Վիկտոր Հեսս

Վիքիպեդիայից՝ ազատ հանրագիտարանից
Վիկտոր Ֆրանց Հեսս

Վիկտոր Ֆրանց Հեսս (Hess) (հունիսի 24, 1883, Վալդշտայն - դեկտեմբերի 17, 1964, Մաունթ Վեռնոն, Նյու Յորք), ավստրիացի ֆիզիկոս։ Սովորել է Դրացի և Վիեննայի համալսարաններում։ 1920 թվականից՝ Դրացի, այնուհետև՝ Ինսբրուքի համալսարանների պրոֆեսոր։ 1938 թվականներին տեղափոխվել է ԱՄՆ և դարձել Ֆորդհեմի համալսարանի (Նյու Յորք) ամբիոնի վարիչ։ Աշխատանքները վերաբերում են տիեզերական ճառագայթների ֆիզիկային, ռադիոակտիվությանը, ատոմի տեսությանը, օպտիկային։ 1912 թվականին հայտնաբերել է, որ օդի իոնացումը բարձրության հետ աճում է։ Այդ փաստի հիման վրա ենթադրել է տիեզերական ծագում ունեցող ճառագայթման (տիեզերական ճառագայթում) գոյությունը։ Արժանացել է նոբելյան մրցանակի (1936)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png