Պոլիկարպ Կաշ

Պոլիկարպ Կաշ
(ֆիզիկոս)
Բնագիր ԱԱՀ՝	Polykarp Kusch
Ծննդյան օր՝	հունվարի 26, 1911
Ծննդավայր՝	Բլանկենբուրգ (Գերմանիա)
Վախճանի օր՝	մարտի 20, 1993
Վախճանի վայր՝	Դալլաս (ԱՄՆ)

Պոլիկարպ Կաշ (անգլերեն՝ {{{1}}} Polykarp Kusch, հունվարի 26 1911 - մարտի 20 1993) - ամերիկացի ֆիզիկոս, Ազգային ակադեմիայի անդամ (1956)։

Կյանքը

Ծնվել է 1911 թվականի հունվարի 26-ին, Բլանկենբուրգում (Գերմանիա): Ավարտել է Քեյսի Տեխնոլոգիական ինստիտուտը (1931)։ 1931-1936 թթ. աշխատել է Իլինոյսի, իսկ 1936-1937 թթ.` Մինեսոտայի, 1937-1972 թթ.` Կոլումբիայի համալսարաններում։ 1956 թվականից Ազգային ակադեմիայի անդամ, 1972-ից`Տեխասի (Դալլաս) համալսարանի պրոֆեսոր։

Գործունեությունը

Հիմնականում զբաղվել է ատոմային, մոլեկուլային և միջուկային ֆիզիկայով։ Մասնավորապես հետազոտել է ատոմային, մոլեկուլային և միջուկային հատկությունները և երևույթները մոլեկուլային փնջերի մեթոդով։ Չափել է ատոմային ջրածնի հիմնական վիճակի գերնուրբ կառուցվածքի ճեղքումը, որոշել է պրոտոնի մագնիսական մոմենտի հարաբերությունը ատոմի էլեկտրոնի ուղեծրային մագնիսական մոմենտին: 1948-ին բացառիկ ճշտությամբ չափել է էլեկտրոնի անոմալ մագնիսական մոմենտը։ 1955 թ.-ին ստացել է Նոբելյան մրցանակ։ Մահացել է 1993թվականին։