 1751—1833) աստվածաբանության դասախոսներ էին Գյոտինգենի համալսարանում, իսկ հորեղբայրը (Gottlieb Karl Georg Planck, 1824—1910) հայտնի իրավաբան էր և Գերմանիայի քաղաքացիական օրենսգրքի հիմնադիրներից մեկը։ Ապագա ֆիզիկոսի հայրը՝ Վիլհելմ Պլանկը (Johann Julius Wilhelm von Planck, 1817—1900) նույնպես իրավաբան էր, իրավագիտության դասախոս Կիլի համալսարանում։ Նա երկու անգամ ամուսնացած է եղել և ունեցել է երկու երեխա առաջին ամուսնությունից (Հյուգո և Էմմա) և հինգ երեխա՝ երկրորդ ամուսնությունից (Հերման, Հիլդերարդ, Ադալբերտ, Մաքս և Օտտո)։ Մաքսի մայրը՝ Էմմա Փաթցիգը (Emma Patzig, 1821—1914) սերում էր պոմերական Գրայֆսվալդ քաղաքի պաստերային ընտանիքից[1][2][3]։ Ինչպես գրում էր հայտնի ֆազիկոս Մաքս Բորնը՝ «Բոլոր նրանք, ովքեր ցանկանում են հասկանալ Մաքս Պլանկի բնավորությունը և նրա հաջողության ակունքները, հարկավոր են հիշել Մաքսի ծագման և բոլոր այդ հիանալի, արժանապատիվ, անկաշառ, ազնիվ և մեծահոգի, իրենց՝ եկեղեցուն և պետությանը նվիրած մարդկանց մասին»[4]։

10-ամյա Մաքս Պլանկի ինքնագիրը

Մաքսի կյանքի առաջին ինը տարիներն անցել են Կիլում, Հոլշտինիի մայրաքաղաքում, որն այդ ժամանակ Դանիայի և Պրուսիայի միջև հակասությունների կենտրոնում էր գտնվում։ 1864 թվականին երիտասարդ Պլանկը նույնիսկ ականատես եղավ, թե ինչպես են պրուսական-ավստրիական զորքերը ներխուժում քաղաք[1]։ 1867 թվականին Վիլհելմ Պլանկը հրավեր է ստանում զբաղեցնելու Մյունխենի համալսարանի իրավագիտության դասախոսի պաշտոնը և իր ընտանիքի հետ միասին տեղափոխվում է Բավարիայի մայրաքաղաք։ Այստեղ Մաքսը հաճախում է Մաքսիմիլանյան գիմնազիա (Maximiliansgymnasium München)։ Սովորում է գերազանց և շուտով դառնում է դասարանի լավագույն աշակերտներից մեկը։ Թեև ուշադրություն էր դարձվում մեծ մասամբ գիմնազիայի ավանդական առարկաներին (մասնավորապես հին լեզուների ուսուցմանը)՝ բնական գիտությունների ուսուցումն այդ դպրոցում նույնպես գտնվում էր բարձր մակարդակի վրա։ Երիտասարդ Պլանկի վրա խորը ազդեցություն է ունեցել մաթեմատիկայի ուսուցիչ Հերման Մյուլերը (Hermann Müller), ումից ապագա գիտնականն առաջին անգամ լսում է էներգիայի պահպանման մասին։ Մարքսի մոտ վաղ են առաջ գալիս մաթեմատիկական կարողությունները[5]։ Եվ թեև ուսուցիչները նրա մեջ չէին տեսնում ինչ-որ անսովոր ունակություններ, նրանք հատուկ նշում էին նրա անձնական որակները՝ ուժեղ կամք, ջանասիրություն և կատարողականություն[6]։ Գիմնազիայում սովորելը ամրապնդեց գիտության հանդեպ ունեցած նրա հետաքրքրությունները, պարզեց բնության օրենքները, որի մասին նա այդքան գրում էր կյանքի վերջին շրջանում։

Ծանոթագրություններ[խմբագրել]

Գրականություն[խմբագրել]

  • Кляус Е. М., Франкфурт У. И. // Макс Планк // М.: Наука — էջ 392.
  • Heilbron J. L. // The Dilemmas of an Upright Man: Max Planck as Spokesman for German Science // Berkeley: University of California Press.

Աղբյուր[խմբագրել]

  • Գ. Յա. Մյակիշև, Բ. Բ. Բուխովցև «Ֆիզիկա», 1992 թ., «Լույս» հրատարակչություն